1. Aia he elua ano o na mea ola ma ka lani—oia hoi, na anela, ka poe mea kino i hoala hou ia mai, no lakou na kino io a me na iwi.

2. Penei, olelo aku la o Iesu, “E lawelawe Iaʻu, i maopopo ia oukou, no ka mea, aohe io a me na iwi ko ka uhane e like me Koʻu a oukou e ike nei.”

3. Ka lua. Na uhane o na kanaka pono i hoohemolele ia—o lakou ka poe i hoala hou ole ia mai, aka, ua loaa nae ka nani hookahi no.

4. I ka wa a kekahi elele e hele mai ai, me ka olelo ana, he olelo kana mai ke Akua mai, e haawi aku ia ia i kou lima, a e noi aku ia ia e lulu lima me oe.

5. Ina he anela oia e hana ana oia pela, a e haha ana oe i kona lima.

6. Ina he uhane oia no kekahi kanaka pono i hoohemolele ia, e hele mai no oia iloko o kona nani; no ka mea, ma ia ano wale no e hiki ai ia ia ke ikea mai.

7. E noi aku ia ia e lulu lima me oe, aka, aole oia e oni ae, no ka mea, he kue ana ia i ke ano o ko ka lani no kekahi kanaka pono e apakee, aka, e haawi mai ana no oia i kana olelo i hoouna ia mai ai.

8. Ina o ke diabolo ia ma ke ano he anela o ka malamalama, i ka wa au e noi aku ai ia ia e lulu lima, e haawi mai ana no oia i kona lima ia oe, aole nae e haha ana oe i kekahi mea; nolaila, e hiki ana ia oe ke hoomaopopo ia ia.

9. O keia na ki ano nui ekolu, a ma o lakou la e hiki ai ia oe ke hoomaopopo ina paha no ke Akua mai kekahi lawelawe ana.