ອັດຊີເຣຍ
ຈັກກະພົບໃນສະໄໝບູຮານ, ພ້ອມດ້ວຍບາບີໂລນຄູ່ແຂ່ງຂອງຈັກກະພັດ, ປົກຄອງແຂວງເກົ່າແກ່ຢ່າງຫລວງຫລາຍຂອງຊີເຣຍ ແລະ ຟີລິດສະຕິນຕະຫລອດເກືອບທຸກສະໄໝຂອງພຣະຄຳພີເດີມ. ເຖິງແມ່ນວ່າຊາວອັດເຊເຣຍໄດ້ເປັນພະລັງອັນສຳຄັນນັບແຕ່ກາງສັດຕະວັດທີ 12 ກ່ອນ ຄ.ສ. ຈົນເຖິງປາຍສັດຕະວັດທີ 7 ກ່ອນ ຄ.ສ., ແຕ່ພວກເຂົາກໍຍັງບໍ່ສາມາດສ້າງໂຄງຮ່າງທາງການເມືອງທີ່ໝັ້ນຄົງໄດ້. ພວກເຂົາປົກຄອງດ້ວຍວິທີຂົ່ມເຫັງ, ປາບສັດຕູດ້ວຍໄຟ ແລະ ດາບ ຫລື ຕັດກຳລັງຂອງພວກເຂົາດ້ວຍການຍ້າຍພົນລະເມືອງຢ່າງຫລວງຫລາຍໄປຫາສ່ວນອື່ນໆຂອງຈັກກະພົບຂອງພວກເຂົາ. ປະຊາຊົນທີ່ຢູ່ໃຕ້ກົດບັງຄັບຂອງຊາວອັດຊີເຣຍ ໄດ້ຕໍ່ສູ້ກັບຈັກກະພົບຢູ່ເລື້ອຍໆ. (ເບິ່ງ 2 ກສ 18–19; 2 ຂຄ 32; ອຊຢ 7:17–20; 10; 19; 37.)