Դաս 41

Մարկոս 10

Նախաբան

Իր մահկանացու կյանքի ծառայության վերջում Փրկիչը ծառայեց Փերեայում գտնվող մարդկանց: Այնտեղ գտնվելիս Նա ուսուցանեց ամուսնության վարդապետությունը և հրավիրեց փոքր երեխաներին Իր մոտ գալ: Նա երիտասարդ հարուստ կառավարչին հրավիրեց ամեն ինչ բաժանել աղքատներին և հետևել Իրեն: Երբ Փրկիչը հեռացավ Փերեայից և վերջին անգամ Իր մահկանացու կյանքում ճամփա ընկավ դեպի Երուսաղեմ, Նա կանխագուշակեց Իր մահը և Հարությունը և խորհուրդ տվեց Իր Առաքյալներին ծառայել ուրիշներին: Երիքովում Նա նաև բուժեց մի կույր մարդու:

Ուսուցման առաջարկներ

Մարկոս 10.1-16

Հիսուսն ուսուցանում է ամուսնության վարդապետությունը և հրավիրում փոքր երեխաներին գալ Իր մոտ

Ցուցադրեք ուսանողներին փոքր երեխաների մի քանի նկար:

• Ձեր կրտսեր եղբայրների, քույրերի կամ ձեր ճանաչած փոքր երեխաների ո՞ր առանձնահատկություններն ու հատկանիշներն են հիացնում ձեզ: (Գրատախտակին թվարկեք ուսանողների պատասխանները:)

Հրավիրեք ուսանողներին Ղուկասի 10 գլուխն ուսումնասիրելիս առանձնացնել մի ճշմարտություն, որն ուսուցանում է մեզ, թե մենք ինչու պիտի նմանվենք փոքր երեխաների:

Բացատրեք, որ Փրկիչն Իր մահկանացու կյանքի ծառայության ավարտին հեռացավ Գալիլեայից և գնաց Փերեա կոչվող վայրը: (Հրավիրեք ուսանողներին գտնել Փերեան «Հիսուս Քրիստոսի մահկանացու կյանքը մի հայացքով» թերթիկի վրա [տես դաս 5] կամ Աստվածաշնչի քարտեզներ, հմր. 11, «Սուրբ Երկիրը Նոր Կտակարանի ժամանակներում»:) Ամփոփեք Մարկոսի 10․1-12 հատվածները` բացատրելով, որ Փերեայում գտնվելիս Փրկիչը մարդկանց ուսուցանեց ամուսնության կարևորության մասին։

Հանձնարարեք որևէ ուսանողի բարձրաձայն կարդալ Մարկոսի 10.13-14 հատվածը: Խնդրեք դասարանի անդամներին հետևել` փնտրելով, թե ինչ պատահեց, մինչ Փրկիչը Փերեայում էր:

• Աշակերտներն ինչպես արձագանքեցին, երբ մարդիկ փոքր երեխաներին բերեցին Փրկիչի մոտ: (Բացատրեք, որ սաստում էին բառը հատված 13-ում ցույց է տալիս, որ աշակերտներն ասացին մարդկանց, թե նրանք սխալ էին գործել` իրենց երեխաներին բերելով Փրկիչի մոտ:)

• Փրկիչն ինչպե՞ս պատասխանեց աշակերտներին:

Հրավիրեք ուսանողներից մեկին բարձրաձայն կարդալ Մարկոս 10.15-16-ը և խնդրեք ուսանողներին ուշադրություն դարձնել, թե Փրկիչն ի՞նչ պատասխանեց Իր աշակերտներին, երբ փոքր երեխաները եկան նրա մոտ: Բացատրեք, որ «Աստուծոյ արքայութիւնը» արտահայտությունը հատված 15-ում վերաբերում է ավետարանն ընդունելուն:

• Ձեր կարծիքով, ի՞նչ է նշանակում ընդունել ավետարանը «ինչպէս երեխայ»: (հատված 15): (Գրատախտակին գրեք ուսանողների պատասխանները և համեմատեք դրանք արդեն թվարկված պատասխանների հետ:)

• Այս հատվածներից ի՞նչ սկզբունք կարող ենք սովորել այն մասին, թե ի՞նչ տեղի կունենա, երբ մենք ընդունենք ավետարանն` ինչպես փոքր երեխաներ: (Ուսանողները կարող են առանձնացնել տարատեսակ ճշմարտություններ, սակայն համոզվեք, որ պարզ է, որ եթե մենք ընդունենք ավետարանն` ինչպես փոքր երեխաներ, մենք կպատրաստվենք մտնելու Աստծո արքայությունը:)

• Ձեր կարծիքով, ավետարանի ընդունումն որպես փոքր երեխաներ, ինչպե՞ս կպատրաստի մեզ մտնելու Աստծո արքայություն: (Որպեսզի օգնեք ուսանողներին պատասխանել այդ հարցին, կարող եք առաջարկել նրանց կարդալ Մոսիայի 3.19 հատվածը։)

Մարկոսի 10.17-34

Փրկիչը հորդորում է երիտասարդ հարուստ կառավարչին վաճառել իր ունեցվածքը և հետևել Իրեն:

Հրավիրեք որևէ ուսանողի բարձրաձայն կարդալ Մարկոսի 10.17-20 հատվածները և խնդրեք ուսանողներին ուշադրություն դարձնել, թե ինչ տեղի ունեցավ երբ Փրկիչն օրհնեց փոքր երեխաներին:

• Ինչպե՞ս կնկարագրեիք այն մարդուն, ով եկել էր դեպի Քրիստոսը: Ինչո՞ւ:

• Ի՞նչ հարցրեց մարդը Փրկիչին: Ինչպե՞ս պատասխանեց Հիսուսը:

Բացատրեք, որ Մատթեոսի 19 գլուխը նաև ընդգրկում է այս մարդու պատմությունը, ով եկել էր դեպի Փրկիչը: Հրավիրեք որևէ ուսանողի բարձրաձայն կարդալ Մատթեոսի 19.20 հատվածը և խնդրեք ուսանողներին ուշադրություն դարձնել, թե մարդն ինչպես արձագանքեց, երբ Փրկիչը թվարկեց Իր պատվիրաններից մի քանիսը:

• Հաստատելով, որ ինքը պահել է բոլոր պատվիրանները, երիտասարդը ի՞նչ հարց տվեց Փրկիչին: (Կարող եք առաջարկել, որ ուսանողները նշեն երիտասարդ տղամարդու պատասխանը։)

Գրատախտակին գրեք հետևյալ հարցը. Էլ ի՞նչ բանով եմ պակաս:

Հրավիրեք ուսանողներին կարդալ Մարկոս 10.21 հատվածը` փնտրելով, թե Փրկիչն ինչպե՞ս պատասխանեց երիտասարդ մարդուն:

• Ըստ Փրկիչի, երիտասարդ մարդը դեռևս ինչի՞ պակաս ուներ:

Ուշադրություն հրավիրեք հատված 21-ում «Հիսուսը նորան մտիկ տուաւ` նորան սիրեց» արտահայտության վրա: Կարող եք առաջարկել, որ ուսանողները նշեն այդ արտահայտությունը իրենց սուրբ գրություններում։

• Ձեր կարծիքով, ինչու՞ է կարևոր իմանալ, որ Հիսուսը սիրեց այս երիտասարդ տղամարդուն, նախքան կասեր, թե նա ինչի՞ պակաս ուներ:

• Մենք ի՞նչ սկզբունքներ կարող ենք սովորել այս պատմությունից: (Ուսանողները կարող են նշել մի շարք սկզբունքներ, ներառյալ հետևյալը. Քանի որ Տերը սիրում է մեզ, Նա կօգնի մեզ իմանալ, թե մեզ ինչ է պակասում` Նրան հետևելու մեր ջանքերում: Եթե մենք խնդրենք Տիրոջը, Նա կուսուցանի մեզ, թե ինչ պիտի անենք, որպեսզի ժառանգենք հավերժական կյանքը:)

Հանձնարարեք ուսանողներին մտքում կարդալ Մարկոսի 10.22 հատվածը, գտնելով, թե երիտասարդ տղամարդն ինչպես արձագանքեց, երբ Փրկիչը խորհուրդ տվեց նրան վաճառել իր ունեցվածքը:

• Ինչպե՞ս արձագանքեց երիտասարդ տղամարդը:

• Համաձայն հատված 22-ի, ինչո՞ւ նա այդպես արձագանքեց։

Նկատեք, որ հնարավոր է` մեզ չխնդրեն մեծ հարստություններ թողնել, որպեսզի հետևենք Տիրոջը, սակայն Նա խնդրել է մեզ այլ զոհաբերություններ կատարել` իրեն ծառայելու և Իր պատվիրաններին հնազանդվելու համար:

• Որո՞նք են Տիրոջ խնդրած այն զոհաբերությունները, որոնք դժվար կլինի կատարել:

• Ի՞նչ օրհնություններ կկորցնեինք մենք, եթե մեր ընտրությամբ չհետևեինք Տիրոջը բոլոր բաներում:

Հանձնարարեք որևէ ուսանողի բարձրաձայն կարդալ Մարկոսի 10.23-27 հատվածները: Խնդրեք ուսանողին փոխարինել հատված 27-ի համապատասխան մասը Ջոզեֆ Սմիթի Թարգմանության հատվածով` Մարկոս 10.27, ծանոթագրություն ա: Դասարանին խնդրեք հետևել` ուշադրություն դարձնելով, թե Հիսուսն ինչ ուսուցանեց հանուն Իրեն ամեն ինչ թողնելու մասին:

• Ձեր կարծիքով, նրանց համար, ովքեր հույսը դնում են հարստությունների և այլ աշխարհիկ բաների վրա, ինչո՞ւ է այդքան դժվար մտնել Աստծո արքայությունը:

• Ձեր կարծիքով, ի՞նչ է նշանակում, որ ամեն բան հնարավոր է նրանց համար, ովքեր ապավինում են Աստծուն:

Հանձնարարեք որևէ ուսանողի բարձրաձայն կարդալ Մարկոս 10.28-31 հատվածները: Խնդրեք ուսանողին փոխարինել հատված 31-ը Ջոզեֆ Սմիթ Թարգմանություն հատվածով` Մարկոսի 10.31, ծանոթագրություն ա: Դասարանին խնդրեք հետևել, թե Պետրոսն ի՞նչ ասաց այն բանից հետո, երբ Փրկիչն ուսուցանեց, որ մենք պիտի պատրաստ լինենք հրաժարվել ամենից, ինչ Նա է պահանջում մեզանից:

• Համաձայն 28-րդ հատվածի, ի՞նչ ասաց Պետրոսը:

• Փրկիչն ի՞նչ խոստացավ նրանց, ովքեր պատրաստ են հրաժարվել ամեն ինչից՝ Իրեն հետևելու համար:

• Ի՞նչ սկզբունք կարող ենք սովորել Փրկիչի ուսմունքներից այն մասին, թե մենք ի՞նչ պիտի անենք, որպեսզի ձեռք բերենք հավերժական կյանք։ (Ուսանողները կարող են օգտագործել տարբեր բառեր, բայց համոզվեք, որ նրանք առանձնացնում են հետևյալ սկզբունքը. Որպեսզի ձեռք բերենք հավերժական կյանք, մենք պիտի պատրաստ լինենք հրաժարվել այն ամենից, ինչ Տերը պահանջում է մեզանից: Գրատախտակին գրեք այդ սկզբունքը:)

• Ինչո՞ւ հավերժական կյանքն արժե ցանկացած զոհաբերություն, որ երկրի վրա մեզ կխնդրվի կատարել: (Կարող եք ուսանողներին հիշեցնել, որ հավերժական կյանքը ներառում է` ապրել Աստծո հավերժական ներկայության մեջ մեր ընտանիքի արդարակյաց անդամների հետ:)

Ամփոփեք Մարկոսի 10.32-34 հատվածները` բացատրելով, որ Երուսաղեմ հասնելուց հետո Տերն ասաց Իր աշակերտներին, որ Իրեն կծաղրեն, կծեծեն, Իր վրա կթքեն և կսպանեն, և որ Ինքը հարություն կառնի երրորդ օրը:

• Փրկիչն ինչո՞վ է կատարյալ օրինակ ծառայում այն բանի, որ պիտի պատրաստակամ լինենք հրաժարվել այն ամենից, ինչ Աստված է պահանջում:

Վկայեք այս դասին ուսուցանված ճշմարտությունների մասին: Խրախուսեք ուսանողներին աղոթքով խորհել հետևյալ հարցի շուրջ. «Էլ ի՞նչ բանով եմ պակաս» և հնազանդվել բոլոր հուշումներին, որոնք նրանք կստանան այն զոհաբերությունների վերաբերյալ, որ Տերը կկամենա, որ նրանք կատարեն:

Կիսվեք ձեր վկայությամբ

Դասի ավարտը միակ ժամանակը չէ վկայություն բերելու համար: Օգտագործեք ցանկացած հնարավորություն դասի ժամանակ` կիսվելու ձեր վկայությամբ այն վարդապետություններով և սկզբունքներով, որոնք բացահայտվել կամ քննարկվել են։ Հրավիրեք ձեր ուսանողներին անելու նույնը: Վկայությամբ կիսվելիս Սուրբ Հոգին վկայություն կբերի ուսանողների մտքերում ու սրտերում եղած վկայությունների ճշմարտացիության մասին:

Մարկոս 10.35-52

Փրկիչը կանխագուշակում է Իր մահը և Հարությունը և խորհուրդ տալիս Իր Առաքյալներին ծառայել ուրիշներին

Ուսանողներին բաժանեք փոքր խմբերի: Յուրաքանչյուր ուսանողի տրամադրեք հետևյալ թերթիկի մեկական օրինակ և հրավիրեք նրանց ավարտել այն։

Ո՞վ է մեծը

Նոր Կտակարանի սեմինարիայի ուսուցչի դասագիրք. Դաս 41

Լրացրեք այս թերթիկը խմբով և քննարկեք հարցերին տված ձեր պատասխանները:

Թվարկեք որոշ միջոցառումներ, որոնք ձեզ դուր են գալիս.

• Տվեք մի քանի հոգու անուններ, ովքեր հրաշալի են կատարում ձեր թվարկած միջոցառումները: Ի՞նչն է նրանց մեծ դարձնում:

Երբ շարունակեք ուսումնասիրել Փրկիչի բառերը Մարկոսի 10 գլխում, փնտրեք, թե ըստ Փրկիչի ի՞նչն է մարդուն իրապես մեծ դարձնում:

Կարդացեք Մարկոսի 10.35-37 հատվածները` փնտրելով, թե Հակոբոսն ու Հովհաննեսը ի՞նչ խնդրեցին, երբ ճամփորդում էինք դեպի Երուսաղեմ:

Հակոբոսի ու Հովհաննեսի խնդրանքը` նստել Փրկիչի աջ ու ձախ կողմերում, նշանակում էր, որ նրանք ցանկանում էին ստանալ ավելի մեծ փառք և պատիվ, քան մյուս Առաքյալները: Մարկոսի 10.38-40 հատվածներում գրանցված է Փրկիչի բացատրությունը Հակոբոսին և Հովհաննեսին այն մասին, որ այս օրհնությունը կտրվի նրանց, ովքեր պատրաստ կլինեն ստանալ այն:

Կարդացեք Մարկոս 10.41-ը, փնտրելով, թե մյուս աշակերտներն ինչպե՞ս արձագանքեցին Հակոբոսի և Հովհաննեսի խնդրանքին:

• Ինչո՞ւ եք կարծում, որ մյուս առաքյալները դժգոհ էին Հակոբոսից և Հովհաննեսից:

Կարդացեք Մարկոս 10.42-45 հատվածները` փնտրելով, թե Փրկիչն ի՞նչ ուսուցանեց Իր աշակերտներին մեծության մասին:

Լրացրեք հետևյալ նախադասությունը, հիմնվելով, թե Փրկիչն ի՞նչ ուսուցանեց ճշմարիտ մեծության մասին.

Իսկապես մեծ լինելու համար մենք պիտի .

Հատված 45-ում ծառայել բառը նշանակում է հոգ տանել, սփոփել, օգնել և աջակցել ուրիշներին:

• Ինչո՞ւ իրոք մեծ կհամարվի այն մարդը, ով ծառայում և սպասավորում է ուրիշներին (ինչպես Փրկիչը):

• Ե՞րբ է ինչ-որ մեկը ծառայել և հոգ տարել ձեզ կամ ձեր ընտանիքին։ Ինչո՞ւ այդ մարդուն իրոք մեծ կհամարեիք:

© 2015 by Intellectual Reserve, Inc. Բոլոր իրավունքները վերապահված են:

Երբ ուսանողները լրացնեն աշխատանքային թերթիկը, մի քանիսին հրավիրեք հաղորդել, թե ինչպես են ավարտել Մարկոսի 10.42–45 հատվածների վրա հիմնված նախադասությունը։ Ուսանողները կարող են օգտագործել տարբեր բառեր, բայց նրանք պիտի առանձնացնեն հետևյալ սկզբունքը. Որպեսզի իրապես մեծ լինենք, պիտի հետևենք Փրկիչի օրինակին` ծառայելով ուրիշներին:

Ամփոփեք Մարկոսի 10.46-52 հատվածները` բացատրելով, որ երբ Փրկիչն ու Նրա Առաքյալները Երիքովից գնում էին Երուսաղեմ, մի կույր մարդ Բարտիմեոս անունով ձայն տվեց Փրկիչին, որ բուժի իրեն: Ամբոխը սաստեց Բարտիմեոսին, որ լուռ մնա, բայց նա ավելի բարձր աղաղակեց: Փրկիչը լսեց նրա աղաչանքը, գթաց նրան և բուժեց նրան: (Նշում․ Բարտիմեոսի բուժման հետ կապված այս պատմությունը ավելի մանրամասն կուսուցանվի Ղուկասի 18 գլխին նվիրված դասում:)

• Ինչպե՞ս է Փրկիչը կատարյալ օրինակ հանդիսանում այն սկզբունքի, որն Ինքն ուսուցանեց ուրիշներին ծառայելու մասին:

Կիսվեք ձեր վկայությամբ այն մասին, որ Փրկիչն իրոք մեծ է այն եղանակի շնորհիվ, որով Նա ծառայում է Երկնային Հոր զավակներին: Հրավիրեք ուսանողներին մտածել, թե նրանք ինչ կարող են անել իրենց շրջապատող մարդկանց ծառայելու և հոգ տանելու համար։ Խրախուսեք նրանց նպատակ դնել, որը կօգնի նրանց ծառայել ուրիշներին:

Բացատրական և պատմական տեղեկություն

Մարկոս 10.17-22 Երիտասարդ հարուստ կառավարիչը

Տասներկու Առաքյալների Քվորումից Երեց Նիլ Ա. Մաքսվելն ուսուցանել է, որ մենք ավելի շուտ պիտի շտապենք բարիք գործել, քան պարզապես խուսափենք մեղքից, որպեսզի լինենք Հիսուս Քրիստոսի անվեհեր հետևորդներ:

«Շատ հաճախ բացթողումների մեղքն է, որ մեզ հեռու է պահում հոգևոր կատարելությունից, քանի որ մենք դեռ որոշակի բաների պակաս ունենք: Հիշեք հարուստ, արդարակյաց երիտասարդին, ով եկավ Հիսուսի մոտ` խնդրելով. «Բարի վարդապետ, ի՞նչ բարի գործ գործեմ որ յաւիտենական կեանքն ունենամ»: …

Ուստի, այդ մարդու համար հարմարեցված մի պատվիրան հնչեց [տես Մատթեոսի 19.21-22]: Դա մի բան էր, որ նա պիտի աներ, ոչ ինչ-որ բան, որը նրան հեռու էր պահում կատարյալ լինելուց և նա պիտի դադարեր անել» (“The Pathway of Discipleship” [Brigham Young University fireside, Jan. 4, 1998], 4, speeches.byu.edu):

Տասներկու Առաքյալների Քվորումից Երեց Բրյուս Ռ․ Մակքոնկին ուսուցանել է, որ հարուստ երիտասարդ կառավարիչը կորցրեց արտոնյալ օրհնությունները, քանի որ նա չէր կամենում հետևել Տիրոջը բոլոր բաներում:

Մենք արդարացիորեն կարող ենք հարցնել. «Մի՞թե բավական չէ պահել պատվիրանները: Ուրիշ էլ ի՞նչ է ակնկալվում մեզանից անել, բացի բոլոր պարտականություններում հավատարիմ և ճշմարիտ լինելուց: Արդյո՞ք կա ավելի բարձր չափանիշ, քան հնազանդության օրենքը»:

Մեր հարուստ երիտասարդ բարեկամի դեպքում կար: Ակնկալվում էր, որ նա պիտի ապրեր նվիրաբերության օրենքով` պիտի զոհաբերեր իր երկրային հարստությունները: …

Ինչպես գիտեք երիտասարդ տղամարդը տրտմած հեռացավ: …Իսկ մեզ մնում է կռահել, թե նա ի՞նչ մտերմություն [մոտիկություն] կունենար Աստծո Որդու հետ, ինչպիսի ընկերակցություն կվայելեր առաքյալների հետ, ինչ հայտնություններ ու տեսիլքներ կստանար, եթե կարողանար ապրել սելեստիալ արքայության օրենքով» (“Obedience, Consecration, and Sacrifice,” Ensign, May 1975, 51)։

Մարկոս 10.25 «Աւելի հեշտ է, որ ուղտն ասեղի ծակովն անցնէ»

«Ոմանք հաստատում են, որ ասեղի այդ անցքը մի փոքր դուռ էր Երուսաղեմի պարսպի վրա, որով ներս մտնելու համար պահանջվում էր քերթել ուղտի սապատը: Չկա որևէ վկայություն, որ այդպիսի դուռ երբևէ գոյություն է ունեցել: Ուրիշներն էլ առաջարկում են, որ հունական տեքստում մի տառի փոխարինումը կփոխեր սուրբ գրության տեքստը` նշանակելով պարան, ոչ թե ուղտ, որը պիտի անցներ ասեղի անցքով: Սակայն, երբ Հիսուսը վկայակոչում է ասեղի անցքով անցնող ուղտին, հավանաբար չափազանցության օրինակ էր, կանխամտածված չափազանցության` ուսուցանելու, որ «դժուար է, որ հարստութիւն ունեցող մարդը Աստուծոյ արքայությունը մտնէ» (Մատթեոս 19.23): Ջոզեֆ Սմիթ Թարգմանությունն ավելացնում է. «Մարդկանց համար, ովքեր հույսը դնում են հարստությունների վրա, դա անհնար է, բայց անհնար չէ այն մարդկանց համար, ովքեր ապավինում են Աստծուն և թողնում ամեն բան հանուն ինձ, ինչի համար բոլոր այդ բաները հնարավոր են» (Ջոզեֆ Սմիթ Թարգմանություն, Մարկոս 10.26 [Մարկոս 10.27, ծանոթագրություն ա])» (New Testament Student Manual [Church Educational System manual, 2014], 63):

Մարկոս 10.38-39 «Կարո՞ղ էք խմել այն բաժակը որ ես պիտի խմեմ»

«Երեց Բրյուս Ռ. Մակքոնկին Տասներկու Առաքյալների Քվորումից բացատրել է, որ «խմել այն բաժակը» փոխաբերական արտահայտություն է, որը նշանակում է. «Անել այն բաները, որոնք իմ ճակատագիրը կյանքում կպահանջի ինձնից»: Նա բացատրել է, որ «այն մկրտութիւնովը մկրտուիլ` որով ես պիտի մկրտուիմ» արտահայտությունը նշանակում է «ենթարկվել իմ ճակատագրին, տառապել հալածանքից, մերժվել մարդկանց կողմից և ի վերջո սպանվել հանուն ճշմարտության» (Doctrinal New Testament Commentary, 1:566): Տալով այս հարցերը. «Կարո՞ղ էք խմել այն բաժակը որ ես պիտի խմեմ» և «այն մկրտութիւնովը մկրտուիլ` որով ես պիտի մկրտուիմ» (Մարկոս 10.38), Փրկիչը վերակենտրոնացրեց Հակոբոսի և Հովհաննեսի ուշադրությունը ավելի շուտ Տիրոջ կամքը կատարելու վրա, քան փառք ու պատիվ ստանալու» (New Testament Student Manual [Church Educational System manual, 2014], 126):

Մարկոս 10.45 «Մարդի Որդին եկավ … որ ծառայե»

Նախագահ Էզրա Թաֆտ Բենսոնը վկայել է, որ Հիսուս Քրիստոսը մեծության կատարյալ օրինակ է.

«Այն տղամարդը [կամ կինն] է մեծը և ամենից շատ օրհնված ու ուրախը, ում կյանքը ամենից սերտորեն է մոտենում Քրիստոսի օրինակին: Այն ոչ մի կապ չունի աշխարհիկ հարստության, իշխանության կամ ազդեցության հետ: Մեծության, օրհնված և ուրախ լինելու միակ ճշմարիտ չափանիշն այն է, թե որքանով է կյանքը մոտ Տիրոջ` Հիսուս Քրիստոսին նմանվելուն» (“Jesus Christ: Gifts and Expectations,” Ensign, Dec. 1988, 2)։

Ուսուցման լրացուցիչ միտք

Մարկոս 10.17-34 Տեսանյութի ցուցադրում`«Միսիայում ծառայելու քո ժամանակը»

Որպեսզի ցույց տաք ինչ-որ մեկի օրինակը, ով պատրաստ է կատարել այն զոհաբերությունը, որ Տերն է խնդրում նրանից, ցուցադրեք տեսանյութը «Միսիայում ծառայելու քո ժամանակը» (3:32), որում Տասներկու Առաքյալների Քվորումից Երեց Նեյլ Լ. Անդերսենը քննարկում է ռեգբի խաղացող Սիդնի Գոինգի որոշումը` լիաժամկետ միսիայում ծառայելու մասին: Այս ֆիլմը առկա է LDS.org կայքում: