Potutusi
Lesona 113: 2 Korinito 1–3

Lesona 113

2 Korinito 1–3

Folasaga

Na tusi atu Paulo i le Au Paia i Korinito ma faamatala atu i ai le ala e mafai ai ona latou faamafanafana atu i isi. Sa ia apoapoai atu foi ia i latou e faamagalo i se tagata agasala sa i ai i la latou potopotoga. Na aoao atu Paulo i le Au Paia afai latou te liliu atu i le Alii, o le a avea atili i latou e pei o le Atua.

Fautuaga mo le Aoaoina Atu

2 Korinito 1

Ua aoao atu Paulo i le Au Paia i Korinito i le ala e faamafanafana ai i isi

Valaaulia le vasega e mafaufau i se taimi na feagai ai se tasi latou te iloa ma se tofotofoga faigata po o se mafatiaga.

  • O le a sau mea na fai e fesoasoani ai ia te ia?

  • Pe na i ai se taimi na e manao ai e faamafanafana i se tasi i se tofotofoga ae e te lei iloa pe faapefea?

Valaaulia le vasega e vaavaai mo se upumoni a o latou suesueina le 2 Korinito 1lea e mafai ona fesoasoani latou te iloa ai pe faapefea ona faamafanafana i isi i o latou tofotofoga ma mafatiaga.

Faamatala ina ua uma ona tusia e Paulo le 1 Korinito, sa tulai mai se fevesiaiga i Efeso e tali atu ai i ana aoaoga. (Tagai i le Galuega 19:23–41. Manatua: O Asia o se itumalo o Roma ua taua nei o Take.) Sa tuua e Paulo ia Efeso ae alu i Maketonia, lea na aumaia ai e Tito ia te ia se tala faapea na talia lelei le tusi muamua a Paulo e le Au Paia i Korinito. Sa aoao foi e Paulo faapea sa feagai le Au Paia ma puapuaga ma o nisi o aoaoga pepelo i Korinito sa faapiopioina le mataupu moni a Keriso. Na tusia e Paulo le 2 Korinito e faamafanafana ai le Au Paia ma talanoa atu ai i faafitauli sa matuaia e nei aoao e le manaomia.

Valaaulia ni tamaiti aoga e feauauai i le faitauina leotele o le 2 Korinito 1:1–5. Fai atu i le vasega e mulimuli i le faitauga, ma vaavaai mo le mea na tau atu e Paulo i le Au Paia e uiga i o latou puapuaga.

  • O le a le mea na tau atu e Paulo i le Au Paia e uiga i le Atua i le fuaiupu 3lea e ono faamafanafanaina ai i latou i o latou puapuaga?

  • O le a le upumoni e mafai ona tatou aoao mai le fuaiupu 4e uiga i le mea e mafai ona tatou fai pe a tatou maua le faamafanafanaga a le Tama Faalelagi? E tatau i le vasega ona faailoa maia se upumoni faapea: A faamafanafanaina i tatou e le Tama Faalelagi i o tatou puapuaga, e mafai ona tatou fesoasoani i isi ia maua foi Lana faamafanafanaga.)

  • Na faapefea ona fesoasoani le mauaina o le faamafanafanaga a le Atua i se taimi o se faigata ia te oe e te fesoasoani ai i se isi tagata ia maua Lana faamafanafanaga? (Mafaufau e faasoa atu se tasi o ou aafiaga ao mafaufau ia le vasega i ni o latou lava aafiaga.)

Aotele le 2 Korinito 1:6–8i le faamatala atu faapea na ta’u atu e Paulo i le Au Paia i Korinito e uiga i le matuia ma le taufaamata’u o puapuaga na oo iai o ia ma ana soa a o folafola atu le talalelei i Efeso.

Valaaulia se tamaitiiti aoga e faitau leotele le 2 Korinito 1:9–11 Fai i le vasega e mulimuli ai ma vaavaai mo mea sa fesoasoani ia Paulo ma ana soa i le taimi o o latou tofotofoga.

  • O le a le mea sa fesoasoani ia Paulo ma ana soa i le taimi o o latou tofotofoga?

  • O le a le upumoni e mafai ona e faailoa mai i le fuaiupu 11e uiga i le auala e mafai ai ona tatou fesoasoani i tagata e feagai ma tofotofoga? (E ono faaaoga e le vasega ni upu eseese, ae ia mautinoa latou te faailoa maia le upumoni lea: E mafai ona fesoasoani a tatou tatalo ia i latou o e feagai ma tofotofoga.

  • E mafai faapefea ona fesoasoani a tatou tatalo i se tasi o feagai ma tofotofoga?

  • Na faapefea ona fesoasoani tatalo a isi ia te oe i le taimi o se tofotofoga sa oulua feagai?

Aotele le 2 Korinito 1:12–24i le faamatala atu faapea na olioli Paulo i e sa talia le fautuaga na ia tuuina atu i lana tusi muamua. I fuaiupu 15–20 sa tali atu ai Paulo ia i latou o e sa sailiili masei ia te ia ina ua ia suia ana fuafuaga e asiasi atu ia i latou. O nisi na faitioina Paulo na foliga mai sa faapea ona ua suia e Paulo ia fuafuaga o lana malaga, ua le mafai ai ona toe faatuatuaina o ia poo ana aoaoga. Sa tau atu e Paulo o le savali o le talalelei e moni ia, e ui i suiga o ana fuafuaga.

2 Korinito 2

Ua apoapoai atu Paulo i le Au Paia i Korinito e faamagalo se tagata agasala

Valaaulia le vasega e mafaufau i se taimi na faatiga ai pe tausuai se tasi ia i latou po o se isi e alolofa i ai.

  • Aisea e faigata ai ona faamagalo lena tagata?

Valaaulia le vasega e vaavaai mo upumoni ao latou suesueina le 2 Korinito 2 ia o le a fesoasoani latou te iloa ai le mafuaaga e taua ai le faamagalo atu i tagata uma.

Faamanatu i le vasega o le tusi muamua a Paulo i Korinito, sa ia aoai ai i latou i lo latou le usitai ma le leai o se faatuatua. Valaaulia se tamaitiiti aoga e faitau leotele le 2 Korinito 2:1–4 Fai i le vasega e mulimuli ai, ma vaavaai mo mea sa faamoemoe ia Paulo i le Au Paia i Korinito ia iloa e uiga i lana aoaiga.

  • E tusa ai ma le fuaiupu 4 o le a le mea na manao Paulo e iloa e le Au Paia e uiga i lona faamoemoega mo le aoaiga o i latou?

  • E mafai faapefea e le aoaiga poo le faasaoga ona avea ma faamaonia o le alofa o se tasi ia i tatou?

Aotele le 2 Korinito 2:5–6i le faamatala atu faapea na tusi atu Paulo e uiga i se tagata o le Ekalesia sa agasala ai i isi tagata o le Ekalesia ma sa afua ai ona latou faanoanoa. O se taunuuga, sa aoai ai e le Ekalesia lea tagata.

Valaaulia se tamaitiiti aoga e faitau leotele le 2 Korinito 2:7–8 Fai i le vasega e mulimuli ai, ma vaavaai mo mea na tau atu e Paulo e uiga i le ala e tatau i le Au Paia ona taulima ai lea tagata.

  • Na tatau faapefea ona taulima e le Au Paia lenei tagata o le na afua ai le faanoanoa tele?

Faamatala e ui ina sa agasala lenei tagata, ae o le taua o le agaga e sili lea i le silafaga a le Atua (tagai MF&F 18:10). Na apoapoai atu Paulo i le Au Paia e faamagalo atu, faamafanafana, ma alolofa i lea tagata e fesoasoani ai ia te ia ia salamo.

Valaaulia le vasega e faitau lemu le 2 Korinito 2:9–11, ma vaavaai mo se isi mafuaaga na fai atu ai Paulo i le Au Paia e faamagalo atu i isi.

  • E tusa ai ma le mea na aoao atu e Paulo i le Au Paia i le fuaiupu 11, o le a se isi mafuaaga e tatau ai ona tatou faamagalo atu i isi? (Faaaogaina o a latou lava upu, e tatau i le vasega ona faailoa mai le upumoni lea: Afai tatou te le faamagalo atu i isi, o le a manumalo Satani ia i tatou. Atonu e te manao e fautua atu ia faailoga e tagata o le vasega lenei upumoni i le fuaiupu 11.

Tau i ai o le faamagalo atu o isi e le faapea ua e tatau ai ona faamasinoina le tagata agasala i ana mea na fai. E le faapea foi ua tuu ai i tatou lava i tulaga e mafai ai e tagata ona soona fai pea i tatou. Ae, o le faamagalo atu o isi o lona uiga o le faia ma le alofa i latou o e ua soona faia i tatou ma ia le tauaveina ai se le fiafia po o se ita ia i latou. Ua poloaiina i tatou e faamagalo atu i tagata uma. (Tagai i le Taiala i Tusitusiga Paia “Faamagalo,” scriptures.lds.org; D&C 64:9–11.)

  • Pe faapefea i sou manatu ona manumalo Satani ia i tatou pe a tatou le faamagalo atu i isi?

Molimau atu i le taua o le faamagalo atu o isi. Fai i le vasega e mafaufau i se tasi atonu e manaomia ona latou faamagalo atu. Valaaulia i latou e faatu se sini e faamagalo i le tagata lea ina ia le manumalo Satani ia i latou.

Faamatala tatou te faitau i le 2 Korinito 2:14faapea na tusia e Paulo na ia faafetai atu i le Atua, o le “ua manumalo ai pea lava [o ia] ia Keriso,” e oo lava i taimi faigata.

2 Korinito 3

Ua aoao atu Paulo i le Au Paia i Korinito e faapea a o latou liliu atu i le Alii, o le a avea atili i latou e faapei o le Atua.

Faamatala i le taimi na le o i ai Paulo i Korinito, sa amata e nisi o aoao pepelo ona tetee atu i aoaoga a Paulo ma sa taumafai e tauleagaina Paulo i le tau atu i tagata liliu e latou te manaomia lava ona mulimuli i le tulafono a Mose. Aotele le 2 Korinito 3:1 i le faamatala atu, o le tali atu i e sa taumafai e faaleaga ia te ia, sa fesili atu ai Paulo i tagata o le Ekalesia i Korinito pe manaomia ona ia avatu ia i latou se “[tusi] e tauleleia ai” e molimau atu ai i lana amio ma lona tulaga aloaia o se Aposetolo moni a Iesu Keriso. (Faamatala i ona po o Paulo, o tagata fou e o mai i se nuu latou te aveina se tusi o le tauleleia ma i latou. O nei tusi e folasia atu ai tagata fou e o atu ma molimauina ai a latou amio lelei.)

Valaaulia se tamaitiiti aoga e faitau leotele le 2 Korinito 3:2–3. Fai i le vasega e mulimuli ai, ma vaavaai mo mea na fai mai Paulo e avea ma lana tusi o le tauleleia.

  • O le a le mea na avea ma tusi a Paulo o le tauleleia? (O le Au Paia ua suia olaga sa pei o se tusi mai ia Keriso lava Ia.)

  • O le a le uiga o le fasifuaitau “ua iloa ma faitaulia e tagata uma” i le fuaiupu 2? (E toatele tagata o le a muamua iloa le Ekalesia ma faamasinoina lona moni e ala i amio a tagata ma faataitaiga a tagata o le Ekalesia.)

Tau i ai o le fuaitau “ua le tusia i papatusi maa, a o papatusi aano o loto” i le fuaiupu 3ma faamatala i ona po o Mose, sa tusia ia poloaiga i luga o papatusi maa. Na aoao atu Paulo i le Au Paia i Korinito, e ala i le mana o le Agaga Paia, na tusia ai poloaiga i o latou loto.

Aotele le 2 Korinito 3:5–13i le faamatala atu faapea, sa manatu Paulo afai o le tulafono tuai a Mose, lea ua le tatau ona toe faaaoga, sa viia, ona oo mai ai lea o le mamalu o le feagaiga o le talalelei e faavavau ua silisili atu lea. Sa faamanatu atu e Paulo i le Au Paia i Korinito faapea na faaaoga e Mose se ufimata i ona fofoga ina ua alu ifo o ia mai le talanoaga ma le Alii i luga o le Mauga o Sinai aua sa fefefe le fanauga a Isaraelu i le mamalu sa susulu mai i ona foliga.

Valaaulia se tagata e faitau leotele le 2 Korinito 3:14–15, ma fai i le vasega e mulimuli ai, ma vaavaai mo le auala na faatusatusa ai e Paulo ia Isaraelu o e sa fefefe i le mamalu na susulu mai foliga o Mose i Iutaia i ona taimi.

  • Na faapefea ona faatusatusa e Paulo ia Isaraelu o e sa fai atu ia Mose e fai se ufimata i tagata Iutaia i ona taimi?

  • Mata o le a le uiga o fasifuaitau “sa faatauasoina o latou manatu” i le fuaiupu 14 ma le “[sa ia i latou le] ufiufi … i o latou loto” i le fuaiupu 15?

Valaaulia se tamaitiiti aoga e faitau leotele le 2 Korinito 3:16–18. Fai i le vasega e mulimuli ai, ma vaavaai po o a mea na folafola atu e Paulo o le a aveesea le ufimata o le le malamalama mai loto ma mafaufau o tagata. Tau i ai o le Faaliliuga a Iosefa Samita ua suia ai le fasifuaitau “o le liliuga i le Alii” fuaiupu 16 i le “pe a liliu atu le loto i le Alii” (Faaliliuga Iosefa Samita, 2 Koronito 3:16).

  • E tusa ai ma le Faaliliuga a Iosefa Samita o le 2 Korinito 3:16, o le a le mea e tatau ona faia e tagata ina ia aveesea ai le ufimata o le le malamalama?

Tusi i luga o le laupapa: A tatou liliu atu o tatou loto i le Alii …

  • E tusa ai ma le fuaiupu 18, o le a le mea e tupu ia i latou o e liliu atu i le Alii ma aveesea le ufimata o le le malamalama? (Faamatala o le fasifuaitau “liua ai i tatou ua foliga i ai nai le pupula e oo i le pupula” e faasino i le suiga faifai malie tatou te maua e ala i le Agaga lea e fesoasoani tatou te avea atili ai faapei o le Atua.)

Faamaea le faamatalaga lea i le laupapa ina ia faitauina, “A o tatou liliu atu o tatou loto i le Alii, o le a tatou maua le Agaga, lea o le a fesoasoani tatou te avea atili ai faapei o le Atua.”

  • O le a se tou manatu i le uiga o le liliu o o tatou loto ia Iesu Keriso?

Valaaulia le vasega e faaaoga se minute se tasi e lisi ai i a latou api o le vasega po o le api talaaga mo le suesueina o tusitusiga paia ia auala e mafai ai e tagata ona liliu atu o latou loto ia Iesu Keriso. Valaaulia ni nai tagata aoga e faasoa mai o latou aafiaga i le vasega.

Valaaulia le vasega e mafaufau pe na faapefea ona suia i latou po o se tasi latou te iloa e le Agaga. Valaaulia ni nai tamaiti aoga e faasoa mai o latou aafiaga i le vasega.

Valaaulia le vasega e mafaufau pe o le a le mea e mafai ona latou fai ia liliu atili atu ai i le Alii. Fai i ai e faatu se sini e liliu atu i le Alii ina ia mafai ai ona latou maua le Agaga ma avea atili ai e faapei o le Atua.

Tala ma Faamatalaga o Talaaga

2 Korinito 2:1–4. E aoai e taitai o le Ekalesia ia tagata o le Ekalesia ona o le alofa

Sa faamatala e Peresitene Polika Iaga le mafuaaga na te aoaia ai tagata o le Ekalesia:

“E i ai taimi ou te foliga ai i le toatele o ou uso ou te mateletele. O nisi taimi ou te aoaia ai i latou; ae ona ou te manao ia latou ola ina ia nofo i totonu o i latou ma siomia ai i latou i le mana o le Atua, e faapei o se mumu saesae o le afi” (Discourses of Brigham Young, sel. John A. Widtsoe [1954], 115).

2 Korinito 2:5–11. O le taua o le faamagalo atu o isi

Tatou te maua se malamalamaaga i le alofa ma le mutimuti alofa o Paulo mai le 2 Korinito 2:5–11. Tatou te le iloa pe o le tagata solitulafono na faasino i ai Paulo o ia lea sa taua i le 1 Korinito 5:1po o se isi tagata solitulafono—atonu o se tasi o aoao pepelo i Korinito lea sa tetee ia Paulo ma ana aoaoga. Sa fautuaina e Paulo ia tagata o le Ekalesia e faamagalo i lea tagata ma faamafanafana ia te ia ina ia le “tofatumoanaina o ia i le tiga matua tele” (2 Korinito 2:7).

2 Korinito 3:1–2. O nisi ua latou faamasinoina le Ekalesia i faataitaiga a ona tagata

“E toatele tagata i le lalolagi atoa e i ai lagona agalelei i le Ekalesia ona o faatinoga o le agalelei ma le auaunaga ua latou vaai o faaalia i olaga o tagata o le Ekalesia (tagai 2 Korinito 3:2).

“O le tautinoga a Paulo faapea o tagata o le Ekalesia e pei o tusi, ‘e faitau i ai tagata uma,’ ua fautua mai ai o le amio patino a tagata o le Ekalesia, o le ala lea e toatele o le a muai iloa ai le Ekalesia ma faamasinoina lona moni. E pei ona faamasinoina se faatauoloa i oloa na te faatauina atu, e faapena foi le Ekalesia—ma o nisi taimi o Iesu Keriso—e faamasinoina i olaga tatou te ola ai. Na aoao mai e Elder Bruce R. McConkie, ‘i le tulaga laualuga lava ia, o le talalelei e lei tusia i luga o papamaa po o i tusi o tusi paia, ae i tino o tagata faatuatua ma usiusitai; o lea o le Au Paia, o tusi ola ia o le upumoni, o tusi o olaga o loo tatala mo tagata uma e faitau ai’ (Doctrinal New Testament Commentary, 3 vols. [1965–73], 2:414)” (Tusi lesona a le Tagata Aoga o le Feagaiga Fou [Church Educational System manual, 2014], 395).