Երիտասարդ Ջոզեֆ Սմիթը շարունակում էր պնդել, որ նա տեսիլք էր տեսել, և նա շարունակվում էր հալածվել դրա համար: Երբ նա 17 տարեկան էր, մի օր երեկոյան, երբ Ջոզեֆն աղոթում էր, Մորոնի անունով մի հրեշտակ հայտնվեց և հայտարարեց, որ Աստված գործ ուներ Ջոզեֆի համար, որը նա պետք է աներ, ներառելով նաև ոսկե թիթեղների վրա գրված հնադարյան հիշատակարանի թարգմանությունը: Մինչ բացատրում էր Ջոզեֆի դերը ավետարանի Վերականգնման գործում, Մորոնին Աստվածաշնչից մեջբերեց մի շարք մարգարեություններ, ներառյալ Մաղաքիայի մարգարեությունը Եղիայի վերադարձի վերաբերյալ: Հաջորդ օրը Ջոզեֆ Սմիթը գնաց այն բլուրը, որտեղ Մորոնին ասել էր, որ թաղված էին ոսկե թիթեղները: Այնտեղ նա Մորոնիից ստացավ ևս մի քանի ցուցումներ:
Այսօրվա դասի ընթացքում դուք ավելի շատ բան կսովորեք երիտասարդ Ջոզեֆ Սմիթի մասին: Կարդացեք Ջոզեֆ Սմիթ-Պատմություն 1.27-29, և այս հատվածները նմանեցրեք ձեզ:
Խորհեք իրավիճակների և զգացումների մասին, որոնք Ջոզեֆ Սմիթն ունեցել է իր երիտասարդ տարիներին: Ինչո՞վ են դրանք նման քո ունեցածներին:
Ջոզեֆ Սմիթ-Պատմություն 1.28-ում Ջոզեֆը գրում է, որ մինչդեռ նա չուներ մեծ մեղքեր, միշտ չէ, որ նա գործում էր այնպես, ինչպես պետք է գործեր Աստծո կողմից կանչված անձնավորությունը: Մենք կարող ենք կարևոր դասեր քաղել այն ամենից, թե ինչ արեց Ջոզեֆ Սմիթն իր սխալներն ուղղելու համար:
Վերանայեք Ջոզեֆ Սմիթ-Պատմություն 1.28, ապա սուրբ գրությունների ուսումնասիրության ձեր օրագրում գրեք,թե ինչ արեց Ջոզեֆ Սմիթն իր սխալներն ուղղելու համար: Բացի դրանից, նշեք մեկ կամ երկու սկզբունքներ, որոնք դուք սովորել եք Ջոզեֆի փորձառությունից:
Ահա մի քանի ճշմարտություններ, որոնք մենք կարող ենք սովորել Ջոզեֆ Սմիթ-Պատմություն 1.28 -ից. Երբ մենք գիտակցում ենք մեր մեղքերը և զղջում ենք դրանց համար, մենք կարող ենք աղոթել Երկնային Հորը, որ ների մեզ: Մենք կարո ենք աղոթել, որ իմանանք մեր կարգավիճակն Աստծո առաջ:
Սուրբ գրությունների ուսումնասիրության ձեր օրագրում պատասխանեք հետևյալ հարցին․ Ինչպե՞ս կարող է ձեզ օգնել ձեր կարգավիճակն Աստծո առաջ իմանալու համար աղոթելը:
Կարդացեք Տասներկու Առաքյալների Քվորումից Երեց Նիլ Լ. Անդերսենի հետևյալ հրահանգները, որ ավելի լավ հասկանաք, թե ինչպես կարող է աղոթքն օգնել մեզ իմանալ մեր կարգավիճակն Աստծո առաջ և տեսնել փոփոխությունները, որոնք Նա կցանկանար, որ մենք կատարեինք.
Նկար
Երեց Նիլ Լ. Անդերսեն
«Ինչպե՞ս մենք կարող ենք որոշել, թե ինչի վրա պետք է կենտրոնանա մեր ապաշխարությունը: … [Մենք կարող ենք] Տիրոջը խոնարհաբար հարցնել. «Հայր, ի՞նչ կուզենայիր, որ անեի»: Պատասխանները գալիս են: Մենք զգում ենք այն փոփոխությունները, որոնք պետք է կատարենք: Տերը մեզ ասում է մեր մտքում և մեր սրտում:
Այդ ժամանակ մեզ թույլ է տրվում ընտրել. ապաշխարել, թ՞ե վարագույրով ծածկել դեպի երկինք բացված մեր պատուհանը» («Ապաշխարեք, … որպեսզի ես կարողանամ բուժել ձեզ», Ensign կամ Լիահոնա, նոյ. 2009, 41)։
Հիշեք, որ Երկնային Հայրը ցանկանում է ներել մեզ, եթե մենք հավատում ենք Հիսուս Քրիստոսին և անում ենք անհրաժեշտ բաները, որպեսզի ապաշխարենք մեր մեղքերի համար:
Մինչ Ջոզեֆ Սմիթն աղոթում էր ներման համար, Մորոնի հրեշտակը հայտնվեց նրան: Կարդացեք Ջոզեֆ Սմիթ-Պատմություն 1.30-32, և փորձեք պատկերացնել, թե ինչպիսին է եղել այս փորձառությունը:
Նկար
Մորոնին հայտնվում է Ջոզեֆ Սմիթին իր սենյակում
Կարդացեք Ջոզեֆ Սմիթ-Պատմություն 1.33, և գտեք Ջոզեֆ Սմիթին ուղղված Մորոնիի ուղերձը: Դուք կարող եք նշել բառերը կամ արտահայտությունները, որոնք շեշտում են, որ Աստված աշխատանք ուներ նածատեսած Ջոզեֆ Սմիթի համար: Խորհեք, թե ինչ կարող էր զգալ Ջոզեֆը, երբ նա իմացավ, թե ինչ էր Աստված անելու իր միջոցով:
Մորոնին մարգարեացավ, որ Ջոզեֆ Սմիթի անունը «բոլոր ժողովուրդների մեջ կխոսվի և բարի, և չար» (Ջոզեֆ Սմիթ-Պատմություն 1.33): Սուրբ գրությունների ուսումնասիրության ձեր օրագրում գրեք մի դեպքի մասին, որի ականատես եք եղել, որը ցույց է տալիս, որ այս մարգարեությունն իրականացել է:
Մորոնին նաև ուսուցանեց Ջոզեֆ Սմիթին այն աշխատանքի մասին, որը նա էր կատարելու: Կարդացեք Ջոզեֆ Սմիթ-Պատմություն 1.34-35, և գտեք, թե որն էր լինելու այդ աշխատանքը:
Մորոնին հրահանգում և նախազգուշացնում է Ջոզեֆ Սմիթին
Ջոզեֆ Սմիթ-Պատմություն 1.36-42 մենք կարդում ենք, որ Մորոնին բազմաթիվ արտահայտություններ է մեջբերել Աստվածաշնչից, որպեսզի բացատրի, որ ավետարանի Վերականգնումը մոտ էր սկսվելուն: Երբ դուք կարդաք այս հատվածները, դուք կարող եք նշել սուրբ գրությունների հատվածների այն հղումները, որոնք մեջբերված են:
Կարդացեք Ջոզեֆ Սմիթ—Պատմություն 1.38-39: 1876թ. Բրիգամ Յանգի նախաձեռնությամբ այս հատվածների Մորոնիի խոսքերը ավելացվեցին Վարդապետություն և Ուխտերում որպես բաժին 2: Եղիայի վերադարձի վերաբերյալ այս մարգարեությունն այս տնտեսությունում տրված առաջին հայտնություններից մեկն է, և դրա կարևորությունն այնքան մեծ է, որ դրան հանդիպում ենք նաև Հին Կտակարանում (Մաղաքիա դ.5-6), Նոր Կտակարանում (Ղուկաս Ա.17) և Մորմոնի Գրքում (3 Նեփի 25.5-6): Դուք կարող եք գրել այս հղումները Ջոզեֆ Սմիթ-Պատմություն 1.38-39 և Վարդապետություն և Ուխտեր 2-ի կողքին:
Նկար
Նախագահ Հենրի Բ. Այրինգ
Առաջին Նախագահությունից Նախագահ Հենրի Բ. Այրինգը հետևյալն է ասել Եղիայի և քահանայության զորության մասին, որը նա վերականգնելու էր. «Կարևոր է իմանալ, թե ինչու էր Տերը խոստացել ուղարկել Եղիային: Եղիան մեծ մարգարե էր, ով ուներ մեծ զորություն` տրված նրան Աստծո կողմից: Նա կրում էր ամենամեծ զորությունը, որն Աստված տալիս է Իր զավակներին. նա կրում էր կնքման զորությունը, զորությունը կապելու երկրի վրա և ունենալու այն կապված երկնքում» (“Hearts Bound Together,” Ensign, May 2005, 78):
Վարդապետություն և Ուխտեր 2.2 վերաբերվում է հայրերին տրված խոստումներին: Տասներկու Առաքյալների Քվորումից Երեց Բրյուս Ռ. Մակքոնկին պարզաբանել է, թե ովքեր են այս հայրերը և ինչ խոստումներ են տրվել նրանց. «Ովքե՞ր են հայրերը: Նրանք Աբրահամը, Իսահակը և Հակոբն են, ում տրվել էին խոստումները: Որո՞նք են խոստումները: Դրանք հավերժության մեջ ընտանեկան միավորի շարունակվելու խոստումներն են» (The Millennial Messiah: The Second Coming of the Son of Man [1982], 267):
Նկար
Նախագահ Ջոզեֆ Ֆիլդինգ Սմիթ
Ի լրացում Հին Կտակարանի մարգարենեիր` Աբրահամի, Իսահակի և Հակոբի վերաբերյալ արտահայտություններին, «հայրերը» վերաբերվում է ուրիշներին, ինչպես բացատրել է Նախագահ Ջոզեֆ Ֆիլդինգ Սմիթը. «Հայրերը մեր մահացած նախնիներն են, ովքեր մահացել են առանց ավետարանը ստանալու արտոնության, սակայն ովքեր խոստում են ստացել, որ կգա ժամանակը, երբ այդ արտոնությունը կտրվի նրանց: Զավակները այժմ ապրողներն են, ովքեր պատրաստում են ծագումնաբանական տվյալներ և ովքեր տաճարում կատարում են արարողություններ նրանց փոխարեն» (Doctrines of Salvation, ed. Bruce R. McConkie, 3 vols. [1954–56], 2:127):
Վարդապետություն և Ուխտեր 2.3 ասվում է, որ ողջ երկիրն ամբողջովին կամայանար, եթե Եղիան չգար: Նախագահ Ջոզեֆ Ֆիլդինգ Սմիթը բացատրել է, թե ինչու դա կպատահեր. «Ինչո՞ւ երկիրը կամայանար: Այն պարզ պատճառով, որ եթե չլինի կապակցող օղակ հայրերի և զավակների միջև, որը մահացածների համար կատարվող աշխատանքն է, ապա մենք բոլորս էլ կմերժվենք. Աստծո ողջ աշխատանքը կխափանվի և ամբողջությամբ կոչնչանա» (Doctrines of Salvation, 2:122, տես նաև ՎևՈՒ 128.17–18):
Ահա ճշմարտությունների մի քանի բացատրություններ, որոնք դուք միգուցե նշած լինեք Վարդապետություն և Ուխտեր 2.1-3: Ճշմարտությունը համընկեցրեք համապատասխան հատվածի հետ, որտեղ այն ուսուցանվում է:
Աստված կուղարկի Եղիային վերականգնելու կնքման զորությունը երկրի վրա նախքան Հիսուս Քրիստոսի Երկրորդ Գալուստը:
Հիմնվելով Վարդապետություն և Ուխտեր 2-ից ձեր սովորածի վրա, սուրբ գրությունների ուսումնասիրության ձեր օրագրում գրեք մի քանի նախադասություն, բացատրելով ձեր զգացմունքները Եղիայի վերադարձի կարևորության վերաբերյալ:
Երբ ավելի ուշ ուսումնասիրեք Վարդապետություն և Ուխտեր 110 այս տարվա ընթացքում, դուք կիմանաք, թե ինչպես իրականացավ այս մարգարեությունը, երբ Եղիան վերադարձավ և Մարգարե Ջոզեֆ Սմիթին շնորհեց կնքման զորությունը:
Այն բանից հետո, երբ Մորոնին Ջոզեֆ Սմիթին ուսուցանեց Եղիայի վերադարձի մասին, մեջբերեց այլ մարգարեություններ Վերականգնման վերաբերյալ և հետագա ցուցումներ տվեց ոսկե թիթեղների վերաբերյալ, նա հեռացավ (տես Ջոզեֆ Սմիթ-Պատմություն 1.42-43): Կարդացեք Ջոզեֆ Սմիթ-Պատմություն 1.44-45, և գտեք, թե ինչ պատահեց Մորոնիի գնալուց հետո:
Կարդացեք Ջոզեֆ Սմիթ-Պատմություն 1.46-49, և ուշադրություն դարձրեք, թե քանի անգամ Մորոնին կրկնեց իր ուղերձը Ջոզեֆ Սմիթի համար: Քանի՞ անգամ Մորոնին իր ուղերձը հայտնեց Ջոզեֆ Սմիթին:
Սրանից մենք սովորում ենք մի ճշմարտություն, որ Տերը և Իր ծառաները հաճախ կրկնում են կարևոր ուսմունքները:
Խորհեք հաղորդության աղոթքների մասին: Ինչո՞ւ են դրանք բառ առ բառ կրկնվում ամեն շաբաթ: Խորհեք ուսմունքների մասին, որոնք դուք կրկին ու կրկին լսել եք սուրբ գրություններում և գերագույն համաժողովի ժամանակ:
Սուրբ գրությունների ուսումնասիրության ձեր օրագրում թվարկեք ուսմունքների մի քանի օրինակներ, որոնք դուք լսել եք, որ կրկնվել են, այնուհետև բացատրեք, թե ձեր կարծիքով, ինչու են Տերը և Նրա ծառաները հաճախ կրկնում ուսմունքները: Չմոռանաք նկարագրել, թե ինչպես կարող եք կիրառել այս ճշմարտությունն այս տարի:
Ջոզեֆը գնում է բլուր և բացում է թիթեղները, Ուրիմն ու Թումիմը, և լանջապանակը
Ջոզեֆ Սմիթ-Պատմություն 1.50-51 բացատրում է, որ երբ Ջոզեֆը պատմեց իր հորը Մորոնիի այցելության մասին, նա գնաց բլուրը, որտեղ թաղված էին ոսկե թիթեղները:
Պատկերացրեք, թե ինչ դուք կզգայիք, եթե լինեիք Մորոնիի փոխարեն և այցելած լինեիք Ջոզեֆ Սմիթին ավելի քան 1400 տարի սպասելուց հետո, որպեսզի թիթեղները բացվեին ու թարգմանվեին: Երբ դուք պատկերացնեք դա,կարդացեք Ջոզեֆ Սմիթ-Պատմություն 1.52-54, ապա սուրբ գրությունների ուսումնասիրության ձեր օրագրում գրեք, թե ինչ կարող էիք զգալ այս փորձառության ժամանակ:
Հաջորդ դասի ժամանակ դուք կբացահայտեք, թե ինչ պատահեց չորս տարի սպասելու ժամկետի վերջում:
Սուրբ գրությունների ուսումնասիրության ձեր օրագրում այսօրվա հանձնարարության տակ գրեք հետևյալը.