1. E hoolohe mai, e Kuu kauwa, e Ioane, a e hoolohe i na olelo a Iesu Kristo, kou Haku a me kou Hoolapanai,

2. No ka mea, aia hoi, ke olelo aku nei Au ia oe me ka oi a me ka mana, no ka mea, aia Koʻu lima maluna o ka honua a pau,

3. A e hai aku no Au ia oe i ka mea a ke kanaka i ike ole ai, koe wale no Owau a me oe,

4. No ka mea, he nui na manawa au i makemake ai mai Oʻu aku e ike i ka mea i waiwai loa ia oe.

5. Aia hoi, pomaikai oe no keia mea, a no ka olelo ana i Kaʻu mau olelo Aʻu i haawi ai ia oe e like la me Kaʻu mau kauoha.

6. A ano, aia hoi, ke olelo aku nei Au ia oe, o ka mea e waiwai loa ana ia oe, oia ka hai ana i ka mihi i keia poe kanaka, i hiki ai ia oe ke lawe mai i na uhane i Oʻu nei, i maha pu ai oe me lakou iloko o ke aupuni o Koʻu Makua. Amene.