Mokuna 92.
He Hoikeana i Haawi ia ia Iosepa Kamika, Opio, Maluna o ka Hui Kuikahi o ka Ekalesia no ka Pomaikai o ka Poe Ilihune. I Haawi ia i ka Poe Hoano ma Ketalana, Malaki, La 15, M. H. 1833.
1. He oiaio, penei ka Haku e olelo mai nei, ke haawi aku nei Au i ka hui kuikahi, i kukulu ia i ku like me ke kauoha i haawi mua ia aku ai, he hoikeana a he kauoha e pili ana i Kuu kauwa ia Federika G. Wiliama, e hookipa aku oe ia ia iloko o ka hui kuikahi. O Kaʻu e olelo nei i ka mea hookahi, o Kaʻu olelo no ia i ka poe a pau.
2. A eia hou, ke olelo aku nei Au ia oe e Kuu kauwa, e Federika G. Wiliama, e lilo auanei oe i lala makaala iloko o keia hui kuikahi, a ina e hooikaika a kupaa oe ma ka malama ana i na kauoha a pau i haawi ia mamua, e hoopomaikai ia oe a mau loa aku. Amene.