Mokuna 126.
He Hoikeana, i Haawi ia ma o Iosepa la, ka Mea Ike, Iloko o ka Hale o Lunakahiko Birigihama Iana, Navu, Ilinoi, Iulai, La 9, M. H. 1841.
1. E Kuu hoahanau i aloha nui ia, Birigihama Iana, he oiaio, penei wahi a ka Haku ia oe, e Kuu kauwa, Birigihama, aole i makemake hou ia mai ia oe mai e haalele i kou ohana, e like me na wa i hala, no ka mea, o kau mohai ua ku i ke apono ia e Aʻu;
2. Ua ike Au i kau hana a me kou hooikaika ma na kaahele ana no Koʻu inoa.
3. Nolaila, ke kauoha nei Au ia oe e hoouna aku i Kaʻu olelo i na wahi mamao, a e malama pono loa hoi i kou ohana mai keia manawa aku a mau loa aku. Amene.