Մաս 17. Օր 3

Վարդապետություն և Ուխտեր 81

Նախաբան

1832 թվականի մարտի 8-ին Տերը կանչեց Ջեսսի Գաուսին և Սիդնի Ռիգդոնին` ծառայելու որպես Ջոզեֆ Սմիթի խորհրդականներ: Մեկ շաբաթ անց, 1832 թվականի մարտի 15-ին Տերը Ջոզեֆ Սմիթին հայտնություն տվեց, ինչպես գրված է Վարդապետություն և Ուխտեր 81-ում: Այս հայտնության մեջ Նա նկարագրեց խորհրդականների դերը Առաջին Նախագահությունում և հավերժական կյանք խոստացավ Ջեսսի Գաուսին, եթե նա հավատարիմ մնար մինչև վերջ: Ջեսսի Գաուսը հավատարիմ չմնաց, և Տերը կոչումը փոխանցեց Ֆրեդերիկ Գ. Վիլյամսին` որպես խորհրդական Առաջին Նախագահության խորհրդական և նրա անունը հետագայում կցվեց այս հայտնությանը:

Վարդապետություն և Ուխտեր 81

Տերը նկարագրում է խորհրդականների դերը Առաջին Նախագահությունում:

Ինչո՞ւ է Տերը մեզ կոչումներ տալիս Իր Եկեղեցում: Որո՞նք են կոչումները հավատարմորեն կատարելու օրհնությունները: Ի՞նչ է լինում, երբ անդամը հավատարմորեն չի կատարում իր կոչումը: Եկեղեցու առաջնորդը կարող է ոգեշնչում ստանալ` Եկեղեցու անդամին կանչելու ծառայության, սակայն այդ անհատից է կախված` արդյո՞ք նա հավատարմորեն կարձագանքի դրան:

Կարդացեք բաժնի նախաբանը Վարդապետություն և Ուխտեր 81, փնտրելով, թե ո՞վ էր նախապես խորհրդական կանչված Բարձրագույն Քահանայության Նախագահությունում (Առաջին Նախագահությունում) և ի՞նչ պատահեց նրան:

Ջեսսի Գաուսը կանչվեց ծառայելու որպես խորհրդական Բարձրագույն Քահանայության Նախագահությունում (Առաջին Նախագահությունում) 1832 թվականի մարտին: Վեց ամիս անց 1832 թվականի օգոստոսի 1-ին նա մեկնեց ծառայելու միսիայում Զեբեդի Քոլթրինի հետ: Ջեսսին այցելեց իր կնոջը և փորձեց համոզել նրան վերականգնված Եկեղեցու ճշմարտացիության մեջ, բայց նա հրաժարվեց միանալ եկեղեցուն: Կարճ ժամանակ անց, Ջեսսիի միսիոներական զուգընկերը ծանր հիվանդացավ և ստիպված էր վերադառնալ Կիրթլենդ, Օհայո: Մենակ մնալով, Ջեսսին չավարտեց իր միսիան և հավատարիմ չմնաց Եկեղեցուն: 1832 թվականի դեկտեմբերին նա հեռացվեց Եկեղեցուց:

Համաձայն բաժնի նախաբանի Վարդապետություն և Ուխտեր 81, ու՞մ կանչեց Տերը` փոխարինելու Ջեսսիին:

Դուք գուցե ցանկանաք նշել հետևյալ արտահայտությունը բաժնի նախաբանում. «Հայտնությունը … պետք է համարել մի քայլ Առաջին Նախագահության պաշտոնական կազմավորման ուղղությամբ»: Տերը Մարգարեին միանգամից չի բացահայտել Իր Եկեղեցու ամբողջական կառուցվածքը: Ավելի շուտ նա բացահայտում էր կազմակերպության տարբեր մասերը, երբ ծագում էր անհրաժեշտությունը և Սրբերը պատրաստ էին լինում ընդունել դրանք: 1832 թվականի մարտին Տերը հայտնեց, որ եկել է ժամանակը կազմավորելու Բարձրագույն Քահանայության Նախագահությունը:

Ինչպես գրված է հայտնությունում Վարդապետություն և Ուխտեր 81, Տերը բացատրեց Առաջին Նախագահության մեկ կարևոր դերը: Կարդացեք Վարդապետություն և Ուխտեր 81․1-2, և նշեք բառերը, որոնք սովորեցնում են, որ Երկրի վրա Աստծո արքայության բանալիները պատկանում են Բարձրագույն Քահանայության Նախագահությանը:

Հիշեք, որ քահանայության բանալիներն այն իշխանությունն է, որը պետք է նախագահի Եկեղեցում և ուղղորդի քահանայության իշխանության կիրառումը: Հետագայում կազմավորվելու էր Առաջին Նախագահությունը: Արքայության բանալիները միշտ գտնվում են Առաջին Նախագահության ձեռքին, որը ղեկավարվում է Եկեղեցու Նախագահի կողմից:

Նախագահ Ջոզեֆ Ֆիլդինգ Սմիթ

Նախագահ Ջոզեֆ Ֆիլդինդ Սմիթը բացատրել է, թե արքայության բանալիներն ինչ իրավուքներ են տալիս Առաջին Նախագահությանը մեր օրերում. «Այս բանալիները նախագահության իրավունքն են, դրանք Տիրոջ բոլոր գործերը կառավարելու և ղեկավարելու իշխանությունն ու զորությունն են երկրի վրա: Նրանք, ովքեր կրում են դրանք, զորություն ունեն կառավարելու և վերահսկելու այն ձևով, որ մնացածները ևս կարողանան ծառայել քահանայությունում» (“Eternal Keys and the Right to Preside,” Ensign, July 1972, 87):

Առաջին Նախագահություն

Առաջին Նախագահությունը, 2013

Ուղիներից մեկը, որով Առաջին Նախագահությունն ուղղորդում և կառավարում է Եկեղեցին՝ իրենց ուսմունքների միջոցով է:

1. Սուրբ գրությունների ուսումնասիրության ձեր օրագրում գրեք մի օրինակ, թե ինչպես եք դուք օրհնվել Առաջին Նախագահության ուսմունքների միջոցով:

Կարդացեք Վարդապետություն և Ուխտեր 81.3, փնտրելով, թե Տերն ինչ հանձնարարեց Ֆրեդերիկ Գ. Վիլյամսին անել` որպես Առաջին Նախագահության խորհրդական:

2. Գրեք վերնագիրը Առաջին Նախագահության խորհրդական սուրբ գրությունների ուսումնասիրության ձեր օրագրում: Այս վերնագրի տակ թվարկեք այն պարտականությունները, որոնք դուք գտել եք հատված 3-ում: Բացի այդ. գրեք ձեր կարծիքն այն մասին, թե ինչ է նշանակում խորհրդականի համար «հավատարիմ խորհրդատու» լինել իր նախագահի համար:

Որպեսզի ավելի լավ հասկանաք, թե ինչ է նշանակում, խորհրդականի համար «հավատարիմ խորհրդատու» լինել իր նախագահի համար, մտածեք ի՞նչ է նախագահ Գորդոն Բ. Հինքլին ուսուցանել այն մասին, թե ինչպես պիտի խորհրդականը խորհրդակցի նախագահի հետ:

Նախագահ Գորդոն Բ. Հինքլի

«[Խորհրդականը] իր նախագահի օգնականն է:

Խորհրդականը օգնական է, բայց ոչ նախագահ: Նա պատասխանատվություն չի ստանձնում և առանց նախագահի որոշումներ չի ընդունում:

Նախագահական ժողովների ժամանակ յուրաքանչյուր խորհրդական ազատ է արտահայտելու իր կարծիքը բոլոր հարցերի վերաբերյալ, որոնք ծառանում են նախագահության առջև: Սակայն որոշումներ կայացնելը նախագահի բացառիկ իրավունքն է, և խորհրդականների պարտականությունն է աջակցել նրան այդ որոշման մեջ: Հետո նրա որոշումը դառնում է նրանց որոշումը` անկախ նրանց նախորդ գաղափարներից» (“In … Counsellors There Is Safety,” Ensign, Nov. 1990, 49):

3. Պատասխանեք հետևյալ հարցերին սուրբ գրությոնների ուսումնասիրության ձեր օրագրում.

   1. Ի՞նչպես կարող է խորհրդականի պարտականությունների ըմբռնումն օգնել ինչ-որ մեկին, ով ծառայում է որպես խորհրդական` Եկեղեցու որևէ նախագահությունում:

   2. Ի՞նչու նախագահության խորհրդականները պետք է աջակցեն և զորացնեն նախագահին:

   3. Ի՞նչ կարող էիք դուք անել նախագահությունում արդյունավետորեն ծառայելու համար, եթե ունենայիք կամ երբ ունենայիք այդ հնարավորությունը:

Տերը զորեղ խոստում տվեց Ֆրեդերիկ Գ. Վիլյամսին, եթե նա հավատարիմ լիներ իր կոչման մեջ: Կարդացեք Վարդապետություն և Ուխտեր 81.4, և գտեք խոստումը:

Հետևյալ որտահայտությունը «կավելացնես փառքը … Տիրոջ» այս համատեքստում նշանակում է, որ մեր կոչմանը հավատարիմ լինելով, մենք կարող ենք օգնել առաջնորդել մարդկանց` պատվել և երկրպագել Տիրոջը: Այս խոստումը մեզ համար նույնպես կիրառելի է: Դուք գուցե ցանկանաք գրել հետևյալ սկզբունքը ձեր սուրր գրությունների լուսանցքում. եթե մեք հավատարիմ լինենք մեր կոչումներում, մենք կկարողանանք շատ մեծ բարիքներ գործել ուրիշների համար և ավելացնել Աստծո փառքը:

4. Պատասխանեք հետևյալ հարցերին սուրբ գրությոնների ուսումնասիրության ձեր օրագրում.

   1. Ի՞նչպես կարող է մեր կոչումներում հավատարմորեն ծառայելն օգնել մեզ` մեծ բարիքներ գործել ուրիշների համար:

   2. Երբևէ տեսե՞լ եք, թե ինչպես են Եկեղեցու անդամները մեծ բարիք գործում ուրիշների համար, քանի որ նրանք հավատարիմ են իրենց կոչումներում: Գրեք ձեր դիտարկումների մասին:

   3. Ինչպես կարող է Եկեղեցու մեր կոչումներում հավատարմորեն ծառայելն օգնել մեզ` ավելացնել Տիրոջ փառքը:

Կարդացեք Վարդապետություն և Ուխտեր 81.5, փնտրելով այն լրացուցիչ պատգամը, որ Տերը տվեց Ֆրեդերիկ Գ. Վիլյամսին:

Հիմնվելով այն բանի վրա, ինչ Տերն ասաց Ֆրեդերիկինհատված 5-ում, ինչ կարող ենք մենք սովորել՝ մեր կոչումներում հավատարիմ լինելու կամ Եկեղեցու հավատարիմ անդամ լինելու մասին:

Երեց Մերվին Ջ. Էշթոն

Տասներկու Առաքյալների Քվորումից Երեց Մերվին Ջ. Էշթոնի հետևյալ միտքը կարող է օգնել ձեզ` հասկանալ Տիրոջ խորհուրդը. «Վարդապետություն և Ուխտեր 81.5, հատվածը կարելի է մեկնաբանել հետևյալ կերպ, որ Տերը համոզում էր Ֆրեդերիկ Գ. Վիլյամսին ուժ տալ թույլերին («սատարիր թույլերին»), քաջալերել նրանց, ովքեր ուժասպառ են ու հուսահատ («բարձրացրու ընկած ձեռքերը»), և ուժ տալ նրանց, ում ծնկները տկար են և սրտերը վախվորած» (“Strengthen the Feeble Knees,” Ensign, Nov. 1991, 70):

անվասայլակի մեջ նստած կինը երիտասարդ աղջկա հետ

5. Սուրբ գրությունների ուսումնասիրության ձեր օրագրերում գրեք մի փորձառության մասին, երբ ինչ-որ մեկը ոգևորել կամ զորացրել է ձեզ: Հետո թվարկեք առնվազն երեք բան, որ կարող եք անել, որպեսզի «սատարեք թույլերին, բարձրացնեք ընկած ձեռքերը և ամրացնեք տկար ծնկները»: Գրեք մի նպատակ և օգնեք որևէ մեկին այս շաբաթ` կատարելով ձեր ցուցակի կետերից մեկը:

Կարդացեք Վարդապետություն և Ուխտեր 81.6-7, փնտրելով օրհնությունները, որ Տերը խոստացավ Ֆրեդերիկ Գ. Վիլյամսին, եթե նա լիներ հավատարիմ մինչև վերջ:

Այս նույն խոստումը վերաբերում է նաև մեզ: Եթե դուք ընտրում եք հավատարիմ լինել Տիրոջը, ինչը ներառում է ձեր կոչումներում հավատարիմ լինելը և ձեզ շրջապատող մարդկանց օգնելը, ապա դուք կարժանանաք Տիրոջ օրհնություններին:

6. Սուրբ գրությունների ուսումնասիրության ձեր օրագրում այսօրվա հանձնարարության տակ գրեք հետևյալը.

   Ես ուսումնասիրեցի Վարդապետություն և Ուխտեր 81 և ավարտեցի այս դասը (ամսաթիվ):

   Լրացուցիչ հարցեր, մտքեր և կռահումներ, որոնցով ես կցանկանայի կիսվել իմ ուսուցչի հետ.