Na aoao atu e Paulo tagata faaipoipo ma tagata nofofua o le Ekalesia i Korinito e uiga i le faaipoipoga ma le galuega faafaifeautalai. O le taliatu i se fesili e uiga i le aai i aano o manu o loo ofo atu ai taulaga i tupua, sa aoao atu ai Paulo i le Au Paia e mafaufau i le aafiaga o a latou faiga faaletagata lava ia i isi, ma ia loto ia lafoai nisi o faatinoga pe afai o na faatinoga e ono tautevateva ai faaleagaga nisi.
Ua fautuaina e Paulo tagata faaipoipo ma tagata nofofua o le Ekalesia e uiga i le faaipoipoga.
Kopi le ata lenei i luga o le laupapa:
Ata
ata o au
Ina ia fesoasoani i le vasega ia malamalama i le talaaga o le 1 Korinito 7, fesoasoani i ai, e pei foi o i tatou, sa ola ia tagata o le Ekalesia i Korinito i se sosaiete e i ai manatu fenumiai ma feteenai e uiga i le faaipoipoga ma sootaga vavalalata faaletino pe feusuai.
E faavae i mea e te manatua mai lau suesuega o le 1 Korinito 5–6, o a ni nai talitonuga pepelo e uiga i sootaga feusuai sa i ai i Korinito?
A uma ona tali mai le vasega, tusi le mea lea i le itu tauagavale o le ata i lalo o le “Talitonuga Sese:” E talia le auai i fesootaiga uluitino faaletino ma soo se tasi.
Faamatala o tagata o le Ekalesia i Korinito na tusi atu i le Aposetolo o Paulo mo se taitaiga e tusa ai ma le tulaga faatonuina a le Alii o le feusuaiga mama.
Valaaulia se tamaititi e faitau leotele le 1 Korinito 7:1 ma fai atu e vaavaai mo se fesili na fai atu e le Au Paia i Korinito ia Paulo.
O le a le mea a fesili atu ai le Au Paia Korinito ia Paulo?
Faamatala atu o le fasifuaitau “e lelei ona le tago se tagata i se fafine” i le fuaiupu 1ua tau mai ai a i ai fesili a le Au Paia i Korinito pe o le a le taimi e talafeagai ai le sootaga uluitino faaletino. Atonu na fesili nisi pe tatau ona faatino e tagata ua faaipoipo ia sootaga uluitino faaletino. Tusi le mea lea i le itu taumatau o le ata i lalo o le “Talitonuga Sese:” E le talia lava ona auai i le faatinoga i sootaga uluitino faaletino, e oo lava i le faaipoipoga.
Tau i ai o nei talitonuga sese uma o loo tusia i le ata e faatusa i ni manatu ua matua soona fai ia e ese mai tulaga faatonuina a le Atua mo sootaga uluitino faaletino.
Fai atu i se tamaitiiti aoga e faitau leotele le 1 Korinito 7:2–3. Valaaulia le vasega e mulimuli ai, ma vaavaai mo mea na aoao atu e Paulo i Korinito e uiga i le sootaga uluitino faaletino. Atonu e manaomia ona e fesoasoani ia malamalama le vasega o le faitaagae faasino i sootaga feusuai i fafo atu o le faaipoipoga ma e tusa ai ma le agalelei e faasino i le alofa ma le vavalalata e faaalia i le va o le tane ma le ava.)
Valaaulia se tamaitiiti aoga e faitau leotele le faamatalaga lenei mai le tamaitusi Mo Le Malosi o le Autalavou.
“O sootaga vavalalata faaletino i le va o le tane ma le ava e matagofie ma paia. E faauuina e le Atua mo le foafoaga o fanau ma mo le faaalia o le alofa i le va o le tane ma le ava. Ua poloai mai le Atua o le sootaga vavalalata feusuai ia faasaosao mo le faaipoipoga” [tamaitusi, 2011], 35).(Mo Le Malosi o le Autalavou).
Mai mea sa tatou faatoa faitauina, o le a se mea e mafai ona tatou aoao e uiga i le sootaga uluitino faaletino? (A uma ona tali mai le vasega, tusi le upumoni lea i le ata i lalo o le “Upumoni:” O le sootaga uluitino faaletino i le va o le tane ma le ava e faauuina e le Atua.
Valaaulia se tagata o le vasega e faitau leotele mai le saunoaga lenei mai ia Peresitene Boyd K. Packer o le Korama a Aposetolo e Toasefululua. Fai i le vasega e faalogologo pe aisea ua faauuina ai e le Atua ia sootaga uluitino i le faaipoipoga.
Ata
Peresitene Boyd K. Packer
“O le mana o le foafoaina o le ola, e le o se vaega faaopoopo o le fuafuaga o le fiafia; o le ki lea i le fiafia.
“O le manao o le tagata soifua e faaulugalii e faifai pea ma e malosi tele. O lo tatou fiafia i le olaga faitino, lo tatou olioli ma le faaeaga e faalagolago i le ala e tali atu ai i nei manaoga faifai pea, malolosi faaletino“ (“O Le Fuafuaga o le Fiafia,” Ensign po o le Liahona, Me 2015, 26).
O a faamoemoega o sootaga uluitino i le va o le tane ma le ava?
Aisea o le foafoaga o le ola—le tomai— e foafoa ai le ola faaletino—e taua tele i le fuafuaga a le Tama Faalelagi?
Aotele le 1 Korinito 7:4–24 i le faamatala atu na aoao atu e Paulo o taitoalua e le tatau ona taofia le naunau alofa faalefaaipoipoga mai le tasi ma le isi, o fafine ua oti a latou tane ma tagata ua tatala faaipoipoga o le Ekalesia sa faataga ona toe faaipoipo pe afai latou te filifilia, ma o tagata o le Ekalesia e tatau ona “tumau i le Atua” po o a lava o latou tulaga. Na lei fautuaina e Paulo le tatala o faaipoipoga.
Ina ia fesoasoani i le vasega e faailoa mai se isi upumoni mai tusiga a Paulo i le 1 Korinito 7, vavae le vasega i ni vaega taitoalua pe taitoatolu ma saunia ia tofu le vaega ma se kopi o le tufaagalea:
Tusi lesona a le Faiaoga Seminare o le Feagaiga Fou—Lesona 106
Sa i ai tagata o le Ekalesia i Korinito e le o ni Kerisiano o latou taitoalua.
O a ni faigata na ono feagai ma taitoalua e ese faatuatuaga?
Faitau leotele le fautuaga a Paulo i nei aiga e le lolotu nisi i le 1 Korinito 7:12–17, ma vaavaai mo upumoni na aoao atu e Paulo ia e mafai ona fesoasoani i aiga e le lolotu uma i aso nei.
I le avanoa o i lalo, aotele ai mea na aoao atu e Paulo e uiga i le aafiaga o tagata faamaoni o le Ekalesia i o latou aiga: .
O a faataitaiga ua e vaaia i se tagata o le Ekalesia o i ai se aafiaga lelei i tagata o aiga o e le o ni tagata o le Ekalesia pe ua le toaaga mai foi i le Lotu?
A uma ua lava se taimi, fai i le vasega e lipoti mai upumoni sa latou faailoa maia i le 1 Korinito 7:12–17. E ono eseese tali a le vasega, ae e tatau ona latou faaalia maia se upumoni e pei o lenei: O soo faamaoni o Iesu Keriso e i ai se aafiaga faapaia i o latou aiga.
Atonu e te manao e valaaulia se tagata e faasoa mai ni faataitaiga o tagata o le Ekalesia e i ai se aafiaga lelei i tagata o le aiga o e le auai i le Ekalesia po o e foi ua le toaaga mai i le Lotu.
Aotele le 1 Korinito 7:25–40 i le faamatala atu na tuu mai e Paulo lona manatu “called unto the ministry” e faatatau i tagata nofofua o e sa “valaauina ile galuega” (Faaliliuga Iosefa Samita, 1 Korinito 7:29 [i le faaopoopoga i le Tusi Paia]) ma faamalamalama atu o o latou tulaga ua faatagaina ai i latou e auauna atu i le Alii e aunoa ma le “loto le fetosoaiina” (fuaiupu 35), po o le aunoa ma ni popolega faaletino e saunia mea mo se aiga. Peitai, na te lei faasaina i latou e faaipoipo.
Ua tali e Paulo se fesili e uiga i le aai i aano o manu e ofoina atu mo tupua
Fai atu i se tamaitiiti aoga e faitau leotele le faamatalaga lenei mai ia Elder L. Tom Perry o le Korama a Aposetolo e Toasefululua.
Ata
Elder L. Tom Perry
“Sa ou faaalu lau matata faalegaluega i le faleoloa pisinisi tau faleoloa. Talu ai o au o se vaega o le pulega, sa taua la ia te au ona ou fegalegaleai faaagafesootai ma faapotopotoga fai pisinisi i le lotoifale. O fonotaga ma le tele o nei faalapotopotoga e amata lava i se itula e fegalegaleai fiafia ai [lea e masani ona fai meainu malolosi]. O se taimi e suifefiloi ai ma fefaamasaniai ai ma tagata o ia faalapotopotoga. Ou te lagonaina pea lava le le toafilemu i nei taimi o fegalegaleaiga. Muamua sa amata ona ou fesili atu mo se vaitipolo. E lei leva ae ou iloaina e pei lava foliga o le vaitipolo o le tele o isi meainu. Sa le mafai ona ou fauina le foliga o au o se tagata e le inu ma se meainu manino i lou lima”(“O Tu ma Agaifanua o se Olaga Paleni ma le Amiotonu,” Ensign, Aok. 2011, 48–49).
Mata o le a le mea semanu e tupu pe ana faaauau pea e Elder Perry ona inu i se meainu suamalie manino i le taimi o fegalegaleaiga fiafia?
O a isi tulaga e mafai ai e a tatou faataitaiga ona tosina le lelei ai isi tusa lava pe tatou te le o faia se mea sese?
Faamatala sa tau manatunatu tagata o le Ekalesia i Korinito pe e talia ona latou aai i meaai na ofoina atu i tupua, po o atua faapaupau.
Tau i ai sa faailoa atu e Paulo atonu e manatu tagata o le Ekalesia e talia lenei mea ona sa latou iloaina e lei i ai moni ni atua faapaupau (tagai 1 Korinito 8:4–6).
Valaaulia se tamaitiiti aoga e faitau leotele le 1 Korinito 8:1, ma fai atu i le vasega e vaavaai mo mea na aoao atu e Paulo i le Au Paia i Korinito.
E ui sa iloa e tagata e le moni ia tupua, ae o le a le tala a Paulo i le mea sa sili ona taua nai lo mea ua latou iloa? (O le alofa mama , po o le alofa e le manatu faapito mo isi.)
E tusa ai ma lenei fuaiupu, o le a se mea e mafai ona tulai mai i lea iloa? (E oo ina faafefeteina, pe faamaualuluga.) O le a le mea e mafai ona tulai mai i le alofa mama ? (Faagaeetia, po o le faamalolosia o le tagata po o isi.)
Valaaulia se tamaitiiti aoga e faitau leotele le 1 Korinito 8:7–10. Fai i le vasega e mulimuli ai, ma vaavaai pe o a taimi e le tatau ai i le Au Paia i Korinito ona aai i aano o manu ia atonu e ofoina atu i tupua. (Atonu e manaomia ona e fesoasoani i le vasega ia malamalama o le vaivai i nei fuaiupu e ono faasino i vaivaiga i le malamalama ma o le faitalia i le [fuaiupu 9] e faasino i le saolotoga o tagata o le Ekalesia e aai i aano o manu atonu e ofoina atu i tupua.)
E tusa ai ma le fuaiupu 9, o le a le tulaga na fai atu ai Paulo e le tatau ona aai i aano o manu e ofo atu i tupua? (Pe afai o se mea e tausuai ai se tasi e vaivai se molimau pe leai se iloa i le talalelei.)
O le a le faataitaiga na tuu atu e Paulo i le fuaiupu 10e uiga i se auala e tasi o le aai i aano o manu e osi ai taulaga i tupua ona avea o se mea e tausuai ai? (Afai o se tagata o le Ekalesia e vaivai le faatuatua ae vaai atu i se tasi tagata auai o ai i se apitaga ai e sosoo ma se malumalu faapaupau i le lotoifale, o le a talitonu foi le tagata e vaivai le faatuatua e leai se mea e sese ai le ifo i tupua.)
Fai atu i se tamaitiiti aoga e faitau leotele mai le 1 Korinito 8:11–13 . Valaaulia le vasega e mulimuli ai, ma vaavaai mo le tali a Paulo i le fesili e uiga i le aai i meaai e ofo atu i tupua.
E tusa ai ma le fuaiupu 13, o le a le tala a Paulo i le mea na te faia pe afai e oo o ia i lea tulaga? Aisea? (Fesoasoani i le vasega ia malamalama o le faatausuaii le fuaiupu lea o lona uiga o le tautevateva faaleagaga, agasala pe mamulu le faatuatua.)
O le a le mataupu faavae e mafai ona tatou aoao mai nei fuaiupu e uiga i le ala e mafai ai ona tatou aloese mai le taitaiina o isi ia tautevateva faaleagaga? A maea ona tali mai tamaiti aoga, tusi le mataupu faavae lenei i le laupapa: E mafai ona tatou faaali atu le alofa moni mo isi i le aloese mai taga e ono taitai ai i latou ia tautevateva faaleagaga.
Valaaulia se tagata e faitau leotele le faamanatu o le tala a Elder Perry. Fai i le vasega e faalogologo pe na faaaoga faapefea e Elder Perry lenei mataupu faavae:
Ata
Elder L. Tom Perry
“Sa tonu ia te au e tatau ona i ai sau meainu e matuai faailoga manino au o se tagata e le inu ava. Sa ou alu i le sa vaaia le pa ma talosagaina se ipu susu. E lei i ai lava se talosaga faapea i le sa vaaia le pa. Sa alu o ia i le umukuka ma maua ai se ipu susu mo au. O lea lava ua i ai sau meainu e matua ese lava ona foliga mai meainu malolosi a isi sa inu. …
“Na avea le susu ma au meainu na filifilia mo itula o fegalegaleaiga fiafia. E lei pine ae avea o se mea ua masani ai o au o se Mamona. Sa matua faateia au i le faaaloalo na ou maua, e faapena foi se mea malie na amata ona tupu. Na auai isi faatasi ma au i se fegalegaleaiga fiafia na o se ipu susu mama. (“O Tu ma Agaifanua o se Olaga Paleni ma le Amiotonu,” 49).
O a nisi faataitaiga o auala e mafai ona tatou faaalia ai le alofa moni i isi e ala i le aloese mai taga e ono afua ai ona latou tautevateva faaleagaga?
Molimau atu i upumoni sa maua e le vasega ile aso, ma fautuaina le vasega e saili le taitaiga a le Agaga Paia a o latou taumafai e ola e tusa ai ma nei upumoni.
Na aoao mai Peresitene Howard W Hunter o le amio agaalofa i sootaga i le va o le tane ma le ava o le tulaga faatonuina lea a le Alii:
“O le agamalu ma le faaaloalo—e le o le manatu faapito—e tatau ona taialaina e mataupu faavae i le sootaga uluitino vavalalata i le va o le tane ma le ava” (“O Le Avea o se Tane ma se Tama Amiotonu,” Ensign, Nov. 1994, 51). (Tagai foi i le Tusi lesona a le Tagata Aoga o le Feagaiga Fou [Church Educational System manual, 2014], 368.)
E faavae i fuaitau e pei o le 1 Korinito 7:8, 25–35, o nisi o tagata ua faia faaiuga sese faapea na tetee Paulo i le faaipoipoga. Peitai, o le Faaliliuga a Iosefa Samita o loo faamanino mai ai i nei fuaiupu, sa talanoa atu Paulo ia i latou o e e le o toe mamao ona “auina atu lea i le galuega,” po o le galuega faafaifeautalai (Faaliliuga a Iosefa Samita, 1 Korinito 7:29 [i le faaopoopoga i le Tusi Paia]). Ua vaaia i lea malamalama, o Lana fautuaga e tutusa ma lea ua tuuina mai e taitai o le Ekalesia i aso nei, o e ua fautuaina faifeautalai talavou e taumamao mai le eva faamasani pe fatuina ni sootaga alofa faavalea a o auauna ai i misiona. O isi taimi, sa tusi atu ai Paulo e lagolagoina le faaipoipoga (tagai 1 Korinito 9:1–5; 11:11; 1 Timoteo 3:2; Eperu 13:4). O upu a Paulo o loo tusia i le 1 Korinito 7e le o se ata atoa lea o manatu o Paulo i le faaipoipoga, ae sa faamoemoe e talanoaina ai tulaga e le tumau i olaga o i latou o e ua valaauina e faamisiona.
1 Korinito 7:14. O le malamalamaaga o Aso e gata ai i le fautuaga a Paulo
Mataupu Faavae ma Feagaiga 74 o loo i ai se isi malamalamaaga i upu a Paulo i le 1 Korinito 7:14. (Tagai foi i le Tusi lesona a le Faiaoga Seminare o le Mataupu Faavae ma Feagaiga ma le Talafaasolopito o le Ekalesia, [Church Educational System manual, 2013], 260–61.)