Mokuna 73.
He Hoikeana ia Iosepa Kamika, Opio, a me Sidane Rigedona, i Haawi ia ma Hailama, Kalana o Potage, Ohaio, Ianuari, la 10, M. H. 1832. Ka Olelo a ka Haku ia Laua e Pili ana i na Lunakahiko o ka Ekalesia o ke Akua Ola, i Kukulu ia ma na La Hope, e Hoike ana i ka Makemake o ka Haku i na Lunakahiko, i ka Lakou Mau Mea e Hana ai a Hiki i ka Huikuka.
1. No ka mea, he oiaio, penei wahi a ka Haku, he mea kupono ia iloko Oʻu, e hoomau lakou i ka hai ana i ka Euanelio, a me ke kauleo ana i na apana o ka Ekalesia ma na aina e pili kokoke mai ana, a hiki i ka huikuka;
2. Alaila, aia hoi, e hoike ia aku auanei ia lakou, ma o ka leo la o ka huikuka ka lakou mau misiona like ole.
3. Ano, he oiaio, ke olelo aku nei Au ia olua, i Kaʻu mau kauwa, ia Iosepa Kamika, opio, a me Sidane Rigedona, wahi a ka Haku, he mea kupono e unuhi hou aku,
4. A, e like me ka hiki ke hana ia, e haiolelo ma na aina e pili kokoke mai ana a hiki i ka huikuka; a mahope aku o ia manawa he mea kupono e hoomau i ka hana o ka unuhi ana a hiki i ka pau ana.
5. A e lilo keia i kumuhoohalike no na Lunakahiko a loaa mai ka ike hou aku, oia hoi, e like me ia i palapala ia.
6. Ano, aole Au e haawi i kekahi mea hou aku ia olua i keia manawa. E kaei i ko olua mau puhaka a e kuoo. Pela io no. Amene.