Վարդապետություն և Ուխտեր 90-92

Նախաբան

1833 թվականի մարտի 8-ին Տերը հայտնություն տվեց, ինչպես գրված է Վարդապետություն և Ուխտեր 90-ում, որը պարունակում է հրահանգներ` ուղղված Բարձրագույն Քահանայության Նախագահությանը: «Այս հայտնությունը հաջորդ քայլն է Առաջին Նախագահության հաստատման ուղղությամբ» (ՎևՈւ 90 բաժնի նախաբան): Հաջորդ օրը Մարգարե Ջոզեֆ Սմիթը հարցրեց, արդյոք նա պետք է թարգմաներ Պարականոն գրքերը` որպես Աստվածաշնչի իր ոգեշնչված վերանայումների մի մաս: Տերը պատասխանեց նրա հարցմանը հայտնության միջոցով, ինչպես գրված է Վարդապետություն և Ուխտեր 91-ում և ասաց Ջոզեֆ Սմիթին, որ կարիք չկար դրանք թարգմանել: Ընդամենը մի քանի օր անց, 1833 թվականի մարտի 15-ին, Մարգարեն հայտնություն ստացավ (ՎևՈՒ 92), որը հրահանգում էր Ֆրեդերիկ Գ. Վիլյամսին` Մարգարեի խորհրդականներից մեկին, Միացյալ Միաբանության մեջ նրա պարտականությունների վերաբերյալ,Վ հիմնադրվել էր՝ Եկեղեցու բարօրության և գործարարության հետ կապված գործերը վերահսկելու համար:

Վարդապետություն և Ուխտեր 90․1-18

Տերն ուսուցանեց Բարձրագույն Քահանայության Նախագահությանը իրենց պարտականությունների վերաբերյալ:

Ո՞րն է ամենաթանկ պարգևը, որ որ դուք երբևէ ստացել եք: Ինչո՞ւ էր այն արժեքավոր:

Կարդացեք Վարդապետություն և Ուխտեր 90.1-3, փնտրելով արժեքավոր բաները, որ տրվեց Մարգարե Ջոզեֆ Սմիթին: Համաձայն այս հատվածների` ի՞նչ էր կրում Մարգարեն:

`«Արքայության բանալիները» արտահայտությունը, վերաբերում է նախագահության իրավունքին կամ լիազորությանը, որ Աստված տալիս է տղամարդուն՝ նախագահելու, կառավարելու և ուղղորդելու Իր արքայությունըերկրի վրա:

Կարդացեք Վարդապետություն և Ուխտեր 90.4-5 և գտեք այն նախազգուշացումը, որ Տերը տվեց Սրբերին: Այս հատվածներում օգտագործված տերմինը` պատգամներ, վերաբերում է Աստծո կողմից Իր մարգարեներին տրված հայտնություններին:

Նկար

Նախագահ Թոմաս Ս. Մոնսոնը ամբիոնի մոտ

Դուք հավանաբար կցանկանաք գրել հետևյալ սկզբունքը ձեր սուրբ գրությունների լուսանցքում հատված 5–ի կողքին. Եթե մենք թեթևամտորեն վերաբերվենք հայտնություններին, որ Աստված տալիս է Իր մարգարեների միջոցով, մենք կսայթաքենք և կընկնենք:

Պատասխանեք հետևյալ հարցերին սուրբ գրությոնների ուսումնասիրության ձեր օրագրում.
1. Ի՞նչ եք կարծում, ի՞նչ է նշանակում վերաբերվել «որպես թեթև բան» այն հայտնություններին, որ Աստված տալիս է Իր մարգարեների միջոցով, (ՎևՈւ 90.5):
2. Որո՞նք են հայտնության այն մի քանի օրինակները, որ մարդիկ կարող են գայթակղվել և թեթև վերաբերվել:

Կարդացեք Վարդապետություն և Ուխտեր 90.6, փնտրելով, թե Տերը ուրիշ էլ ո՞ւմ ասաց, որ կկրի արքայության բանալիները: Դուք հավանաբար կցանկանաք նշել բառեր կամ արտահայտություններ այն հատվածում, որը ուսուցանում է հետևյալ ճշմարտությունը, թե Առաջին Նախագահությունը կրում է արքայության բանալիները: (Տասներկու Առաքյալների Քվորումի Անդամներին ևս տրվելու էր արքայության բանալիները, երբ այդ քվորումը կազմակերպվեր 1835 թվականին: Այս բանալիների օգտագործումը նրանց կողմից կլինի Եկեղեցու Նախագահի ղեկավարության ներքո:)

1833 թվականի մարտի 18-ին, 10 օր հայտնությունից անց, երբ Վարդապետություն և Ուխտեր 90-ըտրվեց, Ջոզեֆ Սմիթը ձեռնադրեց Սիդնի Ռիգդոնին և Ֆրեդերիկ Գ. Վիլյամսին որպես խորհրդականներ` Բարձրագույն Քահանայության Նախագահությունում, որը հետագայում հայտնի դարձավ որպես Եկեղեցու Առաջին Նախագահություն:

Կարդացեք Վարդապետություն և Ուխտեր 90.7-10-ը, որը պարունակում է հրահանգն` ուղղված Առաջին Նախագահությանը, որպեսզի Մարգարեների Դպրոցի անդամներինպատրաստեն՝ քարոզելու ավետարանը ողջ աշխարհում: Կարդացեք Վարդապետություն և Ուխտեր 90.11-ը, և մտածեք, թե ինչպես է այս հատվածն իրականանում այսօր:

Վարդապետություն և Ուխտեր 90.12-18-ը նկարագրում է Առաջին Նախագահության որոշ պարտականություններ, որը ներառում է Եկեղեցու բոլոր գործերի կարգավորումը: Քանի որ Առաջին Նախագահությունը կրում է թագավորության բանալիները, դուք կօրհնվեք, եթե հետևեք նրանց ուսմունքներին:

Վարդապետություն և Ուխտեր 90․19-37

Տերն ուսուցանում է Սիոնի Սրբերին

Ի՞նչ եք անում դուք, երբ հայտնվում եք դժվարին իրավիճակներում:

Երբ Մարգարե Ջոզեֆ Սմիթը հայտնություն ստացավ, ինչպես գրված է Վարդապետություն և Ուխտեր 90-ում, նա և Եկեղեցու այլ ղեկավարները դժվարին կացության մեջ էին Եկեղեցու ֆինանսական միջոցների պակասի պատճառով: Վարդապետություն և Ուխտեր 90․19-37-ը պարունակում է Տիրոջ հրահանգները` ուղղված Եկեղեցու առաջին ղեկավարներին` այն մասին, թե ինչպես վարվել դժվարին իրավիճակում, որին նրանք բախվել էին:

Կարդացեք Վարդապետություն և Ուխտեր 90.24 և պարզեք խորհուրդը, որ կարող էր մխիթարել ցանկացած մեկին, ով հավանաբար գտնվում է դժվարին իրավիճակում:

Ավարտեք հետևյալ սկզբունքը` հիմնվելով Տիրոջ խոստման վրա հատված 24-ում . Եթե մենք ջանասիրաբար միշտ, լինենք , և պահենք մեր , բոլոր բաները միաժամանակ կգործեն մեր բարիքի համար:

Ջանասիրաբար փնտրելը ներառում է ավելին, քան սուրբ գրություններ կարդալը: Նախագահ Հարոլդ Բ. Լին ասել է.«Աշխատասիրություն նշանակում է լինել ջանասեր, որի հակառակը ծույլ, անհոգ կամ անտարբեր լինելն է»: Այլ խոսքերով, նրանք պետք է փնտրեն, որպեսզի իմանան Եկեղեցու վարդապետությունները» (Stand Ye in Holy Places: Selected Sermons and Writings of President Harold B. Lee [1974], 198):

Ձեր կարծիքով, ի՞նչ է նշանակում, թե «բոլոր բաները միաժամանակ կգործեն ձեր բարիքի համար» (ՎևՈւ 90.24):

Սա չի նշանակում, որ ոչ մի վատ բան չի պատահի մեզ: Ընդհակառակը, սա նշանակում է, որ Տերը կզորացնի մեզ դժվարին ժամանակներում, եթե մենք հավատարիմ լինենք, և, որ մեր մարտահրավերները մեզ կտան անհրաժեշտ փորձառություններ և օրհնություններ:

Սուրբ գրությունների ուսումնասիրության ձեր օրագրում գրեք մի փորձառության մասին, որին դուք վկա եք եղել ուրիշ մարդու կյանքում, որն էլ ցույց է տալիս այս սկզբունքի ճշմարտացիությունը:

Եկեղեցու մի անդամ, ով մեծ հավատարմություն էր ցուցաբերել դժվարին ժամանակներում, Վիեննա Հագուեսն էր: Կարդացեք Վարդապետություն և Ուխտեր 90.28-31 և գտեք այն հատուկ հրահանգները, որ Տերը տվեց նրան: Ուսումնասիրեք հետևյալ տեղեկությունները Քույր Հագուեսի մասին` փնտրելով այն եղանակները, որոնցով նա հավատարիմ էր Տիրոջ հրահանգներին: Ուսումնասիրելիս դուք հավանաբար կցանկանաք ընդգծել մի քանի դժվար իրավիճակներ Վիեննայի փորձառությունից (փորձեք գտնել առնվազն երեքը):

Վիեննա Հագուեսը հանդիսանում է վաղ շրջանի Վերջին Օրերի շատ Սրբերի հավատարմության օրինակ: Նա ծնվել է 1787 թվականի հունիսի 10-ին: ԱՄՆ-ի Մասաչուսեթս նահանգի Բոստոն քաղաքում միսիոներներին հանդիպելուց հետո, նա ուղևորվեց Օհայո նահանգի Կիրթլենդ քաղաք 1831 թվականին: Նա այնտեղ մնաց մեկ ու կես ամիս և մկրտվեց: Բոստոն վերադառնալուց հետո, Վիեննան օգնեց, որ իր ընտանիքի մի քանի անդամներ միանան Եկեղեցուն: Հետո նա «կարգավորեց իր գործը և վերադարձավ Կիրթլենդ` իր հետաքրքրությունները Եկեղեցու հետ ընդմիշտ միավորելու համար» (“Home Affairs,” Woman’s Exponent, July 1, 1878, 21): 1833 թվականին, Վիեննան իր ողջ սեփականությունը` ներառյալ 1,400$, նվիրաբերեց Եկեղեցուն այն ժամանակ, երբ գումարի ծայրահեղ անհրաժեշտություն կար: Հետո նա ճամփորդեց Միսսուրի` ստանալու Սիոնի իր ժառանգությունը: Սակայն իր ժամանումից շատ չանցած, նա հալածանքների ենթարկվեց Սրբերի հետ միասին: Միսսուրիի իր տնից վտարվելուց հետո, նա խնամում էր Սիոնի Ճամբարի հիվանդներին: Հեբեր Ս. Քիմբալը գրել է.«Ես մեծ բարություն ստացա … Քույր Վիեննա Հագուեսից, ով խնամում էր ինձ և իմ եղբայրներին: Թող Տերը հատուցի [նրան] [իր] բարության համար» (“Extracts from H. C. Kimball’s Journal,” Times and Seasons, Mar. 15, 1845, 839–40):

Միսսուրիում եղած ժամանակ Վիեննա Հագուեսը ամուսնացավ Դանիել Շերերի հետ: 1847թվականին, 60 տարեկան հասակում նա ճամփորդեց արևմուտք` դեպի Յուտա, կտրել- անցնելով հարթավայրը իր սեփական սայլով: Նա բնակություն հաստատեց Սոլթ Լեյք Սիթիում և իր կյանքի մնացած մասն անցկացրեց տքնաջանորեն վաստակելով իր հացը և ջանասիրաբար ուսումնասիրելով սուրբ գրությունները: Քույր Հագուեսը մահացավ 1884 թվականի փետրվարի 7-ին, 96 տարեկան հասակում: Նրա մահախոսականում գրված էր.«Նա հավատարիմ էր իր ուխտերին և Ավետարանի վերականգնումը համարում էր անգին գանձ» (“In Memoriam,” Woman’s Exponent, Mar. 1, 1884, 152; տես նաև Susan Easton Black, “Happiness in Womanhood,” Ensign, Mar. 2002, 12, 14):

Սուրբ գրությունների ուսումնասիրության ձեր օրագրում գրեք, թե ինչ սովորեցիք Վիեննա Հագուեսի օրինակից դժվարության և հավատարմության մասին :

Վարդապետություն և Ուխտեր 91

Փրկիչը հրահանգում է Ջոզեֆ Սմիթին չթարգմանել Պարականոն գրքերը

Ինչպե՞ս կարող ես իմանալ արդյոք համացանցում, թերթերում կամ ամսագրերում քո կարդացած նյութերը ճշմարիտ են: Հայտնությունը, տրված Վարդապետություն և Ուխտեր 91-ում, հրահանգեց Մարգարե Ջոզեֆ Սմիթին, թե ինչպես տարբերել, արդյոք այն, ինչ նա կարդում էր ճշմարի՞տ էր: Կարդացեք բաժնի նախաբանը, փնտրելով, թե ինչ էր անում Ջոզեֆ Սմիթը, երբ նա ստացավ այս հայտնությունը:

Պարականոն գրքերը հրեա ժողովրդի սուրբ գրքերի ժողովածու է: Դրանք ի սկզբանե ներառված չէին հրեական Աստվածաշնչի մեջ, բայց ընդգրկված էին Աստվածաշնչի հունական թարգմանության մեջ դեռևս Քրիստոսի ժամանակ: Գրքերից մի քանիսը կամրջում են Հին և Նոր Կտակարանների միջև ընկած ժամանակահատվածը: Դարեր անց, երբ վաղ Քրիստոնյաները հավաքեցին Աստվածաշնչի գրքերը , նրանք ներառեցին Պարականոն գրքերը, բայց հարցեր կային, թե արդյո՞ք դրանք սուրբ գրությունների մասն էին կազմում: Աստվածաշնչի օրինակը, որը Ջոզեֆ Սմիթն օգտագործում էր՝ իր ոգեշնչված թարգմանությունը կատարելիս, պարունակում էր Պարականոն գրքերը: Սակայն, քանի որ Պարականոն գրքերի օրինականությունը հարցականի տակ էր, Ջոզեֆը հարցրեց Տիրոջը, արդյոք Աստվածաշնչի իր թարգմանությունը պետք է ներառեր այդ գրքերը:

Կարդացեք Վարդապետություն և Ուխտեր 91.1–3-ը, փնտրելով, թե Մարգարե Ջոզեֆ Սմիթն ինչ սովորեց Պարականոն գրքերի մասին: Ընդմիջարկումները հավելումներ են ձեռագրերին, որոնք երբեմն փոխում են իմաստը և աղավաղում են տեքստի բնօրինակը:

Կարդացեք Վարդապետություն և Ուխտեր 91.4-6 և որոշեք, թե ինչպես կարող են նրանք, ովքեր ուսումնասիրում են այն, իմանալ, թե ի՞նչն էր ճշմարիտ Պարականոն գրքերում:

Այս հատվածներից մենք կարող ենք իմանալ հետևյալ ճշմարտությունը.Սուրբ Հոգին կարող է օգնել մեզ` իմանալ արդյո՞ք մեր կարդացածը ճշմարիտ է:

Առաջին Նախագահությունից Նախագահ Դիտեր Ֆ. Ուխդորֆը սովորեցրել է.

Նկար
Նախագահ Դիտեր Ֆ. Ուխդորֆ

«Աշխարհի պատմության մեջ մենք երբեք չենք կարողացել ավելի հեշտությամբ օգտվել տեղեկատվությունից. դրա մի մասը ճշմարիտ է, մի մասը` կեղծ, իսկ մեծ մասը` մասամբ ճիշտ:

Հետևաբար, պատմության մեջ երբևէ այդքան կարևոր չի եղել սովորել, թե ինչպես ստույգ տարբերել ճիշտը սխալից:…

Սուրբ Հոգին հայտնող է: Նա Մխիթարիչն է, ով մեզ ուսուցանում է «ճշմարտությունը բոլոր բաների վերաբերյալ»:

Ճշմարտության վկայությունը, որ գալիս է Սուրբ Հոգուց, մատչելի է բոլորին, ամեն տեղ, ողջ երկրագնդով մեկ: Բոլոր նրանք, ովքեր ձգտում են իմանալ ճշմարտությունը, ովքեր ուսումնասիրում են այն իրենց մտքում, և նրանք, ովքեր «հարցնում են մաքուր սրտով, անկեղծ միտումով , հավատք ունենալով առ Քրիստոս, [կիմանան] ճշմարտությունը … Սուրբ Հոգու զորությամբ»: [Մորոնի 10.4:]» («Ի՞նչ է ճշմարտությունը» [Church Educational System devotional address, Jan. 13, 2013], 3, 6; speeches.byu.edu)։

Սուրբ գրությունների ուսումնասիրության ձեր օրագրերում գրեք մի փորձառության մասին, երբ դուք զգացել եք, որ Սուրբ Հոգին հաստատում է, որ ձեր կարդացածը ճշմարիտ էր:

Վարդապետություն և Ուխտեր 92

Ֆրեդերիկ Գ. Վիլյամսը պետք է ընդունվի Միացյալ Միաբանության մեջ:

Հայտնությունը, որը տրված էՎարդապետություն և Ուխտեր 92-ում,հրահանգեց Եկեղեցու ղեկավարներին, ովքեր Միացյալ Միաբանության մեջ էին (որը նաև կոչվում էր Միացյալ Կարգ), ընդունել Ֆրեդերիկ Գ. Վիլյամսին Միաբանության մեջ: Կարդացեք Վարդապետություն և Ուխտեր 92.1-2 և պարզեք, թե ինչպես էր Տերը ցանկանում, որ Եղբայր Վիլյամսը վարվի որպես կազմակերպության անդամ:

Խմբի «աշխույժ անդամը» նա է, ով գործունյա է և հավատարիմ: Ընտրեք հետևյալ իրավիճակներից մեկը կամ մի քանիսը և սուրբ գրությունների ուսումնասիրության ձեր օրագրում գրեք, թե ինչ կարող է անել Եկեղեցու «աշխույժ անդամը» այդ իրավիճակներում:
1. Մի երիտասարդի հանձնարարել են լինել տնային ուսուցիչ:
2. Մի երիտասարդ կանչվել է Երիտասարդ Կանանց դասարանի կամ քահանաների քվորումի նախագահ:
3. Մի երիտասարդ ուսանող է Կիրակնօրյա Դպրոցի դասարանում:
4. Մի երիտասարդ հարևան է մի տարեց զույգի:

Խորհեք, ի՞նչ կարող եք դուք անել, որպեսզի լինեք Եկեղեցու աշխույժ անդամ:

Կարդացեք Վարդապետություն և Ուխտեր 92.2, փնտրելով օրհնությունները, որ Տերը խոստացավ Ֆրեդերիկ Գ. Վիլյամսին, եթե նա լիներ հավատարիմ մինչև վերջ: Հավանաբար դուք կցանկանաք նշել այս հրահանգը ձեր սուրբ գրություններում:

Սուրբ գրությունների ուսումնասիրության ձեր օրագրում այսօրվա հանձնարարության տակ գրեք հետևյալը.

Ես ուսումնասիրեցի Վարդապետություն և Ուխտեր 90-92 բաժինները և ավարտեցի այս դասը (ամսաթիվ):

Լրացուցիչ հարցեր, մտքեր և կռահումներ, որոնցով ես կցանկանայի կիսվել իմ ուսուցչի հետ.