1. He oiaio, penei wahi a ka Haku, he naauao ia iloko o Kaʻu kauwa, o Davida W. Patena, e hooponopono koke oia i kana hana a pau, me ka hikiwawe e like me ka hiki ia ia ke hana, a e waiho aku i kona waiwai kalepa, i hiki ai ia ia ke hana i kekahi misiona Noʻu ma keia kau kupulau ae, me kekahi poe e ae, oia hoi, ka Papa Umikumamalua, a oia kekahi, e hooiaio no Koʻu inoa, a e hali aku i na olelo olioli i ko ke ao nei a pau;

2. No ka mea, he oiaio, penei wahi a ka Haku, oiai, aia kekahi poe mawaena o oukou e hoole ana i Koʻu inoa, e hoonohonoho ia kekahi poe okoa aku ma ko lakou wahi, a e loaa ko lakou oihana Bihopa. Amene.