1. Aia hoi, ke olelo aku nei Au ia olua, aole he mea pono iloko Oʻu e unuhi hou aku olua a hiki i ko olua hele ana i Ohaio, a o ke kumu o keia no ka enemi a no ko olua pono.

2. A eia hou, ke olelo aku nei Au ia olua, mai hele olua, a hiki i ko olua hai ana i Koʻu Euanelio ma ia mau wahi, a hooikaika ae i ka Ekalesia ma kela a me keia wahi ona i kukulu ia ai, a o ka oi aku nae ma Kolevile; no ka mea, aia hoi, ke pule mai nei lakou Iaʻu me ka manaoio nui.

3. A eia hou, he kauoha Kaʻu e haawi aku nei i ka Ekalesia, oia hoi, he mea pono Iaʻu ke hoakoakoa like lakou ma Ohaio, ma ka manawa o Kuu kauwa o Oliva Kaudare e hoi aku ai io lakou la.

4. Aia hoi, eia ka naauao, e ae i kela a me keia kanaka e koho nona iho a hiki aku Au. Pela io no. Amene.