1. He hana nui a kupaianaha i aneane e puka mai mawaena o na keiki a kanaka.

2. Aia hoi, Owau no ke Akua, a e hoolohe mai i Kaʻu olelo, ka mea ola a mana, i oi aku ka oi i ko ka pahikaua oi-lua, i ka mahele ana a kaawale na ami a me ka lolo; nolaila, e hoolohe mai i Kaʻu olelo.

3. Aia hoi, ua keokeo ka mahinaai, a makaukau e ohi ia, nolaila, o ka mea i makemake e ohi e hookomo aku i kana pahi-kakiwi me kona ikaika, a ohi oi kau ka la, i hoahu ai oia i ke ola mau loa no kona uhane iloko o ke aupuni o ke Akua;

4. He oiaio, o ka mea e hookomo i kana pahi-kakiwi a ohi, oia ka i kahea ia e ke Akua;

5. Nolaila, ina e noi mai oe Iaʻu e loaa aku no ia oe, ina e kikeke oe e wehe ia no ia ia oe.

6. Ano, oiai ua noi mai oe, aia hoi, ke olelo aku nei Au ia oe, e malama i Kaʻu mau kauoha, a e imi e hoopuka mai a hookupaa i ka hana o Ziona.

7. Aia hoi, ke olelo aku nei Au ia oe, a pela pu no hoi i ka poe a pau i loaa na makemake e hoopuka mai a e kukulu i keia hana,

8. A aole kekahi mea e hiki ke kokua i keia hana, ke ole oia i haahaa a piha i ke aloha, a i loaa ka manaoio, ka manaolana, a me ka lokomaikai, e akahele ana ma na mea a pau o kela a me keia ano i waiho ia aku nana e malama.

9. Aia hoi, Owau no ka malamalama a me ke ola o ke ao nei, ka mea e olelo nei i keia mau olelo, nolaila, e hoolohe mai me kou ikaika, alaila ua kahea ia oe. Amene.