ອາໂຣນ, ລູກຊາຍຂອງໂມໄຊຢາ ເບິ່ງ ໂມໄຊຢາ, ພວກລູກຊາຍຂອງ; ໂມໄຊຢາ, ລູກຊາຍຂອງເບັນຢາມິນ ນຳອີກ ໃນພຣະຄຳພີມໍມອນ, ລູກຊາຍຄົນໜຶ່ງຂອງກະສັດໂມໄຊຢາ. ອາໂຣນໄດ້ຮັບໃຊ້ເປັນຜູ້ສອນສາດສະໜາ ຜູ້ຊຶ່ງ ຄວາມພະຍາຍາມອັນພາກພຽນໄດ້ຊ່ວຍເຫລືອຫລາຍຄົນໃຫ້ປ່ຽນໃຈເຫລື້ອມໃສໃນພຣະຄຣິດ. ເປັນຜູ້ບໍ່ເຊື່ອຖື ຜູ້ໄດ້ພະຍາຍາມທຳລາຍສາດສະໜາຈັກ, ມຊຢ 27:8–10, 34. ທູດອົງໜຶ່ງໄດ້ມາປະກົດຕໍ່ລາວ ແລະ ໝູ່ເພື່ອນຂອງລາວ, ມຊຢ 27:11. ໄດ້ກັບໃຈ ແລະ ເລີ່ມຕົ້ນສັ່ງສອນພຣະຄຳຂອງພຣະເຈົ້າ, ມຊຢ 27:32–28:8. ໄດ້ປະຕິເສດບໍ່ຂຶ້ນເປັນກະສັດ ແລະ ໄດ້ຂຶ້ນໄປຫາແຜ່ນດິນຂອງຊາວເລມັນ ເພື່ອສັ່ງສອນພຣະຄຳຂອງພຣະເຈົ້າ, ແອວ 17:6–9. ໄດ້ຖືສິນອົດເຂົ້າ ແລະ ໄດ້ອະທິຖານເພື່ອຂໍການນຳພາ, ແອວ 17:8–11. ໄດ້ສິດສອນບິດາຂອງກະສັດລາໂມໄນ, ແອວ 22:1–26. ໄດ້ໄປສັ່ງສອນຊາວໂຊຣຳ, ແອວ 31:6–7.