1. He oiaio, wahi a ka Haku ia oe, e Kuu kauwa, o Laimana, ua kala ia kou mau hewa, no ka mea, ua hoolohe oe i Koʻu leo ma ka hele ana mai ia nei i keia kakahiaka e loaa ka olelo-ao ma o ka mea la Aʻu i wae ai.

2. Nolaila, e maha kou uhane ma na mea e pili ana i kou nohona uhane a mai kue hou i Koʻu leo;

3. A e ala ae a e hooi aku i kou akahele mai keia wa aku, ma ka malama ana i kau mau aelike-laa au i hana ai, a e hana ana, a e hoopomaikai ia oe me na pomaikai nui loa.

4. E kali hoomanawanui a hiki i ke kahea ia ana o ka halawai hoano e Kuu mau kauwa, alaila, e hoomanao pu ia oe me na mua o Kuu mau Lunakahiko, a e loaa ke kuleana ma ka hoolilo ia ana, me ke koena o Koʻu mau Lunakahiko Aʻu i wae ai.

5. Aia hoi, o keia ka olelo-hoopomaikai a ka Makua ia oe ke hoomau oe me ke kupaa;

6. A e hooko ia auanei ia maluna ou i kela la, e loaa ai ia oe ke kuleana e hai i Kuu Euanelio ma na wahi a pau Aʻu e hoouna ai ia oe, mai ia wa aku.

7. Nolaila, e hooikaika i kou mau hoahanau ma kau kamailio ana a pau, a ma kau mau pule a pau, a ma kou mau kauleo ana a pau, a ma kau mau hana a pau;

8. A aia hoi, e hoomaopopo, Owau no me oe e hoopomaikai ia oe, a e hoopakele ia oe no ka wa mau loa. Amene.