Տնային ուսումնասիրության դաս

Գործք 20–Հռովմայեցիս 7 (մաս 20)

Նախապատրաստական նյութեր տնային ուսումնասիրության ուսուցչի համար

Տնային ուսումնասիրության ամենօրյա դասերի ամփոփում

Ուսանողների ուսումնասիրած իրադարձությունների, վարդապետությունների և սկզբունքների հետևյալ ամփոփումը Գործք 20-ի–Հռովմայեցիս 7-ի (մաս 20)-ը ուսումնասիրելիս չի նախատեսվում ուսուցանել որպես ձեր դասի մի մաս: Դասը, որը դուք սովորեցնում եք, կենտրոնանում է այս վարդապետություններից և սկզբունքներից միայն մի քանիսի վրա: Հետևեք Սուրբ Հոգու հուշումներին, երբ դուք խորհում եք ձեր ուսանողների կարիքների շուրջ:

Օր 1 (Գործք 20–22)

Պողոսի միսիոներական ճամփորդություններից ուսանողները սովորեցին, որ Տիրոջ ճշմարիտ սպասավորները հավատարմորեն կատարում են իրենց պարտականությունը և հրճվանք զգում այդ ամենը անելիս: Նրանք սովորում են նաև, որ Տիրոջ ճշմարիտ ծառաները պատրաստ են Աստծո կամքը կատարել` անկախ անձնական վնասից: Պողոսի վարած խոսակցության հատվածից ուսանողները սովորեցին, որ Հիսուս Քրիստոսի խոսքերին հնազանդվելով, կարող ենք ամբողջապես դարձի գալ:

Օր 2 (Գործք 23–28)

Ուսումնասիրելով Պողոսի վկայությունը թագավոր Ագրիպպասին՝ ուսանողները սովորեցին, որ եթե ապաշխարեն և դառնան դեպիԱստված, նրանք կյանքում կարող են հաղթահարել սատանայի ուժին, ստանալ մեղքերի թողություն և իրավունք՝ մտնելու սելեստիալ արքայություն: Նրանք նաև համամիտ են այն ճշմարտության հետ, որ դեպի Հիսուս Քրիստոս դարձի գալու համար պետք է հավատ ունենան և հավատարմորեն ապրեն ավետարանով: Պողոսի Հռոմ կատարած ճանապարհորդության հատվածից ուսանողները սովորեցին, որ եթե հավատարիմ են, Աստված կարող է օգնել նրանց և մյուսներին իրենց փորձությունները դարձնել օրհնություններ:

Օր 3 (Հռովմայեցիս 1–3)

Հռոմի Սրբերին գրված Պողոսի նամակից ուսանողները սովորեցին հետևյալ ճշմարտությունները․ Երբ մենք Հիսուս Քրիստոսի մասին վկայություն ձեռք բերենք, կլցվենք ուրիշների հետ կիսվելու ցանկությամբ։ Բոլոր պատասխանատու մարդիկ մեղք են գործում և Աստծո ներման կարիքն ունեն: Հիսուս Քրիստոսի Քավությունը հավատարմորեն ընդունելու միջոցով ողջ մարդկությունը կարող է արդարացվել և փրկություն ստանալ։

Օր 4 (Հռովմայեցիս 4-7)

Պողոսի` Հռոմեացի Սրբերին ուսուցումից ուսանողները սովորեցին, որ մենք արդարացվում ենք հավատով և ողորմածության շնորհիվ կատարած գործերով: Նրանք նաև սովորեցին հետևյալ ճշմարտությունները. Ընկղմամբ մկրտությունը կարող է խորհրդանշել մեր մահը մեղանչելու պատճառով և նոր հոգևոր կյանքի սկիզբը: Եթե մենք մեղք ենք գործում և չենք ապաշխարում, ապա դառնում ենք մեղքի ծառաները: Եթե նվիրվում ենք Աստծուն, ապա կարող ենք ազատագրվել մեղքից և ստանալ հավերժական կյանքի պարգևը:

Նախաբան

Որպես բանտարկյալ` ձմեռային ամիսներին Պողոսին ծովով տարան Հռոմ: Մեկնելուց առաջ Պողոսը զգուշացրեց, որ ճանապարհը լինելու էր «նեղությունով եւ շատ վնասով» (Գործք 27.10): Մի փոթորկի ժամանակ Պողոսը մարգարեացավ, որ չնայած նավը պիտի կործանվեր, ուղևորները ողջ կմնային: Պողոսի մարգարեությունն իրականացավ։

Ուսուցման առաջարկներ

Գործք Առաքելոց 27

Պողոսին Հռոմ տանելու ընթացքում նա նավաբեկության է ենթարկվում

Նախքան դասի սկսվելը, հետևյալ հարցերը գրեք գրատախտակին: (Այս հայտարարությունները կարող եք գտնել «Երիտասարդներին զորացնելու համար» գրքույկում [գրքույկ, 2011], 4, 11,16):

«Խուսափեք նույն անձնավորության հետ հաճախ ժամադրության գնալուց»:

«Մի հաճախեք, դիտեք կամ մասնակցեք որևէ բանի, որը ինչ-որ կերպ անպատշաճ է, անբարոյական, բիրտ կամ ունի պոռնոգրաֆիկ բնույթ»:

«Եթե ձեր ընկերները ստիպում են ձեզ անել բաներ, որոնք սխալ են, եղեք այն մեկը, ով սատարում է ճշմարիտը՝ նույնիսկ եթե դուք միակն եք»:

Հանձնարարեք որևէ ուսանողի բարձրաձայն կարդալ գրատախտակին գրված հայտարարությունները:

• Ինչո՞ւ որոշ երիտասարդներ նախընտրում են ուշադրություն չդարձնել այդ զգուշացումներին և խորհրդին :

Խնդրեք ուսանողներին ուսուցման ընթացքում փնտրել ճշմարտությունները Գործք 27-ում, որը կօգնի նրանց ամրացնել Տիրոջ ծառաների զգուշացումներին և խորհրդին ուշադրություն դարձնելու հավատը:

Հիշեցրեք ուսանողներին, որ Պողոսին կեղծ մեղադրանք էր ներկայացվել պետական դավաճանության մեջ, և նա բանտարկվել էր: Նա, որպես Հռոմի քաղաքացի, իրավունք ուներ և իր գործը բողոքարկեց Հռոմի Կեսարին: Ամփոփեք Գործք 17.1-8-ը բացատրելով, որ Պողոսը հռոմեական պահակախմբի հսկողությամբ, այլ բանտարկյալների հետ նավով ճամփորդեց դեպի Հռոմ: Երկար օրեր նավարկելուց հետո նրանք կանգ առան Կրետե կղզու նավահանգստում: Երբ նավահանգստից հեռանում էին, Պողոսը նավի վրա գտնվողներին զգուշացրեց, որ նրանք չպետք է շարունակեին իրենց ճանապարհորդությունը:

Հրավիրեք որևէ ուսանողի կարդալ Գործք 27.9-10-ը բարձրաձայն: Դասարանին հանձնարարեք հետևել նրան, փնտրելով, թե Պողոսը ինչի մասին էր զգուշացրել, եթե նա և նավի վրա գտնվող մյուս մարդիկ շարունակեին իրենց ճանապարհը դեպի Հռոմ: Կարող եք բացատրել, որ ծոմ բառը օգտագործված հատված 9-ում, վերաբերում է կամավոր չուտելուն։ Տվյալ դեպքում «ծոմը» հավանաբար վերաբերում է հրեական Քավության օր կոչված սուրբ օրվան,որով սովորաբար սկիզբ էր դրվում Միջերկրական ծովով ճամփորդելու մի անապահով եղանակի: Քավության Օրը սովորաբար սկսվում էր սեպտեմբերի վերջին կամ հոկտեմբերի սկզբին: Բացատրեք, որ բարձել բառը 10-րդ հատվածում վերաբերում է նավի բեռին:

• Համաձայն Գործք 27.10-ի, Պողոսն ի՞նչ զգուշացրեց և մարգարեացավ, որ կպատահեր, եթե նրանք շարունակեին իրենց ուղևորությունը:

Հրավիրեք որևէ ուսանողի կարդալ Գործք 27.11-12-ը բարձրաձայն: Դասարանին խնդրեք հետևել, ուշադրություն դարձնելով, թե հռոմեացի հարյուրապետը և նավի վրա գտնվող այլ մարդիկ ինչպես պատասխանեցին Պողոսի զգուշացմանը:

• Ձեր կարծիքով ինչո՞ւ հարյուրապետի համար ավելի հեշտ կլիներ հավատալ նավի տիրոջը, քան Պողոսին:

• Համաձայն հատված 12-ի, ինչո՞ւ նավի վրա գտնվող մարդկանց մեծամասնությունը անտեսեց Պողոսի զգուշացումը: (Կարող եք բացատրել, որ ապաստարան բառը նշանակում է նավահանգիստ հանգիստ բառը նշանակում է հարմար կամ հարմարավետ):

Հանձնարարեք մի քանի ուսանողների հերթով բարձրաձայն կարդալ Գործք 27․13-21-ը: Դասարանի անդամներին խնդրեք հետևել և ուշադրություն դարձնել, թե ինչ պատահեց, երբ նավը շարունակեց նավարկել դեպի Հռոմ։

• Ի՞նչ տեղի ունեցավ, երբ նավը շարունակեց նավարկել դեպի Հռոմ:

• Համաձայն հատված 20-ի, փոթորկի ժամանակ նավի վրա գտնվողները ի՞նչ հասկացան:

• Մենք ի՞նչ սկզբունք կարող ենք սովորել հատված 21-ից այն բանի վերաբերյալ, թե ի՞նչ կարող է տեղի ունենալ, եթե մենք անտեսենք Տիրոջ ծառաների խորհուրդը և նախազգուշացումները։ (Ուսանողները կարող են օգտագործել տարբեր բառեր, սակայն պետք է համամիտ լինեն հետևյալ սկզբունքին. Եթե անտեսենք Տիրոջ ծառաների զգուշացումներն ու խորհուրդը, ապա մեզ վտանգի կենթարկենք: Գրեք այս սկզբունքը գրատախտակին: Բացատրեք, որ վտանգը հնարավոր է ներառեր հատուցման օրհնությունները, որոնք հակառակ դեպքում մենք կստանայինք:

Ամփոփեք ուսանողների հետ պատճառները, թե ինչու հարյուրապետը և նավի վրա գտնվող այլ մարդիկ անտեսեցին Պողոսի զգուշացումը և խորհուրդը (տես Գործք 27.11-12-ը):

• Այսօր մարդիկ ինչպիսի՞ նմանատիպ արդարացումներ պիտի գտնեն, որ անտեսել են Տիրոջ ծառաների զգուշացումները և խորհուրդը:

Օգտվելով «Երիտասարդներին զորացնելու համար» գրքույկից կամ վերջին համաժողովի ելույթներից հավելյալ օրինակներ բերեք մարգարեների զգուշացումից և խորհրդից, որոնք զգում եք, որ համապատասխանում են ձեր դասարանի ուսանողներին:

• Ինչպիսի՞ վտանգների կարող են անհատները ենթարկել իրենց, անտեսելով մարգարեների կողմից նմանատիպ զգուշացումները և խորհուրդը:

Հրավիրեք որևէ ուսանողի բարձրաձայն կարդալ Գործք 27.22-26-ը բարձրաձայն: Դասարանին հրավիրեք հետևել` ուշադրություն դարձնելով, թե ինչ ասաց Պողոսը նավի վրա գտնվող մարդկանց։

• Եթե դուք սարսափելի փոթորկի կենտրոնում նավի վրա լինեիք,Պողոսի ո՞ր բառերը ձեզ կհանգստացնեին:

• Ինչի՞ մասին էր Պողոսը մարգարեանում, որ կպատահեր նավին:

Ամփոփեք Գործք 27.27-30-ը, բացատրելով, որ փոթորկի14-րդ գիշերը, անձնակազմը չորս խարիսխ գցեց ծովի մեջ, որպեսզի նավը չջախջախվի ժայռերի մեջ: Այնուհետև անձնակազմը գնաց նավի առջևի մասը և ասես ջանում էր ավելի շատ խարիսխներ գցել: Ինչևէ, նրանք փաստորեն ծրագրում էին լքել նավը և փոքրիկ նավակով փախչել, քանի որ վախենում էին, որ նավը կխորտակվի:

Հրավիրեք որևէ ուսանողի կարդալ Գործք 27.31-32 -ը բարձրաձայն: Խնդրեք դասարանի անդամներին հետևել`փնտրելով, թե ինչ զգուշացրեց Պողոսը հարյուրապետին ու զինվորներին: Բացատրեք, որ սրանք բառը 31-րդ հատվածում վերաբերում է անձնակազմի անդամներին, ովքեր փորձում էին փախչել։

• Պողոսը ի՞նչ նախազգուշացրեց հարյուրապետին և զինվորներին:

• Զինվորները ինչպե՞ս պատասխանեցին Պողոսի զգուշացմանն ու խորհրդին: (Նրանք ուշադիր լսեցին նրա նախազգուշացումը և կանխեցին անձնակազմի փախուստը, կտրելով փոքրիկ նավակի պարանները և թույլ տալով դատարկ հեռանալ:)

Ամփոփեք Գործք 27.33-44-ը բացատրելով, որ Պողոսը առաջարկեց տախտակամածի վրա գտնվողներին սնվել, որ ուժերը վերականգնեն: Այդ օրը՝ ավելի ուշ, նավը դեպի ցամաք նավարկելիս ջախջախվեց, բայց բոլոր մարդիկ ապահով դուրս եկան ջրից: Ուսանողներին հիշեցրեք Պողոսի մարգարեության մասին, գրի առնված Գործք 27.22-26-ում, որ ոչ մեկը չի մահանա չնայած նավը կխորտակվի:

• Ի՞նչ սկզբունք կարող ենք սովորել այդ պատմությունից, այն մասին, թե ինչ կարող է պատահել, եթե մենք ուշադիր հետևենք Տիրոջ ծառաների խորհրդին և զգուշացումներին: ( Ուսանողները, հնարավոր է, համամիտ լինեն սկզբունքներին, որոնք համանման են հետևյալին. Եթե մենք հետևենք Տիրոջ ծառաների խորհրդին և զգուշացումներին, ապա Տերը կիրականացնի Իր՝ մեզ տված խոստումները: Եթե հետևենք Տիրոջ ծառաներին տված խորհրդին և խոստումներին, ապա կարող ենք դիմադրել մեզ սպառնացող վտանգներին: Այդ սկզբունքները գրեք գրատախտակին):

Որպեսզի օգնեք ուսանողներին հասկանալ այն սկզբունքները, որոնք նրանք նմանեցրել են Գործք 27-ին, հանձնարարեք որևէ ուսանողի բարձրաձայն կարդալ Առաջին Նախագահության Նախագահ Հենրի Բ. Այրինգի հետևյալ հայտարարությունը:

«Կյանքումս ամեն անգամ, երբ փորձել եմ հետաձգել ոգեշնչված խորհրդին հետևելը կամ էլ որոշել եմ, որ բացառություն էի, հասկացել եմ, որ ինձ վտանգի էի ենթարկել: Ամեն անգամ, երբ լսել եմ մարգարեների խորհուրդը, աղոթքի մեջ զգացել հաստատումն ու հետևել դրան, պարզել եմ, որ շարժվում եմ դեպի ապահովություն» (“Finding Safety in Counsel,” Ensign, May 1997, 25):

• Ուշադիր լսելով Տիրոջ ծառաների զգուշացումներն ու խորհուրդը, ինչպե՞ս կարող ենք դիմանալ վտանգներին, որոնք սպառնում են մեր հոգևոր և ֆիզիկական ապահովությանը:

Հրավիրեք ուսանողներին խորհել, թե արդյոք նրանք անտեսում են Տիրոջ ծառաների զգուշացումները, խորհուրդը կամ մտածում են եղանակներ, որոնցով իրենք ավելի լավ կարող են հետևել զգուշացումներին և իրենց ստացած խորհրդին: Հրավիրեք նրանց գրի առնել մի նպատակ, թե դրանով ինչպե՞ս կարող են սկսել իրականացնել այդ խորհուրդը:

Հաջորդ Մաս (Հռովմայեցիս 8–1 Կորնթացիս 6)

Բացատրեք ուսանողներին, որ հաջորդ շաբաթվա ընթացքում Հռովմայեցիս 8-16-ը և Ա Կորնթացիս 1-6-ը ուսումնասիրելիս, նրանք կսովորեն Հռոմի և Կորնթոսի Եկեղեցու անդամներին տված Պողոս Առաքյալի իմաստուն խորհրդի մասին , որպեսզի օգնեն նրանց այս ամբարիշտ ու անհանգիստ աշխարհում ավելի մոտենալ Աստծուն: Խնդրեք նրանց փնտրել հետևյալ հարցերի պատասխանները. Ինչո՞ւ են մեր մարմինները տաճարներ համարվում։ Եկեղեցու անդամներն ինչպե՞ս պիտի վճռեն տարաձայնությունները միմյանց հետ: