1. He oiaio, he oiaio, ke olelo aku nei Au ia oe i Kuu kauwa, e Federika G. Wiliama, e hoolohe i ka leo o ka Mea e olelo nei, i ka olelo a ka Haku kou Akua, a e hoolohe i ke kahea ana ou i kahea ia ai, oia hoi, e lilo i Kahuna Kiekie iloko o Kuu Ekalesia, a i hoakuka hoi no Kuu kauwa o Iosepa Kamika, opio,

2. I ka mea Aʻu i haawi ai i na ki o ke aupuni, na mea no ka Papa Peresidena o ka Oihanakahuna Kiekie i na wa a pau:

3. Nolaila, he oiaio, ke apono nei Au ia ia a e hoopomaikai no ia ia, a me oe pu hoi, ina e kupaa oe ma ke kukakuka ana iloko o ka oihana Aʻu i koho aku ai nou, ma ka pule mau ana ma ka leo a iloko o kou naau, ma ke akea, a ma kahi malu, a iloko hoi o kau hana o ka Oihanakahuna ma ka hai ana i ka Euanelio ma ka aina o ka poe ola, a mawaena o kou mau hoahanau:

4. A ma ka hana ana i keia mau mea e hana ana oe i ka hana i oi loa aku o ka pono i kou mau hoa kanaka, a e hoonui aku i ka nani Ona, oia hoi, o kou Haku;

5. No ia mea, e kupaa, e ku ma ka oihana Aʻu i koho aku ai nou, e kokua i ka mea nawaliwali, e hapai ae i na lima mauluulu, a e hooikaika i na kuli nawaliwali;

6. A ina e kupaa oe a hiki i ka hopena, e loaa no ia oe ka lei o ka palaho ole a me ke ola mau loa iloko o na wahi Aʻu i hoomakaukau ai iloko o ka hale o Koʻu Makua.

7. Aia hoi, e nana, o keia na olelo a ka Alepa a me ka Omega, oia hoi, o Iesu Kristo. Amene.