1. Aia hoi, he mea pono ia iloko Oʻu e kakau a e malama Kaʻu kauwa, o Ioane, i kekahi mooolelo pololei, a e kokua ia oe, e Kaʻu kauwa, e Iosepa, ma ke kakau hou ana i na mea a pau e haawi ia aku ana ia oe, a hiki i kona kahea ia ana aku no kekahi mau hana hou aku.

2. Eia hou, he oiaio, ke olelo aku nei Au ia oe, he hiki no hoi ia ia ke hapai ae i kona leo ma na halawai, ma kela a me keia manawa kupono.

3. A eia hou, ke olelo aku nei Au ia oe, e koho ia oia e malama mau i ka mookuauhau Ekalesia a me ka mooolelo, no ka mea, ua koho Au ia Oliva Kaudare i kekahi oihana okoa.

4. No ia mea, e haawi ia aku ia ia ia e ka Uhane Kokua e kakau i keia mau mea ke kupaa oia. Pela io no. Amene.