1. A ano, no ka mea e pili ana i Kaʻu kauwa ia Pale P. Parata, aia hoi, ke olelo aku nei Au ia ia, e like me Aʻu e ola nei, o Koʻu makemake e hai oia i Kuu Euanelio a e ao ia e Aʻu, a e akahai a haahaa ma ka naau;

2. A o ka hana Aʻu i wae aku ai nana, oia keia, e hele oia me Kaʻu mau kauwa o Oliva Kaudare a me Petero Witima, opio, iloko o ka waonahele mawaena o ka poe Lamana;

3. A o Ziba Pikekona no hoi kekahi e hele pu me lakou, a Owau kekahi e hele pu ana me lakou a e ku ana mawaena o lakou; a Owau ko lakou uwao me ka Makua, a aole kekahi mea e lanakila mai maluna o lakou.

4. A e hoolohe lakou i na mea i palapala ia, a aole e hookohukohu i kekahi hoikeana hou aku, a e pule mau lakou i wehe ae ai Au ia mau mea i ko lakou hoomaopopo ana;

5. A e hoolohe mai lakou i keia mau olelo e pono ai, aole hoi e paani wale, a e hoopomaikai Au ia lakou. Amene.