Leksyon 135
3 Nephi 29–30
Pasiuna
Sa dihang gitapos na ni Mormon ang iyang istorya bahin sa pagbisita sa Manluluwas taliwala sa mga Nephite, siya mipasabut nga ang pagtungha sa Basahon ni Mormon mahimong usa ka timailhan nga ang Ginoo mituman sa Iyang pakigsaad ngadto sa balay ni Israel. Mipasidaan usab siya nga kadtong mosalikway sa mga buhat sa Dios mapaubos sa paghukom sa Dios. Sa katapusan, siya mirekord sa imbitasyon sa Manluluwas alang sa tanan nga mga katawhan sa paghinulsol ug sa pagpahisakop sa balay ni Israel.
Mga Sugyot alang sa Pagtudlo
3 Nephi 29
Si Mormon nagpamatuod nga ang Ginoo motuman sa Iyang pakigsaad ngadto sa balay ni Israel sa ulahing mga adlaw
Kopyaha ang mosunod nga tsart diha sa pisara sa dili pa magsugod ang klase (o andama kini isip usa ka handout alang sa matag estudyante):
|
|
|
|
|
|
|
|
|
|
Sugdi ang klase pinaagi sa pagdapit sa mga estudyante sa pagpares sa mga pulong sa unang kolum sa tsart ngadto sa husto nga kahulugan niini diha sa ikaduhang kolum (mga tubag: 1-c, 2-a, 3-e, 4-b, 5-d). Samtang moreport ang mga estudyante sa ilang mga tubag, siguroha nga nasabtan nila ang matag usa sa mga kahulugan. Mahimo nimo kining buhaton pinaagi sa pagdapit sa mga estudyante sa pagpasabut sa mga kahulugan diha sa ilang kaugalingong mga pulong o pinaagi sa paggamit sa matag pulong o mga pulong diha sa usa ka sentence. Pahibaloa ang mga estudyante nga kining mga kahulugan motabang kanila nga mas makasabut sa 3 Nephi 29–30.
Ipasabut nga human si Mormon misulat kabahin sa pagbisita sa Manluluwas ngadto sa mga Nephite, siya nanagna mahitungod sa katumanan sa mga saad sa Ginoo sa ulahing mga adlaw. Pangutan-a ang mga estudyante kon nasinati na ba nila ang katumanan sa usa ka balaan nga saad, nga mahimong nahatag diha sa mga kasulatan, pinaagi sa usa ka propeta, sa Espiritu Santo, o sa usa ka panalangin sa priesthood. Dapita ang pipila ka mga estudyante sa pagsaysay sa ilang mga kasinatian, apan siguroha nga mapahinumduman sila nga kinahanaglan dili sila mopakigbahin og mga kasinatian nga personal o pribado kaayo.
-
Ngano kaha nga ang pipila sa mga tawo mahimong magduha-duha nga ang Dios motuman sa Iyang mga saad?
-
Unsaon ninyo pagkahibalo nga ang Dios motuman sa iyang mga saad?
Isulat sa pisara ang mga pulong nga Kon ug Nan diha sa pisara. Dapita ang mga estudyante sa pagbasa og hilum sa 3 Nephi 29:1–3, nga mangita sa mga pulong diha sa pisara. Ipasabut nga kining mga pulong makatabang kanila sa pagtino sa usa ka panghitabo nga magpakita nga ang Ginoo nagtuman sa Iyang mga saad ngadto sa balay ni Israel sa katapusang mga adlaw. (Mahimong makatabang ang pagpasabut sa mga pulong nga “kini nga mga pamahayag” diha sa 3 Nephi 29:1 nagpasabut ngadto sa mga sinulat sa Basahon ni Mormon.)
-
Unsaon ninyo pag-summarize ang panagna nga narekord dinhi niining mga bersikulo? (Ang mga estudyante mahimong mogamit og lain-laing mga pulong, apan kinahanglan silang mahibaloan sa mosunod nga kamatuoran: Ang pagtungha sa Basahon ni Mormon mao ang usa ka timailhan nga ang Ginoo nagtuman sa Iyang pakigsaad sa pagpundok sa Israel sa ulahing mga adlaw. Mahimo nimong dapiton ang mga estudyante sa pagmarka niining kamatuoran diha sa summary sa kapitulo sa 3 Nephi 29.)
Dapita ang mga estudyante nga ipataas ang ilang mga kopya sa Basahon ni Mormon. Ipasabut nga anaa sa ilang mga kamot ang katumanan sa panagna ni Mormon ug nga sila makasiguro nga ang Ginoo nag-andam sa Iyang mga katawhan alang sa Iyang pag-anhi. Dapita ang usa ka estudyante sa pagbasa og kusog sa mosunod nga pamahayag ni Elder Russell M. Nelson sa Korum sa Napulog Duha ka mga Apostoles:
“Ang Basahon ni Mormon usa ka makita nga ebidensya nga ang Ginoo nagsugod na sa pagpundok sa Iyang mga anak sa pakigsaad ni Israel. …
“Sa tinuod, ang Ginoo wala makalimot! Siya mipanalangin nato ug sa uban sa tibuok kalibutan sa Basahon ni Mormon. … Kini makatabang kanato sa paghimo og mga pakigsaad ngadto sa Dios. Kini nagdapit nato sa paghinumdom Kaniya ug sa pag-ila sa Iyang Pinalanggang Anak. Kini mao ang lain nga tugon ni Jesukristo” (“Mga Pakigsaad,” Ensign o Liahona, Nob. 2011, 88).
-
Sa unsang paagi nga ang pag-angkon nato sa Basahon ni Mormon usa ka saksi nga ang Dios motuman sa Iyang mga saad?
Isulat ang mosunod nga pangutana diha sa pisara: Ngano nga ang mga Santos sa Ulahing mga Adlaw interesado sa pakigsaad sa Ginoo ngadto sa balay ni Israel? Hangyoa ang mga estudyante sa pagpaminaw sa mga tubag niini nga pangutana samtang imong basahon ang mosunod nga pamahayag ni Elder Russell M. Nelson, kinsa naglista og mga saad nga kabahin sa pakigsaad sa Ginoo ngadto sa Iyang mga katawhan. (Mahimo nimong hatagan ang matag estudyante og kopya niining pamahayag.)
“Ang pakigsaad nga gihimo sa Dios uban kang Abraham ug sa wala madugay gipanghimatuod og usab uban ni Isaac ug ni Jacob … naglangkob og daghang mga saad, lakip ang:
-
Si Jesus ang Kristo matawo pinaagi sa kaliwatan ni Abraham.
-
Ang mga kaliwat ni Abraham dili maihap, may katungod sa walay katapusang pagdaghan, ug usab may katungod sa pagdala sa priesthood.
-
Si Abraham mahimong amahan sa daghang nasud.
-
May mga yuta nga mapanunod sa iyang kaliwat.
-
Ang tanang kanasuran sa yuta mapanalanginan sa iyang binhi.
-
Ug kana nga pakigsaad walay katapusan—gani ngadto sa ‘usa ka libo ka kaliwatan.’
“Pipila niining mga saad natuman na; ang uban gipaabut pa. …
“Ang uban nato mga tinuod nga binhi ni Abraham; ang uban gipundok sa iyang pamilya pinaagi sa pagsagop. Ang Ginoo wala maghimo og kalainan. Madawat natong tanan ang gisaad nga mga panalangin—kon atong pangitaon ang Ginoo ug sundon ang Iyang mga sugo. …
“… Miingon si Brigham Young: ‘Ang tanang mga Santos sa Ulahing mga Adlaw mosulod sa bag-o ug walay katapusan nga pakigsaad kon sila magpasakop niini nga Simbahan’” (“Mga Pakigsaad, 87–88; gikutlo sa Mga Pagtulun-an sa mga Presidente sa Simbahan: Brigham Young [1997], 74).
-
Gamit ang unsay inyong nakat-unan gikan sa pamahayag ni Elder Nelson, unsaon kaha ninyo pagtubag sa pangutana diha sa pisara? (Ang mga estudyante mahimong mohatag og lain-laing mga tubag, apan siguroha nga mahibalo sila sa mosunod nga kamatuoran: Ang mga Santos sa Ulahing mga Adlaw kabahin sa mga katawhan sa pakigsaad sa Ginoo, ug kita nagdala og responsibilidad sa pagpanalangin sa tanan nga mga kanasuran.)
-
Sa unsang paagi nga ang mga Santos sa Ulahing mga Adlaw nagtinguha sa pagpanalangin sa mga nasud sa yuta?
-
Unsa ang papel sa Basahon ni Mormon niini nga mga paningkamot?
I-refer ngadto sa mga pulong nga motamay ug alaot gikan sa pagpares-pares nga kalihokan. Ipasabut nga si Mormon nasayud nga sa katapusang mga adlaw adunay mga motamay sa Basahon ni Mormon ug sa ubang mga ebidensya sa katumanan sa pakigsaad sa Ginoo sa Iyang mga katawhan. Dapita ang mga estudyante sa pagbasa og hilum sa 3 Nephi 29:4–9, nga mangita sa unsay mahitabo niadtong motamay sa Manluluwas ug sa Iyang mga buhat. Human makapasabut ang mga estudyante kon unsay ilang nakit-an, mahimo nimong isugyot nga ilang isulat ang mosunod nga kamatuoran diha sa ilang mga kasulatan: Kasub-anan ang moabut niadtong molimud ni Jesukristo ug sa Iyang mga buhat.
-
Ngano nga ang kasub-anan usa ka natural nga sangputanan sa pagtamay sa Manluluwas ug sa Iyang mga buhat?
-
Unsaon ninyo pagtubag sa usa ka tawo nga moingon nga ang Ginoo dili makig-istorya ngadto sa tawo o mohimo og mga milagro?
-
Unsaon nato nga mas makaila ug makahatag og bili sa Ginoo ug sa Iyang mga buhat sa atong kinabuhi?
3 Nephi 30
Ang Ginoo nag-awhag sa mga Hentil sa paghinulsol ug moduol ngadto Kaniya
I-refer ngadto sa pulong nga Hentil gikan sa pagpares-pares nga kalihokan. Pahibaloa ang mga estudyante nga diha sa 3 Nephi 30, si Mormon mituman sa sugo sa Ginoo sa pagrekord sa usa ka imbitasyon gikan ni Jesukristo ngadto sa mga Hentil, o sa mga tawo nga wala ang ebanghelyo. Dapita ang mga estudyante sa pagbasa og hilum sa 3 Nephi 30:1–2, nga mangita sa mga imbitasyon ngadto sa mga Hentil kutob sa ilang makita. Human makareport sa unsay ilang nakit-an, ipangutana:
-
Hain kaha niining mga imbitasyon ang mahimong usa ka summary sa tanan? (Ang imbitasyon sa pagduol ngadto kang Kristo naglakip sa paghinulsol, pagbunyag, pagdawat sa Espiritu Santo, ug maisip nga mga katawhan sa Ginoo.)
-
Unsa ang mga panalangin nga gisaad ni Jesukristo sa mga Hentil kon sila moduol ngadto Kaniya? (Ang kapasayloan sa mga sala, nga mapuno sa Espiritu Santo, ug maisip nga Iyang mga katawhan.)
-
Nganong usa ka panalangin ang maisip nga katawhan sa Ginoo?
Isulat ang mosunod nga baruganan diha sa pisara: Kon kita moduol ngadto ni Kristo, kita maisip nga Iyang mga katawhan. Ipasabut nga bisan tuod ang 3 Nephi 30:2 gitumong ngadto niadtong kinsa dili mga miyembro sa Simbahan, atong magamit ang imbitasyon ni Jesukristo sa pagsukod sa ato mismong paningkamot sa pagtuman sa mga pakigsaad nga atong gihimo uban sa Dios. Pagpamatuod sa mga panalangin nga moabut gumikan sa pagsunod sa atong mga pakigsaad ug sa mga kasugoan sa Ginoo.
Pagribyu sa 3 Nephi
Paggahin og panahon aron matabangan ang mga estudyante sa pagribyu sa basahon sa 3 Nephi. Hangyoa sila sa paghunahuna mahitungod sa unsay ilang nakat-unan gikan niining basahon, sa seminary ug sa ilang personal nga pagtuon sa kasulatan. Kon gikinahanglan, dapita sila nga ribyuhon sa daklit ang pipila sa mga summary sa kapitulo diha sa 3 Nephi aron matabangan sila sa paghinumdom. Human sa igong panahon, dapita ang pipila ka mga estudyante sa pagpakigbahin og usa ka butang gikan sa 3 Nephi nga nakapadasig kanila o nga nakatabang kanila nga makabaton og mas dakong pagtuo diha ni Jesukristo.
Ribyu sa Scripture Mastery
Hatagi ang matag estudyante og usa ka piraso nga blangkong papel. Dapita sila sa pagsulat ngadto sa usa ka tawo (mahimong dili tinuod o ilang kaila) nga dili miyembro sa Simbahan. Isugyot nga mangita sila sa mga scripture mastery passage alang sa mga kamatuoran nga magamit nila sa pagdapit sa modawat sa sulat nga moduol ngadto kang Kristo ug maisip nga Iyang mga katawhan. Hangyoa ang pipila ka mga estudyante sa pagpakigbahin kon unsay ilang gisulat.
Pahinumdom: Ang gitas-on niini nga leksyon makahatag og panahon alang niining kalihokan. Alang sa uban nga mga kalihokan sa pagribyu sa scripture mastery, tan-awa ang appendix sa katapusan niining manwal.
Komentaryo ug Background nga Impormasyon
3 Nephi 30:1–2. Ang pagpundok sa Israel
Si Presidente Spencer W. Kimball mitudlo:
“Ang pagpundok sa Israel naglangkob sa pag-apil sa tinuod nga simbahan ug sa ilang pagsugod sa pagkasayud mahitungod sa tinuod nga Dios. … Busa, si bisan kinsa nga tawo, kinsa midawat sa gipahiuli nga ebanghelyo, ug kinsa karon nagtinguha sa pagsimba sa Ginoo sa iyang kaugalingon nga pinulongan ug uban sa mga Santos diha sa mga nasud diin siya nagpuyo, nakatuman sa balaod sa pagpundok sa Israel ug manununod sa tanang panalangin nga gisaad ngadto sa mga Santos niining katapusang mga adlaw” (The Teachings of Spencer W. Kimball ed. Edward L. Kimball [1982], 439).