Մաս 16. Օր 3

Վարդապետություն և Ուխտեր 76․1-49

Նախաբան

1832թ. փետրվարի 16-ին մարգարե Ջոզեֆ Սմիթը և Սիդնի Ռիգդոնը աշխատում էին Աստվածաշնչի ոգեշնչված վերանայման վրա: Մինչ նրանք խորհում էին Հովհ. Ե.29 հատվածի նշանակության մասին, տեսիլք տեսան: Այս տեսիլքը, որը գրված է Վարդապետություն և Ուխտեր 76 բաժնում, հաստատեց Հիսուս Քրիստոսի իրական և աստվածային լինելը, ուսուցանեց Սատանայի ու կորստի որդիների անկման մասին, և նկարագրեց փառքի երեք թագավորությունները, ինչպես նաև նրանց, ովքեր կժառանգեն յուրաքանչյուր թագավորությունը:

Վարդապետություն և Ուխտեր 76 բաժինը կուսումնասիրենք երեք դասերի ընթացքում: Այս առաջին դասին դուք կիմանաք մեզ օրհնելու Տիրոջ պատրաստակամության մասին, ինչպես նաև մարգարե Ջոզեֆ Սմիթի և Սիդնի Ռիգդոնի գործողությունները, որոնց հետևանքով նրանք ստացան տեսիլքը: Դուք նաև կիմանաք Սատանայի անկման մասին և նրանց ճակատագրի, ովքեր հետևում են նրան:

illustration of vision recorded in D&C 76

Վարդապետություն և Ուխտեր 76․1-10

Տերն օրհնություններ է խոստանում նրանց, ովքեր հավատարիմ են Իրեն:

Եթե ընտեիք մեկին, ում կողմից կուզեիք հարգված լինել, ապա ո՞ւմ կընտրեիք և ինչո՞ւ:

Վարդապետություն և Ուխտեր 76.1–5 հատվածներն ուսուցանում են, որ Տերն իմաստուն է, զորավոր, հավերժական, ողորմած և գթասիրտ: 5 հատվածը նաև ուսուցանում է, որ Նա կպատվի մեզ, եթե մենք արժանանանք: Կարդացեք 5 հատվածը և պարզեք, թե ինչ մենք պետք է անենք, որպեսզի հարգված լինենք Հիսուս Քրիստոսի կողմից:

Այս համատեքստում, վախենալ Տիրոջից նշանակում է մեծարել, պատվել, հարգել և սիրել Նրան: Հիմնվելով 5 հատվածում գրված Տիրոջ խոսքերի վրա մենք իմանում ենք, որ եթե մենք մեծարենք և ծառայենք Տիրոջը, Նա կպատվի մեզ:

Կարդացեք Վարդապետություն և Ուխտեր 76.6–9 հատվածները, տեսնելով թե ինչպես Տերը կպատվի նրանց, ովքեր մեծարում և ծառայում են Նրան: Կարդալիս, օգտակար կլինի իմանալ, որ սուրբ գրություններում խորհուրդներ տերմինը սովորաբար վերաբերում է հոգևոր ճշմարտություններին, որոնք կարող են իմացվել միայն հայտնությունների միջոցով:

Համաձայն նրա, ինչ կարդացիք 6-9 հատվածներում, նախորդ սկզբունքին ավելացրեք. եթե մենք մեծարենք և ծառայենք Տիրոջը, Նա կպատվի մեզ` :

Կարդացեք Վարդապետություն և Ուխտեր 76.10 հատվածը և պարզեք սկզբունքը, թե Տերն ինչպես է մեզ հայտնելու ճշմարտությունը:

1. Խորհեք սկզբունքի շուրջ, որ Տերը Հոգով լուսավորում է մեզ: Որպեսզի վերհիշեք այն ժամանակները, երբ Տերը լուսավորել է ձեզ Հոգով, սուրբ գրությունների ուսումնասիրության ձեր օրագրում ավարտուն դարձրեք հետևյալը. Վերջերս ես Հոգու կողմից լուսավորված եմ զգացել, երբ …

Վարդապետություն և Ուխտեր 76․11-19

Ջոզեֆ Սմիթը և Սիդնի Ռիգդոնը նկարագրում են, թե ինչ հանգամանքներ եղան, որոնց հաջորդեց տեսիլքը:

John Johnson farm

Վարդապետություն և Ուխտեր 76 բաժնում գրված տեսիլքը ստացվել է Ջոն Ջոնսոնի ագարակում` Հայրամում, Օհայո:

Մարգարե Ջոզեֆ Սմիթին և Սիդնի Ռիգդոնին ցույց տրված տեսիլքը Վարդապետություն և Ուխտեր 76.5-10-ում Տիրոջ տված խոստումների իրականացումն է: Կարդացեք Վարդապետություն և Ուխտեր 76.11–14 հատվածները, և ուշադրություն դարձրեք, թե ինչպես է Տերը պատվել Ջոզեֆ Սմիթին և Սիդնի Ռիգդոնին` նրանց հայտնելով ճշմարտությունը:

Պատահե՞լ է արդյոք, որ ժամանակ եք տրամադրել սուրբ գրությունները կարդալուն, և չեք հասկացել այն, ինչ կարդացել եք: Ի՞նչ եք արել, որ ավելի լավ հասկանաք սուրբ գրությունները:

Այն, ինչ Ջոզեֆ Սմիթը և Սիդնի Ռիգդոնն անում էին նախքան այս տեսիլքը ստանալը, ուսուցանում է մեզ, թե ինչպես կարող ենք ավելի լավ հասկանալ սուրբ գրությունները և հրավիրել Հոգին` ճշմարտությունը մեզ բացահայտելու: Կարդացեք Վարդապետություն և Ուխտեր 76 բաժնի նախաբանը, ապա կարդացեք Վարդապետություն և Ուխտեր 76.15–19-ը: Կարդալիս, պարզեք, թե ինչ էին անում Ջոզեֆը և Սիդնին, ինչը հնարավոր դարձրեց նրանց համար սուրբ գրությունների հասկացողությունը ստանալ` հայտնության միջոցով:

Ուշադրություն դարձրեք, որ սուրբ գրություններն ուսումնասիրելու և դրանց մասին խորհրդածելու ժամանակ էր, երբ Հոգին լուսավորեց նրանց հասկացողությունը: Սուրբ գրությունների մասին խորհրդածել` նշանակում է խորհել կամ մտածել կարդացածի մասին: Ջոզեֆի և Սիդնիի օրինակը ցույց է տալիս մեզ, որ եթե աղոթքով ուսումնասիրենք և խորհենք սուրբ գրությունների մասին, Տերը կընդլայնի մեր հասկացողությունը:

Elder D. Todd Christofferson

Տասներկու Առաքյաների Քվորումից Երեց Դ. Թոդ Քրիստոֆերսոնը բացատրել է, թե ինչպես աղոթքով ուսումնասիրել և խորհել սուրբ գրությունների մասին. «Երբ ես ասում եմ «ուսումնասիրել» ես ավելին նկատի ունեմ, քան կարդալը»: Ես տեսնում եմ, թե ինչպես եք դուք երբեմն կարդում մի քանի հատված, ապա դադար առնում և խորհում դրանց մասին, այնուհետև կրկին ուշադիր կարդում հատվածները, մտածում դրանց նշանակության մասին, աղոթելով հասկացողության համար, հարցեր տալով ձեր մտքում, սպասելով հոգևոր հուշումներին և գրի առնելով այն տպավորությունները և մտքերը, որոնք ստանում եք, որպեսզի հիշեք և ավելին սովորեք: Այս ձևով ուսումնասիրելով, դուք միգուցե շատ գլուխներ կամ հատվածներ չհասցնեք կարդալ կես ժամում, բայց դուք ձեր սրտում տեղ կտաք Աստծո խոսքին և Նա կխոսի ձեզ հետ» (“When Thou Art Converted,” Ensign կամ Լիահոնա, մայիս 2004, 11):

2. Պատասխանեք հետևյալ հարցերին ձեր սուրբ գրությունների ուսումնասիրության օրագրում.

   1. Ի՞նչ արդյունքներ եք ունեցել սուրբ գրություններն աղոթքով ուսումնասիրելու և խորհելու հետևանքով:

   2. Գրեք Երեց Քրիստոֆերսոնի նշած գործողություններից մեկը, որը դուք կկիրառեք սուրբ գրությունների անձնական ձեր ուսումնասիրության ժամանակ:

Վարդապետություն և Ուխտեր 76․20-24

Ջոզեֆ Սմիթը և Սիդնի Ռիգդոնը տեսնում են Երկնային Հորը և Հիսուս Քրիստոսին:

Երբ տեսիլքը բացվեց մարգարե Ջոզեֆ Սմիթը և Սիդնի Ռիգդոնը տեսան Հիսուս Քրիստոսին` Իր վեհությամբ ու փառքով:

3. Սուրբ գրությունների ուսումնասիրության ձեր օրագրում գծեք մի աղյուսակ` հետևյալ երեք վերնագրերով.

   Ի՞նչ նրանք տեսան.	Ի՞նչ նրանք լսեցին.	Ի՞նչ նրանք իմացան.

   1. Կարդացեք Վարդապետություն և Ուխտեր 76.20–24-ը և պատշաճ վերնագրի տակ գրեք այդ հատվածներից համապատասխան խոսքեր կամ արտահայտություններ:

   2. Հիմնվելով նրա վրա, թե ինչ տեսան, լսեցին և իմացան Ջոզեֆ Սմիթը և Սիդնի Ռիգդոնը, թվեք առնվազն երկու ճշմարտություն Հիսուս Քրիստոսի մասին, որ ուսուցանվում է այս հատվածներում: Այնուհետև գրեք ձեր վկայությունն այս ճշմարտություններից մեկի վերաբերյալ և ինչպե՞ս գիտեք, կամ ինչո՞ւ եք կարծում, որ դա ճշմարիտ եմ:

Խաչաձև հղումներ

Հաճախ, սուրբ գրությունների մեկ հատված կարող է մեկնաբանել կամ հստակեցնել մեկ այլ հատվածում գտնվող արտահայտությունը կամ գաղափարը։ Կապեք իրար սուրբ գրությունների հատվածները, կիրառելով սուրբ գրությունների տողատակի ծանոթագրությունները, ցուցիչը կամ Թեմատիկ Ուղեցույցը կամ Սուրբ Գրքերի Ուղեցույցը, որոնք կարող են օգնել հասկանալ սուրբ գրությունների հատվածը։

scripture mastery icon

Սուրբ գրության սերտում—ՎևՈւ 76.22-24

Վարդապետություն և Ուխտեր 76.22-24 սուրբ գրությունների սերտման հատվածներ են: Դուք կարող եք նշել այն առանձնահատուկ ձևով, որպեսզի կարողանաք հեշտ գտնել հետագայում:

4. Մարգարե Ջոզեֆ Սմիթը և Սիդնի Ռիգդոնը վկայություն բերեցին, որ Հիսուս Քրիստոսը ապրող, փառավորված Էակ է: Գտեք երկու այլ օրինակներ սուրբ գրություններից, երբ ինչ-որ մեկը տեսել է հարություն առած Փրկչին: Որպես օգնություն օգտագործեք տողատակի ծանոթագրությունները, կամ Սուրբ Գրքերի Ուղեցույցը: Սուրբ գրությունների ուսումնասիրության ձեր օրագրում գրեք ձեր գտած օրինակների հղումները:

Վարդապետություն և Ուխտեր 76․25-29

Ջոզեֆ Սմիթը և Սիդնի Ռիգդոնը տեսիլքում տեսնում են Սատանայի անկումը

Լրացրեք հետևյալ թեստային հարցաշարը` նշելով յուրաքանչյուր նախադասությունը որպես Ճ (Ճիշտ) կամ Ս (Սխալ):

1. Սատանան հայտնի էր որպես Լյուցիֆեր:

2. Սատանան Աստծո ներկայության մեջ իշխանություն ունեցող հոգի էր:

3. Սատանան մտադիր չէր չհնազանդվել Երկնային Հորն ու Հիսուս Քրիստոսին:

4. Երկնքում ուրախություն էր, երբ Սատանան ցած գցվեց:

5. Սատանան պատերազմում է Աստծո սրբերի հետ:

Երբ ավարտեք թեստը, վերանայեք Վարդապետություն և Ուխտեր 76.25–29 հատվածները, որոնք նկարագրում են մարգարե Ջոզեֆ Սմիթի և Սիդնի Ռիգդոնի տեսիլքը Սատանայի անկման մասին: Համապատասխան փոփոխություններ կատարեք ձեր պատասխաններում, հիմնվելով կարդացածի վրա, և, ապա, ստուգեք դրանք այս դասի վերջում ընդգրկված պատասխանների հետ:

Վարդապետություն և Ուխտեր 76․30-49

Ջոզեֆ Սմիթը և Սիդնի Ռիգդոնը տեսնում են տեսիլքում կորստի որդիների տառապանքները

Ո՞վ է դավաճան համարվում պատերազմում: Վարդապետություն և Ուխտեր 76․30-49 հատվածներն այն անհատների մասին են, ովքեր դառնում են Փրկչի դավաճանները: Այս անձիք հայտնի են որպես կորստի որդիներ: Կարդացեք Վարդապետություն և Ուխտեր 76․30-35 հատվածները, տեսնելով, թե որ ընտրություններն են հանգեցնում նրան, որ մարդիկ դառնում են կորստի որդիներ:

Կորստի որդիները տարբերվում են Եկեղեցու այն անդամներից, ովքեր մի ժամանակ ունեցել են ճշմարտության մասին վկայություններ, բայց հետագայում դադարել են ակտիվ լինել և ավետարանի սկզբունքներին հետևել: Կորստի որդիները աններելի մեղք են գործում` մերժելով Սուրբ Հոգին:

Ջոզեֆ Սմիթ

Մարգարե Ջոզեֆ Սմիթը աններելի մեղքի մասին ուսուցանել է հետևյալը. «Ի՞նչ պետք է անի մարդը, որ կատարի աններելի մեղք: Նա պետք է ստանա Սուրբ Հոգին, ունենա երկինքները բացված իր համար, և ճանաչի Աստծուն, և հետո մեղք գործի նրա դեմ: Երբ մարդը մեղք է գործում Սուրբ Հոգու դեմ, ապաշխարություն չկա նրա համար: Նա պետք է ասեր, որ արևը չի փայլում, երբ նա տեսնում է այն, նա պետք է մերժեր Հիսուս Քրիստոսին, երբ երկինքները բացվել են նրա համար, և ժխտեր փրկության ծրագիրը, երբ նրա աչքերը բաց են դրա ճշմարտության վրա» (in History of the Church, 6:314).

Աններելի մեղք գործելը պահանջում է հատուկ գիտելիք Փրկչի մասին, որը ձեռք է բերվել Նրա հետ մի սուրբ փորձառության շնորհիվ: Նախագահ Սպենսեր Վ. Քիմբալն օգնել է մեզ հասկանալ, թե ինչ է սա նշանակում եկեղեցու շատ անդամների համար. «Սուրբ Հոգու դեմ գործած մեղքը պահանջում է այնպիսի գիտելիք, որ ակնհայտորեն անհնար է սովորական անդամների համար` այդպիսի մեղք գործելը» (The Miracle of Forgiveness [1969], 123).

Կարդացեք Վարդապետություն և Ուխտեր 76.36–38, 44–49 հատվածները, տեսնելով, թե ինչ վիճակում կլինեն կորստի որդիները:

Կորստի որդիները չեն փրկագնվի հոգևոր մահից, կամ երկրորդ մահից, և չեն ժառանգի փառքի որևէ արքայություն հարությունից հետո: Փոխարենը, նրանք հավերժ կտառապեն:

Կորստի որդիների վերաբերյալ տեսիլքի ժամանակ մարգարե Ջոզեֆ Սմիթը և Սիդնի Ռիգդոնը սովորեցին հույսի սկզբունքը: Կարդացեք Վարդապետություն և Ուխտեր 76.39–43 հատվածները, գտնելով խոսքեր և արտահայտություններ, որոնք ուսուցանում են հետևյալ սկզբունքը. Հիսուս Քրիստոսի Քավության միջոցով Աստծո բոլոր զավակները, բացառությամբ կորստի որդիներից, կարող են փրկվել` և մեղքից, և մահից:

scripture mastery icon

Սուրբ գրությունների սերտում - Վարդապետություն և Ուխտեր 76․40–41

Կարդացեք Վարդապետություն և Ուխտեր 76.40-41 հատվածները: Քանի որ այս հատվածները սուրբ գրությունների սերտման հատվածներ են, կարող եք նշել դրանք առանձնահատուկ ձևով, որպեսզի կարողանաք հեշտությամբ գտնել հետագայում: Ավետարան բառը նշանակում է բարի լուր:

5. Սուրբ գրությունների ուսումնասիրության ձեր օրագրում գրեք մի կարճ վերնագիր, ամփոփելով բարի լուրերը, որ ուսուցանվում են Վարդապետություն և Ուխտեր 76.40–41 հատվածներում: Այնուհետև գրեք մի քանի նախադասություններ, որոնք նկարագրում են, թե ինչու են այդ բաները բարի լուր հանդիսանում ձեր համար: Կարող եք դուրս գրել այդ հատվածները, տեղադրել մի հարմար տեղ, և հաջորդ մի քանի օրերի ընթացքում աշխատել անգիր սովորել դրանք:

6. Սուրբ գրությունների ուսումնասիրության ձեր օրագրում այսօրվա հանձնարարության տակ գրեք հետևյալը.

   Ես ուսումնասիրեցի Վարդապետություն և Ուխտեր 76.1-49 հատվածները և ավարտեցի այս դասը (ամսաթիվ):

   Լրացուցիչ հարցեր, մտքեր և գաղափարներ, որոնցով ես կցանկանայի կիսվել իմ ուսուցչի հետ.

«Ճիշտ-սխալ» հանձնարարության պատասխանները.

1 նախադասությունը ճիշտ է (տես ՎևՈւ 76.26, 28):

2 նախադասությունը նույնպես ճիշտ է (տես ՎևՈւ 76.25–27): Լյուցիֆեր անունը նշանակում է լույս բերող կամ փայլող: Լյուցիֆերը «արշալույսի որդին» էր, ինչը ցույց է տալիս, որ «նա Հոր վաղ ծնված հոգևոր զավակներից էր» (Bruce R. McConkie, Mormon Doctrine, 2nd ed. [1966], 744).

3 նախադասությունը սխալ է (տես ՎևՈւ 76.25, 28): Սատանան փորձել է գահազրկել Երկնային Հորը և վերցնել Նրա զորությունը, արքայությունը և փառքը:Նախաերկրային կյանքում, Լյուցիֆերն ապստամբեց Երկնային Հոր և Հիսուս Քրիստոսի դեմ և դուրս գցվեց:

4 նախադասությունը նույնպես սխալ է (տես ՎևՈւ 76.26): Երկինքները լաց եղան Լյուցիֆերի կորուստի համար և նրան Կորուստ անվանեցին, ինչը նշանակում է ոչնչացում կամ անեծք:

5 նախադասությունը ճիշտ է (տես ՎևՈւ 76.29): Կարող եք գրքում նշել 29 հատվածի այն արտահայտությունը, որն ուսուցանում է, որ Սատանան պատերազմում է Աստծո սրբերի հետ: Խորհեք, թե ձեր նկատելով, ի՞նչ կերպ է այսօր Սատանան պատերազմ մղում Աստծո սրբերի դեմ: