1. He oiaio, penei wahi a ka Haku, ia oe, e Kuu kauwa e Setepano Buneta, e hele oe, e hele oe iloko o ko ke ao nei a e hai i ka Euanelio i na mea a pau e hele mai ana malalo o ke o ana o kou leo;

2. A e like me kou makemake ana i kekahi kokoolua, e haawi aku no Au ia oe, i Kuu kauwa, ia Edena Kamika;

3. No ia mea, e hele oe a e hai i Kuu Euanelio, ina paha ma ka akau, a i ole ma ka hema, ma ka hikina paha, a i ole ma ke komohana, he mea ole ia, no ka mea, aole e hiki ia oe ke hele hewa;

4. Nolaila, e hai aku i na mea au i lohe a i manaoio maoli ai, a i hoomaopopo ai he oiaio.

5. Aia hoi, o keia ka makemake o ka Mea Nana i kahea aku ia oe, kou Hoolapanai, oia hoi, o Iesu Kristo. Amene.