Մաս 10. Օր 4

Վարդապետություն և Ուխտեր 43–44

Նախաբան

Ինչպես արձանագրված է Վարդապետություն և Ուխտեր 43 բաժնում, 1831թ. փետրվարին Տերը Եկեղեցու անդամներին հրահանգներ տվեց Եկեղեցու համար հայտնություն ստանալու մարգարեի դերի, ինչպեսև այն կարիքի վերաբերյալ, որ Եկեղեցու երեցները պետք է ապաշխարություն քարոզեն ի նախապատրաստություն գալիք իրադարձությունների: Վարդապետություն և Ուխտեր 44 բաժինը ներառում է Տիրոջ հրահանգները Եկեղեցու երեցներին, որ հավաքվեն համաժողովի:

Վարդապետություն և Ուխտեր 43․1–7

Տերը հայտարարում է, որ հայտնություններն ու պատվիրանները տրվում են միայն Իր նշանակված մարգարեի միջոցով

Պատկերացրեք, որ երկու տարբեր մարդ փորձում են ձեզ միաժամանակ երկու տարբեր երգ սովորեցնել: Կարո՞ղ եք դուք միաժամանակ երկու երգն էլ երգել: Ինչպե՞ս կորոշեիք, թե որ ղեկավարին հետևել:

1831թ. փետրվարին Կիրթլենդում՝ Օհայո, տիկին Հաբլ անունով մի նորադարձ պնդում էր, որ հայտնություններ և պատվիրաններ է ստանում Եկեղեցու համար: Նրա պնդումներից Եկեղեցու մի քանի անդամներ խաբվել էին: Մարգարե Ջոզեֆ Սմիթը հարցրեց Տիրոջը տիկին Հաբլի պնդումների մասին և որպես պատասխան՝ հայտնություն ստացավ, որն այժմ արձանագրված է Վարդապետություն և Ուխտեր 43 բաժնում:

Կարդացեք Վարդապետություն և Ուխտեր 43.1–5 հատվածները, պարզելով, թե ըստ Տիրոջ խոսքերի՝ ով կարող է հայտնություն ստանալ ողջ Եկեղեցու համար:

Այդ հատվածները Եկեղեցու վաղ անդամներին օգնեցին հասկանալ, որ միայն Մարգարե Ջոզեֆ Սմիթը լիազորություն ուներ պատվիրաններ ու հայտություններ ստանալ ողջ Եկեղեցու համար: Այդ հատվածները նաև մեզ են օգնում հասկանալ, որ միայն Եկեղեցու Նախագահը հայտնություններ կստանա ողջ Եկեղեցու համար: Դուք կարող եք այս վարդապետությունը գրել ձեր սուրբ գրությունների Վարդապետություն և Ուխտեր 43.3–4 լուսանցքում կամ սուրբ գրությունների ուսումնասիրության ձեր օրագրում:

1. Սուրբ գրությունների ուսումնասիրության ձեր ձեռնարկում պատասխանեք հետևյալ հարցին. Ինչո՞ւ է կարևոր իմանալ, որ միայն Եկեղեցու Նախագահը (կամ Առաջին Նախագահությունը) կարող է հայտնություն ստանալ ամբողջ Եկեղեցու համար:

Ճիշտ ինչպես տիկին Հաբլը և այլոք կեղծ պնդումներ էին անում, որոնք մոլորեցնում էին Սրբերից ոմանց Եկեղեցու վաղ օրերին, այսօր ևս գահապահանջներ կամ խաբեբաներ կան, ովքեր կեղծ գաղափարների տարածող են: Կարդացեք Վարդապետություն և Ուխտեր 43.5–7 հատվածները և գտեք Տիրոջ հայտնած այն օրինակը, որը մեզ օգնում է չխաբվել կեղծ գաղափարներ տարածողների կան նրանց կողմից, ովքեր պնդում են, որ ուրիշների համար հայտնություն են ստանում, բայց չունեն այդ իշխանությունը:

Հատկացված տարածքում նկարագրեք Տիրոջ հայտնած օրինակը, որը մեզ պաշտպանում է մերօրյա խաբկանքից.

Նախագահ Ջոզեֆ Ֆիլդինգ Սմիթ

Նախագահ Ջոզեֆ Ֆիլդինգ Սմիթի հետևյալ հայտարարությունը մեզ օգնում է հասկանալ, որ «դռնով մտնելը» (ՎևՈւ 43.7) գործը պատշաճ և լիազորված ձևով անելն է. «Տերը մեզ հայնի է դարձնում, որ ամեն բան կարգ ու կանոնով է անում և ամեն անգամ, երբ նա ինչ-որ մեկին կանչում է Եկեղեցին ղեկավարելու, այդ մարդը դռնով կմտնի և կկարգվի իշխանություն կրողների կողմից: Ի սկզբանե այդպես է եղել և այդպես կշարունակվի մինչև վերջ» (Church History and Modern Revelation, 2 vols. [1953], 1:138): «Դռնով մտնելը» ընդունված և հայտնի ձևով ներս մտնելն է:

Վարդապետություն և Ուխտեր 43․8–16

Երեցներին պատվիրվում է ժողովվել՝ հրահանգվելու, շինություն ստանալու և սրբագործվելու նպատակով

2. Սուրբ գրությունների ուսումնասիրության ձեր օրագրում ցակն կազմեք այն ժողովներին, որոնք դուք հաճախում եք որպես Եկեղեցու անդամ: Յուրաքանչյուր ժողովի կողքին գրի առեք, թե որն է նրա նպատակը:

Կարդացեք Վարդապետություն և Ուխտեր 43.8 հատվածը և ընդգծեք բառեր կամ արտահայտություններ, որոնք ուսուցանում են հետևյալ սկզբունքը. Երբ ժողովվում ենք միասին, մենք պետք է հրահանգեք և շենացնեք միմյանց, որպեսզի իմանանք՝ ինչպես գործել և ղեկավարել Եկեղեցին: Միմյանց շենացնելու պատվիրանը նշանակում է՝ մենք պետք է հոգևոր առումով վեհացնենք ու ամրացնենք մեկմեկու: Այս հատվածի «ղեկավարել իմ եկեղեցին» արտահայտությունը ակնարկում է Եկեղեցու անդամներին ուսուցանելը, որ կատարեն իրենց պարտականությունները: Ժողովներն անցկացվում են, որպեսզի օգնեն Եկեղեցու անդամներին պահել իրենց ուխտերը և մեծարել իրենց կոչումը, որը ենթադրում է իրենց կոչման պարտականությունները կատարելը:

3. Սուրբ գրությունների ուսումնասիրության ձեր օրագրում գրի առեք մի փորձառություն, երբ Եկեղեցական ժողովի մասնակցելիս դուք շինություն՝ հոգևոր վեհացում ու ամրապնդում եք զգացել:

Կարդացեք Վարդապետություն և Ուխտեր 43.9–11 հատվածները և պարզեք, թե ինչ պետք է մենք անենք Տիրոջ օրենքներն ու պատվիրանները սովորելուց հետո: 9-րդ հատվածի «սրբագործվեք» բառը նշանակում է սուրբ դարձվել կամ աշխարհի մեղքերից մաքրվել: Ճշմարտություններից մեկը, որ սովորում ենք 9-րդ հատվածից, այն է, որ մենք պետք է պարտավորություն վերցնենք գործելու ըստ սովորած ճշմարտությունների: (Կարող եք ձեր սուրբ գրություններում նշել այդ սկզբունքը:)

գործողությունը բխում է գիտելիքից

Մեր կյանքի գնահատումը

Երբ ժամանակ ենք հատկացնում ազնվորեն գնահատելու, թե որքան լավ ենք ապրում որոշակի ավետարանային սկզբունքով, մենք հնարավորություն ենք տալիս, որ Սուրբ Հոգին օգնի մեզ հասկանալ, թե ինչն ենք լավ անում և ինչպես կարող ենք կատարելագործվել: Երբ գնահատում եք ձեզ, փորձեք հետևել Սուրբ Հոգու առաջնորդությանը և լիովին ազնիվ լինել:

4. Պատասխանեք հետևյալ հարցերին սուրբ գրությոնների ուսումնասիրության ձեր օրագրում.

   1. Ինչպե՞ս է եկեղեցական ժողովներին սովորածի հիման վրա գործելը օգնում մեզ սրբագործվել:

   2. Ձեր կարծիքով մեր սրբագործման գործընթացքում ի՞նչ դեր ունեն մկրտությունը և հաղորդությունը:

   3. Ե՞րբ է եղել մի դեպք, երբ պարտավորվել եք գործել ըստ եկեղեցական ժողովում սովորածի, ապա հետևել ու կատարել եք այն: Ինչպե՞ս եք օրհնվել այդ գործի արդյունքում:

Վարդապետություն և Ուխտեր 43.12–14 հատվածներում Տերը Սրբերին ասել է, որ նրանք կստանան Իր արքայության փառքերը, եթե նեցուկ լինեն Իր մարգարեին:

Վարդապետություն և Ուխտեր 43․17–35

Աստծո ծառաները պետք է ապաշխարություն քարոզեն՝ ի նախապատրաստություն Երկրորդ Գալստի ու Հազարամյակի

Մտածեք ինչ-որ գործի կամ իրադարձության մասին, որը մանրակրկիտ նախապատրաստություն է պահանջում, օրինակ՝ լիաժամկետ միսիա, սպորտային միջոցառում, երաժշտական զվարճապատում, ուսուցման հանձնարարություն կամ ստուգարքի նախապատրաստություն: Ձեր կարծիքով ինչպե՞ս կզգար մարդ, երբ գար գործը կատարելու կամ իրադարձությանը մասնակցելու ժամը և նա պատրաստ չլիներ:

Կարդացեք Վարդապետություն և Ուխտեր 43.17–22 հատվածները, պարզելով, թե ինչ իրադարձության պետք է մանրակրկիտ նախապատրաստվենք:

Տերը երեցներին հրահանգեց բոլոր ազգերին ասել, որ պատրաստվեն Հիսուս Քրիստոսի երկրորդ գալստին: Վարդապետություն և Ուխտեր 43.20 հատվածից սովորածի հիման վրա լրացրեք բաց թողած բառերը, որոնք արտահայտում են այս սկզբունքը. Մենք պետք է ապաշխարենք և Հիսուս Քրիստոսի երկրորդ գալստին:

Կարդացեք Վարդապետություն և Ուխտեր 43.25–28 հատվածները, գտնելով մի քանի ուղիներ, որով Տերը բոլոր մարդկանց կոչ է անում ապաշխարել և փրկվել: Ձեր կարծիքով՝ ինչո՞ւ է Տերը բազմազան ձայներ գործածում, որ զգուշացնի մեզ:

Կարդացեք Վարդապետություն և Ուխտեր 43.29–31 հատվածները, պարզելով, թե ինչ կկատարվի Հիսուս Քրիստոսի Երկրորդ Գալստից հետո:

Դուք կարող եք ընդգծել խոսքերն ու արտահայտությունները, որոնք ուսուցանում են, որ Հազարամյայի ժամանակ Սատանան կկապվի և Հիսուս Քրիստոսն Իր ժողովրդի հետ միասին կթագավորի երկրի վրա:

Նախագահ Ջորջ Ք. Քենոն

Նախագահ Ջորջ Ք. Քենոնը՝ Առաջին Նախագահությունից, բացատրել է, թե Սատանան ինչպես կապված կլինի Հազարամյակի ժամանակ. «Մենք ասում ենք, որ Սատանան կապված կլինի: Սատանան կապված կլինի Աստծո զորությամբ, բայց նա կապված կլինի նաև նրան չլսելու և նրա կողմից չղեկավարվելու Աստծո ժողովրդի վճռականության շնորհիվ» (Gospel Truth: Discourses and Writings of President George Q. Cannon, sel. Jerreld L. Newquist, 2 vols. [1957–74], 1:86):

Ջոզեֆ Սմիթ

Մարգարե Ջոզեֆ Սմիթը ուսուցանել է. «Քրիստոսը և հարություն առած Սրբերը կթագավորեն երկրի վրա հազար տարվա ընթացքում: Նրանք, հավանաբար, չեն բնակվի երկրի վրա, սակայն կայցելեն, երբ կկամենան կամ երբ անհրաժեշտ կլինի ղեկավարել» (in History of the Church, 5:212):

5. Խորհեք, թե դուք որոշակիորեն ինչ պիտի անեք ապաշխարելու և Հիսուս Քրիստոսի Երկրորդ Գալստին ու Հազարամյակին նախապատրաստվելու համար: Քանի որ այս հանձնարարությունն անձնական բնույթ է կրում՝ գրեք 5-րդ վարժության ավարտ սուրբ գրությունների ուսումնասիրության ձեր օրագրում, երբ ավարտեք այս հանձնարարությունը:

Վարդապետություն և Ուխտեր 44

Տերն Իր ծառաներին պատվիրում է հավաքվել մեկտեղ

Conference Center interior

Յուտայի Սոլթ Լեյք Սիթիի Համաժողովների Կենտրոնում և աշխարհով մեկ այլ շինություններում Եկեղեցու անդամները յուրաքանչյուր վեց ամիսը մեկ հավաքվում են լսելու Բարձրագույն Իշխանություններին և Եկեղեցու այլ ղեկավարների:

Վարդապետություն և Ուխտեր 44 բաժնում Տերը Եկեղեցու երեցներին պատվիրում է հավաքվել համաժողովի: Դա պիտի լիներ Եկեղեցու չորրորդ ընդհանուր համաժողովը և առաջին համաժողովը Կիրթլենդում՝ Օհայո: Ուսումնասիրեք Վարդապետություն և Ուխտեր 44.1–4 հատվածները, պարզելով, թե ինչու էր Տերը Սրբերին պատվիրել անցկացնել այդ համաժողովը:

Հետևյալ հայտարարություններում լրացրեք բացթողումները, օգտագործելով այն, ինչ սովորել եք այդ հատվածներից. Տերը Իր Եկեղեցու երեցներին պատվիրեց Համաժողովին Տերը խոստացավ Համաժողովից հետո երեցները պետք է Արդյունքում շատ մարդիկ :

Ավարտելով այս դասը՝ մտածեք կրկին, թե ինչ եք դուք անելու, որպեսզի գործեք ըստ ձեր սովորած սկզբունքների: Տերը կօրհնի ձեզ, երբ գործեք ըստ այդ ճշմարտությունների:

6. Սուրբ գրությունների ուսումնասիրության ձեր օրագրում այսօրվա հանձնարարության տակ գրեք հետևյալը.

   Ես ուսումնասիրեցի Վարդապետություն և Ուխտեր 43–44 հատվածները և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով ես կցանկանայի կիսվել իմ ուսուցչի հետ.