Folasaga i le Tusi e Lua a Paulo i Tesalonia
Aisea e suesue ai lenei tusi?
I le Tusi e Lua i Tesalonia, sa tusia ai e Paulo ia upu o le fautuaga ma le faamaninoga i tagata o le Ekalesia o e sa lei malamalama i ni vaega patino o le Afio Mai Faalua o Iesu Keriso. O le aoaoina o ana aoaoga e mafai ona fesoasoani ai i le vasega ia malamalama i le natura o le Liliuese ma le ala e saunia talafeagai ai mo le toe foi mai o le Alii.
O ai na tusiaina lenei tusi?
Na tusia e Paulo le 2 Tesalonia (tagai 2 Tesalonia 1:1; tagai foi 2 Tesalonia 2:5; 3:17). O le amataga o le tusi o loo aofia ai foi se faafeiloaiga mai ia Sila ma TimoteoTesalonia 1:1
O anafea ma o fea foi na tusia ai?
“Na tusia e Paulo le tusi i Tesalonia mai Korinito i le taimi o lana malaga lona lua faafaifeautalai” pe tusa o le T.A. 50–51 (Taiala i Tusitusiga Paia, “Pauline Epistles,” scriptures.lds.org).
O ai na faatatau i ai le tusiaina o lenei tusi, ma pe aisea foi?
Na tusia e Paulo le 2 Tesalonia i tagata o le Ekalesia i Tesalonia. O autu o le 1 Tesalonia ma le 2 Tesalonia e talitutusa lava, o loo fautua mai ai faapea na tusia e Paulo le 2 Tesalonia e faamanino ai ma faalautele le tusi muamua. E foliga mai na maua e tagata Tesalonia se tusi taufaasese na faapea na aumai ia Paulo ma o lenei tusi sa afua ai ona talitonu nisi ua maea le Afio Mai Faalua (tagai 2 Tesalonia 2:2).
“I le va puupuu o tusi e lua sa feagai ai le Ekalesia ma sauaga (2 Tesa. 1:4); o le faamoemoega o se toe foi vave mai o le Alii na afua ai se naunautaiga le manuia (2:2)” (Bible Dictionary, “Pauline Epistles”). Na tusia e Paulo le 2 Tesalonia ina ia faamalolosia ai le faatuatua o nei tagata auai a faasao ai le le malamalama i aoaoga faavae.
O a nisi o vaaiga iloga o lenei tusi?
O le Tusi e Lua i Tesalonia ua aumaia ai ni auiliiliga taua e uiga i le Afio Mai Faalua o Iesu Keriso O nisi faataitaiga e aofia ai manatu faapea o le a toe afio mai le Alii i le “afi mumu” ma o e amioleaga o le a “faasalaina i le faafanoga e faavavau mai le afioaga o le Alii” (2 Tesalonia 1:8–9).
I le tusi lenei, ua tatou faitau ai na valoia foi e Paulo le Liliuese Tele, ma aoao atu o le a feagai le Ekalesia ma se “pauu ese atu” mai le talalelei a o lei oo mai le Afio Mai Faalua o le Alii (tagai 2 Tesalonia 2:2–12). O aoaoga a Paulo e uiga i le Liliuese ua faamanatu ai i tagata o le Ekalesia i aso nei le mafuaaga e tatau ai ona i ai le Toefuataiga o le talalelei.
Otootoga
2 Tesalonia 1ua faafeiloai atu ai Paulo ma faamalo atu i le Au Paia i Tesalonia. Ua ia aoao mai faapea o e amio faaleatua o le a vaaia le toasa o le Alii i le Afio Mai Faalua.
2 Tesalonia 2ua faasao ai e Paulo le manatu sese faapea ua maea le Afio Mai Faalua ma vavalo atu ai o le a tulai mai se liliuese a o lei toe afio mai le Alii. Ua ia fautuaina le Au Paia i Tesalonia ia tumau le faamaoni.
2 Tesalonia 3ua fautua mai ai Paulo i tagata o le Ekalesia ia galulue e saunia mea faaletino latou te faaaogaina ma ia aua nei vaivai i le faia o mea lelei.