1. Aia hoi, ke olelo aku nei Au ia oe, e Kuu kauwa, e Sidane Kilibati, ua lohe Au i kau mau pule, a ua kahea mai oe Iaʻu, e hoike ia aku ia oe ma o ka Haku kou Akua la, e pili ana i kou kahea ia ana a me kou koho ia ana iloko o ka Ekalesia, Aʻu, a ka Haku, i hoala ae ai i keia mau la hope nei.

2. Aia hoi, ke haawi aku nei Au, ka Haku, ka Mea i kaulia ia no na hewa o ko ke ao nei, i kauoha ia oe e haalele oe i ko ke ao nei.

3. E lawe maluna iho ou i Kaʻu hoolilo ana, oia hoi, o ka oihana o ka Lunakahiko, e hai i ka manaoio a me ka mihi, a me ke kala ia ana o na hala, i ku like me Kaʻu olelo, a me ka loaa ana o ka Uhane Hemolele ma o ke kau ana la o na lima.

4. A e lilo no hoi i agena no keia Ekalesia ma kahi e koho ia ai e ka Bihopa, e ku like me na kauoha e haawi ia aku ana ma keia hope aku.

5. A eia hou, he oiaio, Kaʻu e olelo aku nei ia oe, e hele oe ma kou huakai hele me Kuu mau kauwa o Iosepa Kamika, opio, a me Sidane Rigedona.

6. Aia hoi, o keia na lawelawe-paa mua au e loaa ai, a o ke koena iho e hoike ia auanei i kekahi manawa e hiki mai ana, i ku like me kau hana ana ma Kuu malawaina.

7. A eia hou, ke makemake nei Au e hoomaopopo oe o ka mea wale no e hoola ia, oia ka mea e hoomau ana a hiki i ka hopena. Pela io no. Amene.