មេរៀនទី ១៧ ៖ ថ្ងៃទី ២
គោលលទ្ធិ និង សេចក្តីសញ្ញា ៧៨-៨០
សេចក្ដីផ្ដើម
នៅថ្ងៃទី ១ ខែ មិនា ឆ្នាំ ១៨៣២ ព្រះអម្ចាស់បានបើកសម្ដែងដល់ យ៉ូសែប ស៊្មីធ នូវវិវរណៈដែលសព្វថ្ងៃនេះបានកត់ត្រានៅក្នុង គោលលទ្ធិ និង សេចក្តីសញ្ញា ៧៨ ។ នៅក្នុងវិវរណៈនេះ ព្រះអម្ចាស់បានបញ្ជាឲ្យព្យាការីបង្កើតសហគ្រាសមួយឡើង ( ក្រោយមកត្រូវបានស្គាល់ថាជា សហគ្រាសសាមគ្គីភាព ) ដើម្បីគ្រប់គ្រងលើឃ្លាំង និង ការងាររោងពុម្ពរបស់សាសនាចក្រ ។ ព្រះអម្ចាស់ក៏បានពិពណ៌នាផងដែរអំពីពរជ័យ ដែលពួកបរិសុទ្ធនឹងទទួលបាន បើពួកគេគោរពប្រតិបត្តិតាមព្រះបញ្ញត្តិ ដែលត្រូវបង្កើតសហគ្រាសនេះឡើង ។ នៅក្នុងការប្រឹងប្រែងដើម្បីការពារកិច្ចការដែលធ្វើឡើងដោយសាសនាចក្រពីពួកសត្រូវ ភាសាមួយចំនួននៃវិវរណៈនេះត្រូវបានកែប្រែ នៅពេលវាត្រូវបានបោះពុម្ពជាលើកទីមួយក្នុងឆ្នាំ ១៨៣៥ នៃគោលលទ្ធិ និង សេចក្ដីសញ្ញា ។ ឧទាហរណ៍ ពាក្យ សហគ្រាស ត្រូវបានកែប្រែទៅជា របៀប ( សូមមើល គ. និង ស. ៧៨:៤ ) ។
នៅប្រហែលជាពេលតែមួយ ដែលព្រះអម្ចាស់បានបញ្ជាឲ្យ យ៉ូសែប ស្ម៊ីធ បង្កើតសហគ្រាសសាមគ្គីភាពឡើងនោះហើយ ដែលទ្រង់បានប្រទានវិវរណៈដែលមានកត់ត្រានៅក្នុង គោលលទ្ធិ និង សេចក្តីសញ្ញា ៧៩–៨០ ។ នៅក្នុងវិវរណៈទាំងនេះ ព្រះអម្ចាស់បានហៅ យ៉ារេឌ ខារតើរ, ស្ទេផាន ប៊ើរណែត, និង អេដែន ស៊្មីធ ឲ្យបម្រើជាអ្នកផ្សព្វផ្សាយសាសនា ។
គោលលទ្ធិ និង សេចក្តីសញ្ញា ៧៨:១-១៦
ព្រះអម្ចាស់បញ្ជាឲ្យព្យាការី យ៉ូសែប ស៊្មីធ បង្កើតសហគ្រាសសាមគ្គីភាព
ប្រាក់គឺជាផ្នែកមួយដ៏សំខាន់លើពិភពលោកដែលយើងរស់នៅនេះ ហើយវាអាចត្រូវបានប្រើប្រាស់សម្រាប់គោលបំណងសុចរិត និង ទុច្ចរិត ។ នៅក្នុងចន្លោះខាងក្រោមនេះ សូមធ្វើបញ្ជីនៃរបៀបមួយចំនួន ដែលប្រាក់អាចត្រូវបានប្រើប្រាស់សម្រាប់គោលបំណងសុចរិត និង មួយចំនួនទៀតអាចត្រូវបានប្រើប្រាស់សម្រាប់គោលបំណងទុច្ចរិត ។
|
គោលបំណងសុចរិត |
គោលបំណងទុច្ចរិត |
|---|---|
ក្នុងខែ ឧសភា ឆ្នាំ ១៨៣១ ព្រះអម្ចាស់បានបញ្ជាថា ឃ្លាំងត្រូវតែបានសាងសង់ឡើង ដើម្បីប្រមូលទ្រព្យសម្បត្តិ និង ប្រាក់កាសបន្ថែមសម្រាប់ជំនួយដល់មនុស្សទាល់ក្រ ( សូមមើល គ. និង ស. ៥១ ) ។ សាសនាចក្រក៏ត្រូវការមូលនិធិដើម្បីទិញដី និង ដើម្បីធ្វើហិរញ្ញប្បទានដល់ការបោះពុម្ពវិវរណៈ ដែលព្យាការី យ៉ូសែប ស៊្មីធ បានទទួលផងដែរ ។ អង្គការបីផ្សេងគ្នាត្រូវបានបង្កើតឡើង ដើម្បីទាញយកមូលនិធិទាំងនេះ ៖ (១) ផ្សាររបស់ នូវល ខេ វិតនី នៅទីក្រុង ខឺតឡង់ រដ្ឋ អូហៃអូ (២) ផ្សារដែលបើកដោយ ស៊ីឌនី គិលបឺត នៅរដ្ឋ មិសសួរី និង (៣) សហគ្រាសអក្ខរកម្ម ដែលត្រូវបានបង្កើតឡើងដើម្បីមើលការខុសត្រូវលើការបោះពុម្ពទាំងឡាយរបស់សាសនាចក្រ ។ សេចក្ដីណែនាំរបស់ព្រះអម្ចាស់នៅក្នុង គោលលទ្ធិ និង សេចក្តីសញ្ញា ៧៨:៣ បាននាំទៅដល់ការបញ្ចូលអង្គការទាំងបីនេះទៅជាអង្គការតែមួយ ។ អង្គការថ្មីនឹងត្រូវបានហៅថា សហគ្រាសសាមគ្គីភាព ដោយមាន យ៉ូសែប ស៊្មីធ, ស៊ីឌនី រិកដុន, នូវល ខេ វិតនី, អែតវឺត ប៉ាទ្រិច, ស៊ីឌនី គិលបឺត, អូលីវើរ ខៅឌើរី, យ៉ូហាន វិតមើរ, វិលលាម ដ័បបុលយូ ហ្វែប្ស និង ម៉ាទិន ហារីស ។
នៅក្នុង គោលលទ្ធិ និង សេចក្តីសញ្ញា ៧៨ពាក្យ របៀប សំដៅទៅលើសហគ្រាសសាមគ្គីភាព ។ សូមអាន គោលលទ្ធិ និង សេចក្តីសញ្ញា ៧៨:៣-៤ដោយស្វែងរកថាតើ សហគ្រាស ឬ របៀបមួយនេះ នឹងអនុញ្ញាតឲ្យពួកបរិសុទ្ធធ្វើអ្វីខ្លះ ។
-
សូមឆ្លើយសំណួរដូចតទៅនេះ ដាក់នៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ៖ យោងតាម គោលលទ្ធិ និង សេចក្តីសញ្ញា ៧៨:៤តើសម្រាប់បុព្វហេតុអ្វី ដែលព្រះអម្ចាស់បានមានព្រះទ័យបង្កើនតាមរយៈសហគ្រាសសាមគ្គីភាពនេះ ?
សូមអាន គោលលទ្ធិ និង សេចក្តីសញ្ញា ៧៨:៥–៦ដោយស្វែងរកមូលហេតុ ដែលព្រះអម្ចាស់បានបញ្ជាឲ្យពួកបរិសុទ្ធជួយ « មនុស្សទាល់ក្រក្នុងរាស្ត្រ [ របស់ទ្រង់ ] » ( គ. និង ស. ៧៨:៣ ) ។
ដូចបានលើកឡើងនៅក្នុងខគម្ពីរទាំងនេះ អ្វីៗខាងស្ថានសួគ៌រួមមានពរជ័យនៃលក្ខណៈដ៏អស់កល្បជានិច្ច មានដូចជា ចំណេះដឹង ទីបន្ទាល់ និង ឱកាសដើម្បីទទួលបានពិធីបរិសុទ្ធទាំងឡាយនៃការសង្គ្រោះ ។
វាអាចនឹងមានប្រយោជន៍ក្នុងការដឹងថា ការមានភាពស្មើគ្នានៃអ្វីៗខាងផែនដី ពុំសបញ្ជាក់ឲ្យឃើញថា មនុស្សគ្រប់រូបនឹងមានទ្រព្យសម្បត្តិស្មើគ្នាទាំងស្រុងនោះទេ ប៉ុន្តែគឺថា គ្រប់ក្រុមគ្រួសារនឹងមានធនធានគ្រប់គ្រាន់ដើម្បីផ្គត់ផ្គង់ដល់សេចក្ដីត្រូវការ និង សេចក្ដីប៉ងប្រាថ្នារបស់ខ្លួន ដោយផ្អែកទៅលើកាលៈទេសៈផ្ទាល់ខ្លួន ។
-
សូមអាន គោលលទ្ធិ និង សេចក្ដីសញ្ញា ៧៨:៧ ។ នៅពេលអ្នកអាន សូមស្វែងរកមូលហេតុបន្ថែម ដែលព្រះអម្ចាស់បានបញ្ជាឲ្យពួកបរិសុទ្ធបង្កើតសហគ្រាសសាមគ្គីភាពឡើង ហើយមើលថែមនុស្សទាល់ក្រ ។ បន្ទាប់មក សូមបញ្ចប់គោលការណ៍ដូចតទៅនេះ ៖ ការធ្វើនូវអ្វីៗដែលព្រះអម្ចាស់បានបញ្ជា រៀបចំយើងសម្រាប់ ។
តើអ្នកគិតថា ការគោរពប្រតិបត្តិតាមព្រះបញ្ញត្តិដើម្បីបង្កើតសហគ្រាសរួបរួមឡើង នឹងជួយរៀបចំពួកបរិសុទ្ធឲ្យគ្រងកន្លែងមួយ នៅក្នុងនគរសេឡេស្ទាលយ៉ាងដូចម្ដេច ?
-
នៅពេលអ្នកអានសេចក្ដីថ្លែងការណ៍ដូចតទៅនេះដោយ អែលឌើរ ដាល្លិន អេក អូក ក្នុងកូរ៉ុមនៃពួកសាវកដប់ពីរនាក់ សូមពិចារណាអំពីមូលហេតុ ដែលវាសំខាន់ត្រូវយល់អំពីគោលបំណងរបស់ព្រះអម្ចាស់ក្នុងការប្រទានព្រះបញ្ញត្តិដល់យើង ៖ « សេចក្ដីជំនុំជម្រះចុងក្រោយបំផុត ពុំគ្រាន់តែជាការវាយតម្លៃលើការទូទាត់សរុបនៃទង្វើល្អ និង អាក្រក់— ដែលជាអ្វីយើងបាន ប្រព្រឹត្តនោះទេ ។ វាជាការទទួលស្គាល់មួយអំពីឥទ្ធិពលនៃទង្វើ និង គំនិតរបស់យើងនៅចុងបំផុត—ជាអ្វីដែលយើងបានប្រែក្លាយ ។ វាមិនគ្រប់គ្រាន់ទេសម្រាប់នរណាម្នាក់ ដែលគ្រាន់តែធ្វើអ្វីមួយដោយគ្មានការគិតពិចារណាអំពីវានោះ ។ ព្រះបញ្ញត្តិ ពិធីបរិសុទ្ធ និង សេចក្តីសញ្ញាទំាងឡាយ នៃដំណឹងល្អ គឺមិនមែនជាបញ្ជីនៃការដាក់ប្រាក់ ដែលតម្រូវឲ្យដាក់នៅក្នុងគណនីសួគ៌ាមួយចំនួននោះទេ ។ ដំណឹងល្អរបស់ព្រះយេស៊ូវគ្រីស្ទ គឺជាផែនការមួយដែលបង្ហាញយើងពីរបៀបដើម្បីប្រែក្លាយជាអ្វីដែលព្រះវរបិតាសួគ៌សព្វព្រះទ័យឲ្យយើងប្រែក្លាយ » (The Challenge to Become, » Ensign, ខែវិច្ឆិកា ឆ្នាំ ២០០០, ទំព័រ ៣២)។
-
សូមអាន គោលលទ្ធិ និង សេចក្តីសញ្ញា ៧៨:៨-៩ដោយស្វែងរកឈ្មោះនៃអ្នកទាំងឡាយ ដែលព្រះអម្ចាស់បានចាត់តាំងឲ្យបង្កើតសហគ្រាសសាមគ្គីភាពឡើង ។
សូមកត់ចំណាំនៅក្នុង ខទី ៩ ថា ព្រះអម្ចាស់បានបញ្ជាបុរសទាំងនេះ ឲ្យអង្គុយប្រឹក្សាជាមួយពួកបរិសុទ្ធនៅក្រុងស៊ីយ៉ូន មានន័យថា សមាជិកសាសនាចក្រនៅទីក្រុង អ៊ីនឌីប៉ែនដែនស៍ រដ្ឋ មិសសួរី ។ ដើម្បីគោរពប្រតិបត្តិតាមព្រះបញ្ញត្តិនេះ យ៉ូសែប ស៊្មីធ, នូវល ខេ វិតនី និង ស៊ីឌនី រិកដុន ត្រូវធ្វើដំណើរជិត ១,៦០០ គីឡូម៉ែត្រ ( ទៅ ឬ មក ) រវាងភូមិហៃរាំ រដ្ឋ អូហៃអូ និង ក្រុង អ៊ីនឌីប៉ែនដែនស៍ រដ្ឋ មិសសួរី ។ ក្នុងខែ មេសា ឆ្នាំ ១៨៣២ គឺតិចជាងមួយខែបន្ទាប់ពីវិវរណៈនេះត្រូវបានទទួល បុរសទាំងបីរូបនេះបានគោរពប្រតិបត្តិតាមព្រះបញ្ញត្តិនេះ ហើយបានធ្វើដំណើរទៅកាន់រដ្ឋ មិសសួរី ។
តើការប្រព្រឹត្តរបស់ពួកគាត់ បង្រៀនអ្នកអំពីសេចក្ដីជំនឿ និង ការគោរពប្រតិបត្តិចំពោះព្រះបញ្ញត្តិរបស់ព្រះអម្ចាស់ដូចម្ដេចខ្លះ ?
មិនយូរប៉ុន្មានបន្ទាប់ពីពួកគាត់បានធ្វើដំណើរទៅដល់រដ្ឋ មិសសួរី បុរសទាំងបីរូបនេះ បានប្រជុំក្រុមប្រឹក្សាមួយដែលពួកគាត់បានបង្កើតសហគ្រាសសាមគ្គីភាព ឲ្យស្របទៅតាមការបង្គាប់បញ្ជានៅក្នុងវិវរណៈនោះ ។ កម្រៃដែលទទួលបានពីការងារនៃសហគ្រាសនេះ ត្រូវបានទុកដាក់នៅក្នុងឃ្លាំង ដើម្បីមើលថែមនុស្សទាល់ក្រ និង ដើម្បីធ្វើហិរញ្ញប្បទានដល់សេចក្ដីត្រូវការទាំងឡាយនៃសាសនាចក្រ ។
នៅក្នុង គោលលទ្ធិ និង សេចក្តីសញ្ញា ៧៨:១០–១៦ព្រះអម្ចាស់បានគូសបញ្ជាក់អំពីសារៈសំខាន់នៃសហគ្រាសាមគ្គីភាពនេះ ។ ទ្រង់បានពន្យល់ថា បើពួកបរិសុទ្ធធ្វើតាមសេចក្ដីណែនាំរបស់ទ្រង់ នោះពួកគេនឹងមានជំនួយមកពីទ្រង់ក្នុងការបំពេញតាមព្រះបញ្ញត្តិទាំងឡាយ រីឯសាសនាចក្រនឹងអាចឈរឡើងដោយឯករាជ្យពីស្ថាប័នលោកិយដទៃទៀត ។
គោលលទ្ធិ និង សេចក្តីសញ្ញា ៧៨:១៧-២២
ព្រះអម្ចាស់ពិពណ៌នាអំពីពរជ័យ ដែលមានដល់ពួកអ្នកដែលរក្សាព្រះបញ្ញត្តិទាំងឡាយរបស់ទ្រង់
សូមគិតអំពីអំណោយទាន ឬ ពរជ័យមួយចំនួន ដែលអ្នកទទួលបានកាលអ្នកនៅក្មេងជាងនេះ ហើយជាពរជ័យដែលអ្នកមានអំណរគុណកាន់តែខ្លាំងនាពេលឥឡូវនេះដែលអ្នកចម្រើនវ័យឡើង ។ ហេតុអ្វីបានជាអ្នកមានអំណរគុណកាន់តែខ្លាំងនាពេលឥឡូវនេះ ចំពោះអំណោយទាន ឬ ពរជ័យទាំងនេះ ? សូមគិតអំពីរបៀបដែលការណ៍នេះ អាចទាក់ទងទៅនឹងពរជ័យទាំងឡាយ ដែលព្រះវរបិតាសួគ៌បានបម្រុងទុកសម្រាប់យើង ។
សូមអាន គោលលទ្ធិ និង សេចក្តីសញ្ញា ៧៨:១៧-១៨រួចរកមើលថាតើ ពួកបរិសុទ្ធមានលក្ខណៈដូចជាកូនក្មេងតូចៗយ៉ាងដូចម្ដេច ។ អ្នកអាចនឹងចង់ពិចារណាអំពី ការដាក់ឈ្មោះរបស់អ្នកជំនួសឲ្យសព្វនាម អ្នក, អ្នករាល់គ្នា និង របស់ផងអ្នករាល់គ្នា ដើម្បីជួយអ្នកឲ្យប្រើប្រាស់ខគម្ពីរទាំងនេះទៅនឹងខ្លួនរបស់អ្នកផ្ទាល់ ) ។
សូមពិចារណាអំពីរបៀបដែលការដឹងថាព្រះអម្ចាស់ « នឹងដឹកនាំ [ យើងរាល់គ្នា ] » ( គ. និង ស. ៧៨:១៨ ) អាចជួយឲ្យយើងមានសង្ឃឹមឡើង ទោះជាយើងពុំអាចយល់ ឬ ទ្រាំទ្រការណ៍ទាំងអស់បានយ៉ាងណាក៏ដោយ ។
សូមអាន គោលលទ្ធិ និង សេចក្តីសញ្ញា ៧៨:១៩ដោយស្វែងរកឱវាទ ដែលព្រះអម្ចាស់បានប្រទានដល់ពួកបរិសុទ្ធ ។ ( គោលលទ្ធិ និង សេចក្ដីសញ្ញា ៧៨:១៩ គឺជាវគ្គចំណេះចំណានខគម្ពីរ ។ អ្នកអាចនឹងចង់គូសចំណាំវានៅក្នុងរបៀបមួយដែលងាយស្រួលរកឃើញ ) ។
សូមបញ្ចប់គោលការណ៍ដូចតទៅនេះ ដោយផ្អែកទៅលើអ្វីដែលអ្នកស្វែងយល់ចេញពី ខទី ១៩ ៖ បើយើង នោះព្រះអម្ចាស់នឹងប្រទានពរដល់យើងកាន់តែច្រើន ។
-
-
តើអ្នកអាចទទួលបានអ្វីគ្រប់យ៉ាងដោយមានអំណរគុណកាន់តែពេញលេញ បានយ៉ាងដូចម្ដេច ?
-
តើការជ្រើសរើសដើម្បីទទួលបានអ្វីគ្រប់យ៉ាងដោយមានអំណរគុណ អាចជួយអ្នកឲ្យមានសង្ឃឹមឡើងបានយ៉ាងដូចម្ដេច ?
-
ចំណេះចំណានខគម្ពីរ—គ. និង ស. ៧៨:១៩
-
សូមអាន គោលលទ្ធិ និង សេចក្តីសញ្ញា ៧៨:២០-២២ដោយស្វែងរកឱវាទ ដែលព្រះអម្ចាស់បានប្រទានឲ្យ ។
គោលលទ្ធិ និង សេចក្តីសញ្ញា ៧៩-៨០
យ៉ារេឌ ខារតើរ, ស្ទេផាន ប៊ើរណែត, និង អេដែន ស៊្មីធ ត្រូវបានហៅឲ្យបម្រើបេសកកម្ម
នៅក្នុងវិវរណៈដែលបានកត់ត្រានៅក្នុង គោលលទ្ធិ និង សេចក្តីសញ្ញា ៧៩ និង ៨០ព្រះអម្ចាស់បានហៅបុរសបីនាក់ ឲ្យបម្រើជាអ្នកផ្សព្វផ្សាយសាសនា ។ សូមអានកណ្ឌនីមួយៗ ដោយស្វែងរកគោលការណ៍នានា ដែលអនុវត្តនៅក្នុងកិច្ចការផ្សព្វផ្សាយសាសនា ។ សូមពិចារណាអំពីរបៀបដែលអ្នកអាចអនុវត្តគោលការណ៍នានា ដែលអ្នកបានរកឃើញ ដើម្បីអ្នកអាចចែកចាយដំណឹងល្អកាន់តែមានប្រសិទ្ធភាព ជាមួយមនុស្សដែលអ្នកស្គាល់ ។
-
ខ្ញុំបានសិក្សា គោលលទ្ធិ និង សេចក្តីសញ្ញា ៧៨-៨០ ហើយបានបញ្ចប់មេរៀននេះនៅ ( កាលបរិច្ឆេទ ) ។
សំណួរ គំនិត និង ការយល់ដឹងបន្ថែម ដែលខ្ញុំចង់ចែកចាយជាមួយគ្រូរបស់ខ្ញុំ ៖