Lesona 39
Mareko 9:1–29
Folasaga
Na liua Iesu a o i ai Peteru, Iakopo, ma Ioane. Ona Ia aoao atu lea o i latou e uiga i le matafaioi a Ioane le Papatiso o ia o se Elaia o le sa tatau ona saunia le ala mo le Mesia. Ina ua mavae ona toe foi atu Iesu i isi Ona soo, sa ole atu se tagata ia te Ia e tuliese se agaga leaga mai lona atalii. Sa tuliese e Iesu le agaga leaga ma aoao atu Ona soo e uiga i le manaomia ona tatalo ma anapopogi.
Fautuaga mo le Aoaoina Atu
Mareko 9:1–13
Ua liua Iesu i luma o Peteru, Iakopo, ma Ioane ma ua aoao atu e uiga ia Elaia
Valaaulia ni volenitia e o mai i luma o le vasega ma faataitai puupuu se gaoioiga e faateleina ai le malosi faaletino.
-
Aisea o le a manao ai se tasi e faateleina lona malosi faaletino?
-
E mafai faapefea ona faatusa le malosi faaletino i le malosi faaleagaga po o le faatuatua ia Iesu Keriso?
-
O a ni nai tulaga e ono tofotofoina ai lo tatou faatuatua ia Iesu Keriso ma i se manaoga faapitoa e faamalosia? (Tusi tali a le vasega i luga o le laupapa.)
Valaaulia le vasega a o latou suesueina le Mareko 9:1–29e vaavaai mo upumoni ia e mafai ona fesoasoani ia i latou e faamalolosia ai lo latou faatuatua ia Iesu Keriso.
Otooto leMareko 9:1–13i le faamatala atu o loo i ai se tala i le liuaina o Iesu a o i ai Peteru, Iakopo, ma Ioane i luga o le Mauga o Liua. O loo toe ta’ua ai i lenei fuaitau faapea na aoao atu e Iesu nei Aposetolo o Ioane le Papatiso na faataunuuina le matafaioi valoia o se Elaia, po o se tasi e teuteuina le ala mo le afio mai o le Faaola (tagai Faaliliuga Iosefa Samita, Mareko 9:10 [in Mareko 9:12, vaefaamatalaga a]).
Mareko 9:14–29
Ua tuliese e Iesu se agaga leaga mai le atalii o se tagata
Valaaulia se tagata e faitau leotele le Mareko 9:14–15. Fai i le vasega e mulimuli ai, ma vaavaai mo le vaaiga na feagai ma le Faaola ina ua foi mai o Ia mai le mauga i isi Ona soo. Fai atu i le vasega e lipoti mai mea ua latou mauaina.
Valaaulia se tagata e faitau upu a le Faaola ma se isi tagata e faitauina upu a le tama i le tala o loo sosoo ai i le Mareko 9:16–24 (e mafai ona e tofia vaega nei a o lei amataina le vasega ma valaaulia tagata nei e sue ia maua a la laina). Fuafua e faatino le vaega a le faamatala pe valaaulia se tagata lona tolu e faia. Fai i tagata ua tofi e faitau leotele a latou vaega i le Mareko 9:16–18. Fai atu i le vasega e mulimuli i le faitauga, ma vaavaai po o le a le mea na saili e le tama mai soo o le Faaola.
-
O le a le mea na sailia e lenei tama mo lona atalii? (Atonu e manaomia ona e faamatala atu o le atalii sa uluitinoina e se agaga leaga, lea na le mafai ai ona tautala, ma ua tutuli [tagai Mareko 9:17, 25], ma isi faaletonu. Soo se taimi e pue ai e le agaga leaga le atalii, e lafotuina o ia, e faua le gutu, e lilivau ona nifo, ma ua tinovale.)
Fai i le vasega e manatu fapea o ia o lenei tama, ma mafaufau pe mafai faapefea ona aafia lo latou faatuatua i le Faaola ma Lona mana ina ua le mafai e le au soo ona faamalolo lo latou atalii.
Valaaulia tagata na tofi e faaauau ona faitau leotele a latou vaega i le Mareko 9:19–22. Fai i le vasega e mulimuli ai, ma mafauafu pe o a ni lagona o lenei tama a o talanoa ma le Faaola.
-
O le a sou manatu o a mea na lagonaina e le tama a o talanoa o ia ma le Faaola?
Valaaulia se tagata e faitau le saunoaga lenei a Elder Jeffrey R. Holland o le Korama a Aposetolo e Toasefululua: Fai i le vasega e faalogologo po o a mea ua faaopoopo e Elder Holland i lo tatou malamalama i lagona o lenei tama ma ana aioiga.
“Ma le leai lava o se isi faamoemoe o totoe, na folafola atu ai e lenei tama le faatuatua o ia te ia ma aioi atu ai i le Faaola o le lalolagi ‘Ai se mea e temafaiaia e, alofa mai ia teimatou, ma ia e fesoasoani mai ia tei matou’ [Mareko 9:22; italics added]. o le faigata ia o lou faitau i na upu e aunoa ma lou tagi. O le soanauna pelulale matouua manino lava lona faaaogaina ma le loto i ai. O le uiga o le tala a le tama ’O lo matou aiga atoa o loo aioi atu. E le o muta lava o matou faigata. Ma ua matou le lavava. Ua pau atu le ma atalii i totonu o le vai. Ua pau atu o ia i totonu o le afi. O loo faaauau pea o na i ai o ia i tulaga lamatia, ma ua faaauau ai pea ona matou matatau. Ua matou leiloa po o le a se isi mea e fai. Pe mafai ona e fesoasoani mai ia i matou?” Matou te faafetai isoo se mea—’sina fasi faamanuiaga, tau lava o sina aloiafi o le faamoemoe, sina masii ese ititi o le avega o loo tauaveina e le tina o lenei tamaititi i aso uma o lona olaga ” (“Le Alii e, Ua ou Faatuatua” Ensign or Liahona, Me 2013, 93).
Valaaulia le tagata na tofi i ai le vaega a le Faaola e faitau leotele le Mareko 9:23 Fai atu i le vasega e mulimuli i le faitauga, ma vaavaai mo mea na aoao atu e le Alii i lenei tama.
-
O le a le mea na manaomia ona talitonu i ai lenei tama?
-
O le a le mataupu faavae na aoao atu e le Faaola i lenei tama? (E ono faaaoga e le vasega ni upu eseese, ae ia mautinoa latou te faailoa maia le upumoni lenei: Afai latou te talitonu ia Iesu Keriso, o le a mafai mea uma e i tatou. Atonu e te manao e fautua atu i tagata o le vasega e faailoga upu i le fuaiupu e 23 o loo aoao mai ai lenei mataupu faavae.)
Ta’u i ai o “mea uma” e faatatau i faamanuiaga uma o le amiotonu e tusa ai ma le finagalo o le Atua, faamoemoega, ma le taimi.
-
E mafai faapefea e le talitonu i lenei mataupu faavae ona fesoasoani i se tasi o feagai ma faigata ma e foliga mai e le mafai ona faatoilaloina?
Valaaulia le tagata na tofi i le vaega a le tama e faitau leotele le Mareko 9:24 Fai i le vasega e mulimuli ai, ma vaavaai mo le tali a le tama i le mataupu faavae na aoao mai e le Faaola.
-
E faapefea ona e faamatalaina le faaatuatua o lenei tama i lena taimi?
Fai i le vasega e matau vaega e lua o le tali a lenei tama. Valaaulia se tagata e faitau leotele le saunoaga lea mai ia Elder Holland. Fai i le vasega e faalogologo pe o a mea o faapupula mai i le tautinoga a le tama e uiga i mea e mafai ona tatou faia i taimi o le “le talitonu,” po o taimi o le masalosalo po o le fefe.
“O le taimi e feagai ai ma luitau o le faatuatua, sa faamautu muamua e le tama lona malosi ma o iina na ia faailoa atu ai le mea e gata ai. O lana uluai tautinoga lava o lona ioeina e aunoa ma se faatuai: ’Le Alii e, Ua Ou Faatuatua.’ Ou te fia fai atu ia i latou uma o e moomoo ia tele atu se faatuatua, ia manatua lenei tagata! I taimi o le atuatuvale po o le le mautonu po o taimi e fesouaiina ai, tausisi i le faatuatua lena ua ia te oe, tusa lava pe itiiti lena faatuatua. I le tuputupu ae e tatau ia i tatou uma ona iloa i le olaga faitino, o le a i ai se mea e tupu ia i tatou uma lava, i le itu faaleagaga e foliga tutusa i le mafatiaga o lenei tamaitiiti po o le faanaunauga ogaoga o lenei tama. … A alia’e mai na taimi ma oo mai faafitauli, ma a le vave ona maua se vaifofo, ia taofi mau i mea ua uma ona outou iloa ma tutu malolosi seia oo mai se isi malamalama” (“Le Alii e, ua ou Faatuatua,” 93–94).
-
O le a se mea e mafai ona tatou aoao mai i lenei tama e uiga i mea e mafai ona tatou fai i tiami o le le talitonu? A maea ona tali mai le vasega, tusi le faamatalaga e le’i maea lenei i le laupapa: Afai tatou te taofimau i mea tatou te talitonu i ai …
-
O le a se mea e mafai ona tatou aoao mai e uiga i le taulimaina o le le talitonu mai le isi itu o le faamatalaga a lenei tama i le fuaiupu 24 A maea ona tali mai le vasega, faaopoopo le fasifuaitau lea i le faamatalaga o i luga o le laupapa: ma saili atu i le fesoasoani a le Alii, …
Valaaulia se tagata e faitau leotele le Mareko 9:25–27. Fai atu i le vasega e mulimuli i le faitauga, ma vaavaai pe o le a le mea na faia e le Faaola e tali atu ai i le aioiga a le tama.
-
O le a se mea na faia e le Faaola e tali atu ai i le aioiga a le tama?
-
E faapefea ona e faamaeaina le faamatalaga i luga o le laupapa, e fua i mea ua e aoaoina mai lenei tala? (A uma ona tali mai le vasega, faamaea le fuaiupu i luga o le laupapa ina ia aumaia ai le mataupu faavae lenei: Afai tatou te taofimau i mea tatou te talitonu i ai ma saili atu i le fesoasoani a le Alii, o le a Ia fesoasoani mai ia i tatou e faamalolosia lo tatou faatuatua.
Faasino i tulaga o loo lisi i luga o le laupapa, ia na outou talanoaina i le amataga o le lesona.
-
E mafai faapefea e lenei mataupu faavae ona faaaoga i ia tulaga?
-
O le a se taimi na e maua ai pe maua foi e se tasi e te iloa le fesoasoani a le Alii i se taimi o le le talitonu e ala i le tofimau i le talitonuga ma saiila Lana fesoasoani? (Atonu e te manao foi e faasoa atu se aafiaga.)
Fautuaina le vasega e faaaoga lenei mataupu faavae i taimi o le le talitonu.
Faamanatu i le vasega o lenei tama na muai aumaia lona atalii i nisi o soo o Iesu ina ia faamaloloina. Valaaulia le vasega e mafaufau faapea o i latou o soo nei.
-
Mata o le a sou manatu po o ni lagona ina ua le mafai ona tuliese le agaga leaga mai le tamaitiiti?
Valaaulia se tagata e faitau leotele le Mareko 9:28, ma fai i le vasega e vaavaai mo le fesili na fai atu e le au soo ia Iesu.
-
O le a le fesili na fesili atu ai le au soo ia Iesu?
Fai i le vasega e toe iloilo le Mareko 9:19, ma vaavaai pe na faapefea ona faamatala e le Faaola ia tagata, e aofia ai ma Ona soo, o e sa i ai. (Sa “le faatuatua” i latou.) Faamatala o le le faatuatuai i e faasino i le leai o se faatuatua ia Iesu Keriso. E manaomia le faatuatua ia Iesu Keriso mo faamanuiaga faaleperisitua ia aoga.
Valaaulia se tagata e faitau leotele le Mareko 9:29. Fai atu i le vasega e mulimuli i le faitauga, ma vaavaai mo le tali a le Alii i le fesili a Ona soo.
-
O le a le mea na aoao atu e le Faaola i Ona soo?
-
E mafai faapefea ona tosina le faatuatua o se tagata i le tatalo ma le anapogi? (A uma ona tali mai le vasega, fesoasoani ia latou malamalama i upumoni nei: E mafai ona tatou faateleina lo tatou faatuatua ia Iesu Keriso e ala i le tatalo ma le anapogi.
Valaaulia se tagata e faitau leotele le faamatalaga lenei mai le Faamaoni i le Faatuatua: Fai i le vasega e faalogologo mo tulaga eseese e mafai ona faatatau i ai lenei upumoni:
“O lenei tala [ia Iesu o tulieseina se agaga leaga mai le atalii o se tagata] ua aoao mai ai o le tatalo ma le anapogi e mafai ona faaopoopo atu ai le malosi ia i latou e tuuina atu ma mauaina faamanuiaga faaleperisitua. E mafai foi e le tala ona faaaoga i a tatou taumafaiga patino e ola i le talalelei. Afai e i ai sou vaivaiga po o se agasala o loo e tauivi e faatoilalo, atonu e manaomia ona e anapogi ma tatalo ina ia e maua ai le fesoasoani po o le faamagaloga e te manaomia. E pei o le temoni na tuliese e Keriso, atonu o lou faafitauli o le ituaiga o le a alu ese i le na o le tatalo ma le anapogi”Faamaoni i le Faatuatua: O se Tusitaiala o le Talalelei [2004], 67)
-
E tusa ai ma lea faamatalaga, o a ni nai tulaga e mafai ona faatatau i ai lenei upumoni?
-
O anafea na fesoasoani ai le tatalo ma le anapogi e faateleina ai lou faatuatua ia Keriso ma mafai ai ona e maua ia faamanuiaga amiotonu sa e sailia?
Fai i le vasega e toe manatu i faamanuiaga sa latou sailia mo i latou lava po o isi atonu na maua i le faateleina o lo latou faatuatua ia Iesu Keriso e ala i le tatalo ma le anapogi. Valaaulia i latou e tusi i lalo se sini e tatalo ma anapogi mo nei faamanuiaga i le isi aso Sa anapogi.
Toe Faamanatuina o Mau Tauloto
Fuafua e vave vaavaai atu i nisi o mau tauloto atonu e lei masani ai le vasega. Valaaulia i latou e faitau ma maka. E mafai ona e tofia se fuaitau fou o se mau tauloto i tagata taitasi po o ni paga ma fai i ai e tusi i luga o ni fasipepa ia ata e faaalia mai ai ia upumoni o loo aoao mai i a latou fuaitau. Valaaulia i latou e faamatala mai i le vasega a latou ata. E mafai ona e faalia ia ata e faasino i ai i le lumanai.
(Manatua: E mafai ona e faaaogaina le gaoioiga lenei i le amataga po o le faaiuga o soo se lesona, pe a lava le taimi.)
Tala ma Faamatalaga o Talaaga
Mareko 9:22–24. O le taofimau i mea ua tatou talitonu i ai ma sailia le fesoasoani e faamalolosia ai lo tatou talitonuga
Na tuuina mai e Elder Jeffrey R. Holland o le Korama a Aposetolo e Toasefululua le fautuaga lenei e faatatau i le faamalolosia o lo tatou talitonuga;
“A oo mai faafitauli ma tulai mai ni fesili, aua nei amataina lau sailiga mo le faatuatua i lou faapea pe o le a le tele e te le o maua, ma e amata ai i lou ‘le faatuatua.’ Ou te le o faapea atu e te faafoliga ua ia te oe le faatuatua e le o i ai. Ou te fai atu ia e faamaoni i le faatuatua lena ua ia te oe. O nisi taimi tatou te faia ai e faapei o se tautinoga ma le faamaoni o le le mautonu, o se faailoga maualuga lea o le lototoa lelei nai lo se tautinoga faamaoni o le faatuatua. E leai! O le mea lea ia tatou manatua uma ai le savali manino o lenei tala faatusi paia: Ia e faamaoni e uiga i ou le mautonu e te manaomia; ua tumu le olaga i le le mautonu i lea mataupu ma lea mataupu. Ae afai e te manao ma mananao lou aiga ina ia faamaloloina, aua nei faatagaina na fesili e taofia ai le faatuatua mai le faia o ana vavega. …
“… A oo mai le le mautonu po o faigata, aua e te fefe e fesili mo se fesoasoani. Afai tatou te mananao i le fesoasoani ma le lotomaualalo ma le faamaoni e pei ona sa faia ai e lenei tamā, e mafai ona tatou maua. O le fasifuaitau i tusitusiga paia e pei o le ’faamoemoega tonu,’ tulimatai ma le ’faamoemoe atoa o le loto,’ ma le faia se pepelo ma se faa’ole’ole i luma o le Atua’ [2 Nifae 31:13]. Ou te molimau atu i le tali atu i ai i lena ituaiga o augani, o le a auina mai e le Atua le fesoasoani mai i itu uma e lua o le veli e faamalolosia ai lo tatou talitonuga”(“Le Alii e Ua Ou Faatuatua,” Ensign po o le Liahona, Me 2013, 94).
Afai e i ai nisi o lau vasega o tauivi ma le masalosalo po o le fefe ona o fesili e uiga i aoaoga faavae po o le talafaasolopito o le Ekalesia ale Faaola, e mafai ona e valaulia i latou e suesue ia ulutala talafeagai mai itulau Gospel Topics o le Ekalesia (tagai lds.org/topics).
Mareko 9:28–29. Anapogi e tuufaatasi ma le tatalo
Na aoao mai Elder Joseph B. Wirthlin o le Korama a Aposetolo e Toasefululua le mea lenei:
“Tatou te matauina na i totonu o tusitusiga paia, o le anapogi e toetoe lava a i ai sona sootaga ma le tatalo e le aunoa. A aunoa ma le tatalo, o le anapogi e le o se anapogi atoatoa; ua na o se fia ’ai. Afai tatou te mananao i la tatou anapogi ina ia sili atu nai lo le na o le fia ’ai, e tatau ona tatou sii a’e o tatou loto, o o tatou mafaufau, ma o tatou leo i le olega i lo tatou Tama Faalelagi. O le anapogi e o faatasi ma le tatalo faatauanau, e matuai malosi lava.”( “O Le Tulafono o le Anapogi,” Ensign, Me 2001, 73).
Mo nisi faatonuga e uiga i le tuufaatasia o le anapogi ma le tatalo, e aofia ai ma lona aafiaga i le aumaia o le mana faaleagaga faateleina i o taou olaga, tagai Elder Carl B. Pratt, “The Blessings of a Proper Fast,” Ensign po o le Liahona, Nov. 2004, 47–49.