Մաս 10. Օր 2

Վարդապետություն և Ուխտեր 42․1–29։

Նախաբան

1831թ. փետրվարի 9-ին, Օհայոյի Կիրթլենդ ժամանելուց կարճ ժամանակ անց Մարգարե Ջոզեֆ Սմիթը ստացավ հայտնություն, որն այժմ ընդգրկված է Վարդապետություն և Ուխտեր 42.1–72 հատվածներում: Փետրվարի 23-ին նա ստացավ լրացուցիչ հրահանգներ (տես ՎևՈւ 42.73–93): Միասին վերցված, այս հայտնությունները հայտնի են որպես «Եկեղեցու օրենք» (տես ՎևՈւ 42 բաժնի նախաբանը): Վարդապետություն և Ուխտեր 42 բաժինը բաժանված է երկու դասերի: Այս դասը ներառում է 1–29 հատվածները, որը հրահանգներ է տալիս ավետարանն ուսուցանելու վերաբերյալ և ընդհանուր օրենքներ է սահմանում անդամների վարքի վերաբերյալ:

Վարդապետություն և Ուխտեր 42․1–10։

Տերը կոչ է անում երեցներին՝ ուսուցանել ավետարանը և կառուցել Իր Եկեղեցին

Շրջանակի մեջ առեք ստորև տրված բառերը, որոնք, ըստ ձեզ, վերաբերում են Աստծո օրենքներին ու պատվիրաններին.

Արգելք	Օրհնության	Բարդ	Վերահսկողություն
Պարգև	Սահման	Հատուցում	Ազատություն

Ինչո՞ւ ենք երբեմն Աստծո օրենքներն ու պատվիրանները դիտում բացասական ձևով: Ինչո՞ւ է կարևոր հասկանալ, որ Նրա օրենքներից ու պատվիրաններից յուրաքանչյուրը պարգև կամ օրհնություն է: Ինչպե՞ս է Աստոծո օրենքներին ու պատվիրաններին հնազանդվելն ազատում մեզ մեղքի հետևանքներից:

Ուսումնասիրելով այսօրվա դասը՝ պարզեք, թե ինչ էին մտածում վաղ ժամանակի Սրբերը Աստծո օրենքներն ընդունելու մասին և խորհեք պատվիրանների հանդեպ ձեր վերաբերմունքի մասին:

Տերը Նյու Յորքի Սրբերին պատվիրեց գնալ Օհայո և խոստացավ, որ այնտեղ ժամանելուց հետո Նա կտա նրանց Իր օրենքը (տես ՎևՈւ 38.32): Մեծ զոհաբերության միջոցով նրանք թողեցին իրենց տներն ու ունեցվածքը և հնազանդվեցին Օհայոյում հավաքվելու պատվիրանին: Նյու Յորքի Սրբերի մեծ մասը հնազանդվեցին Օհայոյում հավաքվելու պատվիրանին: Նրանց Կիրթլենդ ժամանելուց հետո 12 երեցներ հանդիպեցին Մարգարե Ջոզեֆ Սմիթին և կանչեցին առ Տերը: Կարդացեք Վարդապետություն և Ուխտեր 42.1–3 հատվածները, պարզելով, թե ինչու էին հավաքվել Եկեղեցու երեցները:

Այդ երեցները հավաքվել էին, ինչպես որ պատվիրվել էին, որպեսզի Տերը տար նրանց Իր օրենքը: Տիրոջ առաջին հրահանգն այն էր, որ նրանք գնային որպես միսիոներներ՝ երկու-երկու, որպեսզի տարածեն ավետարանը և կառուցեն Եկեղեցին յուրաքանչյուր շրջանում, որտեղ կանչվել էին, մինչև որ բոլոր մարդիկ մեկտեղ հավաքվեին (տես ՎևՈւ 42.4–10)):

Վարդապետություն և Ուխտեր 42․11–17

Տերը սահմանում է ավետարանն ուսուցանելու սկզբունքները

Պատկերացրեք, որ դուք նստած եք ժողովարանում և սպասում եք հաղորդության ժողովին, որ սկսվի: Եպիսկոպոսության կամ ճյուղի նախագահության անդամներից ոչ ոք ներկա չեն: Ժողովի միջից ինչ-որ մեկը ոտքի է կանգնում և բացատրում է, որ նա ցանկանում է մի քանի հոգու ծառայության կանչել և ինչ-որ նոր վարդապետություն ուսուցանել, որը հայտնի է դարձվել իրեն: Ո՞րը կլինի ձեր արձագանքը այդ իրավիճակում: Ինչո՞ւ:

Կարդացեք Վարդապետություն և Ուխտեր 42.11 հատվածը և պարզեք, թե ինչ է անհրաժեշտ նախքան մարդ կկարողանա քարոզել ավետարանը կամ կառուցել Եկեղեցին որպես Եկեղեցու պաշտոնական ներկայացուցիչ: Կարգվելու մասին այս հրահանգը վերաբերում է ոչ միայն միսիոներներին, այլ նաև բոլորին, ովքեր ի սպաս են դրվում ուսուցանելու և ղեկավարելու Եկեղեցում: Դուք կարող եք ընդգծել այս հատվածի այն խոսքերն ու արտահայտությունները, որոնք ուսուցանում են հետևյալ սկզբունքը. Նրանք, ովքեր ուսուցանում և կառուցում են Եկեղեցին, պետք է կանչված լինեն Աստծո կողմից և կարգվեն կամ ի սպաս դրվեն եկեղեցու լիազորված ղեկավարների կողմից:

Մտածեք, թե ինչպես է Եկեղեցու ղեկավարներին ու անդամներին ծառայության կանչելիս հրապարակայնորեն հայտարարելն ու աջակցության քվե ստանալն իրականացնում Տիրոջ հրահանգը, որ նրանց լիազորությունը պետք է «հայտնի լինի եկեղեցուն» (ՎևՈւ 42.11, տես ՎևՈւ 28.13): Ինչպե՞ս է սա նպաստում Եկեղեցու կարգուկանոնին և հեռու պահում մեզ խաբկանքից:

Կարդացեք Վարդապետություն և Ուխտեր 42.12–13 հատվածները և ընդգծեք Եկեղեցում ղեկավարող և ուսուցանող մարդկանց տրված պարտականությունները:

1. Պատասխանեք հետևյալ հարցերին սուրբ գրությոնների ուսումնասիրության ձեր օրագրում.

   1. Համաձայն Վարդապետություն և Ուխտեր 42.12 հատվածի՝ ի՞նչ պետք է ուսուցանեն Եկեղեցու ուսուցիչները:

   2. Համաձայն 13 հատվածի՝ ինչպե՞ս պետք է նրանք ուսուցանեն:

2. Նկատի առեք Վարդապետություն եվ Ուխտեր 42.13 հատվածի «հետևեն ուխտերին ու եկեղեցու հանգանակներին, որ կատարեն դրանք» արտահայտությունը: Սուրբ գրությունների ուսումնասիրության ձեր օրագրում գրեք, թե ինչո՞ւ է կարևոր, որ ուսուցիչներն ու ղեկավարներն ապրեն ըստ իրենց ուսուցանածի: Ինչպե՞ս է ձեր կյանքը կամ ձեր իմացած ինչ-որ մեկի կյանքը օրհնվել, երբ ուսուցիչը կամ ղեկավարը ապրել է համաձայն իր ուսուցանած վարդապետությունների և սկզբունքների:

Կարդացեք Վարդապետություն և Ուխտեր 42.14 հատվածը և գտեք, թե ինչ պետք է անեն ուսուցանող մարդիկ, որպեսզի ստանան Հոգու առաջնորդությունը: Այնուհետև լրացրեք հետևյալ սկզբունքը. Եթե , մենք կստանանք Հոգին, որը կօգնի մարդկանց ուսուցանելիս: Հնարավոր է դուք ցանկանաք ընդգծել հատվածի այդ սկզբունքն ուսուցանող խոսքերը կամ գրել այդ սկզբունքը ձեր սուրբ գրությունների լուսանցքում:

Վարդապետություն և Ուխտեր 42.14 հատվածում ուսուցանվող մյուս սկզբունքն այս է. եթե չենք զգում Հոգին, մենք չենք ուսուցանում:

Որպեսզի օգնենք ձեզ հասկանալ, թե ինչու է կարևոր ավետարանն ուսումնասիրելիս կամ ուսուցանելիս ունենալ Հոգին, կարդացեք Վարդապետություն և Ուխտեր 42.16–17 հատվածները և գտեք, թե ինչ գիտելիք և ինչ անելիք ունի Սուրբ Հոգին: Այս հատվածում օգտագործվող Մխիթարիչ եզրը Սուրբ Հոգու անուններից մեկն է: Ստորև տրված տարածքում լրացրեք 17 հատվածիհետևյալ վարդապետական ուսմունքը. Սուրբ Հոգին գիտի և վկայում է :

Համաձայն այս ճշմարտության՝ ինչպես կարող է Սուրբ Հոգին օգնել ձեզ, որ ուսուցանեք:

Քանի որ Սուրբ Հոգին գիտի բոլոր բաները, Նա գիտի, թե ինչ փորձառություն և կարիքներ ունենք մեր կյանքում: Նրանք, ովքեր ուսուցանում, վկայում կամ բացատրում են ավետարանի ճշմարտությունները Սուրբ Հոգու ոգեշնչման միջոցով, կարող են ուղղորդվել՝ օգնելու ուրիշներին, որ ստանան այն, ինչի կարիքը Տերը գիտի, որ ունեն:

3. Սուրբ գրությունների ուսումնասիրության ձեր օրագրում նկարագրեք մի իրադարձություն, երբ զգացել եք Սուրբ Հոգու ազդեցությունը ավետարանի մասին ուսուցանելիս, կիսվելիս կամ վկայելիս: Գրեք նաև մի փորձառության մասին, երբ զգացել եք, որ Սուրբ Հոգին ձեզ վկայություն է բերել Երկնային Հոր և Հիսուս Քրիստոսի մասին: Եթե համոզված չեք, որ ինքներդ նման փորձառություններ եք ունեցել, ընտանիքի անդամներից կամ ընկերներից մեկին խնդրեք կիսվել փորձառությամբ, երբ նա զգացել է Սուրբ Հոգու ազդեցությունը և գրեք այն, ինչ սովորում եք նրանց պատմածից:

Վարդապետություն և Ուխտեր 42․18–29

Տերը օրենքներ ու պատվիրաններ է տալիս Եկեղեցու անդամների համար

Եկեղեցում ուսուցանելու վերաբերյալ հրահանգներ տալուց հետո, Տերը հայտնի դարձրեց օրենքներ ու պատվիրաններ, որոնք վերաբերում են եկեղեցու բոլոր անդամներին: Կարդացեք Վարդապետություն և Ուխտեր 42.18–29 հատվածները և գտեք այդ հատվածներում ուսուցանվող պատվիրաններ: Դուք կարող եք նշել այն, ինչ կգտնեք:

Չնայած 19 հատվածում նշվում է, որ «նա, ով սպանում է, պիտի մեռնի», 79 հատվածը մեզ օգնում է հասկանալ, որ սպանություն գործողին պետք է հանձնել քաղաքացիական իշխանություններին «և նրա հետ պիտի վարվեն համաձայն երկրի օրենքների»:

Վարդապետություն և Ուխտեր 42.20–28 հատվածներում «դուրս պիտի գցվի» արտահայտությունը նշանակում է Եկեղեցուց հեռացնել կամ անդամությունից զրկել: Չնայած այս հատվածներում ուսուցանվում է, որ հեռացնելը նրանց համար է, ովքեր չեն ապաշխարում, որոշ լուրջ մեղքերի դեպքում հեռացումը կարող է ապաշխարության ընթացքի անհրաժեշտ մասը լինել ներում փնտրող խոնարհ և ապաշխարող անձանց համար: Եկեղեցու կարգապահական գործողությունն անհրաժեշտ է Եկեղեցին պաշտպանելու և մեղք գործած մարդկանց օգնելու համար, որպեսզի ապաշխարեն և ստանան Փրկչի քավության օրհնությունները:

4. Վարդապետություն և Ուխտեր 42.18–29 հատվածներում ուսուցանվող որոշ սկզբունքներն ավելի խորը հասկանալու համար, սուրբ գրությունների ուսումնասիրության ձեր օրագրում պատասխանեք հետևյալ հարցերին.

   1. Ձեր կարծիքով այսօր մարդիկ ինչո՞ւ են գայթակղվում գողություն անել: Ձեր կարծիքով ի՞նչը կարող է օգնել մի մարդու, ով հաճախ է գայթակղվում գողանալու:

   2. Ստելու ձևերից մեկը խաբելն է: Ձեր կարծիքով ստելն ու խաբելն ինչո՞ւ են լուրջ մեղք համարվում:

   3. Մտածելով ձեր ունեցած փորձառությունների մասին, ինչո՞ւ է ուրիշների մասին չարախոսելը սխալ և վնասակար:

Պատճառ և հետևանք

Սուրբ գրություններում ավետարանի սկզբունքները բացահայտելու համար ուշադրություն դարձրեք՝ «եթե-ապա» և «քանի որ-հետևաբար» կապերին։ Փորձեք կիրառել այդ հմտությունը Վարդապետություն և Ուխտեր 42․23 հատվածի հետ։

Վերընթերցեք Վարդապետություն և Ուխտեր 42.22–23 հատվածները և ընդգծեք բառերը, որոնք ուսուցանում են հետևյալ սկզբունքը. Եթե նայում ենք մեկի վրա՝ ցանկանալով նրան, ուրանում ենք հավատքը և կորցնում Հոգին:

Ցանկությունը սեր չէ: Ուրիշների վրա ցանկությունով նայողը եսասիրաբար մտածում է իր հաճույքների մասին: Նրանք մարդկանց դիտում են որպես առարկա և զուրկ են ինքնատիրապետումից: Տռփանքը խեղաթյուրում և փոխում է մարդկանց մեջ ձեր տեսածը: Որպես հետևանք՝ դուք կորցնում եք Հոգու առաջնորդությունը և այն վնասում է ձեր ունակությունը բնականորեն շփվել մարդկանց և հատկապես ձեր կողակցի հետ: Այն սահմանափակում է ճշմարիտ սեր զգալու ձեր ունակությունը: Տռփանքը ցույց է տալիս Աստծո հանդեպ հավատքի բացակայությունը եւ հակասում է այն բանին, թե ինչպես է Նա ակնկալում մեզ դիտել մարդկանց:

Տռփանքի մերօրյա գերիշխող գործիքներից մեկը մերկագրությունն է: Երեց Դալին Հ. Օուքսը՝ Տասներկու Առաքյալների Քվորումից, զգուշացրել է.

Երեց Դալլին Հ. Օուքս

«Մերկագրությունը վնասում է հակառակ սեռի անձնավորության հետ նորմալ զգացմունքային, ռոմանտիկ և հոգևոր հարաբերությունը վայելելու ունակությանը:

Մերկագրություն դիտելը հակվածություն է առաջացնում: Այն վնասում է որոշում ընդունելու ունակությանը և «թակարդն է գցում» նրանց, ովքեր օգտագործում են այն, ավելին ու ավելին ստանալու մոլուցքով ետ քաշելով նրանց:

Արեք ամեն ինչ մերկագրություն դիտելուց խուսափելու համար: Եթե երբևէ ձեր ներկայությամբ մերկագրություն են դիտում, որը կարող է յուրաքանչյուրիս հետ պատահել այս աշխարհում, որտեղ ապրում ենք, հետևեք Եգիպտոսի Հովսեփի օրինակին: Երբ գայթակղությունը բռնեց նրան, նա թողեց գայթակղությանը և «դուրս փախավ» (Ծննդոց 39.12):

Մի հարմարվեք գայթակղությանը նվազագույն իսկ չափով: Կանխարգելեք մեղքը և խուսափեք անխուսափելի կործանումից: Այսպիսով, անջատեք: Շեղեք ձեր հայացքը: Ամեն գնով խուսափեք: Ուղղեք ձեր մտքերը օգտակար բաների կողմը:

… Մի հովանավորեք մերկագրությունը: Մի օգտագործեք գնելու ձեր ունակությունը բարոյական այլասերմանն աջակցելու համար: Եվ, երիտասա՛րդ կանայք, խնդրում եմ հասկացեք, որ եթե դուք անհամեստ եք հագնվում, դուք վատթարացնում եք այդ խնդիրը՝ մերկագրության տեսարան դառնալով ձեզ նայող որոշ տղամարդկանց համար» (“Pornography,” Ensign կամ Liahona, May 2005, 89–90):

5. Սուրբ գրությունների ուսումնասիրության ձեր օրագրում մեկ պարբերությամբ գրեք, թե ինչ կարող եք անել տռփանքի գայթակղությունների դեմ պայքարում ամրապնդվելու համար: Ձեր պարբերության մեջ գրեք մի քանի պատճառ, թե ձեր կարծիքով ինչու է կարևոր այս պատվիրանը: (Լրացուցիչ մտքերի համար կարող եք ուսումնասիրել Հավատքին հավատարիմ. ավետարանական վկայակոչում [2004] գրքույկի «Մաքրաբարոյություն» թեման):

Այս դասը ավարտելու համար կարդացեք Վարդապետություն և Ուխտեր 42.29 հատվածը և գտեք այդ հատվածում ուսուցանվող սկզբունքը:

6. Սուրբ գրությունների ուսումնասիրության ձեր օրագրում գրեք, թե Աստծո օրենքներն ու պատվիրանները պահելն ինչպես է ցույց տալիս ձեր սերը Նրա հանդեպ: Ինչպե՞ս է պատվիրանները պահելը ձեզ ավելի շատ մոտեցրել Աստծուն:

Հաջորդ շաբաթվա ընթացքում ավելի շատ սեր ցուցաբերեք Աստծո հանդեպ՝ ձգտելով ավելի լավ հնազանդվել Նրա օրենքներից կամ պատվիրաններից մեկին:

7. Սուրբ գրությունների ուսումնասիրության ձեր օրագրում այսօրվա հանձնարարության տակ գրեք հետևյալը.

   Ես ուսումնասիրեցի Վարդապետություն և Ուխտեր 42.1–29 հատվածները և ավարտեցի այս դասը (ամսաթիվ):

   Լրացուցիչ հարցեր, մտքեր և ներշնչումներ, որոնցով կցանկանայի կիսվել իմ ուսուցչի հետ.