ໂຢນາ
ສາດສະດາໃນພຣະຄຳພີເດີມ ຜູ້ຊຶ່ງພຣະຜູ້ເປັນເຈົ້າໄດ້ເອີ້ນໃຫ້ສັ່ງສອນເລື່ອງການກັບໃຈຢູ່ເມືອງນິເນເວ (ຢນ 1:1–2).
ພຣະທຳໂຢນາ
ໜັງສືໃນພຣະຄຳພີເດີມ ທີ່ບອກເຖິງປະສົບການໃນຊີວິດຂອງໂຢນາ. ບາງທີໂຢນາບໍ່ໄດ້ຂຽນປຶ້ມດ້ວຍຕົນເອງ. ເນື້ອໃນສ່ວນໃຫຍ່ຂອງພຣະທຳໂຢນາ ແມ່ນວ່າພຣະເຢໂຮວາປົກຄອງໃນທຸກບ່ອນ ແລະ ບໍ່ໄດ້ຈຳກັດຄວາມຮັກຂອງພຣະອົງກັບປະຊາຊາດໃດ ຫລື ບຸກຄົນໃດ.
ໃນ ບົດທີ 1, ພຣະຜູ້ເປັນເຈົ້າໄດ້ເອີ້ນໂຢນາໃຫ້ສັ່ງສອນຢູ່ເມືອງນິເນເວ. ແທນທີ່ຈະເຮັດຕາມດັ່ງທີ່ພຣະຜູ້ເປັນເຈົ້າໄດ້ບັນຊາ, ໂຢນາໄດ້ໜີຂຶ້ນເຮືອໄປ ແລະ ຖືກປາໃຫຍ່ກືນກິນ. ໃນ ບົດທີ 2, ໂຢນາໄດ້ອະທິຖານຫາພຣະຜູ້ເປັນເຈົ້າ, ແລະ ປາໄດ້ຄາຍໂຢນາອອກໄວ້ເທິງດິນບ່ອນແຫ້ງ. ບົດທີ 3 ບັນທຶກວ່າ ໂຢນາໄດ້ໄປເມືອງນິເນເວ ແລະ ໄດ້ທຳນາຍກ່ຽວກັບການຕົກຂອງມັນ. ເຖິງຢ່າງໃດກໍຕາມ, ຜູ້ຄົນໄດ້ກັບໃຈ. ໃນ ບົດທີ 4, ພຣະຜູ້ເປັນເຈົ້າໄດ້ຕິຕຽນໂຢນາທີ່ໄດ້ໃຈຮ້າຍໃຫ້ພຣະຜູ້ເປັນເຈົ້າ ວ່າພຣະອົງໄດ້ຊ່ວຍເຫລືອຜູ້ຄົນ.
ພຣະເຢຊູໄດ້ສອນວ່າ ການທີ່ໂຢນາໄດ້ຖືກປາກືນກິນ ໄດ້ເປັນສັນຍາລັກບອກເຫດການລ່ວງໜ້າກ່ຽວກັບການສິ້ນພຣະຊົນ ແລະ ການຟື້ນຄືນພຣະຊົນຂອງພຣະເຢຊູນັ້ນເອງ (ມທ 12:39–40; 16:4; ລກ 11:29–30).