O le Mataio 5–7 o loo tusia ai se lauga na tuu atu e le Faaola i le amataga o Lana galuega. Ua lauiloa o le Lauga i luga o le Mauga. O le Mataio 5:1–16o loo tusia ai aoaoga a le Faaola e uiga i mataupu faavae ia e tau atu ai i le fiafia. Na poloaiina foi e le Faaola Ona soo e faia se faataitaiga amiotonu.
Sa amata e Iesu Keriso le Lauga i luga o le Mauga e ala i le aoao atu o Faaamuia.
Tusi fesili nei i luga o le laupapa: Pe o e fiafia? Aisea pe leai foi i se a?
Valaaulia le vasega e mafaufau loloto (pe tusi i a latou api po o api talaaga mo le suesueina o tusitusiga paia) pe faapefea ona latou tali atu i nei fesili. (Atonu e te manao e ta’u i le vasega o le a latou le faasoaina a latou tali i le vasega.)
Valaaulia se tamaitiiti aoga e faitau leotele le saunoaga lenei a Peresitene Dieter F. Uchtdorf o le Au Peresitene Sili:
Ata
Peresitene Dieter F. Uchtdorf
“E tele lava taimi tatou te maua ai ni lagona sese e faapea o loo i ai se mea e i tala atu o lo tatou gafatia lea o le a aumai ai ia i tatou le fiafia: o se tulaga faaleaiga lelei atu, se tulaga tau tupe lelei atu, po o le iuga o se tofotofoga faigata.
“… E le afaina tele pe fuafuaina foi e tulaga mai fafo lo tatou fiafia.
O le a sou manatu i le uiga o le fuaitau “tatou te fuafuaina lo tatou fiafia”? Aisea e taua ai le iloa o lenei mea?
Faamatala a o amata e le Faaola Lana galuega, sa Ia tuuina atu se lauga e lata ane i le Sami o Kalilaia. O Lana lauga e tele lava ina faaigoa o le Lauga i luga o le Mauga ma o loo tusia i le Mataio 5–7. I le lauga lenei sa faamatalaina ai e le Faaola mea e mafai ona tatou faia ina ia fiafia moni, tusa lava pe o a o tatou tulaga i fafo atu.
Valaaulia le vasega e faitau filemu le Mataio 5:3–11, ma vaavaai mo mea o loo ta’u faafia i le amataga o fuaiupu taitasi. Fai atu i tagata o le vasega e lipoti mai mea ua latou mauaina.
Valaaulia se tagata e faitau leotele le Mataio 5:3, vaefaamatalaga a,, ma fai i le vasega e vaavaai mo le uiga o le upu amuia.
O le a le uiga o le upu amuia?
Faamatala talu ai o leamuia e faaliliu mai le upu Latina beatus, o lona uiga o le manuia po o le fiafia, o nei fuaiupu ua masani ona faaigoa o Faaamuia.
Tuu atu i tagata taitoatasi se kopi o le siata lenei. Ta’u i ai e le gata i fuaiupu o loo i ai ia Faaamuia i le Mataio 5, o le siata o loo i ai mau faasino e lua i le 3 Nifae. O nei mau o se vaega o le lauga a Iesu Keriso na tuu atu i le taimi o Lana auaunaga i sa Nifae lea e talitutusa ma le Lauga i luga o le Mauga. O mau i le3 Nifae ua aumaia ai se malamalama sili atu i fuaitau o mau e talafeauga ma le Mataio 5.
O e matitiva i le agaga o lona uiga ia lotomaulalo “ia faailoa ma le agaga faafetai [lo tatou] faalagolago i le Alii—ia malamalama [tatou] te manaomia pea lava pea Lana fesoasoani. Lotomaulalo o se faailoaga lea i a [tatou] taleni ma tomai o meaalofa mai le Atua” (Faamaoni i le Faatuatua: O se Tusitaiala o le Talalelei [2004], 181).
O le faanoanoa o le lagonaina pe o le faaali atu o le faavauvau. O se tagata e faanoanoa ona o faigata ma tofotofoga o le olaga nei, e aofia ai le maliu o e alolofa i ai. E faapena foi, o se tagata e mafai ona faanoanoa ona o le agasala.
“Ia agamalu, e pei ona faauigaina i le lomitusi o le Webster, o le ‘faaalia o le onosai ma le faapalepale: onosai o tiga e aunoa ma le tetee”[Webster’s Third New International Dictionary (1976) ‘meek,’ 1403]. O le agamalu e le o le vaivai lea. O se pine o le lototoa Kerisiano“(Robert D. Hales, “Lototoa Kerisiano: O Le Tau o le Avea ma Soo,” Ensign po o le Liahona, Nov. 2008, 73).
“O le alofa mutimutivale o le faia lea ma le agaalofa o se tagata e sili atu nai lo le mea ua tatau ai mo ia”(“Mercy,” Gospel Topics, lds.org/topics). Ua mafai ona tatou mauaina le alofa mutimutivale o le Tama Faalelagi ona o le Togiola a Iesu Keriso (tagai Alema 33:11).
“O e loto mama o i latou o e alolofa i le Alii, o e saili e mulimuli ia te ia ma tausi Ana poloaiga, o e e taumafai e ola i olaga mama ma tumau faamaoni e oo i le iuga. O e loto mama o i latou o e pulea o latou mafaufauga e tausisia le saoloto o i latou lava mai faiga ma amioga le mama” (Sheldon F. Child, “O Afioga a Iesu: Ola Mama,” Ensign, Ian. 2003, 44).
“Faatupuina le filemu] o le meaalofa e fesoasoani ai i tagata ia laugatasia ma isi a o vaavaai atu isi i eseesega” (Henry B. Eyring, “Learning in the Priesthood,” Ensign or Liahona, Me 2011, 63).
O le “sauaina ona o le amiotonu” o lona uiga o le naunau e usitai ma puipuia Iesu Keriso ma Ana aoaoga, tusa lava pe amusia i tatou pe agaleagaina ai ona o le faia.
Vaevae le vasega i ni vaega se valu ma tofi vaega taitasi i se tasi o faaamuia o loo lisi atu i luga o le siata (afai e le lava tagata e fai ai ni vaega se valu, fuafua e tofi e sili atu ma le tasi ia faaamuia i se vaega). Valaaulia le vasega e saunia se aoaoga puupuu e uiga ia latou faaamuia na tofi atu i ai. E tatau ona latou faaaofia ai gaoioiga nei i la latou aoaoga (atonu e te manao e tusi nei faatonuga i luga o lelaupapape fai foi se tufaaga e vaavaai i ai):
Valaaulia se tagata e faitau leotele le fuaiupu po o fuaiupu ma faailoa mai faamanuiaga ua folafola mai ia i tatou ona o le ola ai i lena faaamuia.
O le faaaogaina o le fuaiupu ma le faamatalaga o i le siata, faamatala po o le a le mea e tatau ona tatou faia ia maua ai le faamanuiaga folafolaina.
Valaaulia le vasega e fautua mai ni auala patino e mafai ona tatou ola ai e tusa ai ma lenei faaamuia.
Faamatala pe mafai faapefea i le ola e tusa ai ma lenei faaamuia ona maua ai le fiafia ia i tatou. Atonu foi e te manao e faasoa mai se aafiaga e faapupula mai ai le upumoni na e aoao mai, faapea foi lau molimau i lena upumoni.
A uma ua lava se taimi, valaaulia vaega taitasi e tuu mai la latou aoaoga i le vasega mo le faaamuia na tofi atu i ai.
A uma le aoaoga a tagata, ta’u i ai o loo aoao mai e Faaamuia e uiga i uiga faaleatua o Iesu Keriso ma o le ola ai e mafai ai ona tatou avea atili e faapei o Ia.
E fua i mea sa e aoaoina i le Mataio 5, o le a le mea o le a tupu ia i tatou a o tatou atinaeina nei uiga faaleatua faa-Keriso ma isi? (E ui latou te ono faaaogaina ni upu eseese, ae e ao i le vasega ona latou faailoa maia le mataupu faavae lenei: A o tatou atinaeina ia uiga faaleatua faa-Keriso, o le a tatou maua le fiafia faateleina. Tusi lenei mataupu faavae i luga o le laupapa.)
Mafaufau e faasoa atu lau molimau i lenei mataupu faavae. Faamanatu i le vasega ia fesili e faatatau i lo latou fiafia lea na latou mafaufau loloto i ai i le amataga o le lesona. Valaaulia ia le vasega e saili atu i le fiafia sili atu e ala i le filifili o se tasi o uiga faaleatua o loo lisi atu i Faaamuia ma faatu se sini e atinae lena uiga faaleatua.
Ua faatonu e Iesu Keriso Ona soo e fai se faataitaiga amiotonu.
Fai i le vasega e mafaufau i se tasi latou te iloa, e pei o se tagata o le aiga po o se uo, o le e mafai ona faamanuiaina i le faalatalata atili atu i le Tama Faalelagi. A o faaauau pea ona suesue ia le vasega i le Mataio 5, valaaulia i latou e vaavaai mo mataupu faavae e mafai ona taialaina ai i latou a o latou taumafai e fesoasoani i lea tagata.
Faaali se fagu masima ma lulu ifo sina masima itiiti i totonu o se pesini.
O a ni mea e aoga i ai le masima?
Valaaulia se tamaitiiti aoga e faitau leotele le faamatalaga lenei a Elder Carlos E. Asay o le Fitugafulu: Fai i le vasega e faalogologo mo ni nai aoga o le masima:
Ata
Elder Carlos E. Asay
“O le [masima lelei] … e mama, e atoatoa, e le faaleagaina, ma e aoga tele. I lea tulaga, o le a faasaoina e le masima, tofolelei, faamalolo, ma faia isi galuega aoga”(“Masima o le Lalolagi: Tofilelei mo Tagata ma Faaola o Tagata,” Ensign, My 1980, 42).
Valaaulia tamaiti e faitau lē leoa le Mataio 5:13 ma faailoa mai po o ai na faatusa e le Faaola i le masima.
O ai lea na faatusa i ai e le Faaola le masima? (Ona soo.)
O a ni auala na faaalia ai e soo o Iesu Keriso uiga lava ia o le masima lelei?
E tusa ai ma lefuaiupu 13, o le a le mea e tupu pe a magalo le masima?
Faamatala o lemagaloe faasino e le gata i le tofo o le masima ae o ona uiga taua tulagaese lea e maua ai se faamalologa ma mea e faasaoina ai.
O le a le mea e afua ai ona magalo le masima? (E magalo le masima pe a filogia ma isi anomea ma faaleagaina ai.)
Sasaa ifo isi anomea, e pei o le palapala, i se pesini, ma seu faatasi ma le masima ma isi elemene.
O le a le mea e tupu i le aoga o le masima pe a filogia ma isi anomea?
I le avea ai ma soo o Iesu Keriso, o le a se mea e mafai ona afua ai ona galoma atu lo tatou tofolelei, po o uiga auaumama faa-Keriso lea e mafai ai ona avea i tatou o se faamanuiaga i isi? (E ono faaaoga e tagata upu eseese, ae ia mautinoa latou te faailoa mai le mataupu faavae lea: O le faaleagaina i agasala a le lalolagi e mafai ai e le lalolagi ona taofia i tatou mai le avea ma faamanuiaga i isi. Tusi lenei mataupu faavae i le laupapa.)
O le a se mea e mafai ona tatou faia e faatumau ai pe toe maua mai ai lo tatou tofolelei?
Faaali atu se moliga’o (aua le tutuina). Valaaulia se tamaitiiti aoga e faitau leotele le Mataio 5:14–16. Fai atu i le vasega e mulimuli i le faitauga, ma vaavaai pe na faapefea ona faatusa e le Faaola Ona soo i se moliga’o.
O a mea ua poloaiina soo o Keriso e fai i lo latou malamalama?
O le a le uiga o le faasusulu atu lou malamalama? (Tagai i le 3 Nifae 18:24.)
O a mea o le a taitai atu isi e fai ona o a tatou galuega lelei?
Faamatala faatasi ai ma isi mea, o le fasifuaitau “vivii atu ai i lo outou Tama o i le Lagi”fuaiupu 16o lona uiga o le avatu o le viiga ma mamalu i le Atua e ala i upu po o faatinoga.
O le a le mataupu faavae e mafai ona tatou aoao mai i fuaiupu 14–16e uiga i le ala e mafai ai e a tatou faataitaiga amiotonu ona faatosina mai ai isi? (E ono faaaoga e tagata nisi upu, ae ia mautinoa latou te faailoa maia le mataupu faavae lenei: E mafai e la tatou faataitaiga amiotonu ona uunaia isi e faalatalata atili atu i le Tama Faalelagi. Tusi lenei mataupu faavae i le laupapa.)
O anafea na faia ai e se tasi se faataitaiga amiotonu sa fesoasoani ai ia te oe e te latalata atili atu ai i le Tama Faalelagi?
Fautuaina le vasega e mafaufau loloto i mea e mafai ona latou faia e avea ai o se faataitaiga lelei i o latou aiga ma uo.
Toe iloilo mataupu faavae sa faailoa mai ma tusia i luga o le laupapa i le lesona lenei. Tusi upu Amata, Taofi, ma le Faaauau i luga o le laupapa. Valaaulia le vasega e iloilo o latou olaga ma filifili se mea se tasi e mafai ona latou amata ona fai, se mea se tasi e mafai ona latou taofi le faia, ma se mea se tasi e mafai ona faaauau pea ona latou faia e faaaoga ai nei mataupu faavae i o latou olaga.
Faamatala i le gasologa o le tausaga o le a taulai atu ai tagata aoao i mau tauloto e 25, e aofia ai leMataio 5:14–16. O le a fesoasoani nei mau ia i latou e malamalama ai ma faamatala ia aoaoga faavae autu o le talalelei. O mau tauloto e 25 o loo lisi atu i tua o le faailogatusi o le seminare mo le Feagaiga Fou. Faamatala o le “mau tauloto” e aofia ai le mafai ona maua, malamalama, faaaoga, ma taulotoina.
Ina ia fesoasoani i tagata e tauloto nei fuaitau, valaaulia i latou e fai faatele i o latou mafaufau ona fai leotele ai lea i se tagata o le vasega. Atonu e te manao e fai leotele mai lenei mau e le vasega i le amataga po o le faaiuga o vasega taitasi i le vaiaso a sau.
Mo le suesueina atili o Faaamuia, atonu e te manao e faasino i se tusiga a Elder Robert E. Wells o le Fitugafulu ua faaulutalaina “O Faaamuia: Mamanu mo le O Mai ia Keriso,” (Ensign, Dec. 1987, 8–11).
E tusa ai ma aoaoga i le Mataio 5:1–12, na aoao mai Peresitene Harold B. Lee:
“O nei tautinoga a le Matai ua lauiloa i le talatusi a le lalolagi Kerisiano o Faaamuia ma sa ta’ua e le au faimanatu o le Tusi Paia o le tapenapenaga e tatau ai mo le ulufale atu i le malo o le lagi. Mo faamoemoega o lenei talanoaga ou te fia tautala atu ai ia i latou o se mea e sili atu i le mea e faatatau ia te oe ma au. O le mea moni o loo aofia ai LE FAAVAE MO SE OLAGA ATOATOA” (O Faaiuga mo le Ola Manuia [1973], 56–57).