Lesona 51: Luka 10:38–Luka 12:59

Lesona 51

Luka 10:38–Luka 12:59

Folasaga

Na aoao e le Faaola ia Maria ma Mareta i le fale o Mareta. Mulimuli ane, sa Ia aoao atu le tele o upumoni i Ona soo e uiga i le tatalo ma lapataia i latou mai le pepelo ma le matapeapea.

Fautuaga mo le Aoaoina Atu

Luka 10:38–42

Ua aoao atu e Iesu ia Maria ma Mareta

Fai i le vasega e mafaufau i filifiliga na latou faia ananafi. Valaaulia i latou e faaaoga se minute se tasi e lisi ai le tele o na filifiliga latou e mafaia i a latou api po o api talaaga o le suesueina o le talalelei. Fai i ni nai tagata e lipoti mai ni nai filifiliga lelei i le vasega.

O a ni nai tulaga atonu tatou te filifili ai i le va o filifiliga e lua?

A o suesue e le vasega le Luka 10:38–42, valaaulia i latou e vaavaai mo se mataupu faavae na aoao mai e le Faaola e mafai ona taialaina ai i tatou i a tatou faaiuga—aemaise pe a silia ma le tasi ni filifiliga lelei e mafai ona tatou faia.

Faamatala ina ua uma ona aoao mai le faataoto o le Samaria agalelei, sa malaga atu le Faaola i Petania ma asiasi atu i le aiga o se tamaitai e igoa ia Mareta.

Valaaulia se tamaitiiti e faitau leotele le Luka 10:38–40. Fai i le vasega e mulimuli ai, ma vaavaai po o a mea na tofu filifili e Mareta ma lona uso, o Maria e fai a o i ai le Faaola i le fale.

O le a le mea na faia e Maria a o i ai le Faaola i le fale?
O le a le mea na faia e Mareta? (Ta’u i ai o le upu tiga i le fuaiupu 40 e faasino i le tigaina.)

Faaali le ata Maria ma Mareta (Tusi Ata o le Talalelei [2009], nu. 45; tagai foi LDS.org) Faamatala o le talimalo sa taua tele i ona po o Iesu. Sa taumafai Mareta e faia mea e masani ona faamoemoeina mai ia te ia o se talimalo. Sa taulai atu o ia i popolega faaletino e pei o le tapenaina ma le laulauina o le taumafataga.

E tusa ai ma lefuaiupu 40, o le a le mea na ole atu ai Mareta i le Faaola e ta’u mai ai sa popole o ia i mea faaletino?

Valaaulia se tamaitiiti e faitau leotele le Luka 10:41–42. Fai atu i le vasega e mulimuli i le faitauga, ma vaavaai mo le tali a le Faaola ia Mareta.

Mata o le a le uiga o le tala a le Faaola ina ua Ia fetalai, “O le mea lava e tasi e ao ina ia maua: ua filifilia foi e Maria lea mea lelei”?

Valaaulia se tamaitiiti e faitau leotele le saunoaga lenei a Elder Dallin H. Oaks o le Korama a Aposetolo e Toasefululua.

“Sa tauleleia e Mareta le ’pupu i mea e tele’ (v. 41), ae o le aoaoina o le talalelei mai le Matai Faiaoga sa sili ona ‘manaomia’” (“Lelei, Lelei Tele, Lelei silisili,” Ensign or Liahona, Nov. 2007, 104).

O le a le uiga o le Faaola ina ua Ia fetalai “o le mea lelei” na filifilia e Maria “e le aveeseina ia te ia”(Luka 10:42)? (O le filifili e faalogologo i le Faaola nai lo le taulai atu i popolega faaletino, o le a maua ai e Maria faamanuiaga faaleagaga ia e faavavau.)
O le a se mataupu faavae ua tatou aoao mai upu a le Faaola ia Mareta? (E ono faaupu eseese mai e le vasega, ae e tatau ona latou faailoa maia le mataupu faavae lenei: Afai tatou te filifili e tuuto atu i tatou lava i mataupu faaleagaga i lo popolega faaletino, o le a tatou maua ia faamanuiaga e tumau.
E mafai faapefea ona tatou tuuto atu i tatou lava i mataupu faaleagaga a o taulimaina lelei foi isi mea e “aoga” (Luka 10:42) ae e le taua tele?

Valaaulia se tamaitiiti e faitau leotele le saunoaga lea a Elder Oaks:

“A o tatou mafaufau i filifiliga eseese, e ao ina tatou manatua e le lava le faapea e lelei se mea. O nisi mea e lelei tele, ae o isi e silisili ona lelei.” …

“Mafaufau pe faapefea ona tatou faaaoga o tatou taimi i filifiliga tatou te faia i le matamata i le televise, taaalo i taaloga faavitio, autilo i le Initoneti, po o le faitauina o tusi po o mekasini. E moni e lelei le matamata i faafiafiaga e lelei po o le mauaina o faamatalaga e fiafia i ai. Ae le o mea uma o lena ituaiga e aoga i le vaega o lo tatou olaga tatou te faaaluina ina ia maua ai. O nisi mea e lelei tele, ae o isi e silisili ona lelei” (“Good, Better, Best,” 104–5).

Fai i le vasega e toe iloilo le lisi po o filifiliga sa latou faia ananafi ma faaigoa ia filifiliga lelei taitasi e “lelei,” “lelei tele” po o le “silisili ona lelei.” Valaaulia se toatasi po o se tagata se toalua e molimau mai pe na faamanuiaina faapefea i le faamuamua o mea faaleagaga ni la popolega faaletino.

Luka 11

Ua aoao e Iesu Ona soo e uiga i le tatalo

Valaaulia le vasega e manatu faapea o i latou o ni faifeautalai faamisiona o loo aoaoina se tagata sailiili o le sa taumafai e tatalo mo le tele o taimi ma ua manatu e le o tali mai le Atua. Ua mafaufau le tagata sailiili o le a le toe tatalo.

E fua i ou lava aafiaga, e faapefea ona e tali atu i lenei atugaluga?

A o suesue e le vasega leLuka 11, valaaulia i latou e vaavaai mo upumoni ia e mafai ona fesoasoani i se tasi ua manatu e le o tali mai le Atua i ana tatalo.

Otooto le Luka 11:1–4i le faamatala atu ina ua uma ona faalogologo o tatalo le Faaola, sa fesili se tasi o Ona soo pe mafai ona Ia aoao atu i latou e tatalo, ma sa faia e le Faaola.

Faamatala ina ua uma ona aoao atu e le Faaola Ona soo i le ala e tatalo ai, sa ia faaaogaina talafaatusa pe aoao atu ni upumoni faaopoopo e uiga i le tatalo e aofia ai le naunautai o le Atua e tali mai i tatalo.

Valaaulia le vasega e suesue leLuka 11:5–13i paga, ma vaavaai po o a mea na aoao mai e le Alii e uiga i le tatalo. Ta’u i ai faapoopoga o le Faaliliuga a Iosefa Samita i fuaiupu 5 ma le 13. O loo maua nei faaopoopoga i le Faaliliuga a Iosefa Samita Luka 11:5–6 (i le Luka 11:5, vaefaamatalaga a) ma le Faaliliuga Iosefa Samita, Luka 11:14 (i le Luka 11:13, vaefaamatalaga a). A uma ua lava se taimi, fesili i le vasega:

I le faataoto na outou faitauina i fuaiupu 5–8, o le a le mea na fesili ai se tasi o uo i le isi? Aisea?
E te manatu aisea na faamamaluina ai e le uo lona lua le talosaga a le muamua? (Atonu e te manao e faamatala atu o le upufaatauanau i le fuaiupu 8e faasino i le faasoesa atu pea o le tagata e fesili tusa lava pe na le taliaina muamua e lana uo lana talosaga.)
Afai o le tagata e manaomia le fesoasoani e faatusa ia i tatou, a o lana uo o i ai le falaoa e faatusa i lo tatou Tama i le Lagi, o le a le mea na fautuaina e le Faaola e tatau ona tatou faia i taimi e manaomia ai?

Tusi le faamatalaga lenei e lei maea i luga o le laupapa: Afai tatou te tatalo atu pea lava ma le faatauanau ma saili ia faamanuiaga a le Tama Faalelagi i taimi e manaomia ai …

E tusa ai ma lefuaiupu 13, o le a le mea e tuu atu e le Tama Faalelagi ia i latou o e tatalo faatauanau ma saili pea i Ana faamanuiaga?
E faavae i aoaoga a le Faaola i le Luka11:5–13, e faapefea ona e faamaeaina le faamatalaga o i le laupapa? (A uma ona tali mai le vasega, faauma le faamatalaga o i le laupapa ina ia aumaia ai le upumoni lenei: Afai tatou te tatalo faatauanau pea ma saili atu i faamanuiaga a le Tama Faalelagi i taimi e manaomia ai, ona tali mai lea o Ia i a tatou tatalo i auala e sili ona manuia ai i tatou.

Fuafua e valaaulia le vasega e faasoa mai faataitaiga o taimi na latou maua ai tali i a latou tatalo a o latou saili faatauanau atu pea mo faamanuiaga a le Tama Faalelagi.

Otooto leLuka 11:14–54i le faamatala atu na tuliese e Iesu se temoni mai se tagata, fautuaina tagata e faalogo i le afioga a le Atua, ma aoaia le au Faresaio ma le au tusiupu i lo latou valelea faaleagaga ma le amioleaga.

Luka 12

Ua lapatai mai le Faaola i le pepelo ma le matapeapea

Faitau fesili nei i le vasega, ma valaaulia tagata e mafaufau filemu i a latou tali:

Pe i ai se taimi na e matuai manao ai i se mea sa e mafaufau pea i ai i taimi uma?
O a ni aafiaga leaga e mafai e lenei ituaiga o mafaufauga ona oo mai ia i tatou?

Otooto leLuka 12:1–13i le faamatala atu a o tu le Faaola i luma o le motu o tagata, sa Ia aoao atu Ona soo ia aloese mai le pepelo. Sa Ia faamanatu atu foi ia i latou o mea uma o ufiufitia, o le a i ai se aso e faaalia ai ma e silafia e le Atua ma silasila ifo i Ana fanau. Ona fesili lea o se tagata i le Faaola pe mafai ona talanoa i lona uso e vaelua atu lona tofi ia te ia.

Valaaulia se tamaitiiti e faitau leotele le Luka 12:14–15. Fai atu i le vasega e mulimuli i le faitauga, ma vaavaai mo le tali a le Alii i le talosaga a le tagata.

O le a le lapataiga na tuu atu e le Faaola i tagata sa faatasi ma ia?

Faamatala atu o lematapeapeao lona uiga o le soona manao faaloloto i se mea. Tusi le upumoni lea i le laupapa: Ua poloaiina i tatou e le Alii ia aua nei matapeapea i mea o le lalolagi.

E tatau i se a i se tagata ona taumamao mai le matapeapea? E mafai faapefea e lenei upumoni ona fesoasoani tatou te ola fiafia ai?

Faamatala ina ua uma ona ta’u atu e le Faaola i Ona soo e aloese mai le matapeapea, sa Ia tuu atu se faataoto e faapupula ai le taua o lenei poloaiga. Valaaulia le vasega e faitau lemu le Luka 12:16–19, ma vaavaai mo le tele o taimi na faaaoga ai e le tagata i le faataoto ia upu Ou te ma lea’u. Fai atu i tagata e lipoti mai mea ua latou mauaina.

O le a se mea o aoao mai ia i tatou i le faaaogaina soo e le tagata o le Ou te ma le a’u e uiga i ona popolega?
O a ni auala e ono tofotofoina ai i tatou pei o lenei tagata?

Valaaulia se tamaitiiti e faitau leotele le Luka 12:20–21. Fai i le vasega e mulimuli ai, ma vaavaai po o le a le mea na fetalai ai le Atua e uiga i le faaloloto ma le matapeapea o lenei tagata. Fai atu i tagata e lipoti mai mea ua latou mauaina.

Tusi i le laupapa le saunoaga a Elder M. Russell Ballard o le Korama a Aposetolo e Toasefululua: (O loo maua lenei saunoaga i le “O Le Mea e Sili Ona Taua E Sili Atu Foi Ona Umi,” Ensign po o le Liahona, Nov. 2005, 44):

“O le mea e sili ona taua e sili atu foi ona umi” (Elder M. Russell Ballard).

Na faapefea ona pau atu le tagata o le faataoto i le taulai atu i “mea e sili ona taua”?
Aisea e ono manatu ai e faavalevalea faatinoga a lenei tagata?

Otooto le Luka 12:22–30i le faamatala atu sa faamamafa e le Alii faapea e lei manaomia e Ona soo ona soona popole i manaoga faaletino.

Valaaulia se tamaitiiti e faitau leotele le Luka 12:31–34. Valaaulia o ia e faitauina foi le Faaliluga a Iosefa Samita, Luka 12:34 (i le Luka 12:31, vaefaamatalaga a). Fai i le vasega e mulimuli ai, ma vaavaai pe o a mea na fautuaina ai e le Faaola Ona soo e saili nai lo le taulai atu i o latou lava manaoga manatu faapito.

O le a le mea na fautuaina e Iesu Ona soo e saili?
O le a le mea na folafola atu ia i latou pe afai latou te saili e aumaia le malo o le Atua?
E faapefea ona e aoteleina ia aoaoga a le Faaola i le Luka 12:31–34o se mataupu faavae? E ono faaaoga e le vasega a latou lava upu, ae e tatau ona latou faailoa maia le mataupu faavae lenei: Afai tatou te saili e aumaia le malo o le Atua ma Lana amiotonu, o le a fesoasoani o Ia e saunia mea tatou te manaomia ma saunia se nofoaga mo i tatou i Lona malo.
O a ni auala e mafai ona tatou saili e aumaia le malo o le Atua? (A o tali mai le vasega, atonu e te manao e faasino i le mataupu faavae sa latou faailoa mai i le amataga e uiga i le tuuto atu o i tatou lava i mea faaleagaga nai lo poplega faaletino.

Molimau atu pe na faapefea ona faamanuiaina oe a o e saili e faamuamua mea faaleagaga nai lo popolega faaletino ma aumaia le malo o le Atua. Fautuaina le vasega e mafaufau pe o latou taulai atu atili i mea faaleagaga po o popolega faaletino. Valaaulia i latou e tusi i a latou api po o api talaaga mo le suesueina o tusitusiga paia mea o le a latou faia e faamuamua ai mea faaleagaga nai lo popolega faaletino ma aumaia le malo o le Atua.

Otooto le Luka 12:35–59i le faamatala atu na aoao atu e le Faaola Ona soo e sauniuni mo Lona Afio Mai Faalua. Sa fesoasoani o Ia ia latou malamalama o le “tele o mea e foai atu, … e tele foi [e] manaomia mai ai” (fuaiupu 48), ma sa Ia faamalamalama atu o Lana talalelei o le a afua ai ona tele le fevaevaeaiga o tagata.

Tala ma Faamatalaga o Talaaga

Luka 10:38–42. “Na filifilia e Maria le mea lelei”

“O le talimalo e taua tele i tagata Iutaia, ma o le mamalu ma le tauleleia o se fafine e faalagolago se vaega i le lelei o lona faataunuuina o faamoemoega faaleaganuu e tusa ai ma le matafaioi a le talimalo. Ona o nei agaifanua faaagafesootai, o lea o le faitioga a Mareta faapea o lona uso, o Maria ua tuua na o ia e faia le tautua (tagai Luka 10:40) e tauamiotonuina e le toatele o tagata i na ona po. Ae na tali atu le Faaola ia Mareta i le viiaina o le filifiliga a lona uso: ’Ua filifilia e Maria le mea lelei’ Luka 10:42 O se tasi o mea na faamanino i le tali a le Faaola o le e i ai faamuamua e maualuluga atu nai lo agaifanua faaagafesootai, tusa lava pe oni agaifanua e lelei” (Tusi Lesona a le Tagata Aoga o le Feagaiga Fou [Church Educational System manual, 2014], 160).

Ina ua faitio Mareta, “Le Alii e, e te le manatu mai ea, ina ua tuu mai e lo’u uso ia te au e sauni toatasi” (Luka 10:40), sa ia faatagaina o ia lava e vaai atu ma le le sa’o i le le manatu atu o le Alii. Afai tatou te faatagaina a tatou faamuamua ia milosia, e ono amata ai ona tatou maua ni mafaufauga po o ni lagona agai i le Alii, e le manuia faaleagaga. O le aoaiga filemu a Iesu sa fuafua e fesoasoani ai ia Mareta e toe mafaufau i ana faamaumau ma saili i faamanuiaga ua naunau alofa o Ia ia na maua.

Luka 10:42. Filifilia o le mea lelei

Na ta’ua e Sister Bonnie D. Parkin o se peresitene aoao o le Aualofa na i ai, i le tala ia Mareta ma Maria e aoao mai ai le taua o le filifili o le mea lelei:

“O le tali atu a le Faaola sa faamanino mai ai le mea e pito sili ona taua. I lena afiafi i le fale o Mareta, o le mea lelei e lei iai i totonu o le umukuka; sa i aao o le Faaola . E mafai ona faatali le meaai. …

“… O loo tatou taumafai uma e filifili le vaega lelei e le mafai ona aveesea mai i ai tatou, e faapaleniina le faaleagaga ma le faaletino i o tatou olaga. Atonu e faigofie pe ana faapea o loo tatou filifili mai le gaoiina o se faletupe poo le faiaoga asiasi? Ae ui i lea, o a tatou filifiliga e tele lava ina le faigofie. E tatau ona tatou filifili i le va o ni filifiliga agavaa se tele. …

“… O le tasi mea e manaomia, o le mulimuli lea ia te Ia i aso uma. Filifili loa lea o Le Alii le Keriso. Filifili e taumafa i ana Upu. Filifili e faatuatua ia te Ia o lo o i luga. Filifili e faatali mo lona alofa. Filifili e tuuina atu uma lou loto ia te Ia. Filifili ia lena vaega lelei” (“Filifilia o le Alofa mama: O le Vaega lelei lena,” Ensign po o le Liahona, Nov. 2003, 104, 106).

Luka 11:5–10. O le faataoto i le uo i le vaeluapo

Na matauina e Elder James E. Talmage o le Korama a Aposetolo e Toasefululua le eseesega i le va o le uo i lenei faataoto ma lo tatou Tama Faalelagi:

“O le lesona a le Alii o le, afai o se tagata, ma lona manatu faapito uma ma le le manao e foai atu, o le a le tuuina atu lava le mea e ole mai ai lona tuaoi ma se faamoemoega lelei, ae faaauau pea ona ole atu e ui lava ina teena ma musu, faatasi ai ma le mautinoa o le a tuuina atu e le Atua le mea o loo faatauanau mai ai pea i le faatuatua ma le faamoemoega amiotonu. E leai se faatusatusaga tonu i le va o le aiu ma le manatu faapito o le tagata ma le faatalitali alofa a le Atua poto. E tatau lava ona i ai se loto fuatiaifo o le manaoga moni mo le tatalo, ma le faatuatuaga moni i le Atua, ia aoga lelei ai le tatalo; ma i le alofa mutimutivale o le Tama i nisi taimi e faatuatuai ai ona to mai seia atili faamaoni nanautai le ole atu” (Jesus the Christ, 3rd ed. [1916], 435).