Mokuna 22.
He Hoikeana i ka Ekalesia o Kristo, ka Mea i Kukulu ia i Keia Mau La Hope, i ka Makahiki o ko Kakou Haku Hookahi Tausani Ewalu Haneri me Kanakolu, i Haawi ia ma o Iosepa la, ka Mea Ike, ma Manekeka, Nu Ioka, Aperila, [la 16], M. H. 1830, Mamuli o ka Makemake ana o Kekahi Poe e Komo Iloko o ka Ekalesia me ka Bapetizo Hou Ole ia, ka Poe hoi i Bapetizo ia Mamua.
1. Aia hoi, ke olelo aku nei Au ia oukou, o na berita kahiko a pau, oia Kaʻu i hoopau aku ai iloko o keia mea, a he berita hou a mau loa keia, oia hoi, ka mea mai kinohi mai.
2. No ia mea, ina no e bapetizo ia ke kanaka he haneri manawa, aole no ia he mea nona e pomaikai ai, no ka mea, aole e hiki ia oukou ke komo ma ka ipuka haiki ma o ke kanawai la o Mose, aole no hoi ma o ka oukou mau hana i make;
3. No ka mea, no ka oukou mau hana make i kukulu ai Au i keia berita hope a me keia Ekalesia Noʻu, he oiaio, e like me ko na la kahiko.
4. No ia mea, e komo oukou ma ka ipuka, e like me Kaʻu i kauoha ai, a mai imi e aʻo i ko oukou Akua. Amene.