Aoaoina Atu o Evagelia i se Tuufaatasiga

Matou te fautuaina atu e te faaaogaina le tusi lesona lenei e pei ona tusia ai ma aoao atu ia Evagelia e fa i le faasologa. Ae peitai, e mafai ona e filifili e aoao atu Evagelia o le Feagaiga Fou o se “faiga tuufaatasi,” o lona uiga o le aoaoina atu o mea na tutupu o le soifuaga o le Faaola i le faasologa o taimi [na tupu ai], e tuufaatasi ai faamatalaga mai Evagelia taitasi. Mo nisi faamatalaga ma punaoa i le aoaoina atu o le Evagelia i se faiga tuufaatasi, tagai i le pito i tua o lomiga faafuainumera o le tusi lesona lenei i le LDS.org ma i le Gospel Library mo masini feaveai.

Matou te fautuaina atu e te faaaogaina le tusi lesona lenei e pei ona tusia ai ma aoao atu ia Evagelia e fa i le faasologa. Ae peitai, e mafai ona e filifili e aoao atu Evagelia o le Feagaiga Fou o se “faiga tuufaatasi,” o lona uiga o le aoaoina atu o mea na tutupu o le soifuaga o le Faaola i le faasologa o taimi [na tupu ai], e tuufaatasi ai faamatalaga mai Evagelia taitasi. E mafai ona faia lenei mea i ni nai auala. Mo se faataitaiga, e mafai ona e aoaoina atu muamua ia Evagelia i le faasologa, ae filifili e aoao nisi o vaega—e pei o mea na tutupu a o lata i le soifua mai o le Faaola po o le Togiola—i se faiga tuufaatasi. A le o lena, e mafai ona e aoaoina atu anomea o Evagelia i se faiga tuufaatasi.

Afai e te lei aoaoina muamua ia Evagelia i se faasologa, atonu e te tau musu e faataitai le faiga lenei. Ua saunia lenei tusi lesona ia fesoasoani ia te oe ia lelei ai le aoaoina atu o Evagelia taitasi. Afai e te filifili e aoao atu ia Evagelia e faaaoga ai se faiga tuufaatasi, e tatau ona e faia lenei faaiuga i le feutagai ai ma lou taitai faamaopoopo po o le pule o le seminare, a ia manatua manaoga o tamaiti aoga ma faaaoga ai le taitaiga a le Agaga.

O le aoaoina atu o Evagelia i se faiga tuufaatasi, e mafai ona e faia maeaea ai aoaoga ma mea na tutupu mai le soifuaga o le Faaola, ma tuuitiitia ai le aoao atu faafia lea e lagonaina i nisi o taimi pe a aoao atu ia Evagelia i le faasologa. Ae peitai, e taua le iloa, o lesona o loo i lenei tusi lesona, na mamanuina e tuuitiiti ai le aoao atu faafia i le metotia o le aoao atu i le faasologa, e ala i le taulai atu i anomea e tulaga ese i Evagelia taitasi ma e ala i le aoteleina o anomea sa aoaoina atu muamua.

A o le’i filifili e aoao atu le mataupu lenei e faaaoga ai le faiga tuufaatasi, e taua le mafaufau i mea nei:

• O le aoaoina atu o Evagelia i se faiga tuufaatasi e mafai ona faigata ai ona malamalama i le faasologa ma anomea o fuaitau o mau e pei ona tusia ai i totonu o Evagelia e fa. O le a manaomia ona e fesoasoani ia malamalama tagata aoga i le tusiga ma anomea o anamua i fuaitau taitasi a o see atu mai le isi tala i le isi.

• O le aoaoina atu o Evagelia i se faiga tuufaatasi e mafuli ina le manino ai faamoemoega, autu, ma taulaiga manino o tusitala taitasi o Evagelia. E tatau ona e mafaufau totoa i nei autu ina ia mafai ona e fesoasoani i au tamaiti aoga ia iloa ma talisapaia i latou. O folasaga i tusi o Mataio, Mareko, Luka ma Ioane ua tuuina atu i le tusi lesona lenei, e mafai ona fesoasoani e te iloa ai nei autu.

• E pei ona lata mai nei ona tusiaina, o manatu mo le aoaoina atu o loo i lenei tusi lesona, ua mamanuina ia sosolo malie mai lea vaega e tasi o le lesona i le isi vaega e sosoo ai, ma ua tuuina atu foi ia faamatalaga e sosoo ai e faafaigofie ai le see atu mai le tasi manatu e aoao atu i le isi manatu e sosoo ai. A toefaatulaga nei manatu mo le aoaoina atu i se faiga tuufaatasi e faaaoga ai le siata ua avatu faatasi ai, o le a manaomia ona faaaofia ai au lava suiga i le va o manatu ua fautuaina atu.

Afai e te filifili e faaaoga se faiga tuufaatasi, e mafai ona e maua fesoasoaniga taua i siata “Harmony of the Gospels” o loo maua i le pito i tua o le Tusi Paia ma luga o le LDS.org. Ma le isi, o le siata o loo avatu ai o loo tuuina atu ai se faasologa fautuaina o manatu o loo maua i lenei tusi lesona e lagolago ai se faiga tuufaatasi. Sei vagana ai ni nai fetuunaiga laiti e faafaigofie ai le aoaoina atu, o lenei siata e o faatasi lava ma siata o le “Harmony of the Gospels” i le lomiga o le 2013 o tusitusiga paia a le AAG. O le koluma i le itu tauagavale o le siata ua tuuina atu ai se taiala o le saoasaoa o loo vaevae ai semesa i ni vaiaso e 16. O vaiaso taitasi (sei vagana ai le vaiaso 1) o loo lisiina ai mea na tutupu ma aoaoga mai le soifuaga ma galuega a le Faaola i vaega e faasolosolo, lea e mafai ona aoaoina i aso se lima. O lenei taiala o le saoasaoa ua tuuina atu mo lesona e 80 e uiga i Evagelia e fa, o le aofaiga lava foi lea e tasi ua tuuina atu i le faasologa o le metotia e aoao ai tusitusiga paia o loo i lenei tusi lesona.

E tusa lava pe e te aoaoina atu ia Evagelia i se faasologa pe o se faiga tuufaatasi, matou te fautuaina ina ia e amatalia le kosi e ala i le aoaoina atu o lesona amata muamua e lima o loo maua i le vaiaso 1 o le tusi lesona lenei: “Folasaga i le Feagaiga Fou”; “O Le Ata o le Faaolataga”; “O Le Mataifoi a le Tagata Aoao”; “Suesueina o Tusitusiga Paia”; Matalalaga ma le Vaaiga Aoao o le Feagaiga Fou.”

Taiala o le Saoasaoa		O Mea Na Tutupu ma Aoaoga	Punaoa a le Faiaoga
Vaiaso 1	Aso 1–5		Lesona 1–5
Vaiaso 2	Aso 1	Soifuaga o Iesu Keriso i le muai olaga	Lesona 60: Ioane 1:1–18
		Gafa o Iesu Keriso i le olaga faitino	Lesona 6: Mataio 1:1–17
	Aso 2	O le folafolaga a le agelu o Kaperielu ia Sakaria; folafolaga ia Maria; asiasiga a Maria ia Elisapeta; o le fanau mai o Ioane le Papatiso	Lesona 43: Luka 1
	Aso 3	Folafolaga ia Iosefa	Lesona 6: Mataio 1:18–25
		Fanau mai o Iesu Keriso; folafolaga i le au leoleo mamoe; tuuina atu o Iesu i le malumalu	Lesona 44: Luka 2:1–39
		Asiasiga a le Au Makoi; soloaga i Aikupito	Lesona 6: Mataio 2
		Asiasi atu i le malumalu (12 tausaga o le matua)	Lesona 44: Luka 2:40–52
	Aso 4	Galuega ma le molimau a Ioane le Papatiso	Lesona 7: Mataio 3:1–12; Lesona 45: Luka 3:1–22; Lesona 60: Ioane 1:1–18
	Aso 5	O le Papatisoga o Iesu	Lesona 7: Mataio 3:13–17; Lesona 60: Ioane 1:19–34
Vaiaso 3	Aso 1	O le Faaosoosoina o Iesu	Lesona 8: Mataio 4:1–11
	Aso 2	Ua mulimuli soo o Ioane le Papatiso ia Iesu	Lesona 60: Ioane 1:35–51
		O le Faaipoipoga i Kana; o le faamamaina muamua o le malumalu	Lesona 61: Ioane 2
	Aso 3	O le Asiasiga a Nikotemo; o le molimau a Ioane le Papatiso	Lesona 62: Ioane 3
	Aso 4	O Le Fafine i le Vaieli	Lesona 63: Ioane 4:1–42
	Aso 5	Ua toe foi Iesu i Kalilaia	Lesona 8: Mataio 4:12–17
		Ua faamalolo e Iesu le atalii o se tamalii	Lesona 63: Ioane 4:43–54
		Ua teenaina le Faaola i Nasareta	Lesona 45: Luka 4:14–30
Vaiaso 4	Aso 1	Ua valaauina le au faifaiva	Lesona 46: Luka 5:1–11; Lesona 8: Mataio 4:18–22
	Aso 2	Ua aoao atu Iesu i Kapanaumi ma tuli i fafo se agaga leaga	Lesona 34: Mareko 1:21–39
		Ua talai atu e Iesu le talalelei i Kalilaia	Lesona 8: Mataio 4:23–25
		Ua faamalolo e Iesu se lepela ma se tagata mai supa	Lesona 34: Mareko 1:40–45; Lesona 35: Mareko 2:1–12; Lesona 46: Luka 5:12–26
	Aso 3	Taumafataga faatasi ma telona ma tagata agasala	Lesona 35: Mareko 2:13–22
		Ua fesili atu soo o Ioane e uiga i le anapogi: Tuai ma le fou	Lesona 46: Luka 5:27–39
	Aso 4	Ua auai atu Iesu i se tausamaaga; faamalologa i le Sapati; aoaoga: Molimau o le Tama	Lesona 64: Ioane 5
	Aso 5	Finauga i le Sapati	Lesona 35: Mareko 2:23–3:6
		Ua valaauina ma faauuina le Toasefululua	Lesona 13: Mataio 9:35–10:8
Vaiaso 5	Aso 1	O Le Lauga i luga o le Mauga	Lesona 9: Mataio 5:1–16
	Aso 2	O Le Lauga i luga o le Mauga	Lesona 10: Mataio 5:17–48; Lesona 47: Luka 6
	Aso 3	O Le Lauga i luga o le Mauga	Lesona 11: Mataio 6; Lesona 51: Luka 12
	Aso 4	O Le Lauga i luga o le Mauga	Lesona 12: Mataio 7
	Aso 5	Ua faamalolo e Iesu le auauna a le taitai o le toaselau; toe faatuina mai le tama a le fafine Naina ua oti lana tane	Lesona 47: Luka 7:1–18
		Ua auina atu e Ioane le Papatiso ia soo ia Iesu	Lesona 14: Mataio 11; Lesona 48: Luka 7:18–35
Vaiaso 6	Aso 1	Ua uu e le fafine ia Iesu	Lesona 48: Luka 7:36–50
		Ua upuvale Pelesepulo; talanoaga e uiga i faailoga; faataoto: O le fale gaogao; o le tina ma uso o Iesu	Lesona 14: Mataio 12:1–50
	Aso 2	O le faataoto i le lulu saito	Lesona 15: Mataio 13:1–23
	Aso 3	O faataoto faaopoopo e uiga i le lumanai o le malo	Lesona 16: Mataio 13:24–58
	Aso 4	Ua faafilemu e Iesu se matagi; tuli i fafo se lekeono o agaga leaga; faamalolo le fafine na i ai le faafitauli o le punatoto; faatu mai le oti le afafine o Iairo	Lesona 36: Mareko 4–5
	Aso 5	Manaomia ni au faigaluega se toatele; tiute o le Toasefululua	Lesona 13: Mataio 9:35–10:42
		O le maliu o Ioane le Papatiso	Lesona 37: Mareko 6:1–29
Vaiaso 7	Aso 1	Ua fafaga e Iesu le toa lima afe	Lesona 37: Mareko 6:30–44; Lesona 17: Mataio 14:1–21
	Aso 2	Ua savali Iesu i luga o le vai	Lesona 17: Mataio 14:22–36
		Faamalologa	Lesona 37: Mareko 6:45–56
	Aso 3	Aoaoga: O Le Areto o le Ola	Lesona 65: Ioane 6:22–59
	Aso 4	Talanoaga e uiga i le mama; ua faamalolo e Iesu le tama teine a se fafine Kanana ma isi	Lesona 18: Mataio 15
	Aso 5	Ua faamalolo e Iesu se alii logonoa i Tekapoli; fafaga [tagata] e fa afe; ua faamaloloina faavaega se tagata tausao	Lesona 38: Mareko 7:1–8:26
Vaiaso 8	Aso 1	Ua fai atu le au Faresaio ma le au Satukaio mo se faailoga; o le molimau a Peteru; ua folafolaina atu ki o faamauga o le malo; tauave se satauro	Lesona 19: Mataio 16:1–28
	Aso 2	Liuaina: ua tuuina mai ki o faamauga; o se fasi tupe faamealofa mai se i’a	Lesona 20: Mataio 17
	Aso 3	Ua faamalolo e Iesu le tama na ulutinoina e agaga leaga	Lesona 39: Mareko 9:14–29
	Aso 4	O ai e sili i le malo; o solitulafono	Lesona 40: Mareko 9:30–50
	Aso 5	Faamagalo atu; faataoto: O le auauna le alofa	Lesona 21: Mataio 18:1–35
Vaiaso 9	Aso 1	E manaomia le ositaulaga e mulimuli ai ia Iesu; ua auina mai Iesu e faaola, ae le o le faasala	Lesona 49: Luka 8–9
	Aso 2	Ua tofia le toa fitugafulu ma auina atu; ua auai atu Iesu i le Tausamiga o Faleapitaga	Lesona 50: Luka 10:1–24; Lesona 66: Ioane 7
	Aso 3	O le fafine mulilua; o le Malamalama o le Lalolagi	Lesona 67: Ioane 8:1–30
	Aso 4	Ua aoao atu Iesu e uiga i le saoloto mai agasala ma molimau atu e uiga i Lona tulaga paia	Lesona 68: Ioane 8:31–59
	Aso 5	Ua faamalolo e Iesu se tagata tauaso i le Sapati	Lesona 69: Ioane 9
Vaiaso 10	Aso 1	Faataoto: O Le Leoleo Mamoe Lelei; o le folafolaga a Iesu e uiga i le malologa	Lesona 70: Ioane 10; Lesona 14: Mataio 11
	Aso 2	Faataoto: O le Samaria Agalelei	Lesona 50: Luka 10:25–37
	Aso 3	Maria ma Mareta; tatalo; ia faaeteete i le au Faresaio; faataoto: O le vale mauoa	Lesona 51: Luka 10:38–12:59
	Aso 4	Faamalologa i le Sapati; faataoto: O le talisuaga tele	Lesona 52: Luka 13–14
	Aso 5	O Faataoto: Mamoe na leiloa, Tupe na leiloa, Atalii faamaumauoa	Lesona 53: Luka 15
Vaiaso 11	Aso 1	O Faataoto: O le auauna amioletonu; Lasalo ma le taulealea mauoa	Lesona 54: Luka 16
	Aso 2	Talanoaga e uiga i solitulafono ma le faatuatua; ua faamalolo e Iesu lepela e toasefulu	Lesona 55: Luka 17
	Aso 3	Ua faatu e Iesu ia Lasalo mai le oti	Lesona 71: Ioane 11:1–46
	Aso 4	Ua fesili atu le au faresaio e uiga i le aleia	Lesona 22: Mataio 19:1–12
	Aso 5	Tuu mai tamaiti; o le taulealea mauoa	Lesona 41: Mareko 10:1–34
Vaiaso 12	Aso 1	Taui mo le lafoaia o mea uma; faataoto: O le au galulue i le tovine	Lesona 22: Mataio 19:13–30; 20:1–16
		O le silisili o le auauna atu	Lesaon 41: Mareko 10:35–52
	Aso 2	O Faataoto: O le faamasino amioletonu, O le Faresaio ma le telona; Ua faamalolo e Iesu ia Patimaio; ua asiasi atu ia Sakaio	Lesona 56: Luka 18–21
	Aso 3	Ua uu e Maria ia Iesu	Lesona 42: Mareko 14:1–9; Lesona 72: Ioane 12:1–19
		Ulufale manumalo; o le faamamaaga lona lua o le malumalu	Lesona 23: Mataio 21:1–16
	Aso 4	Ua fetuuina le laau o le mati; o faataoto: O atalii e toalua, o le au galulue tovine amioleaga, Faaipoipoga a le atalii o se tupu	Lesona 24: Mataio 21:17–22:14
	Aso 5	Fesili e uiga i meaalofa; faaipoipoga ma le Toetu; o le poloaiga sili	Lesona 25: Mataio 22:15–40
Vaiaso 13	Aso 1	Faailoaga faalauaitele o le faaoleole	Lesona 26: Mataio 23:1–36
		O tupe iti a le fafine ua oti lana tane	Lesona 42: Mareko 11–13
		Ua tagiaue Iesu ia Ierusalema	Lesona 26: Mataio 23:37–39
	Aso 2	O le taupulepulega e faasaga ia Lasalo; talanoaga: Na auina mai Iesu e le Tama, o se malamalama ia i latou o e talitonu	Lesona 72: Ioane 12
	Aso 3	Faatafunaga o Ierusalema; o faailoga o le Afio Mai Faalua	Lesona 27: Iosefa Samita—Mataio; Mataio 24
	Aso 4	Faataoto: O taupou e toasefulu	Leson 28: Mataio 25:1–13
	Aso 5	O Faataoto: O Taleni, Mamoe ma oti	Lesona 29: Mataio 25:14–46
Vaiaso 14	Aso 1	O le taupulepule a Iuta e faalata Iesu; ua amata le Tausamaaga Mulimuli	Lesona 30: Mataio 26:1–16
		Ua mulumuliu e Iesu vae o le au soo	Lesona 73: Ioane 13:1–17
		“Le Alii e, O Au Ea?”	Lesona 30: Mataio 26:17–25
	Aso 2	O se poloaiga fou	Lesona 73: Ioane 13:31–38
		Ua faia le faamanatuga	Lesona 30: Mataio 26:26–30
	Aso 3	Talanoaga i le Fesoasoani	Lesona 74: Ioane 14
	Aso 4	Ua muai ta’u atu le faafiti a Peteru	Lesona 57: Luka 22:1–38
		O Le Vine Moni; alofa atu i le tasi ma le isi; ua molimau mai le Agaga o le upu moni	Lesona 75: Ioane 15
	Aso 5	Lapataiga i Aposetolo; o le Fesoasoani; faafeagai: Olioli ma le faanoanoa	Lesona 76: Ioane 16
Vaiaso 15	Aso 1	o le tatalo faatoga a Iesu	Lesona 77: Ioane 17
	Aso 2	O mafatiaga ma tatalo a Iesu i Ketesemane	Lesona 31: Mataio 26:31–46; Lesona 42: Mareko 14:10–16:20; Lesona 57: Luka 22:39–53
	Aso 3	Ua pu’eina Iesu; o le faafiti a Peteru; o le faamasinoga o Iesu i luma o Kaiafa	Lesona 31: Mataio 26:47–75; Lesona 57: Luka 22:39–71
	Aso 4	O le faamasinoga i luma o Pilato ma Herota; ua tatalaina Parapa	Lesona 58: Luka 23:1–25; Lesona 78: Ioane 18:1–19:16
		O le faamasinoga lona lua i luma o Pilato	Lesona 78: Ioane 18:33–19:16
		Ua sauaina ma tauemuina Iesu	Lesona 32: Mataio 27:1–50
	Aso 5	O Le Faasatauroga	Lesona 32: Mataio 27:26–50; Lesona 58: Luka 23:26–56; Lesona 78: Ioane 19:17–42
Vaiaso 16	Aso 1	O le Maliu o Iesu; o le tanuga o Iesu; ua faamau e ositaulaga sili ma le au Faresaio le tuugamau	Lesona 33: Mataio 27:51–66
	Aso 2	O Le toetu	Lesona 33: Mataio 28:1–20; Lesona 79: Ioane 20
	Aso 3	Ua faaali atu Iesu i soo e toalua i le ala i Emau	Lesona 59: Luka 24:13–32
	Aso 4	I le Afiafi: Ua faaali atu Iesu i le au soo, Toma	Lesona 79: Ioane 20:11–31
	Aso 5	Peteru: “Ou te alu ou te fagota,” Iesu: “Fafaga i au mamoe”	Lesona 80: Ioane 21; Lesona 33: Mataio 28:1–20
		O le avea’e sili i le Toasefululua; o le Afio A’e	Lesona 59: Luka 24