ມານາ
ວັດຖຸກົມໆກ້ອນນ້ອຍໆ ມີລົດຊາດຄືກັນກັບນ້ຳເຜິ້ງ (ອພຍ 16:14–31) ຫລື ຄືກັນກັບນ້ຳມັນສົດ (ຈບຊ 11:7–8). ພຣະຜູ້ເປັນເຈົ້າໄດ້ຈັດຫາໃຫ້ ເພື່ອລ້ຽງດູລູກຫລານຂອງອິດສະຣາເອນ ລະຫວ່າງສີ່ສິບປີ ໃນຖິ່ນແຫ້ງແລ້ງກັນດານ (ອພຍ 16:4–5, 14–30, 35; ຢຊ 5:12; 1 ນຟ 17:28).
ລູກຫລານຂອງອິດສະຣາເອນເອີ້ນມັນວ່າ ມານາ (ຫລື ມາຮູ ໃນພາສາເຮັບເຣີ)—ຊຶ່ງໝາຍຄວາມວ່າ “ແມ່ນຫຍັງ?”—ເພາະວ່າພວກເຂົາບໍ່ຮູ້ວ່າ ມັນແມ່ນຫຍັງ (ອພຍ 16:15). ມັນຍັງຖືກເອີ້ນວ່າ “ອາຫານເທບ” ແລະ “ອາຫານທິບຈາກສະຫວັນ” (ພສສ 78:24–25; ຢຮ 6:31). ມັນເປັນເຄື່ອງໝາຍເຖິງ ພຣະຄຣິດ, ຜູ້ຊຶ່ງຈະເປັນອາຫານທິບແຫ່ງຊີວິດ (ຢຮ 6:31–35).