Mokuna 91.
He Hoikeana i Haawi ia ma o Iosepa la, ka Mea Ike, ma Ketalana, Kalana o Keauka, Ohaio, Malakai, La 9, M. H. 1833.
1. He oiaio, penei ka Haku e olelo mai nei ia oe e pili ana i ka Apokaripa, he nui na mea iloko olaila i oiaio, a o ka hapa nui ua unuhi pololei ia no;
2. He nui na mea iloko olaila i oiaio ole, oia no na mea i hookomo wale ia e na lima o kanaka.
3. He oiaio, ke olelo aku nei Au ia oe, aole ia he mea e pomaikai ai ke unuhi ia ka Apokaripa.
4. Nolaila, o ka mea e heluhelu ana ia mea e hoomaopopo oia, no ka mea, ke hoike nei ka Uhane i ka oiaio;
5. A o ka mea i hoomalamalama ia e ka Uhane e loaa auanei ia ia ka pomaikai no ia mea mai;
6. A o ka mea e loaa ole ana mai ka Uhane mai, aole hiki oia ke hoopomaikai ia, nolaila, aole ia he mea e pomaikai ai ke unuhi ia ia mea. Amene.