ປັດສະຄາ

ງານລ້ຽງປັດສະຄາຖືກຕັ້ງໄວ້ເພື່ອຊ່ວຍເຫລືອລູກຫລານຂອງອິດສະຣາເອນ ຈື່ຈຳຕອນທີ່ທູດຜູ້ທຳລາຍໄດ້ຜ່ານກາຍເຮືອນຂອງພວກເຂົາໄປ ແລະ ໄດ້ປົດປ່ອຍພວກເຂົາຈາກຊາວເອຢິບ (ອພຍ 12:21–28; 13:14–15). ເລືອດຂອງລູກແກະທີ່ບໍ່ມີບ່ອນຕຳໜິ ຊຶ່ງຖືກໃຊ້ເປັນເຄື່ອງໝາຍ ເພື່ອຊ່ວຍຊີວິດຊາວອິດສະຣາເອນໃນສະໄໝບູຮານ, ກໍເປັນເຄື່ອງໝາຍເຖິງພຣະເຢຊູຄຣິດ, ພຣະເມສານ້ອຍຂອງພຣະເຈົ້າ, ຊຶ່ງການເສຍສະລະຂອງພຣະອົງໄດ້ໄຖ່ມະນຸດຊາດ.

ພຣະເຢຊູ ແລະ ອັກຄະສາວົກຂອງພຣະອົງໄດ້ສະຫລອງງານປັດສະຄາໃນການກິນເຂົ້າແລງຄາບສຸດທ້າຍ, ມທ 26:17–29 (ມຣກ 14:12–25).
ເບິ່ງແມ ພຣະເມສານ້ອຍຂອງພຣະເຈົ້າ, ຜູ້ຊຶ່ງຮັບເອົາບາບກຳຂອງໂລກ, ຢຮ 1:29, 36.
ພຣະຄຣິດຜູ້ເປັນປັດສະຄາຂອງເຮົາ ໄດ້ຖືກຂ້າບູຊາແທນເຮົາ, 1 ກຣທ 5:7.
ເຮົາໄດ້ຖືກໄຖ່ໂດຍໂລຫິດຂອງພຣະຄຣິດ, ຄືກັນກັບລູກແກະທີ່ປາດສະຈາກບ່ອນຕຳນິ, 1 ປຕ 1:18–19.