Դաս 44

Ղուկաս 2

Նախաբան

Հովսեփն ու Մարիամը ճամփորդեցին Բեթլեհեմ, որտեղ ծնվեց Հիսուսը: Հովիվները հնազանդվեցին հրեշտակների հրահանգներին`գտնել նորածին Հիսուսին, իսկ հետո նրանք հռչակեցին Հիսուսի ծնունդը ուրիշներին: Սիմեոնը օրհնեց Հիսուսին տաճարում, իսկ Աննան կիսվեց իր վկայությամբ այն մասին, որ Քավիչն է ծնվել: Հիսուսը մեծանում էր «իմաստութիւնով և հասակով, և շնորհքով` Աստծոյ և մարդկանց մոտ» (Ղուկասի 2.52):

Ուսուցման առաջարկներ

Ղուկաս 2.1-20

Հիսուսն է ծնվել Բեթլեհեմում

Կարող եք խնդրել, որ դասարանը երգի “Joy to the World” (Hymns, no. 201) կամ մեկ այլ Սուրբ Ծննդյան հիմն` որպես հոգևոր երեկոյի մաս:

Ցուցադրեք «Հովսեփն ու Մարիամը ճամփորդում են Բեթլեհեմ» (Ավետարանի նկարների գիրք [2009], հմր. 29, տես նաև LDS.org): Հրավիրեք ուսանողներին մտածել, թե նրանք ինչ գիտեն Փրկիչի ծնունդը շրջապատող իրադարձությունների մասին:

Որպեսզի նախապատրաստեք ուսանողներին ուսումնասիրել Ղուկասի 2․1-20 հատվածները, հրավիրեք նրանց անցկացնել «ճի՞շտ է, թե՞ սխալ» վիկտորինան: (Դասից առաջ յուրաքանչյուր ուսանողի համար նախապատրաստեք վիկտորինայի մի օրինակ:)

Վիկտորինա` «ճիշտ է, սխալ է» (Ղուկաս 2.1-20)

Նոր Կտակարանի ուսուցչի ձեռնարկ. Դաս 44

• ____1. Մարիամն ու Հովսեփը գնացին Բեթլեհեմ հարկերը վճարելու:

• ____2. Մարիամն ու Հովսեփը պիտի ճամփորդեին 44 կիլոմետր` Նազարեթից Բեթլեհեմ:

• ____3. Մարիամը Մանուկ Հիսուսին դրեց մսուրում, քանի որ պանդոկը լիքն էր մարդկանցով:

• ____4. Հովիվները հետևեցին դեպի մսուրը տանող աստղին, ուր պառկած էր Հիսուսը:

• ____5. Բացի Մարիամից ու Հովսեփից, առաջինը հովիվներն էին, ովքեր տեսան Հիսուսին:

• ____6. Հրեշտակը հանձնարարեց հովիվներին ոչ-մեկին չպատմել իրենց տեսածի մասին:

© 2015 by Intellectual Reserve, Inc. Բոլոր իրավունքները վերապահված են:

Ուսանողներին հրավիրեք գտնել վիկտորինայի պատասխանները, երբ նրանք ուսումնասիրեն Ղուկասի 2-րդ գլուխը։

Հրավիրեք որևէ ուսանողի բարձրաձայն կարդալ Ղուկասի 2.1-5 հատվածները: Դասարանին խնդրեք հետևել` փնտրելով, թե Հովսեփն ու Մարիամն ինչու ճամփորդեցին Բեթլեհեմ:

• Հովսեփն ու Մարիամն ինչո՞ւ ճամփորդեցին Բեթլեհեմ: (Նշեք, որ Ղուկասի 2.1, ծանոթագրությունբ հստակեցնում է, որ Կեսարը ցանկանում էր գրանցել կամ հաշվել մարդկանց: Սա արվում էր հարկերի գանձման նպատակով:)

Հրավիրեք ուսանողներին Աստվածաշնչի քարտեզների վրա գտնել հմր. 11-ը, «Սուրբ Երկիրը Նոր Կտակարանի ժամանակներում», որը գտնվում է Աստվածաշնչի հավելվածում: Ուսանողներին խնդրեք գտնել Նազարեթը և Բեթլեհեմը քարտեզի վրա և օգտագործելով բանալին, հաշվեք, թե մոտավորապես ինչքան էին ճամփորդել Հովսեփն ու Մարիամը: Ուսանողների պատասխանից հետո բացատրեք, որ հեռավորությունը Նազարեթի և Բեթլեհեմի միջև մոտ 137-145 կիլոմետր էր և առնվազն հինգ օր կպահանջվեր ոտքով գնալու համար, իսկ Հովսեփի ու Մարիամի համար ավելի երկար` հաշվի առնելով Մարիամի վիճակը:

Օգտվեք սուրբ գրությունների ուսումնասիրության օժանդակ նյութերից

Եկեղեցին պատրաստել է սուրբ գրությունների ուսումնասիրության մի շարք օժանդակ նյութեր և ներառել դրանք կանոնիկ գրքերում որոշ լեզուների համար: Այս օժանդակ նյութերը ներառում են ծանոթագրություններ, թեմատիկ ցանկեր, նկարներ և քարտեզ: Սուրբ գրությունների ուսումնասիրության ժամանակ դրանք ուսուցիչների և ուսանողների համար արժեքավոր միջոցներ են: Խրախուսեք ուսանողներին սուրբ գրությունների ուսումնասիրության ժամանակ օգտվել ուսումնասիրման օժանդակ նյութերից։

Խնդրեք ուսանողներին խորհել, թե ըստ նրանց, որո՞նք են համապատասխան հանգամանքները աշխարհի Արարիչի և Փրկիչի ծնունդի համար։

Հրավիրեք որևէ ուսանողի բարձրաձայն կարդալ Ղուկասի 2.6-7 հատվածները: Խնդրեք դասարանի անդամներին հետևել` փնտրելով Հիսուսի ծնունդի հանգամանքները:

• Չնայած Հիսուսի բացառիկ կարևոր կարգավիճակին` որպես Աստծո Միածին Որդին մարմնում, որո՞նք էին Նրա ծնունդի հանգամանքները:

Հրավիրեք մի քանի ուսանողների հերթով բարձրաձայն կարդալ Ղուկասի 2․8-14 հատվածները: Դասարանին խնդրեք հետևել նրան՝ փնտրելով, թե ինչպես հայտարարվեց Փրկիչի ծնունդը։ Հրավիրեք ուսանողներին հաղորդել, թե ինչ գտան: Ցուցադրեք «Հրեշտակը հայտնվում է հովիվներին» նկարը (Ավետարանի նկարների գիրք [2009], հմր. 31, տես նաև LDS.org)։

• Համաձայն հատված 10-ի, մենք ի՞նչ կարող ենք զգալ, քանի որ ծնվել էր Փրկիչը: (Ուսանողների պատասխաններից հետո գրատախտակին գրեք հետևյալ անավարտ նախադասությունը. Քանի որ Փրկիչը ծնվեց երկրի վրա, մենք կարող ենք մեծ ուրախություն ապրել:)

Երբ ուսանողները շարունակեն ուսումնասիրել Ղուկասի 2-րդ գլուխը, հրավիրեք նրանց փնտրել օրինակներ այն բանի վերաբերյալ, թե Փրկիչի ծնունդի մասին իմացությունը ինչպիսի ուրախություն բերեց ուրիշներին:

Հանձնարարեք որևէ ուսանողի բարձրաձայն կարդալ Ղուկասի 2.15-20 հատվածը։ Խնդրեք դասարանին հետևել` փնտրելով, թե հովիվներն ինչպես արձագանքեցին հրեշտակների ուղերձին:

• Ո՞ր արտահայտություններն են բացահայտում, թե հովիվներն ինչպես արձագանքեցին հրեշտակների ուղերձին: (Կարող եք առաջարկել, որ ուսանողները նշեն «եկեք գնանք» արտահայտությունը հատված 15-ում և «շտապելով եկան» արտահայտությունը 16-րդ հատվածում։)

• Ի՞նչ ապացույց կամ վկայություն ստացան հովիվները, քանի որ նրանք ականջ դրեցին այս ուղերձին:

• Հովիվներն ի՞նչ արեցին, երբ ստացան իրենց վկայությունը Հիսուս Քրիստոսի մասին:

• Ձեր կարծիքով, հովիվներն ինչո՞ւ ուրիշների հետ կիսվեցին իրենց զգացածով:

• Ի՞նչ սկզբունք կարող ենք սովորել այս պատմությունից այն մասին, թե ինչ է տեղի ունենում, երբ մենք ստանում ենք մեր սեփական վկայությունը Հիսուս Քրիստոսի մասին: (Օգտագործելով իրենց սեփական բառերը, ուսանողները պիտի առանձնացնեն նմանատիպ մի սկզբունք. Երբ մենք ստանում ենք մեր սեփական վկայությունը Հիսուս Քրիստոսի մասին, մենք ցանկանում ենք մեր վկայությամբ կիսվել ուրիշների հետ:)

Խնդրեք ուսանողներին մտածել մի ժամանակի մասին, երբ նրանք ցանկացել են ուրիշների հետ կիսվել Հիսուս Քրիստոսի և Նրա ավետարանի մասին իրենց վկայությամբ։ Քաջալերեք նրանց գործել իրենց գրածների համաձայն: Հրավիրեք մի քանի ուսանողների` դասարանի հետ կիսվել իրենց փորձառություններով:

Ղուկաս 2.21–39

Սիմեոնն ու Աննան հայտարարում են, որ Հիսուսը պետք է լինի աշխարհի Փրկիչը

Ամփոփեք Ղուկասի 2.21-24 հատվածները` բացատրելով, որ Հիսուսի ծնունդից հետո Մարիամն ու Հովսեփը ներկայացրին Նրան տաճարում` ըստ հրեական օրենքի (տես Ելից 13.2)։ Երկու մարդ տաճարում այդ օրը ճանաչեցին մանուկ Հիսուսին որպես Մեսիա: Հրավիրեք դասարանի երիտասարդ տղամարդկանց մտքում կարդալ Սիմեոնի պատմությունը Ղուկասի 2․25-32 հատվածներից։ (Բացատրեք, որ «սպասում էր Իսրայէլի մխիթարութեանը» արտահայտությունը հատված 25-ում վերաբերում է Մեսիայի գալստյան սպասումին:) Հրավիրեք երիտասարդ կնոջը մտքում կարդալ Աննայի պատմությունը Ղուկասի 2.36-38 հատվածներում (և եթե անհրաժեշտ է, բացատրեք, որ «ութսուն»-ը հատված 37-ում նշանակում է 80). Երբ ուսանողները կարդան իրենց հանձնարարված հատվածները, հրավիրեք նրանց փնտրել հետևյալ հարցերի պատասխանները․

• Փրկիչի ծնունդի մասին գիտելիքը ի՞նչ ուրախություն բերեց այս մարդուն:

• Նա ինչպե՞ս վկայեց Հիսուս Քրիստոսի մասին:

Բավարար ժամանակ հատկացնելուց հետո խնդրեք մի երիտասարդ տղամարդու ոտքի կանգնել, ամփոփել իր կարդացածը և հաղորդել իր պատասխանները նախորդ հարցերին։ Ցուցադրեք «Սիմեոնը երկրպագում է մանուկ Քրիստոսին» նկարը (Ավետարանի նկարների գիրք [2009], հմր. 32, տես նաև LDS.org)։

Ամփոփեք Ղուկասի 2.33-35 հատվածները` բացատրելով, որ Սիմեոնը օրհնեց նաև Մարիամին ու Հովսեփին։

Խնդրեք մի երիտասարդ կնոջ ոտքի կանգնել, ամփոփել իր կարդացած պատմությունը և հաղորդել իր պատասխանները նախորդ հարցերին:

Հրավիրեք ուսանողներին բացատրել, թե Փրկիչի ծննդյան մասին իմացությունը ինչպես կարող է ուրախություն բերել մեզ։ Հրավիրեք ուսանողներին ցանկության դեպքում դասարանի հետ կիսվել Հիսուս Քրիստոսի մասին իրենց վկայությամբ:

Ամփոփեք Ղուկասի 2.39 հատվածը` բացատրելով, որ այս իրադարձություններին հաջորդիվ Մարիամը, Հովսեփն ու Հիսուսը վերադարձան Նազարեթ։

Ղուկաս 2.40 -52

Պատանի Հիսուսը ուսուցանում է տաճարում

Հանձնարարեք ուսանողներին իրենց սուրբ գրությունների ուսումնասիրման օրագրերում կամ դասարանական տետրերում գրի առնել մի ոլորտ, որտեղ նրանք կկամենային կատարելագործվել։ Հրավիրեք մի քանի ուսանողների` ցանկության դեպքում կիսվել իրենց գրածով: (Հիշեցրեք ուսանողներին չկիսվել այն փորձառություններով, որոնք խիստ անձնական են կամ գաղտնի:)

• Իմանալով, թե ինչպիսին էր Հիսուսը, երբ պատանի էր, կարո՞ղ է օգնել ձեզ` որպես երիտասարդի:

Բացատրեք, որ մենք քիչ մանրամասներ ունենք Հիսուսի պատանեկության մասին, բայց եղածները մեծ օրհնություն և ուղեցույց կարող են լինել մեզ համար, երբ ջանում ենք կատարելագործվել: Երբ ուսանողներն ուսումնասիրեն Ղուկասի 2-րդ գլխի մնացած մասը, հրավիրեք նրանց ուշադրությունը այն ճշմարտությունների վրա, որոնք կարող են օգնել մեզ իմանալ, թե որ ոլորտների վրա պիտի կենտրոնանք, երբ փորձում ենք կատարելագործվել:

(Ցուցադրեք «Հիսուսը աղոթում է Իր Մոր հետ» նկարը [Ավետարանի նկարների գիրք [2009], հմր. 33, տես նաև LDS.org]:) Հանձնարարեք որևէ ուսանողի բարձրաձայն կարդալ Ղուկասի 2.40 հատվածը: Դասարանին խնդրեք հետևել նրան՝ փնտրելով, թե Ղուկասն ինչպե՞ս է նկարագրել Հիսուսի մանկությունը։ Բացատրեք, որ զորանալ բառը նշանակում է մեծանալ կամ աճել։ Հրավիրեք ուսանողներին հաղորդել, թե ինչ գտան:

Հրավիրեք մի քանի ուսանողների հերթով բարձրաձայն կարդալ Ղուկասի 2.41-47 հատվածները: Դասարանին խնդրեք հետևել` ուշադրություն դարձնելով, թե Հիսուսն ի՞նչ արեց, երբ 12 տարեկան էր:

• Ինչո՞ւ էր Հիսուսը ետ ընկել ու մնացել տաճարում: (Հրավիրեք ուսանողներին կարդալ Ջոզեֆ Սմիթ Թարգմանություն, Ղուկաս 2.46 հատվածը, որը գտնվում է Ղուկաս 2.46, ծանոթագրություն գ,-ում` փնտրելով, թե ինչպես է Ջոզեֆ Սմիթի Թարգմանությունը պարզաբանում, թե Հիսուսն ինչ էր անում տաճարում, և այս պարզաբանումն ինչպես է ավելի լավ համապատասխանում Ղուկասի 2.47-ում տրված նկարագրությանը:)

Հանձնարարեք որևէ ուսանողի բարձրաձայն կարդալ Ղուկաս 2.48-50 հատվածները։ Հանձնարարեք ուսանողներին հետևել` փնտրելով այն խնդիրը, որը ծագեց, քանի որ ժողովուրդը հետևեց Հիսուսին։

Ղուկասի 2.48-50 հատվածները կարդալու փոխարեն կարող եք ցուցադրել «Հիսուսն ուսուցանում է տաճարում» (2:30) տեսանյութը «Հիսուս Քրիստոսի կյանքը» Աստվածաշնչյան տեսաշարից, որը մատչելի է LDS.org կայքում:

• Հիսուսն ի՞նչ ասաց Մարիամին և Հովսեփին, երբ ծնողները գտան Նրան:

• Այս պատմությունն ի՞նչ է բացահայտում Հիսուսի` Իր իսկական ինքնության վերաբերյալ գիտելիքի մասին և որպես պատանի` Նրա բնավորության մասին:

Հանձնարարեք որևէ ուսանողի բարձրաձայն կարդալ Ղուկաս 2.51-52 հատվածը։ Դասարանին խնդրեք հետևել, բացահայտելով, թե ինչպես էր մեծանում Հիսուսը։

• Ի՞նչ է նշանակում «[զարգանում էր] իմաստութիւնով»: (Դրսևորել իմաստություն:) Մեծանալ «հասակո՞վ»: (Զարգանալ ֆիզիկապես:) Զարգանալ «շնորհքով Աստուծոյ մո՞տ»: (Աճել հոգեպես:) Զարգանալ «շնորհքո … մարդկանց մո՞տ»: (Զարգանալ սոցիալապես:)

• Հիմնվելով հատված 52-ի վրա, ինչպե՞ս կձևակերպեիք այն սկզբունքը, որը կարող է առաջնորդել մեզ Հիսուսի օրինակին հետևելիս։ (Ուսանողները պիտի առանձնացնեն նմանատիպ մի սկզբունք. Մենք կարող ենք հետևել Հիսուսի օրինակին` ձեռք բերելով իմաստություն և աճելով ֆիզիկապես, հոգեպես ու սոցիալապես:)

• Մեզ համար ինչու՞ է կարևոր զարգանալ այս չորս ոլորտներից յուրաքանչյուրում: (Որպեսզի մենք դառնանք հավասարակշռված մարդիկ:)

• Ինչպե՞ս եք դուք օրհնվել, երբ փորձել եք հետևել Հիսուսի օրինակին` զարգանալով այս ոլորտներում:

Գրատախտակին գրեք հետևյալ վերնագրերը և հրավիրեք ուսանողներին արտագրել դրանք իրենց դասարանային տետրերում կամ սուրբ գրությունների ուսումնասիրության օրագրերում. Մտավորապես, ֆիզիկապես, հոգևոր առումով և սոցիալապես: Խնդրեք ուսանողներին այս կատեգորիաներից յուրաքանչյուրի տակ գրել մի նպատակ անձնական զարգացման համար: Խրախուսեք ուսանողներին գործել ըստ այդ նպատակների: Ավարտեք` կիսվելով ձեր վկայությամբ այս դասի ընթացքում բացահայտված սկզբունքների վերաբերյալ:

(Այս վիկտորինայի պատասխաններն են. 1. Ճիշտ է, 2. Սխալ է, 3. Ճիշտ է, 4. Սխալ է, 5. Ճիշտ է, 6. Սխալ է:)

Սուրբ գրությունների սերտման հատվածների վերանայում

Կրկնողությունն օգնում է ուսանողներին հիշել սուրբ գրությունների սերտման հատվածների տեղադրությունը: Օգտագործեք սուրբ գրությունների սերտման քարտերը կամ խնդրեք ուսանողներին ստեղծել իրենց սեփական քարտերը` գրելով հիմնաբառերը կամ իմաստները քարտերի դատարկ երեսին կամ թղթի վրա, իսկ հղումները` մյուս երեսին: Ուսանողներին բաժանեք զույգերի։ Խնդրեք նրանց ստուգել միմյանց գիտելիքները` օգտագործելով քարտերը: Հրավիրեք ուսանողներին օգտագործել այս քարտերը` ստուգելով իրենց և միմյանց գիտելիքները: Կարող եք օգտագործել քարտի հիմնաբառերը սուրբ գրությունների որոնման վարժությունը դասարանի հետ (տես «սուրբ գրությունների որոնում» այս ձեռնարկի հավելվածում):

Բացատրական և պատմական տեղեկություն

Ղուկաս 2.7: «Եվ իր անդրանիկ որդին ծնեց»

Տասներկու Առաքյալների Քվորումից Երեց Թոդ Քրիստոֆերսոնը ուսուցանել է հետևյալը Փրկիչի ծնունդի հանգամանքների մասին.

«Մենք ուշագրավ ենք համարում այն փաստը, որ հենց Աստծո Որդին, հին ժամանակների մեծ Եհովան պիտի ծնվեր ու գար այս մահկանացու աշխարհը ամենաանշուք պայմաններում: Իջևանատունը նրա համար բավական համեստ կլիներ, բայց դա նույնիսկ իջևանատուն չէր: Ավելի շուտ դա մի ախոռ էր, իսկ երեխան դրվեց մսուրի խոտի վրա, որտեղ կերակրում էին տնային կենդանիներին: Նույնիսկ այս դեպքում ավելի մեծ հանդուրժողությունն այն է, որ Հիսուսն ամեն դեպքում ենթակա էր լինել մահկանացու, նույնիսկ, եթե Նա ծնվեր ամենալավ ու առաջնակարգ պայմաններում: Պողոսի հետ մենք սքանչանում ենք, որ «Աստուած իր Որդին ուղարկելով մեղքի մարմնի նմանութինովը» [Հռովմայեցիս 8.3], որ Նա դառնա մանուկ, ապա Նա պիտի լինի երեխա, իսկ հետո տղամարդ` կրելով «փորձություններ և մարմնի ցավ, քաղց, ծարավ և հոգնածություն» [Մոսիա 3.7] և անգամ մահ:

«Ինչպե՞ս է, որ Նա, ով իշխում է բարձր երկինքներում, երկրի Արարիչն է, պիտի համաձայնվի ծնվել «մարմնական ձևով» (1 Նեփի 11.18) և քայլի Իր երկրի վրա (տես 1 Նեփի 17:39) աղքատության մեջ, արհամարհված, անարգված և ի վերջո խաչի հանված: («Աստծո և մարդու ներողամտությունը» [Առաջին Նախագահության Սուրբ Ծննդյան հոգևոր երեկո, 7, 2014], lds.org/broadcasts):

Ղուկաս 2.19: «Մարիամն այս բոլոր բաները պահում էր, և իր սրտումը մտածում էր»

Չնայած շատ կարևոր է, որ մենք վկայությամբ կիսվենք ուրիշների հետ, Տասներկու Առաքյալների Քվորումից Նախագահ Բոյդ Ք. Փաքերը ուսուցանել է, որ մենք պիտի կիսվենք մեր սուրբ փորձառություններով միայն այն դեպքում, երբ հուշում ենք ստանում անել այդ:

«Իմաստուն չի լինի մշտապես խոսել անսովոր հոգևոր փորձառություններից»: Դրանք պիտի խնամքով պահվեն և դրանցով կարելի է կիսվել միայն, երբ Հոգին Ինքը կհուշի ձեզ կիրառել դրանք` օրհնանք դարձնելով ուրիշների համար: …

Մի անգամ ես լսեցի, թե ինչպես Նախագահ Մարիոն Գ. Ռոմնին խորհուրդ էր տալիս միսիայի նախագահներին ու նրանց կանանց. «Ես պարզել եմ, որ եթե ես անհոգ խոսեմ սուրբ բաների մասին, դրանից հետո Տերն ինձ չի վստահի»:

Ես հավատում եմ, որ մենք պիտի պահենք այս բաները և դրանց մասին խորհենք մեր սրտերում, ինչպես, ըստ Ղուկասի, Մարիամն արեց այն երկնային իրադարձությունների վերաբերյալ, որոնք ուղեկցում էին Հիսուսի ծնունդը» (“The Candle of the Lord,” Ensign, Jan. 1983, 53).

Ղուկաս 2.47: «Եվ ամենքն, որ նորանից լսում էին, զարմանում էին նորա իմաստութեան և պատասխանների վերայ»

Մարգարե Ջոզեֆ Սմիթն ուսուցանել է հետևյալը Հիսուս Քրիստոսի պատանեկության մասին.

«Երբ Նա դեռ պատանի էր, ուներ ողջ անհրաժեշտ խելամտությունը, որը նրան ի զորու էր դարձնում իշխելու և կառավարելու հրեաների թագավորությունը և կարողացավ համոզել օրենքի և աստվածության ամենախորիմաստ և ամենաիմաստուն վարդապետներին, և նրանց թեորիաներն ու պրակտիկան դարձնել թվացյալ անմտություն` Իր իմաստության համեմատ, բայց Նա ընդամենը մի պատանի էր ու ֆիզիկական ուժի պակաս ուներ Իր անձը պաշտպանելու համար և ենթակա էր ցրտի, սովի և մահվան» (History of the Church, 6:608):