ຂ່າວຄາວ
ໜັງສືສອງເຫລັ້ມໃນພຣະຄຳພີເດີມ. ທັງສອງເຫລັ້ມໄດ້ບອກປະຫວັດຫຍໍ້ຂອງເຫດການຕ່າງໆທີ່ເກີດຂຶ້ນນັບຕັ້ງແຕ່ການສ້າງຈົນເຖິງການປະກາດຂອງໄຊຣັດອະນຸຍາດໃຫ້ຊາວຢິວກັບຄືນເຢຣູຊາເລັມ.
ພຣະທຳຂ່າວຄາວທີໜຶ່ງ
ບົດທີ 1–9 ບອກລຳດັບເຊື້ອສາຍຈາກອາດາມເຖິງໂຊນ. ຂ່າວຄາວ ບົດທີ 10 ການມໍລະນະກຳຂອງໂຊນ. ບົດທີ 11–22 ເລົ່າເຫດການກ່ຽວພັນກັບການປົກຄອງຂອງດາວິດ. ບົດທີ 23–27 ອະທິບາຍວ່າໂຊໂລໂມນໄດ້ຖືກແຕ່ງຕັ້ງໃຫ້ເປັນກະສັດ ແລະ ຊາວເລວີໄດ້ຖືກຈັດຕັ້ງໃຫ້ເປັນລະບຽບ. ບົດທີ 28 ອະທິບາຍວ່າ ດາວິດໄດ້ບັນຊາໂຊໂລໂມນໃຫ້ສ້າງພຣະວິຫານ. ບົດທີ 29 ບັນທຶກການມໍລະນະກຳຂອງດາວິດ.
ພຣະທຳຂ່າວຄາວທີສອງ
ບົດທີ 1–9 ເລົ່າເຫດການກ່ຽວພັນກັບການປົກຄອງຂອງໂຊໂລໂມນ. ບົດທີ 10–12 ບອກເຖິງການປົກຄອງຂອງເຣໂຮໂບອາມ ລູກຊາຍຂອງໂຊໂລໂມນ, ລະຫວ່າງອານາຈັກໃຫຍ່ຂອງອິດສະຣາເອນໄດ້ຖືກແຍກອອກເປັນອານາຈັກພາກເໜືອ ແລະ ອານາຈັກພາກໃຕ້. ບົດທີ 13–36 ບັນຍາຍເຖິງການປົກຄອງຂອງກະສັດອົງຕ່າງໆ ຈົນເຖິງການຍຶດຄອງອານາຈັກຂອງຢູດາໂດຍເນບູກາດເນັດສາ. ໜັງສືມ້ວນທ້າຍດ້ວຍຄຳສັ່ງຂອງໄຊຣັດວ່າ ລູກຫລານຂອງຢູດາທີ່ເປັນຊະເລີຍສາມາດກັບຄືນໄປເຢຣູຊາເລັມ.