Na tusia e Paulo se tusi i le Au Paia i Roma, ma folafola atu i ai o le talalelei a Iesu Keriso o le mana lea o le Atua i le faaolataga. Sa ia faamatala atu e leai se tasi e mafai ona faasaoina i a latou lava galuega; e tatau ona faasaoina i latou i le alofa tunoa o Iesu Keriso, lea ua maua e ala i Lana Togiola.
Ua tautino atu e Paulo o le talalelei a Iesu Keriso o le mana lea o le Atua i le faaolataga
Faitau leotele le saunoaga lenei a Elder Larry Echo Hawk o le Fitugafulu. Faamatala a o talavou o ia, sa tauto atu Elder Echo Hawk i le Vaegaau o le Marini a le Iunaite Setete.
Ata
Elder Larry Echo Hawk
“Sa ou feiloai i lou faiaoga o toleniga, o se tagata tomai ma malosi ma tiaa mai taua, ina ua ia kikiina le faitotoa i le faleie tele ma ulufale mai a o leoleoā mai i upu e tumu i upu masoa.
“Ina ua uma lana faalauiloaga taufaafefe, sa ia amata mai le tasi itu o le faleie tele ona faafetaia’ia tagata taitoatasi i ni fesili. E aunoa ma se ‘alofaga, e maua faasolosolo ai lava e le faiaoga o toleniga se mea e faatauemu ai i tagata taitasi, i se gagana leotele ma le masoa. Na faasolosolo mai o ia i le laina, a o feei mai marini taitasi i lana tali e pei ona poloaiina ai: ‘Ioe’ po o le ‘Leai, le Faioga Satini.’ … Ina ua oo mai le faasologa ia te au sa mafai ona ou iloaina sa ia toso maia la’u ato tolauapi ma sasaa ese mea na i ai i totonu i luga o lo’u faamalū i o’u tua. Sa ia sagole a’u meatotino ona savali mai lea ina ia ma faafesagai. Sa ou saunia a’u lava mo lana osofaiga. Sa i lona lima lau Tusi a Mamona” (“O Mai Ia Te Au, Outou O Le Aiga o Isaraelu,” Ensign po o le Liahona, Nov. 2012, 32).
O a ni ou lagona pe ana faapea o oe o Elder Echo Hawk?
O le a sou manatu o le a le mea o le a faia e le faiaoga o le toleniga?
Pe ua i ai se taimi na i ai i se tulaga sa e popole ai o le a amusia ou talitonuga? (Fuafua e valaaulia ni nai tagata aoga e faasoa mai o latou aafiaga i le vasega.)
Valaaulia le vasega e vaavaai mo upumoni a o latou suesueina le Roma 1ia e mafai ona fesoasoani ia i latou pe a feagai ma le amusia po o sauaga ona o o latou talitonuga ma tulaga faatonuina.
Folasia puupuu atu le tusi o Roma i le valaaulia o se tagata e faitau leotele le parakalafa lea:
O le tusi a Roma o se tusi na tusia e Paulo i le Au Paia i Roma i le lata i le faaiuga o ana malaga faafaifeautalai. Na ia tusi atu i le Au Paia i Roma e tapena i latou o lona taunuu atu, e faamanino ma puipuia ana aoaoga, ma faatupulaia le lotogatasi i le va o tagata Iutaia ma Nuuese o le Ekalesia. Roma—o le taulaga o le Malo o Roma—sa tumu i filosofia faalelalolagi ma o se nofoaga e faigata ona folafola atu ai le talalelei a Iesu Keriso.
Aotele le Roma 1:1–14i le faamatala atu na amata e Paulo lana tusi e ala i le molimau atu ia Iesu Keriso ma faailoa atu lona manao e asiasi atu i le Au Paia i Roma.
Valaaulia se tamaitiiti e faitau leotele le Roma 1:15–17. Fai atu i le vasega e mulimuli i le faitauga, ma vaavaai po o a mea na aoao atu e Paulo i le Au Paia i Roma e uiga i le talalelei a Iesu Keriso.
O le a le tala a Paulo i le talalelei a Iesu Keriso? (E tatau i le vasega ona faailoa mai se upumoni e pei o lea: O le talalelei a Iesu Keriso o le mana o le Atua i le faaolataga ia i latou uma o e faatuatua ia Iesu Keriso. Tusi lenei upumoni i luga o le laupapa. Atonu e te manao e fautua atu i tagata aoga e faailoga ia latou tusi paia ia upu ma fuaitau o loo aoao mai ai lenei upumoni.)
O le a le mea ua faataga i tatou e le talalelei a Iesu Keriso e faaola mai ai i tatou? (Oti faaletno ma le faaleagaga.)
Aisea e tatau ai ona tatou faatino le faatuatua ia Iesu Keriso ina ia maua ai faamanuiaga o le faaolataga e ala i le talalelei? (Sa faatinoina e Iesu Keriso le Togiola, lea e mafai ai ona maua le faaolataga.)
Valaaulia se tagata e faitau leotele le faamatalaga lea o le uiga o le talitonu ia Iesu Keriso ma faaaoga le faatuatua ia te Ia:
E pei ona faaaoga e Paulo, o le faaupuga talitonuga ma le faatuatua e le na o se maliega faalemafaufau faapea o Iesu Keriso o le Alo o le Atua, ae o le taliaina ma le loto atoa ma talitonu ia te Ia o Le sa ofoina atu Ia lava i le Togiola mo a tatou agasala. O lenei talitonuga loloto e tau atu i se olaga o le faamaoni lea e faaalia i le salamo i agasala, papatisoina, ma taumafai e ola e faapei ona aoao mai e Iesu Keriso (tagai Galuega 16:30–33; Roma 6:1–11; 1 Korinito 6:9–11). “Faatuatua i a Iesu Keriso … e faaalia i se olaga o le usiusitai i tulafono ma sauniga o le talalelei ma le auauna atu ia Keriso” (Taiala i Tusitusiga Paia, “Faaolataga,” scriptures.lds.org).
Ona sa iloa e Paulo o le talalelei a Iesu Keriso o le mana lea o le Atua i le faaolataga ia malmalama ai tagata uma, o a ni ona lagona i le folafolaina atu o lena mea? (Sa lei ma o ia [tagai Roma 1:16].)
E mafai faapefea i le i ai o se molimau i le mana o le talalelei ona faatosinaina lou manao e faasoa atu le talalelei i isi? A maea ona tali mai tamaiti aoga, tusi le mataupu faavae lenei i le laupapa: A o tatou mauaina se molimau faapea o le talalelei a Iesu Keriso ua i ai le mana e faaolaina ai i tatou, ona tatou le mama lea e faasoa atu i isi.
E mafai faapefea ona fesoasoani lenei mataupu faavae ia te oe pe a e fetaiai ma sauaga pe amusia ona o ou talitonuga?
Valaaulia se tagata e faitau leotele le isi vaega o le tala a Elder Echo Hawk, ma fai i le vasega e faalogologo pe na faapefea ona tali atu o ia i le satini o le toleniga.
Ata
Elder Larry Echo Hawk
“Sa ou manatu o le a ia faataio mai ia te au; ae sa ia soso mai ma musumusu mai, ‘O oe o se Mamona?’
“E pei ona faatonuina ai, sa ou alaga atu, ‘Ioe, Faiaoga Satini.’
“Sa ou toe manatu foi i se mea o le a sili ona leaga. Ae, sa ia tu ma sii i luga lona lima o loo uu ai la’u Tusi a Mamona ma i se leo matua lemu lava sa faapea mai, ‘E te talitonu i lenei tusi?’
O faapefea ona avea le tali a Elder Echo Hawk o se faataitaiga lelei o le mataupu faavae o loo aoao mai i le Roma 1:16?
Faamatala nai lo le faamaasiasia o Elder Echo Hawk, sa tuu ifo i lalo ma le faaeteete e le faiaoga o le toleniga le Tusi a Mamona ma faasolosolo atu i le laina o marini. Faitau leotele le vaega o totoe o le saunoaga a Elder Echo Hawk:
Ata
Elder Larry Echo Hawk
“Sa ou tuufesili pea pe aisea lava na faasaoina ai au e lena Fitafita Marini malosi i lena aso. Ae ou te faafetai sa mafai ona ou fai atu e aunoa ma se faatuai, ‘Ioe, o au o se tagata O Le Ekalesia a Iesu Keriso o le Au Paia o Aso e Gata Ai’ ma le ‘Ioe, ou te iloa o le Tusi a Mamona e moni.’ O lenei molimau o se meaalofa taua na tuuina mai ia te au e ala mai i le Agaga Paia” (“O Mai Ia Te Au, Outou o le Aiga o Isaraelu,” 32).
O anafea na e (po o se tasi e te iloa) faaalia ai e te le ma e faasoa atu le talalelei a Iesu Keriso?
Valaaulia le vasega e mafaufau pe o le a le malosi ua latou lagona o i ai a latou molimau i le talalelei a Iesu Keriso, ma pe o a mea e mafai ona latou fai e faamalolosia ai na molimau. Fautuaina i latou e faatu se sini e faia.
Ua aoao mai Paulo e agasala tagata uma ma ua le oo i le mamalu o le Atua
Faamatala i ona po o Paulo, o nisi o Kerisiano o Nuuese na saili e faataga amioga le mama po o agasala e ala i le faamamafa o le alofa mutimutivale o le Atua ma faatuatuanai i Lana faamasinoga tonu atoatoa. E le gata i lea, sa talitonu nisi o Kerisiano Iutaia o le tausia o le tulafono a Mose sa mafai ona aoga mo lo latou faaolataga. Sa taumafai Paulo e faasao uma nei talitonuga sese.
Valaaulia ni nai tamaiti e feauaua’i i le faitauina leotele mai o le Roma 1:18–32. Fai i le vasega e mulimuli ai, ma vaavaai mo agasala na fai mai Paulo sa taatele i ona taimi. Atonu e te manao e fesoasoani e faamalamalama upu ma fuaitau ifuaiupu 18–32e fesoasoani ai ia latou malamalama i lapataiga na tuu atu e Paulo i le Au Paia i Roma. Mo se faataitaiga, fuafua e fai atu le fesili lea:
I le fuaiupu 25, o le a sou manatu o le a le uiga o le “ua matatau ma auauna i mea na faia, a ua tuua o ia na faia”?
Tau i ai mai le Roma 1:18–32, ua tatou aoao ai ua aoao mai i tatou e perofeta ma aposetolo e uiga i amioga ma uiga e faatiga i le Atua.
Faamatala o fasifuaitau “ua latou fesuiai le tu e tatau ma le tu e le tatau” i le fuaiupu 26 ma le “ua tuua e i latou le tu e tatau i le fafine” i le fuaiupu 27 e faasino i amioga faatauatane. Atonu e te manao e faamatala e mai le amataga, ma e tutusa lava i tusi paia uma, na tausalaina e le Alii le soliga o le tulafono o le legavia, e aofia ai amioga faatauatane.
Manatua: O le autu o le tosina i le itupa tutusa e manaomia ai le matuai nofouta i ai. A o talanoaina e lau vasega lenei mataupu, ia mautinoa e faia ma le agalelei, mutimuti alofa, ma le faaaloalo.
Ina ia fesoasoani ia malamalama le vasega i le tulaga o le Ekalesia e tusa ai ma amioga faatauatane, faitau leotele le saunoaga lenei:
“O amioga faatauatane ma faatauafafine o se agasala matuia. Afai e te maua oe lava o tauivi ma le tosinaga i le itupa lava e tasi, pe ua tauanauina foi oe e auai i le faatinoga o amioga e le talafeagai, saili se fautuaga mai ou matua ma le epikopo. O le a fesoasoani i latou ia te oe” [tamaitusi, 2011](Mo Le Malosi o le Autalavou36).
“E manino le tulaga faaleaoaoga faavae o le Ekalesia: O gaoioiga feusuai e tatau lava e na o le va o se tane ma se fafine ua faaipoipo e faia ai. Peitai, e le tatau lava ona faaaogaina e tauamiotonuina ai le agaleaga. O Iesu Keriso, o le o loo tatou mulimuli ai, sa manino i Lona tausalaina o feusuaiga le mama, ae e lei agaleaga lava. O Lona naunau sa mo le siitiaina i taimi uma o le tagata, ae le faamamasagiaina. …
“E tuueseese e le Ekalesia ia le va o le tosina atu i le itupa e tasi ma amioga. E ui ina faapea atu o lagona ma le lilifa atu i le itupa e tasi e le o se agasala na ola mai ma se tagata, ae o le faia o amioga faatauatane ua feteenai lea ma le ‘aoaoga faavae, e faavae i tusitusiga paia … o le faaipoipoga i le va o se alii ma se tamaitai e taua tele i le fuafuaga a le Foafoa mo le taunuuga e faavavau o Lana fanau’ [“First Presidency Statement on Same-Gender Marriage,”
Aisea e taua ai mo i tatou ona malamalama i aoaoga a perofeta ma aposetolo a le Alii e faatatau i amioga faatauatane?
E mafai faapefea ona tatou faaalia le agalelei ma le mutimuti alofa ia i latou o e ua oo i tosinaga a le itupa e tasi a o lagolagoina pea le tulaga o le Ekalesia i amioga faatauatane?
Aotele le Roma 2:1–3:8i le faamatala mai e Paulo o le a faamasinoina tagata uma e tusa ma a latou galuega, ma sa ia faaalia mai o le amioletonu o Iutaia e sau mai lo latou ola i le tulafono a Mose i le vaaiga i fafo a e le o totonu.
Valaaulia se tasi e faitau leotele le Roma 3:9–12, 23, ma fai i le vasega e vaavaai po o ai lea na fai mai Paulo ua aafia i le agasala.
O ai na fai mai Paulo ua aafia i le agasala? O a o tatou aafiaga ona o a tatou agasala? A uma ona tali mai tagata o le vasega, tusi le upumoni lenei i le laupapa: O tagata uma lava ua tatau ona tali atu i latou lava, e agasala ma e manaomia le faamagaloga a le Atua.
E fesoasoani faapefea lenei upumoni tatou te malamalama atili ai i le mafuaaga tatou te manaomia ai Iesu Keriso?
E mafai ona tauamiotonuina tagata uma e ala i le taliaina ma le faamaoni o le Togiola a Keriso
Faamatala i fuaiupu o totoe o le Roma 3, na aoao mai ai e Paulo le ala na faatoilalo ai e Iesu Keriso le faafitauli tatou te fetaiai—e pei o le, e le mafai e le Atua ona taliaina le agasala ma o tagata uma ua tatau ona tali atu mo i latou lava, e agasala. Ina ia malamalama i nei fuaiupu, o le a manaomia ai e tamaiti aoga ona malamalama i le uiga o upu nei: tauamiotonuina (o le “o le faamagaloina mai le faasalaga o le agasala ma ua tautino atu e le tausalaina” [Taiala i Tusitusiga Paia, “Tauamiotonuina, Tauamiotonu” scriptures.lds.org]), puluvagaina (taulaga togiola ma le punavai o le alofa mutimutivale), ma le alofa tunoa (“o auala paia o le fesoasoani po o le malosi, e tuuina mai e ala i le alofa mutimutivale tele ma le alofa o Iesu Keriso” [Bible Dictionary, “Grace”]). Fuafua e tusi le faauigaga o nei upu i le laupapa a o lei amataina le vasega pe saunia foi se tufaaga o nei faaupugamo tagata taitasi.
Fai i se tamaitiiti aoga e faitau leotele le Roma 3:24–26 Valaaulia le vasega e mulimuli ai, ma vaavaai pe mafai faapefea ona tatou agavaa ia i ai i le afioaga o le Atua.
E tusa ai ma leRoma 3:24, e tauamiotonuina faapefea i tatou, pe faapea ua agavaa ia i ai i le afioaga o le Atua?
Tau i ai o le Faaliliuga a Iosefa Samita o le Roma 3:24 ua suia ai le upufua i le na o le (tagai vaefaamatalaga a). Faamatala e tusa lava po o le a le le tele o lo tatou lelei i lenei olaga, ae e le mafai ona tatou maua pe agavaa mo le faaolataga ia i tatou lava, ua e pei ona aoao mai Paulo, tatou te agasala uma lava ma o le mea lea tatou te le maua ai le faaolataga (tagai Roma 3:23). Ua na o le alofa tunoa lava o le Atua—Lona malosi paia ma le mana e mafai ai—e faaolaina ai i tatou (tagai Moronae 10:32–33).
E tusa ai ma le fuaiupu 26, o ai e tauamiotonuina e le Atua e ala i le alofa tunoa? (O i latou o e talitonu ia Iesu.)
Faamanatu i le vasega pe na faapefea ona faaaoga e Paulo ia uputalitonuga ma le faatuatuae pei ona talanoaina muamua i le vasega.
O le a le mataupu faavae o aoao mai e nei fuaiupu e uiga i le taunuuga o le taliaina ma le faamaoni o le Togiola a Iesu Keriso? (E ono faailoa mai e le vasega se mataupu faavae e pei o lenei: E ala i le taliaina faamaoni o le Togiola a Iesu Keriso, e mafai ai e tagata uma ona tauamiotonuina ma maua le faaolataga.
E mafai faapefea ona tatou faaalia le taliaina faamaoni o le Togiola a le Faaola?
Valaaulia le vasega e mafaufau i lo latou manaomia o le Faaola o Iesu Keriso ma pe o a mea e mafai ona latou faia ia atili talia ai ma le faamaoni Lana Togiola. Valaaulia i latou e tusi o latou lagona i a latou api o le vasega po o api talaaga mo le suesueina o tusitusiga paia. Fai i ni nai tagata e faasoa mai o latou lagona ma molimau i le Faaola.
Aotele le Roma 3:27–30i le faamatala atu sa toe faamamafa atu e Paulo faapea e tauamiotonuina se tagata e ala i le faatuatua ia Iesu Keriso nai lo lona lava tausia o le tulafono a Mose.
O le talalelei a Iesu Keriso, o le mea moni, o le talalelei a le Atua, o lona uiga o le talalelei a le Atua le Tama. Na oo ina lauiloa “o le talalelei a Iesu Keriso” a avea Keriso ma fautua sili ma fofoga taumomoli o le fuafuaga a le Tama.
Na taua e Elder Dallin H. Oaks o le Korama a Aposetolo e Toasefululua o se tasi ala e mafai ona tatou faaalia ai tatou te le ma i le talalelei, o le faasoa atu lea i isi:
“Ua tofu i tatou ma avanoa e tele e folafola atu ai lo tatou talitonuga i uo ma tuaoi, o uso faigaluega, ma uo masani. Ou te faamoemoe o le a tatou faaaogaina nei avanoa e faailoa atu ai lo tatou alolofa mo lo tatou Faaola, o la tatou molimau i lana misiona paia, ma lo tatou naunautaiga e auauna atu ia te Ia.
“Afai tatou te faia nei mea uma, e mafai ona tatou faapea atu, faapei o le Aposetolo o Paulo, ‘Ou te le ma i le talalelei a Keriso: aua o le mana lava lea o le Atua e ola ai i latou uma o e faatuatua.’ (Rom. 1:16.)” “O Molimau a Keriso,” Ensign, Nov. 1990, 32).
Mo se faataitaiga o se tasi e le ma i le talalelei a Iesu Keriso, tagai i le tala e uiga ia Elder Richard G. Scott na faatalanoaina e Kapeteni Hyman G. Rickover (i le Marvin K. Gardner, “Elder Richard G. Scott: ‘O Le Mana Moni e Sau Mai le Alii,’” Ensign, Jan. 1989, 8–9).
Roma 1:26–32. O amioga faatauatane o se agasala matuia
Mo nisi faamatalaga i le tulaga o le Ekalesia e faatatau i amioga faatauatane ma tosinaga i le itupa e tasi, tagai “Same-Sex Attraction” on lds.org/topics.
Roma 3:24. “Tauamiotonuina fua i lona alofa tunoa”
Na aoao mai e Elder D. Todd Christofferson o le Korama a Aposetolo e Toasefululua, le mea lenei e uiga i le uputauamiotonuina:
“Ona o le ‘mama e faavavau o Lana taulaga togiola sili,’ ua mafai ai e Iesu Keriso ona faamalieina pe ‘tali le iuga o le tulafono’ mo i tatou. E oo mai le faamagaloga i le alofa tunoa o Ia o le sa faamalieina tuutuuga o le faamasinoga tonu e ala i Lona lava mafatiaga. … Ua Ia aveesea o tatou tausalaga e aunoa ma le aveeseina o le tulafono. Ua faamagaloina i tatou ma tuu ai i se tulaga o le amiotonu faatasi ma Ia. Ua tatou avea, e faapei o Ia, e aunoa ma le agasala. Ua lagolagoina ma puipuia i tatou e le tulafono, e le faamasinoga tonu. I se faaupuga, ua tauamiotonuinai tatou.
“O le mea lea, e mafai ona tatou tautala ma le talafeagai e uiga i se ua tauamiotonuina ua faamagaloina, ua aunoa ma se agasala, pe ua le tausalaina”(“Tauamiotonuina ma le Faapaiaina,” Ensign, June 2001, 20).