Դաս 128

Ա Թեսաղոնիկեցիս 3-5

Նախաբան

Պողոս Առաքյալը ցանկացավ զորացնել Թեսաղոնիկեի Եկեղեցու անդամների հավատը։ Նա ուսուցանեց նրանց Հիսուս Քրիստոսի Երկրորդ Գալուստի ժամանակ մեռյալներից Հարության մասին և ուսուցանեց, թե ինչպես պատրաստվել Երկրորդ Գալուստին։

Ուսուցման առաջարկներ

Ա Թեսաղոնիկեցիս 3–4․12

Պողոսը ցանկանում է զորացնել Թեսաղոնիկեի Եկեղեցու անդամների հավատը

Ուսանողներին տրամադրեք «ճիշտ-սխալ» թեստի, մեկական օրինակ, որը վերաբերում է Հիսուս Քրիստոսի Երկրորդ Գալուստին և խնդրեք նրանց ընտրել յուրաքանչյուր հարցի կողքին գտնվող ճիշտ կամ սխալ պատասխանը․

Ա Թեսաղոնիկեցիս 3-5

Նոր Կտակարանի ձեռնարկ սեմինարիայի ուսուցչի համար-Դաս 128

• Ճ / Ս 1. Հավատարիմ սրբերը, ովքեր մահացել են նախքան Երկրորդ Գալուստը, հարություն չեն առնի մինչև Հազարամյակի ավարտը։

• Ճ / Ս 2. Հավատարիմ սրբերը, ովքեր կենդանի կլինեն Երկրորդ Գալուստի ժամանակ, կհափշտակվեն վեր՝ հանդիպելու Քրիստոսին, երբ Նա գա։

• Ճ / Ս 3. Երկրորդ Գալուստն անակնկալի կբերի բոլորին, ինչպես գողն է գալիս գիշերով։

© 2015 by Intellectual Reserve, Inc. Բոլոր իրավունքները վերապահված են:

Օգտագործեք ուսուցման տարբեր եղանակներ

Նույնիսկ ուսուցման համոզիչ եղանակը կարող է անարդյունավետ դառնալ, եթե այն անընդհատ կրկնվի։ Դուք չպիտի ընտրեք ուսուցման եղանակները միայն բազմազանություն ապահովելու համար, ուսուցումն ավելի արդյունավետ կլինի, եթե օրեցօր կիրառեք տարբեր եղանակներ ձեր ուսուցման համար։ Ուսուցման տարբեր եղանակները կօգնեն հասկանալ այն ուսանողներին, ովքեր ուրիշ կերպ են ընկալում։

Բացատրեք, որ այս պահին դուք թեստի արդյունքները չեք ասի, այլ ուսանողները կբացահայտեն ճիշտ պատասխաններն այսօրվա դասի ընթացքում։ Հրավիրեք ուսանողներին Ա Թեսաղոնիկեցիս 3–5 գլուխներն ուսումնասիրելիս ուշադրություն դարձնել Հիսուս Քրիստոսի Երկրորդ Գալուստին վերաբերող ճշմարտություններին։

Հիշեցրեք ուսանողներին, որ Թեսաղոնիկեում մի կարճ ժամանակով ուսուցանելուց հետո Պողոսը, Շիղան ու Տիմոթեոսը հրեա ղեկավարների կողմից վտարվեցին քաղաքից (տես Գործք 17․5–15)։ Ավելի ուշ, Պողոսը Տիմոթեոսին հետ ուղարկեց Թեսաղոնիկե, որպեսզի ստուգի նորադարձների վիճակն ու զորացնի նրանց հավատը։ Ա Թեսաղոնիկեցիս 3․1–7 հատվածներում մենք սովորում ենք, որ Տիմոթեոսը զեկուցեց Պողոսին, որ Սրբերը մնացել են հավատարիմ՝ չնայած հալածանքների առկայությանը։ Հավանաբար, Տիմոթեոսը նաև զեկուցեց, որ Սրբերը շատ հարցեր ունեին Հիսուս Քրիստոսի Երկրորդ Գալուստի հետ կապված։ Պողոսն իր թուղթը գրեց Թեսաղոնիկեի սրբերին, որպեսզի պատասխանի նրանց հարցերին։

Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 3․9–10 հատվածները։ Դասարանի անդամներին խնդրեք հետևել ` ուշադրություն դարձնելով, թե ըստ Պողոսի խոսքերի, ինչի համար նա աղոթեց, երբ հեռացավ Թեսաղոնիկեի Սրբերից։

• Ըստ Պողոսի խոսքերի, ինչի՞ համար նա աղոթեց իր բացակայության ժամանակ։

• Ի՞նչ է նշանակում «հաւատքի պակասութիւնը լրացնենք» հատված 10 արտահայտությունը։ (Պողոսը ցանկացավ զորացնել Թեսաղոնիկեի Եկեղեցու անդամների հավատը։)

Բացատրեք, որ եղանակներից մեկը, որի միջոցով Պողոսը ցանկանում էր զորացնել Թեսաղոնիկեի Եկեղեցու անդամների հավատը, նրանց օգնելն էր ավելի լավ հասկանալ, թե ինչպես պատրաստվել Երկրորդ Գալուստին։ Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 3․11–13 հատվածները։ Դասարանի անդամներին խնդրեք հետևել և ուշադրություն դարձնել, թե Տերն ինչ կանի Սրբերի համար, որի հույսն ուներ Պողոսը, որպեսզի պատրաստի նրանց Իր Երկրորդ Գալուստին։

• Տերը ի՞նչ կանի Սրբերի համար, որի հույսն ուներ Պողոսը, որպեսզի պատրաստի նրանց Իր Երկրորդ Գալուստին։

Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 4․1 հատվածը։ Դասարանի անդամներին խնդրեք հետևել և ուշադրություն դարձնել, թե ինչ հորդորեց Պողոսը Թեսաղոնիկեի Սրբերին անել, որպեսզի պատրաստվեն Երկրորդ Գալուստին։

• Ի՞նչ է հորդորում Պողոսը Թեսաղոնիկեի Սրբերին անել, որպեսզի պատրաստվեն Երկրորդ Գալուստին։

Դասարանի յուրաքանչյուր ուսանողի հանձնարարեք հետևյալ հղումները (կախված ձեր դասարանի անդամների քանակից, նույն հղումը կարող է հանձնարարվել մեկից ավելի ուսանողի)․ Ա Թեսաղոնիկեցիս 4․2–5, 4․6–8, 4․9–12։ Հրավիրեք ուսանողներին կարդալ իրենց նշանակված հատվածները և պատասխանել հետևյալ հարցերին (կարող եք գրել այդ հարցերը գրատախտակին)․

• Պողոսը ի՞նչ հորդորեց Սրբերին անել, որպեսզի գոհացնեն Տիրոջը։

• Ձեր կարծիքով, այդ ուսմունքները կիրառելով, ինչպե՞ս կարող էին նրանք պատրաստվել Երկրորդ Գալուստին։

Բավարար ժամանակ հատկացնելուց հետո հրավիրեք մի քանի ուսանողների իրենց պատասխաններով կիսվել դասարանի հետ։

Ա Թեսաղոնիկեցիս 4․13–18

Պողոսն ուսուցանում է Հիսուս Քրիստոսի Երկրորդ Գալուստի ժամանակ մեռելներից հարության մասին։

Ցույց տվեք «Երկրորդ Գալուստը» նկարը (Ավետարանի նկարների գիրք [2009], հմր. 66, տես նաև LDS.org)։

Բացատրեք, որ Թեսաղոնիկեի սրբերը սխալ էին հասկանում Երկրորդ Գալուստի որոշ կետերը։ Նրանք մտահոգված էին, որ Թեսաղոնիկեի Եկեղեցու մահացած անդամները չէին ստանա Երկրորդ Գալուստի օրհնությունները։

Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 4․13–14, 16 հատվածները։ Դասարանի անդամներին խնդրեք հետևել նրան և ուշադրություն դարձնել, թե Պողոսն ինչ ուսուցանեց մինչև Երկրորդ Գալուստը մահացած հավատարիմ Սրբերի մասին։ Բացատրեք, որ Պողոսը մահացածներին կոչելու համար օգտագործեց ննջեցյալների և ննջեցյալներիցը բառերը։

• Պողոսն ի՞նչ ճշմարտություն ուսուցանեց մինչև Երկրորդ Գալուստը մահացած հավատարիմ Սրբերի մասին։ (Ուսանողները պետք է բացահայտեն հետևյալ ճշմարտությունը. Հավատարիմ Սրբերը, ովքեր մահացել են Երկրորդ Գալուստից առաջ, հարություն կառնեն, երբ Քրիստոսը կրկին գա։)

• Ի՞նչ է նշանակում «այնպես էլ Աստված ննջեցյալներին Հիսուսի ձեռքով կբերի իր հետ» հատված 14 արտահայտությունը։ (Հավատարիմ սրբերը, ովքեր հարություն կառնեն Երկրորդ Գալուստի ժամանակ, կհափշտակվեն վեր՝ հանդիպելու Քրիստոսին և իջնելու Նրա հետ փառքով [տես ՎևՈւ 88․97–98]։)

Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 4․15, 17 հատվածները։ Դասարանի անդամներին խնդրեք հետևել նրան և ուշադրություն դարձնել, թե Պողոսն ինչ ուսուցանեց այն հավատարիմ Սրբերի մասին, ովքեր կենդանի կլինեն, երբ Քրիստոսը կրկին գա։ Հանձնարարեք նաև այդ ուսանողին կարդալ Ջոզեֆ Սմիթի Թարգմանությունը 15-րդ հատվածի, տողատակի գրառում ա։ Ապա, հանձնարարեք նրան կարդալ 17-րդ հատվածի, տողատակի գրառում ա։ Կարող եք նշել, որ Ջոզեֆ Սմիթի Թարգմանությունն այդ հատվածներում մենք բառը փոխարինում է նրանք բառով՝ ցույց տալով, որ Երկրորդ Գալուստը չի պատահի Պողոսի ժամանակներում։

• Պողոսն ի՞նչ ճշմարտություն ուսուցանեց Երկրորդ Գալուստի ժամանակ ապրող հավատարիմ Սրբերի մասին։ (Ուսանողները պետք է բացահայտեն հետևյալ ճշմարտությունը. Հավատարիմ սրբերը, ովքեր կենդանի կլինեն Երկրորդ Գալուստի ժամանակ, կհափշտակվեն վեր՝ հանդիպելու Հիսուս Քրիստոսին, երբ Նա գա։)

Հանձնարարեք ուսանողներին մտքում կարդալ Ա Թեսաղոնիկեցիս 4․18 հատվածը և ուշադրություն դարձնել, թե ինչ հույս ուներ Պողոսը, որ Սրբերը կանեն Երկրորդ Գալուստի մասին այդ ճշմարտությունները կարդալուց հետո։ Հրավիրեք ուսանողներին կիսվել իրենց մտքերով:

• Երկրորդ Գալուստի վերաբերյալ ի՞նչ սփոփանք եք գտնում այս վարդապետությունների մեջ։

Ա Թեսաղոնիկեցիս 5

Պողոսն ուսուցանում է Թեսաղոնիկեի Եկեղեցու անդամներին, թե ինչպես պատրաստվել Երկրորդ Գալուստին։

Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 5․1–3 հատվածները։ Դասարանի անդամներին խնդրեք հետևել նրան և ուշադրություն դարձնել այն երկու համանմանություններին, որոնց օգնությամբ Պողոսը նկարագրում է Երկրորդ Գալուստի ժամը։

• Որո՞նք են այն երկու համանմանությունները, որոնց օգնությամբ Պողոսը նկարագրեց Երկրորդ Գալուստի ժամը։ («Գիշերվա գող» [հատված 2] և «հղի կնոջ» երկունքի ցավերը [հատված 3]։)

Բացատրեք, որ գիշերվա գողը սովորաբար գալիս է «հանկարծակի և առանց զգուշացման» (Bruce R. McConkie, Doctrinal New Testament Commentary, 3 vols. [1965–73], 3:54)։

• Գիշերվա գողի մասին Պողոսի մեջբերած համանմանությունն ի՞նչ է մեզ ուսուցանում Երկրորդ Գալուստի վերաբերյալ։

• Ծննդաբերող կնոջ մասին Պողոսի մեջբերած համանմանությունն ի՞նչ է մեզ ուսուցանում Երկրորդ Գալուստի վերաբերյալ։

Երբ ուսանողները պատասխանեն նախորդ հարցերին, կարող եք նշել, որ Տասներկու Առաքյալների Քվորումից Երեց Բրյուս Ռ․ Մակքոնկին ուսուցանել է հետևյալը ծննդաբերող կնոջ համանմանության վերաբերյալ։ «Նա չի իմանում երեխայի ծնվելու ժամը կամ րոպեն, բայց նա իմանում է մոտավոր պահը» (Doctrinal New Testament Commentary, 3:54)։ Համանմանությունից ելնելով մենք նույնպես կարող ենք Երկրորդ Գալուստին նախորդող փորձությունները համեմատել երկունքի ցավերի հետ։ Բայց, ինչպես որ մանկան ծնունդն է հրաշալի, այնպես էլ Երկրորդ Գալուստը հրաշալի կլինի արդարների համար։

Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 5․4–6 հատվածները։ Դասարանի անդամներին խնդրեք հետևել նրան և ուշադրություն դարձնել, թե ինչու հավատարիմ Սրբերը անակնկալի չեն գա Երկրորդ Գալուստից։

• Ինչո՞ւ հավատարիմ Սրբերը անակնկալի չեն գա Երկրորդ Գալուստով։

• Ի՞նչ է նշանակում լինել «լույսի որդիք»: («Լույսի որդիք» արտահայտությունը 5-րդ հատվածում վերաբերում է Եկեղեցու հավատարիմ անդամներին, ովքեր «դեն են գցում խավարի գործերը» [Հռովմեացիս 13․12], վայելում են Սուրբ Հոգու ընկերակցությունը և այդպիսով պատրաստ կլինեն Երկրորդ Գալուստին [տես ՎևՈւ 106․4–5]։)

• Ի՞նչ է նշանակում «արթուն և զարթուն լինենք»։ (Ա Թեսաղոնիկեցիս 5․6)։

• Ինչպե՞ս կամփոփեիք այն, թե Պողոսն ինչ ուսուցանեց Թեսաղոնիկեի Սրբերին Երկրորդ Գալուստին պատրաստվելու վերաբերյալ։ (Ուսանողների բառերի օգնությամբ հետևյալ ճշմարտությունը գրեք գրատախտակին․ Եթե մենք հավատարիմ ենք ու հետևում ենք Հիսուս Քրիստոսի Երկրորդ Գալուստը նախորդող նշաններին, ապա մենք պատրաստ կլինենք, երբ Նա կրկին գա։)

Հանձնարարեք ուսանողներից մեկին բարձրաձայն կարդալ Նախագահ Ջոզեֆ Ֆիլդինգ Սմիթի հետևյալ խոսքերը, իսկ դասարանին խնդրեք լսել, թե ինչպես կարող ենք պատրաստվել Երկրորդ Գալուստին․

«Երկիրը լի է աղետներով և անախորժություններով։ Մարդկանց սրտերը դավաճանում են իրենց։ Մենք տեսնում ենք նշանները, ինչպես որ մենք տեսնում ենք, թե ինչպես է թզենին տերևներ տալիս և իմանում ենք, որ պահը մոտ է, այն օգուտ է տալիս ինձ, ձեզ և երկրի վրա գոյություն ունեցող բոլոր մարդկանց, որպեսզի ականջ դնեն Քրիստոսի և Նրա առաքյալների խոսքերին և հետևեն, քանի որ չգիտեն ոչ օրը, ոչ էլ ժամը» (Doctrines of Salvation, comp. Bruce R. McConkie, 3 vols. [1954–56], 3:52–53)։

• Ըստ Նախագահ Սմիթի խոսքերի, ինչպե՞ս կարող ենք պատրաստվել Երկրորդ Գալուստին։

Հորդորեք ուսանողներին ստուգել ճիշտ-սխալ նախադասությունները և դասի սկզբում իրենց նշած պատասխանները։

• Այս դասի ընթացքում սովորած ճշմարտություններից ելնելով, արդյո՞ք կփոխեիք ձեր պատասխաններից որևէ մեկը։ (Պատասխաններ․ [1] Սխալ, [2] Ճիշտ, [3] Սխալ։)

Ամփոփեք Ա Թեսաղոնիկեցիս 5․7–22 հատվածները և բացատրեք, որ Պողոսը շարունակում էր ցուցում տալ Սրբերին, թե ինչպես պատրաստվել Երկրորդ Գալուստին։

Հանձնարարեք ուսանողներին մտքում կարդալ Ա Թեսաղոնիկեցիս 5․12–22 հատվածները և ուշադրություն դարձնել Սրբերին տված Պողոսի խորհուրդներին, թե ինչ պետք է նրանք անեն, որպեսզի պատրաստվեն ու պատրաստեն ուրիշներին հանդիպելու Փրկիչին Նրա Երկրորդ Գալուստի ժամանակ։ Հորդորեք ուսանողներին ընտրել իրենց դուր եկած խորհուրդներից մեկը։ Հանձնարարեք ուսանողներին իրենց տետրերում կամ սուրբ գրությունների ուսումնասիրության օրագրերում պատասխանել հետևյալ հարցերին: (Կարող եք գրել այդ հարցերը գրատախտակին):

• Ա Թեսաղոնիկեցիս 5․12–22 հատվածների ո՞ր խորհուրդը դուր եկավ ձեզ։

• Եթե կիրառեք այդ խորհուրդը, ինչպե՞ս կարող եք դուք կամ մյուսները պատրաստվել Երկրորդ Գալուստին։

• Ինչպե՞ս կխրախուսեիք մեկին, որպեսզի այդ խորհուրդն օգտագործեր իր առօրյա կյանքում։

Բավարար ժամանակ հատկացնելուց հետո հրավիրեք ուսանողներին իրենց պատասխաններով կիսվել դասարանի հետ։

Հանձնարարեք որևէ ուսանողի բարձրաձայն կարդալ Ա Թեսաղոնիկեցիս 5․23–24 հատվածները։ Դասարանի անդամներին խնդրեք հետևել և ուշադրություն դարձնել, թե ինչ ասաց Պողոսը, որ Աստված կանի Իր հավատարիմ Սրբերի համար, երբ նրանք պատրաստվեն Երկրորդ Գալուստին։

• Ի՞նչ կանի Աստված Իր հավատարիմ Սրբերի համար, երբ նրանք պատրաստվեն Երկրորդ Գալուստին։

Ավարտեք՝ վկայելով դասի ընթացքում ուսուցանած ճշմարտությունների մասին և հրավիրեք ուսանողներին հավատարմորեն պատրաստվել Երկրորդ Գալուստին։

Բացատրական և պատմական տեղեկություն

Ա Թեսաղոնիկեցիս 4․17 «Կ’յափշտակուինք»

«Ա Թեսաղոնիկեցիս 4․17 հատվածի Ջոզեֆ Սմիթի Թարգմանությունն այսպես է կարդացվում․ «Եվ հետո նրանք, որ կենդանի են մնացած, կհափշտակվեն ամպերի մեջ մնացած մարդկանց հետ, որպեսզի դիմավորենք Տիրոջը և այնպես ամեն ժամանակ Տիրոջ հետ կլինենք» (Ա Թեսաղոնիկեցիս 4․17, տողատակի գրառում ա)։ Բազմաթիվ Քրիստոնյաներ օգտագործում են առևանգել բառը (լատիներենով նշանակում է «հափշտակել»), երբ խոսում են այն պահի մասին, երբ Սրբերը կհափշտակվեն Փրկչին հանդիպելու համար Նրա գալու ժամանակ» (New Testament Student Manual [Church Educational System manual, 2014], 450)։

Ա Թեսաղոնիկեցիս 5․19 «Հոգին մի հանգցնէ»

«Մինչև Ա Թեսաղոնիկեցիս թղթի վերջը, Պողոսը մի քանի գործնական խորհուրդներ է տալիս, թե ինչպես պատրաստվել Տիրոջ գալուստին (տես Ա Թեսաղոնիկեցիս 5․6–23)։ Իր խորհուրդներից մեկի ժամանակ Պողոսը խնդրում է Սրբերին «չհանգցնել Հոգին» (Ա Թեսաղոնիկեցիս 5․19)։ Հոգին հանգցնել նշանակում է մարել կամ խեղդել Սուրբ Հոգու ազդեցությունը ինչ-որ մեկի կյանքում (տես նաև Եփեսացիս 4․30–31)։ [Տասներկու Առաքյալների Քվորումից] Երեց Դեյվիդ Ա․ Բեդնարը նշել է, որ Հոգու ընկերակցությունը լիովին զգալու համար, մենք պետք է խուսափենք այնպիսի միջոցառումներից, որոնք Հոգին կվանեն մեզանից․

«Եթե մի բան, որը մենք մտածում, նայում, լսում կամ անում ենք, հեռացնում է մեզ Սուրբ Հոգուց, ապա մենք պետք է դադարենք մտածել, նայել, լսել կամ այդ բանն անել: Եթե այն, ինչը նախատեսված է, օրինակ, զվարճացնելու համար, հեռացնում է մեզ Սուրբ Հոգուց, ապա, անշուշտ, այդ տեսակ զվարճանքը մեզ համար չէ: Քանի որ Հոգին չի կարող տանել այն, ինչը գռեհիկ է, կոպիտ կամ անպարկեշտ, ապա պարզ է, որ նման բաները մեզ համար չեն: Քանի որ մենք հեռացնում ենք Տիրոջ Հոգին, երբ մասնակցում ենք միջոցառումների, որոնցից գիտենք, որ պետք է խուսափենք, ապա նման բաները հաստատ մեզ համար չեն։

… Երբ մենք ավելի շատ ներքաշվենք Տիրոջ Հոգու մեջ, մենք կձգտենք ճանաչել այն տպավորությունները, երբ նրանք գան, և այն ազդեցությունները կամ իրադարձությունները, որոնք ստիպում են մեզ դուրս գալ Սուրբ Հոգու ազդեցությունից» (‘That We May Always Have His Spirit to Be with Us,’ Ensign or Liahona, May 2006, 30)” (New Testament Student Manual [Church Educational System manual, 2014], 451)։

Ա Թեսաղոնիկեցիս 5․21 «Ամեն բան փորձեցէք, բարին ամուր բռնեցէք»

Որպես Եկեղեցու անդամներ մեզ հորդորել են փորձել կամ ապացուցել (կամ ստուգել) այն բաները, որոնք մենք կարդում, լսում կամ սովորում ենք։ Նախագահ Ջոզեֆ Ֆիլդինգ Սմիթը ուսուցանեց, որ մենք կարող ենք ստուգել մեր կարդացած, լսած կամ սովորած բաների ճշմարտացիությունը՝ համեմատելով դրանք կանոնիկ աշխատությունների Աստծո խոսքերի ուսմունքների հետ (see Doctrines of Salvation, comp. Bruce R. McConkie, 3 vols. [1954–56], 3:203)։ Եթե մեր կարդացածը, լսածը կամ սովորածը ներդաշնակ չէ սուրբ գրություններում գտնվող Աստծո խոսքերին կամ Նրա ապրող մարգարեների և առաքյալների խոսքերին՝ «այնքանով, որքանով նրանք համահունչ են … կանոնիկ աշխատություններին», ապա մենք պարտավոր ենք մերժել այն, որպես իրականությանը չհամապատասխանող նյութ (Joseph Fielding Smith, Doctrines of Salvation, 3:203)։ Եթե այն ճշմարիտ է, ապա մենք պարտավոր ենք ապրել ըստ այդ ուսմունքների։

Ա Թեսաղոնիկեցիս 5․22 «Ամեն կերպ չար բանից հեռու մնացեք»

«Պողոսն ուսուցանեց Սրբերին հեռու մնալ բոլոր չար «բանից» կամ այլ խոսքերով ասած, բոլոր «տեսակի» չարից»(Ա Թեսաղոնիկեցիս 5․22, տողատակի գրառում բ)։ Եկեղեցու ղեկավարները նաև Ա Թեսաղոնիկեցիս 5․22 հատվածի օգնությամբ ուսուցանել են, որ մենք պետք է խուսափենք ամենաանմեղ չարի արտահայտումից։ Օրինակ, [Առաջին Նախագահությունից] Նախագահ Ջեյմս Ե. Ֆաուստն ուսուցանել է. «Ես վճռականորեն կոչ եմ անում ձեզ, որ եթե ձեր սրտում կամ մտքում որևէ չափով կասկածում եք, թե արդյոք ձեր արարքը ճիշտ է կամ սխալ, ապա մի արեք այդ արարքը։ Աստծո մարգարեների պատասխանատվությունն է ուսուցանել Աստծո խոսքը, այլ ոչ թե տառ առ տառ թվել մարդկային վարքագծի յուրաքանչյուր մասնիկն ու կետը։ Եթե մենք բարեխղճորեն փորձում ենք խուսափել ոչ միայն չարից, այլև չարի տեսքից, մենք կգործենք ինքնուրույն, այլ ոչ թե կներգործվենք» (‘The Devil’s Throat,’ Ensign or Liahona, May 2003, 51)։ Պողոսը նմանատիպ խորհուրդ է տվել Ա Կորնթացիս 8․9–13-ում» (New Testament Student Manual [Church Educational System manual, 2014], 451)։