1. Iloko o ka nani celestiela aia no he ekolu mau lani, a i ole, mau mahele.

2. A i mea e hiki ai ke loaa ka mahele kiekie loa, he pono ke komo ke kanaka iloko o keia Mahele o ka Oihanakahuna; (oia hoi ka berita hou a mau loa o ka mare;)

3. A ina aole oia e hana pela, aole e hiki ia ia ke loaa ia mea.

4. E komo ana paha oia iloko o kekahi mahele e ae, aka, oia iho la ka hopena o kona aupuni: aole hiki ia ia ke loaa ka hoomahuahua ana.

5. (Mei, la 17, M. H. 1843.) O ka olelo wanana i hooiaio loa ia (i hai ia e Petero) oia no ko ke kanaka hoomaopopo ana ua sila ia ae oia i ke ola mau loa ma ka hoike ana a me ka uhane o ka wanana, ma o ka mana la o ka Oihanakahuna Hemolele.

6. He mea hiki ole i kekahi kanaka ke hoola ia iloko o ka naaupo.

7. Aole loa kekahi mea he mea paa ole. He mea paa ka mea uhane a pau, aka, he oi loa aku o ka aeae, a i ole maemae, a ua hiki ke ike ia e na maka wale no i oi aku ka maemae.

8. Aole hiki ia kakou ke ike ia mea; aka, i ka wa e hoomaemae ia ai ko kakou mau kino, e ike no kakou he mea paa ia a pau.