Ether 4–12 (Unit 30)

Materyal sa Pagpangandam alang sa Home-Study Teacher

Summary sa mga Leksyon sa Daily Home-Study

Ang mosunod nga summary sa mga doktrina ug mga baruganan nga nakat-unan sa mga estudyante samtang sila nagtuon sa Ether 4–12 (unit 30) dili tuyo nga itudlo isip kabahin sa imong leksyon. Ang leksyon nga imong itudlo mosentro lamang diha sa pipila niini nga mga doktrina ug mga baruganan. Sunda ang mga pag-aghat sa Balaang Espiritu samtang imong ikonsiderar ang mga panginahanglan sa imong mga estudyante.

Day 1 (Ether 4–5)

Si Moroni misilyo sa mga sinulat sa igsoong lalaki ni Jared ug mitudlo mahitungod sa mga kahimtang nga kinahanglan natong makab-ot una nato madawat kana nga rekord. Gikan niini nga mga pagtulun-an, ang mga estudyante nakakat-on nga samtang kita mopakita og hugot nga pagtuo sa pulong sa Ginoo, Siya mopanalangin kanato og dugang nga pagpadayag.

Day 2 (Ether 6)

Gikan sa ehemplo sa mga Jaredite sa pagpakita og hugot nga pagtuo diha sa Ginoo samtang mitabok sa “dako nga mga tubig” (Ether 6:3) diha sa ilang mga kasko, ang mga estudyante nakakat-on nga samtang mosalig kita sa Ginoo ug mobuhat sa Iyang kabubut-on, Siya mogiya sa atong kinabuhi. Ang mga hangin mihuyop sa mga kasko padulong sa gisaad nga yuta, ug ang mga estudyante nakakat-on nga kon kita mosalig sa Ginoo, ang kalisdanan makatabang kanato sa pag-uswag ug pagkab-ut sa gisaad nga mga panalangin.

Day 3 (Ether 7–11)

Sa dihang ang mga Jaredite mibaliwala sa pasidaan sa igsoong lalaki ni Jared ug mipili og usa ka hari, ang mga estudyante nakadiskubre nga ang pagsalikway sa mga pulong sa mga propeta mosangput ngadto sa pagkabihag. Si Shule usa ka hari nga mimando diha sa pagkamatarung. Sa diha nga ang iyang katawhan misugod sa paghinulsol ug pagpaminaw sa mga propeta, misugod sila sa pag-uswag. Ang mga estudyante nakakat-on nga kon kita maghinulsol sa atong mga kadautan, mosugod kita sa pag-uswag. Ang mga Jaredite sa katapusan nahulog ngadto sa pagkadautan ug mihulagway sa kamatuoran nga ang pagsuporta og tinago nga mga kalihokan mosangput ngadto sa kalaglagan sa mga katilingban.

Day 4 (Ether 12)

Gikan ni propeta Ether, ang mga estudyante nakakat-on nga kon kita adunay paglaum ug hugot nga pagtuo kang Jesukristo, makadawat kita og kalig-on nga mahimong makanunayon ug puno sa maayong mga buhat. Si Moroni misulat nga kon kita nagtinguha og usa ka saksi, nan kinahanglan una kitang mopakita og hugot nga pagtuo kang Jesukristo. Gikan sa tubag sa Ginoo ngadto sa mga kabalaka ni Moroni mahitungod sa iyang kahuyang sa pagsulat ug sa ubang mga tigsulat sa Basahon ni Mormon, ang mga estudyante nakadiskubre nga kon magmapainubsanon kita sa atong kaugalingon ug mopakita og hugot nga pagtuo sa Ginoo, niana Siya mohimo nga ang atong mga kahuyang mahimong lig-on.

Pasiuna

Kini nga leksyon nagtutok sa Ether 12:23–41. Si Moroni mitudlo nganong ang mga tawo adunay mga kahuyang ug unsay kinahanglan nilang buhaton sa pagbuntog niini.

Mga Sugyot alang sa Pagtudlo

Ether 4–11; 12:6

Ang mga Jaredite miuswag ug napanalanginan kon sila matarung

Pag-assign og tulo ka mga estudyante sa pagribyu ug pag-summarize sa mosunod nga mga kapitulo gamit ang mga summary sa mga kapitulo: Ether 4–5; Ether 6; ug Ether 7–11. Hangyoa ang laing estudyante sa pagribyu sa Ether 12:6. Hangyoa sila sa pagpakigbahin ngadto sa klase og usa o duha ka baruganan nga ilang nakat-unan.

Ether 12:23–41

Si Moroni mipahayag og kabalaka kon sa unsang paagi moresponde ang mga Hentil ngadto sa Basahon ni Mormon

Isulat ang pulong nga malig-on sa usa ka bahin sa pisara ug mahuyang sa pikas bahin. Hatagi ang mga estudyante og panahon sa pagpamalandong kon unsay gibati nila nga ilang kalig-on ug unsay gibati nila nga pipila sa ilang mga kahuyang o mga kakulangan. Ipasabut nga sa Ether 12, si Moroni mitudlo sa unsang paagi nga ang atong mga kahuyang mamahimong lig-on.

Dapita ang usa ka estudyante sa pagbasa og kusog sa Ether 12:23–25, ug hangyoa ang klase sa pag-ila sa kahuyang nga gibati ni Moroni nga siya ug ang ubang mga tigsulat sa Basahon ni Mormon aduna. Dayon pangutan-a ang mga estudyante sa mosunod:

Unsa nga kahuyang ang gihisgutan ni Moroni niini nga mga bersikulo?
Unsay gikabalak-an ni Moroni nga mahitabo tungod sa kahuyang niadtong mga misulat sa Basahon ni Mormon?

Human makatubag ang mga estudyante, ipabasa kanila sa hilum ang tubag sa Ginoo sa kabalaka ni Moroni diha sa Ether 12:26–27 ug ipapangita kon nganong ang Dios mihatag kanato og mga kahuyang. Human ang mga estudyante aduna nay panahon sa pagbasa sa mga bersikulo, pahinumdumi sila nga ang Ether 12:27 usa ka scripture mastery passage.

Aron sa pagtabang sa mga estudyante nga mas makasabut sa pulong nga kahuyang niini nga mga bersikulo, hangyoa ang usa ka estudyante sa pagbasa sa mosunod nga pamahayag ni Elder Neal A. Maxwell sa Korum sa Napulog Duha ka mga Apostoles:

“Kon makabasa kita diha sa mga kasulatan kabahin sa ‘kahuyang’ sa tawo, kini nga pulong naglakip sa tanan apan gikinahanglang kahuyang nga anaa na sa kinatibuk-ang tawhanong kahimtang diin ang pisikal nga lawas adunay grabe ka walay hunong [o kanunay] nga epekto diha sa espiritu. … Ang kahuyang naglakip usab, hinoon, sa atong piho, tagsa-tagsa nga mga kahuyang, diin gilauman kita nga makabuntog” (Lord, Increase Our Faith [1994], 84).

Mahimo nimong ipasabut nga ang kinatibuk-ang tawhanong kahimtang nga gipamulong ni Elder Maxwell nagpasabut sa kahuyang nga miabut sa mga lalaki ug mga babaye tungod sa Pagkapukan ni Adan. Tungod sa Pagkapukan, kitang tanan adunay kalagmitan nga matintal ug sa tawhanong mga kasaypanan agig dugang sa atong kaugalingong personal nga mga kakulangan.

Dapita ang mga estudyante sa pag-ila og baruganan nga gitudlo diha sa Ether 12:27. (Kon kita magmapainubsanon sa atong kaugalingon ug magpakita og hugot nga pagtuo sa Ginoo, niana Siya mohimo sa mahuyang nga mga butang nga malig-on ngari kanato.)

Aron sa pag-awhag sa paggamit niini nga baruganan nga gitudlo sa Ether 12:27, isulat sa pisara ang mosunod:

1. Moila sa akong kahuyang 2. Magpaubos sa akong kaugalingon 3. Magpakita og hugot nga pagtuo kang Kristo

Dapita ang mga estudyante sa pagsulat niini nga mga pulong sa ibabaw sa usa ka piraso nga papel. Ubos sa mga ulohan, hangyoa ang mga estudyante sa pagpamalandong ug pagsulat, karon o unya, sa (1) usa ka kahuyang nga gibati nila nga aduna sila, (2) unsaon nila sa pagpaubos sa ilang kaugalingon kabahin niana nga kahuyang, ug (3) sa unsang paagi sila makapakita og hugot nga pagtuo kang Kristo aron sila makadawat sa Iyang panabang, o grasya, aron mabuntog ang kahuyang nga ilang gilista.

Kon mahuman na sila, awhaga ang mga estudyante nga ibutang ang papel diha sa ilang personal nga journal o sa laing dapit diin ila kining makita kanunay ug mapahinumduman sa paningkamot nga gitinguha nilang mahimo. Ipamatuod sa mga estudyante nga kon sila mapainubsanong maningkamot sa pagbuntog sa ilang mga kahuyang, ang Ginoo motabang sa “[pag]himo sa mahuyang nga mga butang nga mahimo nga malig-on ngadto kanila” (Ether 12:27).

Dapita ang mga estudyante sa pagbasa sa Ether 12:26, 28 aron masayran kon unsa pa ang dugang tubag sa Ginoo sa mga kabalaka ni Moroni kabahin sa iyang kahuyang sa pagsulat. Mahimo kang mangutana sa mosunod:

Sa Ether 12:26, si Moroni mihisgot og kaaghup, nga mao ang kalumo, kamapainubsanon, ug kamanunuton sa balaang kabubut-on. Ngano kaha nga nagkinahanglan man og kaaghup ang pagbaliwala sa mga kahuyang sa uban?
Sa unsang paagi nga ang grasya sa Ginoo (ang Iyang tabang o balaan nga makaabag nga gahum) makatabang kanato nga dili mopahimulos sa mga kahuyang sa uban?

Ipasabut og maayo nga samtang magpalambo kita og hugot nga pagtuo, paglaum, ug gugma nga putli, ang grasya sa Ginoo motabang kanato kon mag-atubang kita sa mga kahuyang sa uban. I-summarize ang Ether 12:29–32 pinaagi sa pagpasabut nga si Moroni miribyu sa kaimportante sa pagpakita og hugot nga pagtuo ug sa mga saksi ug mga milagro nga dala niini. Hangyoa ang mga estudyante sa pagbasa sa Ether 12:33–35 ug pag-ila kon unsay gisulat ni Moroni mahitungod sa kaimportante sa pagpakita og gugma nga putli.

Pangutana: Nganong importante man nga adunay gugmang putli kon kita nag-atubang sa mga kahuyang sa uban?

Dapita ang mga estudyante sa pagpakigbahin ngadto sa kauban nga estudyante kon unsay ilang gibuhat sa pagtinguha nga mas hingpit nga makaangkon sa grasya ni Jesukristo diha sa ilang kinabuhi. Kon aduna pay panahon, mahimo kang modapit og pipila ka mga estudyante nga mopakigbahin sa klase kon sa unsang paagi ang pagtinguha nga mas mapaduol kang Kristo nakaimpluwensya sa ilang mga kinabuhi.

Sunod nga Unit (Ether 13–Moroni 7)

Samtang ang mga estudyante mangandam sa pagtuon sa sunod nga unit, awhaga sila sa pagkonsiderar sa mosunod: Unsa kaha kon ang tanan ninyong mga higala ug pamilya namatay ug kamo lang ang bugtong nabuhi nga matinud-anon sa ebanghelyo ni Jesukristo? Si Ether ug Moroni nakasinati niini nga matang sa kamingaw. Unsaon ninyo sa paglahutay ang bisan unsa nga pagsulay ug pag-angkon og kinabuhing dayon? Ang Moroni 7 mipasabut kon sa unsang paagi nga ang hugot nga pagtuo, paglaum, ug gugma nga putli gikinahanglan aron maangkon kini nga mga gasa.