Mokuna 4.
He Hoikeana, ma o Iosepa la, ka Mea Ike, ia Iosepa Kamika, Makua, i Haawi ia ma Hamone, Kalana o Susekuehana, Penesilevenia, Feberuari, M. H. 1829.
1. Ano, aia hoi, he hana kupaianaha i aneane e puka mai mawaena o na keiki a kanaka;
2. Nolaila, e oukou, ka poe e komo aku ana iloko o ka hana a ke Akua, e nana pono e hookauwa aku oukou Nana me ko oukou naau, ka mana, ka noonoo a me ka ikaika a pau, i ku aku ai oukou me ke kina ole imua o ke Akua ma ka la hope;
3. Nolaila, ina ua loaa ia oukou ka makemake e hookauwa na ke Akua, ina ua kahea ia oukou i ka hana,
4. No ka mea, aia hoi, ua keokeo ka mahinaai a makaukau e ohi ia, a aia hoi, o ka mea e hookomo aku ana i kana pahi-kakiwi me kona ikaika, oia ka mea e waiho ana ma kahi hoahu i make ole ai oia, aka, e lawe mai ana i ke ola i kona uhane me ke kino;
5. A na ka manaoio, ka manaolana, ka lokomaikai a me ke aloha, me ka maka hookahi i ka nani o ke Akua, e hoomakaukau ia ia no ka hana.
6. E hoomanao i ka manaoio, ka maemae, ka ike, ka pakiko, ke ahonui, ka lokomaikai hoahanau, ka hana i ku i ka ke Akua, ke aloha, ka haahaa, ka hooikaika.
7. E noi a e loaa mai, e kikeke a e wehe ia nou. Amene.