ຊີວິດ ເບິ່ງ ຄວາມສະຫວ່າງ, ຄວາມສະຫວ່າງຂອງພຣະຄຣິດ; ຊີວິດນິລັນດອນ ນຳອີກ ການເປັນຢູ່ທາງໂລກ ແລະ ທາງວິນຍານ ທີ່ເຮັດໃຫ້ເປັນໄປໄດ້ໂດຍອຳນາດຂອງພຣະເຈົ້າ. ມື້ນີ້ ຂ້າພະເຈົ້າຈະໃຫ້ພວກເຈົ້າເລືອກເອົາລະຫວ່າງຊີວິດ ແລະ ຄວາມດີ, ພບຍ 30:15–20. ພຣະອົງກໍຈະໃຫ້ເຫັນທາງທີ່ນຳໄປສູ່ຊີວິດ, ພສສ 16:11. ຄົນສັດຊື່ຈະໄດ້ຊີວິດຍືນຍາວ, ສພສ 21:21. ຜູ້ທີ່ຮັກສາຊີວິດຂອງຕົນໄວ້ກໍຈະເສຍຊີວິດ: ແຕ່ຜູ້ທີ່ເສຍຊີວິດຂອງຕົນເພື່ອເຫັນແກ່ເຮົາກໍຈະໄດ້ຊີວິດ, ມທ 10:39 (ມທ 16:25; ມຣກ 8:35; ລກ 9:24; 17:33). ບຸດມະນຸດບໍ່ໄດ້ມາເພື່ອທຳລາຍຊີວິດມະນຸດ, ແຕ່ເພື່ອຊ່ວຍເຫລືອເຂົາໃຫ້ລອດ, ລກ 9:56. ພຣະທຳນັ້ນມີຊີວິດຢູ່ໃນພຣະອົງເອງ, ແລະ ຊີວິດນັ້ນເປັນຄວາມສະຫວ່າງຂອງມະນຸດ, ຢຮ 1:4. ຜູ້ໃດທີ່ວາງໃຈເຊື່ອໃນພຣະອົງຜູ້ທີ່ໃຊ້ເຮົາມາ ໄດ້ຜ່ານພົ້ນຈາກຄວາມຕາຍເຂົ້າສູ່ຊີວິດແລ້ວ, ຢຮ 5:24. ເຮົານີ້ແຫລະເປັນທາງນັ້ນ, ເປັນຄວາມຈິງ, ແລະ ເປັນຊີວິດ, ຢຮ 14:6. ຖ້າຄວາມຫວັງຂອງພວກເຮົາໃນພຣະຄຣິດມີຄຸນຄ່າພຽງແຕ່ສຳລັບຊີວິດນີ້ເທົ່ານັ້ນ, ພວກເຮົາກໍເປັນຄົນທີ່ໜ້າສັງເວດທີ່ສຸດ, 1 ກຣທ 15:19–22. ການນັບຖືພຣະເຈົ້າໄດ້ຮັບພຣະສັນຍາອັນປະເສີດສຳລັບຊີວິດໃນປະຈຸບັນ ແລະ ໃນອະນາຄົດອີກດ້ວຍ, 1 ຕມທ 4:8. ລູກຫລານຂອງພວກເຮົາຈະມຸ້ງຫາຊີວິດນັ້ນ ຊຶ່ງມີຢູ່ໃນພຣະຄຣິດ, 2 ນຟ 25:23–27. ຊີວິດນີ້ເປັນເວລາສຳລັບມະນຸດທີ່ຈະຕຽມພ້ອມເພື່ອພົບກັບພຣະເຈົ້າ, ແອວ 34:32 (ແອວ 12:24). ເຮົາເປັນຄວາມສະຫວ່າງ ແລະ ຊີວິດຂອງໂລກ, 3 ນຟ 9:18 (ມຊຢ 16:9; 3 ນຟ 11:11; ອທ 4:12). ຄົນທີ່ຊື່ສັດຍ່ອມເປັນສຸກ, ບໍ່ວ່າໃນຊີວິດ ຫລື ໃນຄວາມຕາຍ, ຄພ 50:5. ນີ້ແມ່ນຊີວິດນິລັນດອນ ທີ່ຈະຮູ້ຈັກພຣະເຈົ້າ ແລະ ພຣະເຢຊູຄຣິດ, ຄພ 132:24. ນີ້ແມ່ນວຽກງານ ແລະ ລັດສະໝີພາບຂອງເຮົາ ຄືທີ່ຈະກໍ່ໃຫ້ເກີດຄວາມເປັນອະມະຕະ ແລະ ຊີວິດນິລັນດອນຂອງມະນຸດ, ມຊ 1:39.