1. He oiaio, ke olelo aku nei Au ia oe, o Koʻu makemake ia e hele hou Kuu kauwa o Iareda Kata i na aina o ka hikina, mai ia wahi aku ia wahi aku, a mai ia kulanakauhale aku ia kulanakauhale aku, iloko o ka mana o ka hoolilo ia ana ona i hoolilo ia ai, e hai ana i na olelo olioli o ka hauoli nui, oia hoi, ka Euanelio mau loa;

2. A e hoouna Au i ka Uhane Kokua maluna ona, ka mea nana e ao ia ia i ka oiaio a me ke alanui ana e hele ai;

3. A ina e kupaa oia, e hoolei hou no Au ia ia me na pu-a palaoa;

4. No ia mea, e hauoli kou naau, e Kuu kauwa, e Iareda Kata, a mai makau, wahi a kou Haku, oia hoi, o Iesu Kristo. Amene.