Sauniuniga o Anomea mo le Faiaoga o Suesuega e Fai i le Aiga
Aotelega o Lesona o Suesuega e Fai i le Aiga i Aso Taitasi
O le aotelega lenei o aoaoga ma mataupu faavae na aoaoina e tamaiti aoga ao latou suesueina le 2 Korinito 8–Efeso 1 (iunite 24) e le o faamoemoe e aoao atu o se vaega o lau lesona. O le lesona e te aoaoina atu e taulai atu i na o ni nai vaega o nei aoaoga faavae ma mataupu faavae. Mulimuli i uunaiga a le Agaga Paia a o e mafaufau i manaoga o au tamaiti aoga.
I le lesona lenei sa aoao ai e le vasega a tatou malamalama i mea uma sa tuuina mai e le Faaola ia i tatou, o le a tatou atili naunau e foai atu a tatou mea i isi. sa aoao foi e le vasega e finagalo le Atua ia tatou naunau e foai atu e oo lava pe a leai sa tatou mea e foai atu. E le gata i lea, sa aoao e le vasega afai tatou te foai atu ia i latou e manaomia faatasi ai ma se loto fiafia, o le a faamanuiaina i tatou ma le agalelei e le Atua, ma faailoa atu le agalelei o le Atua i le faamanuiaina o i tatou e mafai ona fesoasoani tatou te lagona ai le lotofaafetai ia te Ia.
Mai aoaoga a Paulo i le taua faaleagaga, sa aoao ai e le vasega afai tatou te pulea o tatou mafaufauga i le usiusitai ia Iesu Keriso, o le a tele ona faamanuiaina i tatou i le taua faasaga ia Satani. Mai aoaoga a Paulo e uiga i lana lava mea matuitui o le tino, sa iloa ai e le vasega e mafai ona faatagaina e le Alii i tatou e oo i vaivaiga ma tofotofoga ina ia mafai ai ona tatou aoao e lotomaualalo. O le alofatunoa o Iesu Keriso ua lava e faamalolosia ai i tatou i o tatou vaivaiga, ma e le aveesea i taimi uma e le Alii o tatou luitau, ae o le a Ia faamalolosia i tatou a o tatou onosaia ma le faamaoni.
A o suesue e le vasega ia aoaoga a Paulo i Kalatia, sa latou iloa ai ua faaalia mai e Iesu Keriso ia aoaoga faavae moni i Ana perofeta. Sa aoaoina foi e le vasega o i latou uma o e faatino le faatuatua ia Iesu Keriso ma ulu atu i le feagaiga o le talalelei e avea ma e ua tasi ia Keriso ma suli o le Atua. E oo ina latou malamalama a o tatou savavali i le Agaga, o le a tatou faatoilaloina ia tofotofoga o le tino, ma afai tatou te maelega i le faia o mea lelei, o le a tatou selesele ia faamanuiaga o a tatou faatinoga.
Mai le mataupu muamua o aoaoga a Paulo i Efeso, sa aoao ai e le vasega o fanau a le Atua sa muai faauuina e talia faamanuiaga o le talalelei. Sa latou aoaoina foi o le taimi o le tisipenisione o le atoaga o taimi, o mea uma mai tisipenisione ua mavae o le toefuatai mai ma e mafai ona tatou iloa le Tama Faalelagi e ala i le agaga o faaaliga.
Folasaga
Sa fautuaina e le Aposetolo o Paulo le Au Paia i Kalatia e toefuatai lo latou faatuatua ia Iesu Keriso ma ia talitonu o le faaolataga e mafai ona maua i le na o Ia e ala mai ai, nai lo le usitai i le tulafono a Mose.
Ua fautuaina e Paulo le Au Paia i Kalatia e toefuatai lo latou faatuatua ia Iesu Keriso
Ata
ata, taufalooga
Tusi se ata o se taufalooga i le laupapa.
O le a le taufalooga? E faapefea ona e manumalo i se tasi?
O a ni auala e faapei ai le olaga i se taufalooga?
Afai e lei taua e le vasega, tau i ai o se tasi o vaega o o tatou olaga e pei o le taufalooga o la tatou tauiviga e faasaga i tofotofoga. Valaaulia le vasega e vaavaai mo upumoni a o latou suesueina le Kalatia 5lea e mafai ona fesoasoani latou te iloa ai le ala e manumalo ai i le tauiviga e faasaga i faaosoosoga.
Faamanatu i le vasega o Kerisiano Iutaia na latou taitaiseseina le Au Paia i Kalatia e ala i le aoao atu o i latou e manaomia ona latou ola i le tulafono a Mose ma ia peritomeina ina ia mafai ai ona faaolaina. Sa faamatala e le Aposetolo o(Kalatia 5:1).
Valaaulia se tamaitiiti aoga e faitau leotele le Kalatia 5:1. Fai i le vasega e mulimuli ai, ma vaavaai mo le na fai mai Paulo e aumaia le saolotoga mai lenei amo o le pologa.
O ai e aumaia le saolotoga mai lenei amo o le pologa?
Aotele le Kalatia 5:2–15i le faamatala atu faapea sa aoai e Paulo le Au Paia i Kalatia ona ole faigofie ona o ese mai le saolotoga o le talalelei o Iesu Keriso ma le toe foi i tua i le pologa o le tulafono a Mose. Ona ia faamanino atu lea e ui ina sa faasaolotoina soo o Keriso mai le noataga i le tulafono a Mose, e le faapea sa latou maua ai le saolotoga e nopiai saoloto ai i le agasala.
Valaaulia se tamaitiiti aoga e faitau leotele le Kalatia 5:16–17. Fai i le vasega e mulimuli ai, ma vaavaai mo malosiaga tautava e lua na faamatala e Paulo.
O a malosiaga tauva e lua na faamatala e Paulo?
Fatu se siata i le laupapa i le tusia o se laina mai luga i lalo i le ogatotonu o le ata o le taufalooga. tusi le Savali i le Agaga i luga ae o le isi itu o le taufalooga, ma tusi ai le Faataunuuina le tuinanau o le tino i luga ae o le isi itu.
O le a le uiga o le “savali i le Agaga”? (Kalatia 5:16). (Ia ola agavaa mo ma mulimuli i le Agaga Paia.)
O le a le mea e faasino i ai le “tuinanau o le tino” (Kalatia 5:16)? (Faaosoosoga ia agasala.)
E mafai faapefea ona avea nei ma malosiaga tauva?
O le a le mataupu faavae e mafai ona tatou aoao mai le Kalatia 5:16e uiga i le ala e mafai ona tatou faatoilaloina ia faaosoosoga o le tino? (E ono faaaoga e le vasega ni upu eseese ae e tatau ona faailoa maia se mataupu e pei o lenei: A o tatou savavali i le Agaga, o le a tatou faatoilaloina ia faaosoosoga o le tino. Tusi lenei mataupu faavae i luga o le laupapa.)
Valaaulia se tamaitiiti aoga e faitau leotele le saunoaga lenei mai ia Elder Melvin J. Ballard o le Korama a Aposetolo e Toasefululua. Fai i le vasega e faalogologo mo le fesili na tuuina mai e Elder Ballard e mafaufau i ai.
Ata
Elder Melvin J. Ballard
“O osofaiga uma o le a faia e le fili o o tatou agaga e pue ai i tatou o le a ala mai i le tino. … O le faiga na te faia o le a auala mai lea i tuinanau, o manaoga, ma naunauga o le tino. O fesoasoani uma e oo mai ia i tatou mai le Alii e fesoasoani ai ia i tatou i lenei tauiviga o le a oo mai ia i tatou e ala i le agaga o loo mau i totonu o lenei tino faaletino. O lea o nei malosiaga maoae o loo galulue i o tatou luga e ala i nei ala e lua.
“O faapefea mai oe ma le taua? … O se fesili taua tele lena. O le taua aupito sili o le a feagai ma soo se alii ma se tamaitai (Ou te le popole lava po o le a le toatele o fili e i ai) o le taua ma le tagata lava ia” (“Struggle for the Soul,” New Era, Mar. 1984, 35).
Fai i le vasega e mafaufau pe o le fea itu o i ai i lenei taufalooga ma pe o le fea malosiaga o loo manumalo i o latou olaga.
Vaevae le vasega i ni vaega taitoalua pe taitoatolu. Tofi le afa o vaega e faitau leotele faatasi le Kalatia 5:19–21, ma vaavaai mo taunuuga o le “[faataunuuina] o tuinanau o le tino.” Valaaulia le isi afa e faitau leotele faatasi le Kalatia 5:22–23, ma vaavaai mo taunuuga o le savavali i le Agaga. A uma ona faitau, valaaulia se tagata se tasi mai vaega taitasi e lisi i le koluma talafeagai i le laupapa se tasi o tali latou te maua. Valaaulia i latou e faaauau pea ona lisi a latou tali seia atagia mai i le siata mea o lisi mai e Paulo. Atonu e te manao e aumai se lomifefiloi i le vasega ma valaaulia se tagata e autilo soo se upu e faigata ona malamalama ai.
E tusa ai ma le Kalatia 5:21, o le a le mea na aoao atu e Paulo o le a tupu i tagata o e faamatuu atu i “galuega o le tino”? (Kalatia 5:19).
E tusa ai ma le Kalatia 5:22–23, o a fua, po o taunuuga e tau mai ai o loo savali se tasi i le Agaga? (E ono faaaoga e tamaiti aoga isi upu, ae ia mautinoa latou te faailoa mai lenei mataupu faavae: O fua o le Agaga o le alofa, olioli, filemu, onosai, mataalofa, agalelei, faamaoni, agamalu, ma le le gaoia. Atonu e te manao e fautua atu i tagata o le vasega e faailoga lenei upumoni i totonu o a latou tusitusiga paia.)
Faasino i le itu o le siata lea e lisi ai fua o le Agaga.
Aisea e aoga ai le maua o nei faamanuiaga?
I lalo o le siata tusi ai se au tele agai i le itu o loo lisi ai tuinanau o le tino. Fai i le vasega e mafaufau faapea i lenei taufalooga faafaatusa tatou te faatagaina ai i tatou lava e agai atu i tuinananu o le tino.
O le a le mea e tupu i fua o le Agaga pe a tatou faamatuu atu i tuinanau o le tino? (Ua amata ona leiloloa fua o le Agaga.)
Tape le au ma tusi se isi au e faasino agai i fua o le Agaga. Fai i le vasega e mafaufau faapea ua tatou faatagaina nei i tatou lava e agai atu i le itu lea.
O le a le mea e tupu i galuega a le tino pe a tatou savavali i le Agaga? (Ua le toe avea o se vaega o o tatou olaga.)
Valaaulia le vasega e tusi i a latou api o le vasega po o api talaaga mo le suesueina o tusitusiga paia e uiga i se taimi ina ua latou lagonaina pe maua se tasi o nei fua o le Agaga. Fai i ai e faaaofia ai mea o loo latou faia e savavali ai i le Agaga i le taimi lea. A uma, valaaulia nisi o tamaiti aoga e faasoa mai mea na latou tusia.
Valaaulia se tamaitiiti aoga e faitau leotele leKalatia 5:24–25. Fai i le vasega e mulimuli ai, ma vaavaai poo a mea e taumafai soo o Iesu e fai i tuinanauga o le tino.
O a mea e taumafai ia soo o Keriso e fai i tuinanauga o le tino? (Ia faasatauro, pe aveesea mai o latou olaga.)
Valaaulia le vasega e mafaufau pe o le a le mea o le a latou faia ina ia savavali atoatoa ai i le Agaga. Fautuaina i latou e mulimuli i uunaiga latou te maua ina ia latou olioli ai i fua o le Agaga.
Valaaulia le vasega e mafaufau i suiga o tulaga faatauaina, tulafono, ma manatu i le lalolagi. E mafai faapefea ona tatou iloa le mea e sao ma sese i se lalolagi o loo suia ai e le aunoa ia manatu? Sa fautuaina e le Aposetolo o Paulo le Au Paia ma fesoasoani ia i latou ia malamalama i mea sa saunia e le Alii ia mautinoa ai tatou te le see i filosofia pepelo o le lalolagi. Ia faamatala foi a o latou suesue pea i tusiga a Paulo i le vaiaso a sau, o le a latou maua ai tali i fesili nei: E tatau faapefea ona tausia e fanau o latou matua? O le a le tala a Paulo o le “tinei o u fanafana mu uma lava o loo leaga” (Efeso 6:16)?