1. “Heaha la ka makemake o ka Haku, e pili ana i ka Poe Hoano iloko o ke Teritori o Iowa?”

2. He oiaio, penei wahi a ka Haku, ke olelo aku nei Au ia oukou, o ka poe e kapa nei ia lakou iho ma Koʻu inoa, a e hoao ana e lilo i Poe Hoano Noʻu, ina e hana lakou i Koʻu makemake a e malama i Kaʻu mau kauoha e pili ana ia lakou, e hoakoakoa pu ae lakou ia lakou iho, ma na wahi Aʻu e koho aku ai no lakou ma o Kaʻu kauwa la, o Iosepa, a e kukulu i mau kulanakauhale i Kuu inoa, i makaukau ai lakou no na mea ma kahi hoahu no ka manawa e hiki mai ana.

3. E kukulu ae lakou i kulanakauhale i Kuu inoa maluna o ka aina ma kela aoao aku o ke kulanakauhale o Navu a e kapa ia kona inoa o Zarahemela.

4. A o ka poe a pau i hele mai mai ka hikina, a mai ke komohana, a mai ka akau, a mai ka hema, i loaa ka makemake e noho malaila, e lawe lakou i ko lakou wahi hooilina iloko olaila, a iloko no hoi o ke kulanakauhale o Nasevila, a i ole iloko o ke kulanakauhale o Navu, a iloko hoi o na Mahele-aina a pau Aʻu i koho ai, wahi a ka Haku.