Mokuna 40.
He Hoikeana ia Iosepa Kamika, Opio, a me Sidane Rigedona, i Haawi ia ma Feieta, Nu Ioka, Iloko o Ianuari, M. H. 1831, e Hoakaka ana i na Kumu o ko Iakobo Kovile Hoolohe Ole ana i ka Hoikeana i Haawi ia ia Ia.
1. Aia hoi, he oiaio, ke olelo aku nei Au ia olua, ua pololei ka naau o Kuu kauwa, o Iakobo Kovile, imua Oʻu, no ka mea, ua berita oia me Aʻu e hoolohe no ia i Kaʻu olelo,
2. A ua apo no oia i ka olelo me ka olioli, aka, hoowalewale koke mai la o Satana ia ia; a no ka makau i ka hoomaau ia mai, a me ka manao nui i na mea o ko keia ao, ke kumu ia o kona hoole ana i ka olelo;
3. No ia mea, uhaki iho la oia i Kaʻu berita, a aia ia me Aʻu ka hana ana aku ia ia e like me Kaʻu i manao ai he pono. Amene.